الموضوع: الجنسيس الجديد ..تغيير و تجميل

المشاركة الأصلية كتبت بواسطة accord f15

الحين الجنيسيس اللي بالصوره هل هي اقل فئه او كيف لأن اللي اعرفه ان اقل فئه الاستاندر تجي علامة هونداي والأعلى تجي العلامه الثانيه ذيك مدري وشهي المهم ان الكوري كوري والله لو يطلونه بالذهب ما اشتريه بريال قبل لا تدخلون العالم الكوري اسألوا شخص امتلك اي سياره من عندهم فوق اربع سنوات وشوفوا وش يقول لبيه يالاكورد كملتي سنه وشاريك مستعمله وما طلبتي الا كراسي مكينه وما بغيرك الا اذا حجت البقره على قرونها : )

أخوي انت خبرك قديم زي الشياب اللي يقول لك ياباني و بس

الآن الكوري تطور تطور كبير و بدأ ينافس الشركات اليابانية بل و يتفوق على بعضها

وعلى فكرة

اذا على الأكورد حقتك الله يعطيك خيرها يا رب

أنا معاي سوناتا 2007 كملت سنتين و أنا شاريها مستعملة

بس غيرت أقمشة فرامل من يوم ما شريتها إلى الآن و زيوت و دينمو القزاز حق السائق

حتى الدينمو شغال بس الترس اللي يدور خربان و ما حصلته لازم القطعة كاملة

و البواجي حتى كمان ما تفتفت علي ولا طفت بس أيامها كنت منغنغ شوي و قلت يلا غيرها


أما سيور و فلتر هواء و صفاية بنزين و عكوس و مساعدات و كراسي مكينة و....و..... إلخ

ما غيرتها و لله الحمد

فأتمنى يا أخوي لا تحكي من راسك إلا اذا جربت الكوري

صحيح زمان

كنا نعرف ان الأمريكي متفوق

لكن بعدها جاء الياباني سحب البساط من تحت الأمريكان

و الآن الكوري قادم و ربما يسحب البساط و يتفوق على الياباني

و بعده يمكن يجي الصيني و الهندي و يسحبوا البساط من تحت الكوري و الياباني و هكذا

و دوام الحال من المحال

و تطور الكوري بالعكس من صالحنا نحن المستهلكين

عشان يصير تنافس قوي في الأسعار و الواحد عنده تعدد الخيارات

إلا اذا انت تملك أسهم و نصيب من الشركات اليابانية فالحق معك

يعني الواحد أول اذا بيشتري سيارة سيدان

عنده

كامري - كورلا - أكورد - سيفيك - أفالون - ماكسيما - ألتيما - صني

لكن الآن

عنده زيادة خيارات

سوناتا - النترا - أوبتيما - أزيرا - أوبيروس - كادينزا - جينسيس

أيهما أفضل

أكيد لما يكون عندك خيارات متعددة

و نفس الكلام بالنسبة لسيارات الكروس اوفر

و أتمنى كلامي ما يزعل أحد