الموضوع: كفرات بوتنزا ادرينالين الرياضية من بريجستون

^^ الميشلان اللي على الاكورد فرنسي اصلي ^^
الكامري يجي عليها تويو ولا برجستون

والمقاس المناسب 205/60/16
او 215 / 55 16

^^ جنط سيارتك حديد ^^
يعني مقاسة 15
بوتنزا اقل مقاس نزولة 16 <<<< يعني ركب جنوط وركب هالمقاس 215 - 55 - 16

او ،، ركب النوع الثاني الهادئ ،،، تورنزا على نفس جنوطك الحديد يطلع عليك بحدود 1300 ريال !! اظن بيصير المقاس عندك 205 - 65 - 15

السلام عليكم ورحمة وبركاته

اولاً احب اعتذر للجميع عن التأخير والتقصير في متابعة الموضوع
واشكر كل من تفضل علينا وافادنا بمشاركته .. بيض الله وجيهكم يا شباب

المشاركة الأصلية كتبت بواسطة aL_aSeeR

أحد يفيدنا كم سعر الأدرينالين للأكورد 2008 جنط 17؟ ووين نحصله بالدمام أو الخبر أو الأحساء؟ وبالنسبه للمقاس هل مقاس الوكاله متوفر .. (225/50/17)؟

وبس .. وشوووكرن

مقاس الوكالة اللي ذكرته متوفر وسعره غالي شوي بحدود 900 ريال
ان شاء الله تحصله في كل فروع مؤسسة الطلائع

قائمة الفروع (اضغط على الصورة) :

المشاركة الأصلية كتبت بواسطة jgjC

موضوع فلله

طيب يالغالي انا اشتريت جنوط 16 ماهيب اصليه

كمم المقاس الي اركب عليها

وكم سعرها

ان شاء الله يكون المسافر افادك برده من ناحية المقاس
بس انا شخصياً افضل الـ 215/55/16 (للاسباب اللي ذكرتها في ردودي على الاعضاء)

اسعار المقاس هذا تتراوح ما بين 480 و 530 ريال حسب العروض اللي تقدمها المؤسسة كل فترة
وان شاء الله يكون العرض اللي تكلم عنه عبدالله ما زال موجود :

المشاركة الأصلية كتبت بواسطة ن ع ر السعودية 0005

أول شيء أشكر أخوي محمد على موضوعه هذا إلي فيه فايدة لشباب المنتدى وإلي من خلاله نتعرف على نوعية ممتازة وهادية إلى هي أحسن من الميشلان حق الوكالة إلي كله صوت وإزعاج ومن هذا المنطلق سوف أخوض تجربة مع هذه الكفرات وسوف أطرح رائيي بعد تركيبها إنشاء الله عما قريب .....وعلى هذا المنطلق زرت اليوم فرع مؤسسة الطلائع إلى هي وكيل برجستون في بريدة وسعرت الكفرات عندهم وكان فيه خصم بداية من هذا الشهر ولا أعلم مدة نهاية هذا العرض والعرض يشمل جميع كفرات برجستون وسألت عن التورنزا والبوتنزا مقاس 16/55/215

وسعر التورنزا مع الترصيص والتركيب / 1986 ريال
وسعر البوتنزا مع الترصيص والتركيب / 1966 ريال
وهذه الأسعار لان عليها عرض فا إلي نوي يلحق على هذا العرض وإنا سوف أخوض التجربة مع التورنزا لانه نصحني فيها لانها هادية ومريحة وهذا هو المطلوب .........

المشاركة الأصلية كتبت بواسطة الزعيم 666

السلام عليكم ورحمة الله

انا سيارتي اكورد 2003 اقل نوع ولا ادري كم الجنط او مقاسة

سوألي / هل نوع كفرات الأدرينالين تركب على سيارتي ..

سوألي الثاني / هل فية نوع بنفس الجودة او مقارب له وتنصحوني فية بالنسبة لسيارتي يكون ارخص من الأدرينالين

شاكر لكم ومقدر ..

وعليكم السلام ورحمة الله وبركاته

مقاس الجنط في سيارتك 15 ومقاس كفرات الوكالة 205/65/15

اجوبة اسئلتك :

1. اذا تبي الادرينالين يبيلك تغير الجنوط بمقاس اكبر لان مو متوفر للـ 15 الا مقاس واحد قريب من مقاس الوكالة 205/55/15 وللاسف حجمه صغير وماهو مناسب لسيارتك

2. حسب تجربتي لليوكوهاما على مازدا 3 كنت مستأجرها فترة 3 شهور والله اشوفه كفر ممتاز من ناحية الهدوء والثبات . صحيح جودته ما توصل لمستوى الادرينالين بس اشوفه خيار جيد وبسعر معقول ..

^^ جرب التورانزا GR 80 ^^

* سوري ع الخطمه محمد :d

انا مجرب التورنزا

انصحك فيها

موتري اكورد 2002

المشاركة الأصلية كتبت بواسطة محمد بن عبد العزيز

انا مجرب التورنزا

انصحك فيها

موتري اكورد 2002

شكراً على مرورك

بس ياليت تقولي كم المقاس اللي انت مركبه ؟ وهل هو لين او قاسي ؟

^^^

تجربتك ورايك الشخصي وكلنا نحترمها .. انا ما اقول ان الادرينالين عمره يفوق عمر الميشلان بس ما يزال افضل كفر استخدمته حتى اللحين ومالي نيه اغيره حتى يخترعون افضل منه . مشكلتك والله اعلم انك ما حافظت على التدوير كل 10 او 15 الف كيلو . نفس المشكلة هذي مرت علي بس ما انتبهت لها الا بعد ما تمسحت الكفرات الامامية واضطريت اغيرها قبل وقتها << اتوقع هذا اللي صار معك . التدوير مهم ومو بس للميشلان والبريجستون الا لكل الكفرات بأنواعها . واتوقع لو كلنا حافظنا على التدوير كان محد اشتكى من ازعاج الميشلان . بس ارجع واقول الميشلان مايزال اقسى من غيره وصوته عالي مقارنة بكل الفكرات !!

المشاركة الأصلية كتبت بواسطة aabb

السلام عليكم ورجمة الله وبركاته
الاخ محمد
يعطياك العافية على التقرير الجميل والذي يسهم كثيرا للقارئ لاتخاذ القرار عن اقتناع ....
ويوجد لدي استفسار !!!
ماذا بشان البرادو هل ينفع له ؟ هل يعطي نفس الميز المذكورة ؟ وكم السعر تقريبا ؟
وشكرا
دمتم بخير جميعا .

وعليكم السلام ورحمة الله وبركاته

اشكرك على الاطراء يالغالي وسامحنا على التأخير طال عمرك

الادرينالين للاسف ما يناسب سيارتك لانه مخصص للسيدان والكوبيه
اعلى ارتفاع متوفر منه هو 55 والمقاس هذا يعتبر صغير جداً على سيارات الدفع الرباعي والـ suv

الصراحه لم أجرب البوتنزا أدرينالين >>> الصراحه غاليه مرررره وبرضو عمره قصير :(
أشكر أخوي اللي وضح أنه عمره قصير
حنا نتشاور ونستفيد وهذي ميزة المنتدى الله يخليه :d
وأرجو الأمانه والصراحه
مو نسوي دعايه >>> لا أقصد أحد

واللي يبي كفرات كويسه ورخيصه الهانكوك وبرضو تتحمل
علما أن الهانكوك: النوع اللي شريته
معامل التحكم A (المناسب والأفضل)
معامل الحراره A (الأفضل لأجواء المملكه)
معامل مقاومة الاهتراء 360 (هذا الرقم مهم)
تاريخ الصنع 2009 (جديد التاريخ)
أرقام ممتازه وأمان ممتاز
صناعته كوريه

بتاريخ 2009ربع - 2008 نص
انا قبل كنت مركب سوموتومو HTR4 اللي يعرفه واعرض من البلد المقاس 215/60 R 16 94 H
كانت منتهيه شوي يوم شريت السياره وصبرت وحللت والدينهن << الين صارت في الكفرات أنواع الشقوق ومورمات ومحبلات وكنت اذا وصلت 120 يرج الدركسون رج يتحرك يمين ويسار
من قوة التآكل
كانت الكفرات الخلفيه 2007 والأماميه 2008
وفيها شقوق مع الجوانب بس مو قويه مره
وتآكل قوي بمداس الكفرات (النقشه)
2009
ثم ركبت هانكوك رائع صراحه واعرف واحد مركبه له تقريبا سنه وماترج السياره ولا شي
وبسعر جدا معقول ومناسب ونقشه حلوه
وثبات وراحه ما يقارن بالمنعدم
انا ان شاء راح استمر عليه ممتاز نشوف آخرتها معه الصراحه كفراتي الهانكوك توها جديده
طبعا على حسب النوع يختلف الأداء مو كل الهانكوك واحد أنواع
والأفضل تآخذ اي كفرات من وكيلها

بعدين صراحه بريجستون لو تخفض اسعارها >> كان أفضل .. لاياشيخ
وانا كنت متحمس ابركبهن قبل أركب الهانكوك (أول ما وضع الموضوع بالمنتدى) بس تفآجأت أنه غاليه مرررره
ولو كل فتره وفتره أبغير ب 2000 طلعت قيمة سياره >>> من القهر
الكفرات الثانيه تتراوح بين 1000 ريال و 1500 ريال طبعا حسب المقاس واللي تشتري منه

أنا ما أقول البوتنزا مو كويسه لا أقول غاليه مرررره

نقطه أخرى : أرجو التقسيم بالنصح
نوع : مقاومات وسرعه عاليه ومنعطفات حاده (قد يكون لا يهم العمر والسعر)
نوع : ممتاز وعمره غير قصير ومو شرط كفرات سباق ويلبي الإستخدام وثباته جدا ممتاز (يهم العمر والسعر والثبات)
نوع : على قد حاله , عمر غير قصير وجيد وثابت (جيد ومقبول بشكل عام)

اقتراح لا أكثر

والصراحه جهد يشكر عليه كاتب الموضوع الله يعافيه وتقرير رائع جدا
وان شاء الله ما يحرمنا من مواضيعه

هذا رأيي ووجهة نظري

همسه : >>>لا ياشيخ :d
كل واحد له وجهة نظر وهذا لا يسبب الاختلاف والنزاع والمجرب أبخص

memories والفهاااد

تجربتي للادرينالين كانت على سيارتين
قبل 7 شهور تقريباً ركبت الطقم الثالث وخلال شهرين ان شاء الله بأجرب كفرات يوكوهاما الرياضية الجديدة ADVAN

المهم الصوت تغير شوي بسبب التآكل مثل اي نوع ثاني من الكفرات بس مازالت اعتبره هادي وغير مزعج . وبالنسبة للكفاءة والثبات والانطباع الكامل فهو ما تغير عن كل رد كتبته في ذا الموضوع ..

أكورد فضي

اشكرك على المرور والاضافة وبالذات طريقة التصنيف بالاخير
بس ليتك كتبت ردك في مواضيع الكفرات الاخرى لانها عامة ونقدر نفتح باب النقاش فيها لاي نوع من الكفرات

هنا ما نبيع الا ادرينالين وبس :d

هدفي من حصر الموضوع في نوع واحد ماهو الا استعراض لتجربتي ، اجابة استفسارات الاعضاء باللي اعرفه ، واخيراً مناقشة الايجابيات والسلبيات . ولو تركت الباب مفتوح بيجونك شلة (حسب الله) ويخربون الموضوع بالهواش والكلام الفاضي بالضبط مثل اي موضوع بدايته كانت مفيدة .

MOHAMMED SS

المقاس صغير ومقارنة بالسعودية سعره غالي شوي
اذا المقاسات ماهي متوفرة عندكم تعال واطلب المقاس اللي تبي من الوكيل بالدمام

Serendipity

هو صحيح ما يضر بالعكس الثبات عندك بيزيد بس بتحس بثقل في الدركسون وممشى السيارة