اي نوع كفر اشتري فزعه شباب

**ALR3D** · 26-09-2007, 06:30 PM

السلام عليكم وبعد
عندي صوت في السيارة وهي تمشي رحت الوكاله وركب معي الموظف وسمع الصوت ويقول من الكفر وودي اغير الكفر بس متردد في اي نوع اغيره وتكفون ابي مساعدتكم

متردد بين ميشلان و بيريلي

**ل م س 3 3 4** · 26-09-2007, 06:48 PM

شف ياعزيزي اذا كانت ميزانيتك حلوه ركب ميشلان نفس كفرات الوكاله الكفر الواحد اتذكر بحدود ال450 ريال (مع اني سمعت انه قاسيه شوي) ، انا عن نفسي انصحك تركب كفرات سوموتيمو يابانية مقاس (215\60\16) وزينتها انها لينه وهاديه على الشارع وعيون القطط وسعرها معقول جدا جدا الان سعرها بالضبط (230 ) ريـال؛ومن واقع تجربه ما انصحك بالدنلوب ،الدنلوب غير هادي على عيون القطط ابداَ

**B Useful** · 26-09-2007, 07:03 PM

اذا تبي قيادة فيدرالية .,,. قيادة رالي ورساوة غير طبيعية ,,,

انتظر لين يخش الشاويش B Unique ويعطيك السالفة

وانا عن نفسي ,, بنتظر السيارة تطلع من الورشة واركب نفس اللي عند الشاويش

**الهادف** · 26-09-2007, 07:45 PM

بالنسبة لي .. اذا بغيت كفرات سعرها حلو وفي المتناول وكذلك جودتها عالية فأنصحك أما بالتويو فئة البروكسي او بريدجستون فئة ترانازا ..

فيه نوعية بريدجستون اندرالين .. نوعية جديدة وولكن للأسف ما عندي معلومات عنها سوا انها نوعية عالية جداً في الثبات وتستخدم في السباقات .. للأسف ما ادري عن سعرها ..

**ابو مبارك** · 26-09-2007, 08:36 PM

احسن طريقة هي ان تقرر بنفسك لعدة اسباب
1/الميزانية
2/هل تحب السرعة
3/هل انت كثير السفر
4/هل تغيرها بأستمرار ام اذا دعت الحاجة
5/حسب جو المنطقة
6/وهناك امور كثيره تقررها بنفسك
ولاكن افضل الانواع هي يوكوهاما وميشلان وبيريلي وللمعلومية تختلف الصناعة حتى في النوع الواحد وكذلك السعر مثلاً بيريلي يصنع في فرنسا والصين وفي امريكا

**يامطنش** · 26-09-2007, 10:26 PM

يمكن تستغربون شوي لاكن انا مجرب مشلان وبرجستون دنلوب احس انها زي بعض يمكن فرق بسيط في العمر لكن بعد مرور ست شهور تبدا تنشف الكفرات من الحر وتسير زي بعض
تستمتع فيها اول فتره وهي جديده اذا مزنيتك حلوه ركب برلي او مشلان واذا على قدك هانكوك انا مركبه لها 9 شهور وحلو وسعرها الواحد 165 هانكوك ابتيمو اسمها حلوه مره وعمليه وقد سافرت عليها الجنوب والدمام كثير والحمدلله تمام الله يوفقك

**JUVENTUS** · 27-09-2007, 03:55 AM

أنا إنشاء الله بشتري فالكون..
مدوحوهـ كثير لي..
مقاس 16/55/215
لأن مواصفاته حلوهـ وأعجبتني..
النقشه والحرارهـ والسرعه..
وبسعر 250ريال للكفر الواحد..

وبصراحه لو ميزانيتي كويسه بشتري بيريلي

**ل م س 3 3 4** · 27-09-2007, 04:21 AM

المشاركة الأصلية كتبت بواسطة JUVENTUS

أنا إنشاء الله بشتري فالكون..

ياخي فيه احسن من فالكون خذ لك سوموتيمو وماراح تتحسف ان شاء الله وعلى فكره قيمته بـ230 وياباني

**ولد زهير** · 27-09-2007, 12:00 PM

سلام عليكم

بالنسبة لسعر الميشلان نفس تواير الوكالة .. فسعر الواحد 460 ريال صافية بعد الخصم . و الميشلان رهيب و يتحمل سررعة و حرارة و ما يشتكي و الحمد لله .. لكن انتبه تضرب في حفرة أو مطبة قاسية .. يتورم و يخرب عليك !! و عيبه أنه قااااسي مررة

البيريللي .. جربته على سيارة ثانية .. ماكسيما .. و بصراحة كنت أدوس عليه إلى 250 كلم / ساعة ، و أبداً ما اشتكيت منه لكن احرص أنك تشتري أصلي ألماني .. لأنه فيه منه صيني جودته رديئة .

يعطيك العافية

**B Useful** · 28-09-2007, 02:42 PM

المشاركة الأصلية كتبت بواسطة B Unique

السلام عليكم

جينا لعيونك يا ميدو

المهم

انصح خويك بالبريدجيستون لانه بصراحة كفر عملي وله مميزاته وانا ما امدح فيه الا عن تجربة
والبريدجيستون طبعاً فيه منه نوعين :

اذا كان يبي يتمتع بالنعومة والهدوء ولا تهمه النقشة كثير انصحه يركب النوع هذا

Turanza GR80

واذا كان يبي كفر يتميز بالهدوء النسبي ، الثبات العالي في اللفات والسرعات العالية وتهمه النقشة كثييييييييير انصحه بالنوع هذا .. لان نقشته بكل صراحة خيااااااااااااااااااااااااااااال وتحبه من اول نظرة !!

Potenza RE001 Adrenaline

بالنسبة للمقاس عندك المقاس هذا

215/55/16

اعرض واقل ارتفاع من مقاس الوكالة بشوي وهذا يعطي السيارة رساوة وثبات اكثر
والشكل جداً مناسب وحلو على الاكورد

;)

واذا ما خانتني الذاكرة اعتقد سعر الكفر الواحد 480 ريال

والنوعين بنفس السعر

بالنيابة عن B Unique

**B Unique** · 28-09-2007, 07:50 PM

المشاركة الأصلية كتبت بواسطة كوكو كورد

بالنيابة عن B Unique

ما قصرت يا كوكو
يعطيك الف عافية

وان شاء الله بأنزل موضوع خاص بكفرات البريدجيستون ادرينالين الجديدة
بس خلني امخمخ عليه شوي ..

;)

**ـبطرانـ2005ــ** · 28-09-2007, 03:03 PM

ميشلان يا حلووووووووووووووو

**ACCORD 764** · 28-09-2007, 08:06 PM

أنا مركب تويو بروكسي والصراحة كفرات من ناحية الهدوء والنعومة مرة ممتازة والمقاس إللي عندي 16/55/225 أعرض وأقل ارتفاع من حق الوكالة وأعطاني ثبات ورساوة وسعر الكفر الواحد 290 ريال ونقشته رياضية .

**ن ن م 415** · 29-09-2007, 12:44 AM

اهم شي الصوت ازعجني جدا في السيارة الكفرات هي دنلوب نقشة رياضية

**o-k-r** · 29-09-2007, 01:15 AM

انا اقول ميشلن احسن بكثير
وبس

**Accordi 2007** · 01-10-2007, 12:55 PM

يا جماعة البريجستون كويس بس عيبه يمسح بسرعة اسأل مجرب
انا مركبه من وكالتهم على الصالون وكفراتهم تلاقي معظمها مكتوب عليه ( traction B )

**__علاوي__** · 03-10-2007, 06:27 AM

اخوي انا توني مركب كفرات ميشلان نفس الوكاله والله مشالله تستحمل الحرارة والسرعة والكفرات الاولى كانت مركبه مدة سنتين وكان واحد من الكفرات فيهـ 5 مسامير وماشي زي العسل انصحك انك تركب نفس الوكالة انا مركبها وتاريخها 2007 بـ425

**Daniel alves** · 04-10-2007, 05:57 PM

و أنا أرشح كفرات تويو أو بيجستون

هي في رأيي المتواضع الأفضل

**ن ق د السعودية 1 0 0** · 04-10-2007, 07:30 PM

يا خوي أنا أنصحك بكفرات ميشلان وأنا مجربه

يكفي ان الوكاله مركبته في الفل كامل

والله يعينك إن شاء الله

**أبوعدنان** · 06-10-2007, 01:09 AM

والله يا أخوان انا كفراتي ميشلان الاربع حبلت والسيارة ماشية 45.000 كيلومتر

يوم رحت الشركة قلي مشرف الصيانة هذا عمر كفر ميشلان مابين 40 و 50 الف كيلومتر

**BLK** · 06-10-2007, 01:41 AM

صراحة حيرتونا شباب

احترت بين التويو ( السرعة و الغضب ) و البرجستون بنوعيه !!!!!!!!!

ناوي أركب برجستون بكرة لكن أنا الآن ترددت !!

أبي نوعية ناعمة و هادئة و أطول عمر مهما كان السعر !

لاحد يقول حق الوكالة المشلان كويس ، والله نوعية تعبانة خشونة و أنواع الأصوات المزعجة حتى واحد يقولي ما كأن السيارة 2005 :(

( ماشية 45 ألف بس ! )

**أبوعدنان** · 06-10-2007, 05:01 AM

كلامك عين العقل والله الميشلان بريال ما تسوى
قاسيه وكست السيارة والله سيارتي 2006 وتسمع اصوات في الطبلون

الظاهر الطبلون تفكفك

انا ان شاء الله راح اغيرها بعد العيد

ولكن والله مثلك محتار في النوع الظاهر بيرجستون والاجر على الله

**تونتي بيه** · 07-10-2007, 10:16 AM

يا عيوني أنا مجرب

بس بصراحة على كلام الأعضاء

يا أنك من مشتري يا أنك بتشتري كل الأنواع وتخسر 10000 ريال الظاهر

لكن نصيحتي مالك إلا ميشلان

و إلا ركب بيرلي وريح نفسك بس نقشه رسمية لأن السبورت تتطلع صوت وما تصلح ع الهوندا

وخذ مقاس 215/16/60

تشكراتي ويو ويو وي وي