الله يعطيك العافيه كان ودي اغير كفراتي ذا المخيسه
فالكون والله واقتنعت بالكفرات الي انت عارضها لاني كنت محتار
تسلم ياقلبي وماقصرت
تقبل مروووووووووووووووووري
الله يعطيك العافيه كان ودي اغير كفراتي ذا المخيسه
فالكون والله واقتنعت بالكفرات الي انت عارضها لاني كنت محتار
تسلم ياقلبي وماقصرت
تقبل مروووووووووووووووووري
أول شيء أشكر أخوي محمد على موضوعه هذا إلي فيه فايدة لشباب المنتدى وإلي من خلاله نتعرف على نوعية ممتازة وهادية إلى هي أحسن من الميشلان حق الوكالة إلي كله صوت وإزعاج ومن هذا المنطلق سوف أخوض تجربة مع هذه الكفرات وسوف أطرح رائيي بعد تركيبها إنشاء الله عما قريب .....وعلى هذا المنطلق زرت اليوم فرع مؤسسة الطلائع إلى هي وكيل برجستون في بريدة وسعرت الكفرات عندهم وكان فيه خصم بداية من هذا الشهر ولا أعلم مدة نهاية هذا العرض والعرض يشمل جميع كفرات برجستون وسألت عن التورنزا والبوتنزا مقاس 16/55/215
وسعر التورنزا مع الترصيص والتركيب / 1986 ريال
وسعر البوتنزا مع الترصيص والتركيب / 1966 ريال
وهذه الأسعار لان عليها عرض فا إلي نوي يلحق على هذا العرض وإنا سوف أخوض التجربة مع التورنزا لانه نصحني فيها لانها هادية ومريحة وهذا هو المطلوب .........
أحد يفيدنا كم سعر الأدرينالين للأكورد 2008 جنط 17؟ ووين نحصله بالدمام أو الخبر أو الأحساء؟ وبالنسبه للمقاس هل مقاس الوكاله متوفر .. (225/50/17)؟
وبس .. وشوووكرن
والله شكلها كفرات ممتازة
^^ الميشلان اللي على الاكورد فرنسي اصلي ^^
الكامري يجي عليها تويو ولا برجستون
والمقاس المناسب 205/60/16
او 215 / 55 16
..
....
السلام عليكم ورحمة الله
انا سيارتي اكورد 2003 اقل نوع ولا ادري كم الجنط او مقاسة
سوألي / هل نوع كفرات الأدرينالين تركب على سيارتي ..
سوألي الثاني / هل فية نوع بنفس الجودة او مقارب له وتنصحوني فية بالنسبة لسيارتي يكون ارخص من الأدرينالين
شاكر لكم ومقدر ..
السلام عليكم ورحمة وبركاته
اولاً احب اعتذر للجميع عن التأخير والتقصير في متابعة الموضوع
واشكر كل من تفضل علينا وافادنا بمشاركته .. بيض الله وجيهكم يا شباب
مقاس الوكالة اللي ذكرته متوفر وسعره غالي شوي بحدود 900 ريال
ان شاء الله تحصله في كل فروع مؤسسة الطلائع
قائمة الفروع (اضغط على الصورة) :
ان شاء الله يكون المسافر افادك برده من ناحية المقاس
بس انا شخصياً افضل الـ 215/55/16 (للاسباب اللي ذكرتها في ردودي على الاعضاء)
اسعار المقاس هذا تتراوح ما بين 480 و 530 ريال حسب العروض اللي تقدمها المؤسسة كل فترة
وان شاء الله يكون العرض اللي تكلم عنه عبدالله ما زال موجود :
وعليكم السلام ورحمة الله وبركاته
مقاس الجنط في سيارتك 15 ومقاس كفرات الوكالة 205/65/15
اجوبة اسئلتك :
1. اذا تبي الادرينالين يبيلك تغير الجنوط بمقاس اكبر لان مو متوفر للـ 15 الا مقاس واحد قريب من مقاس الوكالة 205/55/15 وللاسف حجمه صغير وماهو مناسب لسيارتك
2. حسب تجربتي لليوكوهاما على مازدا 3 كنت مستأجرها فترة 3 شهور والله اشوفه كفر ممتاز من ناحية الهدوء والثبات . صحيح جودته ما توصل لمستوى الادرينالين بس اشوفه خيار جيد وبسعر معقول ..
.
.
.
^^ جنط سيارتك حديد ^^
يعني مقاسة 15
بوتنزا اقل مقاس نزولة 16 <<<< يعني ركب جنوط وركب هالمقاس 215 - 55 - 16
او ،، ركب النوع الثاني الهادئ ،،، تورنزا على نفس جنوطك الحديد يطلع عليك بحدود 1300 ريال !! اظن بيصير المقاس عندك 205 - 65 - 15
B Unique
بارك الله فيك وما قصرت
شباب
الله يرحم والديكم
ابــــي حــــل
انا سيارتي اكورد موديل 2001
جنوط 15_65_205
انا حالين مركب مشلان صناعه ايطالي
انواع الازعاج
يمكن البعض يقولي ركب برجستون (بوتنزا ) اقوله النوع هذا ما يركب على سيارتي
...............
ابي اهم شي الثبات و النعومة و الصوت
جربت و ركبت قبل سنه نوع من الدنلوب نفس المقاس اللي ذكرته
حلوووو مره بس مشكلته الثبات مثل: وانا امشي 70 واهز هزة بسيطة بالدركسون احس بعد ثواني تهز السيارة من الخلف يعني كأنك تسوق ( سفينه )
وشرايكم وش الحل
؟؟؟؟
^^ جرب التورانزا GR 80 ^^
* سوري ع الخطمه محمد :d
..
....
صراحه يا اخوان جربت الكفرات مره سيئه الكفرات كل شوي وطلعت في ورمات او فلعات كل واحد والي يسميها انا مشيت عليها 8 شهور حول ال 45 الف كيلو والكفرات تواكلت وصارت تتواكل من الجنب انا توقعت انه ميزان الاذرعه وديتها مليون مره الميزان سليم ميه في الميه
بصراحه الاكورد ماينفع عليها غير الميشلان بالذات لراعي الخطوط والمشواير وفوق كل هذا شباب كثر رواعي خطوط جربو كفرات كثيره منها الفيدرال والتويو والدانلوب والهانكوك والسوموتومو كلها ولا بريال مالك الا الميشلان وبس ولا يتغير لو تسوي فيه الي تسوي صحيح انه قاسي وصوته مزعج لكن كفايه تمشي الخط وانت متطمن
وما انكر ثبات الادرينالين اثبت من الميشلان لكنها ماتعمر ابدا ولا ربع عمر الميشلان
وهالكلام عن تجربه
اتمنى تقبلون تجربتي واي استفسار عن الادرينالين او الميشلان انا حاضر
تحياتي للجميع
^^^
تجربتك ورايك الشخصي وكلنا نحترمها .. انا ما اقول ان الادرينالين عمره يفوق عمر الميشلان بس ما يزال افضل كفر استخدمته حتى اللحين ومالي نيه اغيره حتى يخترعون افضل منه . مشكلتك والله اعلم انك ما حافظت على التدوير كل 10 او 15 الف كيلو . نفس المشكلة هذي مرت علي بس ما انتبهت لها الا بعد ما تمسحت الكفرات الامامية واضطريت اغيرها قبل وقتها << اتوقع هذا اللي صار معك . التدوير مهم ومو بس للميشلان والبريجستون الا لكل الكفرات بأنواعها . واتوقع لو كلنا حافظنا على التدوير كان محد اشتكى من ازعاج الميشلان . بس ارجع واقول الميشلان مايزال اقسى من غيره وصوته عالي مقارنة بكل الفكرات !!
.
.
.
الف شكر لك اخوي B Unique على ردك الراقي
واقول لك انا من الاشخاص الي اهتم بقياس ضغط الكفر وغيره والتدوير لازم ادورهم كل 10 الاف
وكلامك صح الميشلان اقسى كفر بس صراحه كعمر ماشاء الله مايتغير لو تسوي فيه الي تسوي
ومثل ماقلت لك ما انكر ثبات الادرينالين ثباته بكل صراحه اثبت كفر استخدمته بس يعيبه العمر عمره مره قصير للي يضربون خطوط كثر وسعره مره غالي
اتمنى تقبل ردي
تحياتي لك
السلام عليكم ورجمة الله وبركاته
الاخ محمد
يعطياك العافية على التقرير الجميل والذي يسهم كثيرا للقارئ لاتخاذ القرار عن اقتناع ....
ويوجد لدي استفسار !!!
ماذا بشان البرادو هل ينفع له ؟ هل يعطي نفس الميز المذكورة ؟ وكم السعر تقريبا ؟
وشكرا
دمتم بخير جميعا .
مشكووووووووووور والله يعطيك العافيه على هالمجهووووود
ناوي اركبهم ان شاء الله, من زمان وهن خاشات براسي.
وبالمناسبه اعجبتنيوهذي اللي يخلي 70% منهم معهم سيارات تويوتا وجوالات نوكيا
شكرا لك
الا الله يوفقك وتقطع كفراتك بالعاااااااافيه بعد 10 سنوات وتخفيض 5 سنوات :p
يعطيك الف عافيه عالمجهود الجبار دا
الان بعد مرور سنتين على تركيبك للكفرات
ايش هوا انطباعك الكامل عنها
هل فيها صوت مزعج زي الميشلان
هل قلت كفائتها وثباتها
شكرا
الصراحه لم أجرب البوتنزا أدرينالين >>> الصراحه غاليه مرررره وبرضو عمره قصير :(
أشكر أخوي اللي وضح أنه عمره قصير
حنا نتشاور ونستفيد وهذي ميزة المنتدى الله يخليه :d
وأرجو الأمانه والصراحه
مو نسوي دعايه >>> لا أقصد أحد
واللي يبي كفرات كويسه ورخيصه الهانكوك وبرضو تتحمل
علما أن الهانكوك: النوع اللي شريته
معامل التحكم A (المناسب والأفضل)
معامل الحراره A (الأفضل لأجواء المملكه)
معامل مقاومة الاهتراء 360 (هذا الرقم مهم)
تاريخ الصنع 2009 (جديد التاريخ)
أرقام ممتازه وأمان ممتاز
صناعته كوريه
بتاريخ 2009ربع - 2008 نص
انا قبل كنت مركب سوموتومو HTR4 اللي يعرفه واعرض من البلد المقاس 215/60 R 16 94 H
كانت منتهيه شوي يوم شريت السياره وصبرت وحللت والدينهن << الين صارت في الكفرات أنواع الشقوق ومورمات ومحبلات وكنت اذا وصلت 120 يرج الدركسون رج يتحرك يمين ويسار
من قوة التآكل
كانت الكفرات الخلفيه 2007 والأماميه 2008
وفيها شقوق مع الجوانب بس مو قويه مره
وتآكل قوي بمداس الكفرات (النقشه)
2009
ثم ركبت هانكوك رائع صراحه واعرف واحد مركبه له تقريبا سنه وماترج السياره ولا شي
وبسعر جدا معقول ومناسب ونقشه حلوه
وثبات وراحه ما يقارن بالمنعدم
انا ان شاء راح استمر عليه ممتاز نشوف آخرتها معه الصراحه كفراتي الهانكوك توها جديده
طبعا على حسب النوع يختلف الأداء مو كل الهانكوك واحد أنواع
والأفضل تآخذ اي كفرات من وكيلها
بعدين صراحه بريجستون لو تخفض اسعارها >> كان أفضل .. لاياشيخ
وانا كنت متحمس ابركبهن قبل أركب الهانكوك (أول ما وضع الموضوع بالمنتدى) بس تفآجأت أنه غاليه مرررره
ولو كل فتره وفتره أبغير ب 2000 طلعت قيمة سياره >>> من القهر
الكفرات الثانيه تتراوح بين 1000 ريال و 1500 ريال طبعا حسب المقاس واللي تشتري منه
أنا ما أقول البوتنزا مو كويسه لا أقول غاليه مرررره
نقطه أخرى : أرجو التقسيم بالنصح
نوع : مقاومات وسرعه عاليه ومنعطفات حاده (قد يكون لا يهم العمر والسعر)
نوع : ممتاز وعمره غير قصير ومو شرط كفرات سباق ويلبي الإستخدام وثباته جدا ممتاز (يهم العمر والسعر والثبات)
نوع : على قد حاله , عمر غير قصير وجيد وثابت (جيد ومقبول بشكل عام)
اقتراح لا أكثر
والصراحه جهد يشكر عليه كاتب الموضوع الله يعافيه وتقرير رائع جدا
وان شاء الله ما يحرمنا من مواضيعه
هذا رأيي ووجهة نظري
همسه : >>>لا ياشيخ :d
كل واحد له وجهة نظر وهذا لا يسبب الاختلاف والنزاع والمجرب أبخص
التعديل الأخير تم بواسطة THE SILVER ACCORD ; 25-07-2009 الساعة 03:47 PM
على فكرة اخواني
في البحرين قبل يومين سألت عن هذه النوعة من الاطارات
مقاساها 205/55 R16
طبعا سعرها بدون تخفيض 52 دينار = 520 ريال
وبعد التخفيض عطاني سعر حلو لاني عميل معاها ب 475 ريال
هل السعر ممتاز مقارنة بالسعودية او لا :d
مواقع النشر (المفضلة)