الموضوع: اكورد سي ار في والله مكسيما من ناحية مشاكل

الله يكون بعونك ياخوي

إذا جينا لأكثر واحد يكرف السيارات .. فـ أنا راح أكون من العشر الأوائل :d
أبحث في مواضيعي .. وشوف كم سيارتي ( 2008 ) ماشية .. والحمد لله بدون مشاكل كثير ..
فـ اللي حاب أقوله أنه لازم تحط في بالك أخوي :
أن السيارة اللي ما تحتاج تغيير فيها قطع إلى الآن ما صنعت .. لكن فيه سيارة كثيرة أعطال وسيارة قليلة أعطال ! وأفضل سيارة في فئتها من ناحية الجودة لعام 2010 هي الأكورد !
http://www.jdpower.com/autos/ratings/quality-ratings-by-category/midsize-car/
سيارتك حدث لها بعض العيوب ,,, خلاص نقول كل باقي الهوندات راح يحصلها نفس العيوب ؟؟
طبعاً لا ,, لأن ما فيه سيارات تخلو من العيوب المصنعية ,, وما فيه شخص يقدر يسلم من العين وهي بعض المرات من أسباب الاعطال .. ما راح أقولك روح وكالات نيسان ولا تويوتا ! لا روح لوكالات مرسيدس وبي أم ! بتلقى سيارات موديلات حديثة ومخبطة مو بس فيها أعطال بسيطة !
بخصوص الماكسيما . إذا أنت عاجبتك توكل على الله وخذها . بس قبل تأخذها . روح اسأل :
كم واحد أنعوجت عليه الجنوط وأشترى على حسابه الجنط الواحد بـ 2500 ريال . كم واحد خبط عليه قير السي في تي . كم واحد طالب بعض القطع وله أسابيع ما وصلت . كم واحد يعاني من عدم توفر فروع صيانة . كم واحد يعاني من صيانتهم سواء مواعيد أو مضمون صيانة أو أسعار مبالغ فيها ( أجل صيانة 40 ألف لألتيما بـ 2200 ريال !!! ))). كم واحد طفش من السيارة وباعها عشان قيرها الخايس اللي يسخن . كم واحد يعاني من أصوات داخلية في ديكور باب السائق . أكتب في قوقل هربدة نيسان وشوف كم صفحة تطلع لك !
تحياتي لك , وعسى الله يوفقك في بالموتر اللي يستمر معاك بدون أي مشاكل .