بردجستون .. (تورنزا × بوتنزا )

**AliAhmed** · 18-07-2009, 07:30 PM

السلام عليكم
بعد ما استكفيت من طرب الميشلان .. قررت أخرسهم وأركب بردجستون..
زرت وكالة الطلائع .. وسألت عن كفرات البوتنزا والتورنزا مقاس 16-55-215 (بعد عملية البحث لقيت الشباب كلهم ينصحون بهذا المقاس)
سعر الكفر 505 ريال سعودي فقط لاغير.
أنا عارف ان كفرات البوتنزا .. رياضية وحق سواقة رالي :d:d
وكفرات التورنزا (الكفر الصامت) للهدوء والركادة

وانا امسك خطوط كثير وعلى سرعات شبه عالية 150-160

أنا ودي اركب التورنزا عشان الهدوء بس خايف يقل الثبات .. وودي اركب البوتنزا عشان الثبات بس خايف يرجع علي صوت الطرب الاصيل ؟

فـ من نصائحكم وتجاربكم .. اي الكفرين أختار ؟
وكيف الليونة في المطبات والحفر بالنسبة للكفرين؟
وهل يحتاج أسوي ميزان اذرعة بعد تبديل الكفرات ؟؟ وكم سعره؟

وشكرا

**Accord07** · 18-07-2009, 07:41 PM

والله شوف انا مجرب التورنزا بصراااحه جداً هااااااااااااادئه بس مافي اي ثبات في المنعطفااات يعني بصراحه اذا انت فيك شوي جنان ماتصلحلك البوتنزا لأني انا ندمت اني ركبتها وفي نفس الوقت ممتازه للسرعات العاليه في الطرق اللي مافيها منحنيات ولاشي

**AliAhmed** · 18-07-2009, 07:55 PM

المشاركة الأصلية كتبت بواسطة accord07

والله شوف انا مجرب التورنزا بصراااحه جداً هااااااااااااادئه بس مافي اي ثبات في المنعطفااات يعني بصراحه اذا انت فيك شوي جنان ماتصلحلك البوتنزا لأني انا ندمت اني ركبتها وفي نفس الوقت ممتازه للسرعات العاليه في الطرق اللي مافيها منحنيات ولاشي

البوتنزا = التورنزا

مشكور على طرحك لتجربتك .. وانتظر اراء الشباب

**الـمـسـافـر** · 18-07-2009, 08:19 PM

التورانزا لا يعلى عليه بالهدوء والراحه

حتى التماسك جيد جدا مقارنه بالميشلان الاصلي (ثبات الميشلان مماز )
توكل على الله وركبها

**fouade** · 18-07-2009, 08:22 PM

يالحبيب
انا سيارتي أكورد 2008 سبشل
لما استلمتها والى الان عليها كفر بريدجستون تورانزا gr 370
والله ما يسوى ريااال
انا ماشي عليه 30000 وانتظر عشان ينمسح عشان بأغير لل TOYO أحسن كفر نااعم

والله العظيم مافيه مطب ولا حجر ولا اي شيء في الشارع وتمر عليه بالكفر الا تسمع كفر خشن للأخر
ورحت للوكالة واشتكيت من الكفر قالوا الأكورد 2008 في البداية كلها ولما كثرت الشكاوي قلبوا على ميشلان
عشان كذا الوكالة كل كفرها الحين ميشلان

خليك مع TOYO

وودي اسمع تجارب الشباب لل TOYO وكم قيمته

مقاس كفراتي 215 - 60 - 16 R

**k363k** · 18-07-2009, 09:09 PM

انا قبل 3 ايام ركبت برجستون تورنزا . وبصراحه اول مره اغير عن المشيلان
الكفرات ممتازة من ناحيت الصوت انسسسسا و المطبات اعطيها 80% طبعاً افضل من المشيلان و الرساوة في المنعطفات اعطيها 75%
.........
المشيلان يتفوق بس بالمنعطفات و الرساوة و اعطية 85%
الصوت و المطبات 60%

**الـمـسـافـر** · 18-07-2009, 11:58 PM

فيه فرق بين التورنزا gr-80 و الـ gr-370

**م ج رد حلم** · 19-07-2009, 12:20 AM

عندنا اكورد م96 ومركبين لها تورانزا جي ار 80

ومن احسن مايكوون السيارة جدا هادئه ماشاء الله تبارك الله بس مدري كيف وضعها في المنعطفاات لاني ماقد جربتها

**AliAhmed** · 19-07-2009, 12:55 AM

يعطيكم العافية شباب على الردود..
وانا راعي سرعة في المنعطفات .. أحس البوتنزا احسن لي .. ((كفرات الميشلان في المنعطفات احسها تعبانة)) !!!!

بانتظار تجارب الشباب مع البوتنزا .. وخصوصا مع الصوت !!!!

**المباشر** · 19-07-2009, 05:17 PM

وعليكم السلام ورحمة الله وبركاتة

حي الله السمي ( علي ) :d

والله ماودي أتفلسف عن شي ماجربته لكن من ناحيتي ان شاء الله التركيب الجاي للتواير هو بريجستون GR80 حسب نصائح الكثير من اللي مركبينه هنا بالنادي الله يعطيهم العافية

سمعت مره معلومة صغنطوطه ان البوتنزا فيه صوت خفيف ولكن مادري عن هالمعلومة ومافي أحد يفيدك الا اللي مركب النوع ومجرب ومنهم B Unique- كوكو كورد

وعلى العموم الأفضل أنك تسوي ميزان عند الطلائع بعد التركيب

**AliAhmed** · 19-07-2009, 06:16 PM

يسلمووو على الرد يالسمي

وأنا هذا الي مخوفني من البوتنزا .. الصوت...

بانتظاركم يامجربين البوتنزا..

**AliAhmed** · 20-07-2009, 03:11 PM

وينكم يامجربين البوتنزا..

قوقلت بوتنزا .. وجلست اقرا .. لقيت ناس كثيير يشتكون من البوتنزا ((مايدوم-بعد الاستخدام يطلع صوت - خشششن على المطبات))!!!!

**الهادف** · 21-07-2009, 09:36 AM

كفرات بوتنزا ادرنالين هادئة نوعاً ما واكثر هدوئاً من التويو اما صوت عيون القطط فمقبول

الثبات عالي جداً وتماسك كبير مع المنعطفات

الكفر هادئ عموماً في الأحياء وفي الخطوط السريعة ولكنه ليس اهدئ من التورنزا

**AliAhmed** · 21-07-2009, 12:16 PM

يعطيك العافية أخوي الهادف..

طمنتي شوي ..

هنا الموضوع تضحية شي على شي

(صوت هادئ مع ثبات قليل أو ثبات عالي مع صوت قليل )

**اول محب للاكورد** · 21-07-2009, 02:50 PM

اخوي تبي نصيحتى انا مجربها
والله اني ماخذ كفر نوعية ناتو يابني الصنع والجودة 100%

وسعرة 320 ريال

تقول رخيص اكيد ماهو قد كذا
هذا كلامي قبل لا اجربة

لالا لا صوت وثبات ممتاز جدا

واسأل الي مجربين الكفر
وسبب سعرة الرخيص هو العلامة التجاريه غير مشهور زي برجستون ولا مشلان

**Mo3az** · 21-07-2009, 04:48 PM

المشاركة الأصلية كتبت بواسطة AliAhmed

((كفرات الميشلان في المنعطفات احسها تعبانة)) !!!!

المشاركة الأصلية كتبت بواسطة AliAhmed

لا !! اسمحلي ..معليييييييييه ..
الا المشلان محد يتكلم عليه في الثبات .. انت بتتكلم عن شركة من الشركات الي لها تاريخ في صناعة الكفرات ..
استغرب من بعض الناس .. الي يزعجه الصوت وما يفكر بالثبات ع الطريق ..

**AliAhmed** · 21-07-2009, 07:08 PM

المشاركة الأصلية كتبت بواسطة اول محب للاكورد

اخوي تبي نصيحتى انا مجربها
والله اني ماخذ كفر نوعية ناتو يابني الصنع والجودة 100%

وسعرة 320 ريال

تقول رخيص اكيد ماهو قد كذا
هذا كلامي قبل لا اجربة

لالا لا صوت وثبات ممتاز جدا

واسأل الي مجربين الكفر
وسبب سعرة الرخيص هو العلامة التجاريه غير مشهور زي برجستون ولا مشلان

طيب تضمنه لي يتحمل سرعات عالية !!!! وسفر طويل !!

**AliAhmed** · 21-07-2009, 07:09 PM

المشاركة الأصلية كتبت بواسطة Mo3az

لا !! اسمحلي ..معليييييييييه ..
الا المشلان محد يتكلم عليه في الثبات .. انت بتتكلم عن شركة من الشركات الي لها تاريخ في صناعة الكفرات ..
استغرب من بعض الناس .. الي يزعجه الصوت وما يفكر بالثبات ع الطريق ..

:dالانسان طماع ...دائما يطمح للأعلى ..

**خط النار** · 21-07-2009, 10:21 PM

الى الحين ماطلعنا بنتيجه من افضل كفر اللي يقول برجستون واللي يقول ووووووووووووو
كفر معدوم الثبات فيه انا وش ابي فيه مثل تورانزا
وكفر ام الطرب والسوامري تسمع وانت داخل سيارتك حتى يفشلك لو احد ركب معاك ويدري ان سيارتك جديده مثل الميشلان
والله ابتلشنا وبس الى الحين مانعرف وش نغير
كل واحد فينا يغير اللي يعجبه لكن ودنا بعد نستفيد من الناس اللي جربوا؟؟؟؟؟؟؟؟

**dhsv2** · 22-07-2009, 12:01 PM

المشاركة الأصلية كتبت بواسطة خط النار

الى الحين ماطلعنا بنتيجه من افضل كفر اللي يقول برجستون واللي يقول ووووووووووووو
كفر معدوم الثبات فيه انا وش ابي فيه مثل تورانزا
وكفر ام الطرب والسوامري تسمع وانت داخل سيارتك حتى يفشلك لو احد ركب معاك ويدري ان سيارتك جديده مثل الميشلان
والله ابتلشنا وبس الى الحين مانعرف وش نغير
كل واحد فينا يغير اللي يعجبه لكن ودنا بعد نستفيد من الناس اللي جربوا؟؟؟؟؟؟؟؟

الخط النار شوو مستحيل يتفقون الجماعة على نوع من انواع الكفرااااات ولا في الحلم

تخيلي الجماعة كللللللللللللللللللللللللللهم مركبة برجستووون:d :p :d
ههههههههههههههههه

مستحييييييييييل كان كل السركات تغلق بالسعودية

**lovar_bandar** · 22-07-2009, 02:15 PM

السلام عيكم ابي استفسار ايش الفرق بينبوتنزا وتورنزا ممكن احد يفدني علشاني اغير المشيلان هبلتني فككت سيارتي وشكراً

**accordyon** · 23-07-2009, 02:22 AM

انا مركب تورنزا من 3 ايام ناعم وهادء هذا شي مفروغ منه
الحين مشكلت اكثر الناس تعودت على ثبات الميشلان وتبي كفرات
كامله يعني الأكثريه يبـي كفر مافي صوت وثابت
النضريه شتقول:كل ماصار الكفر قاسي كل مازاد الثبات=صوت مزعج
وكل ماصار الكفر ناعم كل ماقل الثبات بس تفرق من شركه لشركه
يعني شركه لها سمعتا وجودتها وتاريخ عريق مثل البرجستون معقوله تصنع
كفرات مافيها ثبات معناها مافيها أمان وهذا مستحيل من شركه كبيره مثل
البرجستون.
نرجع لتجربتي مع تورنزا اول ماسقت السياره بالتورنزا بعد 120 السياره تلعب
تحسها تروح يمين يسار قلت يمكن انها توها جديده اليوم الي بعده نفس الشي
حسيت الوضع مو طبيعي مرت بنشر وخذت الساعه حق وزن الهوا واشيك
الأ مخلي هواهم 40

ونزل الهوا تحت30 بشرطتين وطلع اجرب مشيت 180 قمه الثبات والمنعطفات نفس الدخلات بالميشلان سويتها مافرق شي معي
مقاس الكفرات الي مركبهم 215\60\16 اعرض من حق الوكاله بشوي
ونفس الأرتفاع

**B Unique** · 23-07-2009, 04:56 AM

اخوي علي

شكلك تبي البوتنزا ادرينالين بس للحين ما لقيت من يقنعك به

عالعموم اكيد انك قد قريت تجربتي بس بأعيدها لك واقول والله افضل كفر استخدمته من ناحية الثبات والاداء الرياضي في المنعطفات والفرملة والسرعات العالية . هدوءه بالنسبة للكفرات الرياضية ممتاز جداً ولا يطلع اصوات بايخة بعد فترة من الاستخدام مثل الميشلان . عيبه الوحيد هو مثل ما تفضلت قصر عمره مقارنة بالميشلان بس تقدر تتفادى المشكلة هذي بوزن الاذرعة بعد التركيب والمحافظة على التدوير كل 10 آلاف كيلو .

انا من الناس اللي ياكل الكفر اكل من كثر ما امسك عليها خطوط وعلى سيارتي الحالية قد ركبت طقمين من الادرينالين . اقصى مسافة مشيت عليها كانت حول 60 الف كيلو وبالنسبة لسواقتي الصراحة اشوف المسافة معقولة جداً . اذا جيت تحسب عمر الكفرات لا تحسبه بالمدة لان احتمال يكون ممشاك كثير وتتحطم اذا لقيتها خلصت عليك خلال سنة او اقل . انا شخصياً من كثر سفرياتي لازم اغير الكفرات كل 8 او 10 شهور لاني خلال الفترة هذي امشي ما بين 60 و80 الف كيلو . الاحظ بعض الناس يقولون والله الكفر اللي استخدمه ما شاء الله ممتاز وعمره طويل وله معي حول سنتين او ثلاث سنين ما غيرته وفوق هذا باقي فيه نص عمر . ولو تجي في الحقيقة بتلاحظ انه ما يسافر في السنة الا مرة او مرتين ومعدل ممشاه ما يتعدى 20 الف كيلو وغير كذا سواقته سواقة شيبان واذا تهور واسرع مشى 180 !!

التورانزا GR-80 جربته على الاكورد الاولى وكان ممتاز جداً من ناحية الهدوء واداءه لا بأس فيه بس الصراحة بعد ما جربت الادرينالين اكتشفت ان ما فيه كفر يناسب سواقتي ويرضي غروري الا هو

**AliAhmed** · 23-07-2009, 05:18 AM

يعطيكم العافية على الردود وماقصرتو ..

ويا أخوي بي يونيك :d أنا مثلك قالب الشوارع رالي .. :d
وفهمت عليك بنقطة الممشى والوقت..

بإذن الله راح أوزن الاذرعة وأتوكل على الله وأركب البوتنزا ..

لي رجعة بعد التركيب ورجعة بعد مشي 60 الف كيلو :d