الموضوع: تكفون ولولا ظروف الوقت ماقلت تكفون ! ! ! ! !

المشاركة الأصلية كتبت بواسطة روني الساحه

بس والله أخوي الوافي خوفني شوي من الأكورد :( :( بس مدري يقصد السبشل ولا السياحيه
ولا عليكم أمر أخواني صحيح إني قلق بس تحملوني تكفون وش نوعيه الأكورد إلي أفضل من السبيشل غير الفل أوبشن وكم سعرها في الوكاله الحين ووش مواصفاتها تكفون ردولي بسرعه

لا تخاف يا صقيقي
المواصفات باختصار السبشل هي السياحي بس زادو فيها فتحه وقير اوتوماتيك واللمبه الداخليه تختلف :(
وهذي اللي ذكرت لك الفرق بين الفل والسبشل *ـ^

روني الساحه
ولا عليكم أمر أخواني مايامر عليك عدو اخوي
صحيح إني قلق بس تحملوني من جد شوي قلق :d
تكفون وش نوعيه الأكورد إلي أفضل من السبيشل غير الفل أوبشن
1- الفل اوبشن v6 <<<هذي اللي محد قدها .
2- بعدها تجي الفل اوبشن الاربعة سلندر بمقاعد جلد وبدون تحكم بالمسجل عن طريق الدركسون.
3-الفل الاربعة بمقاعد مخمل وبدون تحكم بالمسجل عن طريق الدركسون <<<هاذي اللي تقصدها وهي احلاهم ;)
4- الاسبشل <<<هذي الشكل الخارجي تقدر تخليه مثل الفل اوبشن وياكثرها عند العالم .
5-السياحي .<<ابعد عنها .
وكم سعرها في الوكاله الحين
رقم 3 اتوقع 83 الف والله اعلم .
ووش مواصفاتها تكفون ردولي بسرعه
طبعا هذي مواصفات رقم 3 الفل المخمل مقارنة بالسياحي بالتفصيل الممل كالآتي:
اولا من الخارج:
1-جناح*.
2-فتحة.
3-جنوط مع كفرات ميشلان.
4-انوار ضباب (كشافات)*.
5 -القطعة البلاستيكية الطويلة و اللتي تكون تحت الابواب مصبوغة نفس لون السيارة.
6-انوار خلفية مزودة باضائة LED .
ثانيا من الداخل:

1-مسجل 6 سيديات طبعا لون انوار شاشة المسجل متناسب مع الطبلون بعكس مسجل السيدي الواحد شاشته موذاك الزود (طبلون الاكورد معروف انه LED) .
2-مقياس درجة الحرارة الخارجية <<طبعا في شاشة المسجل مو في الطبلون.
3-مكيف ثنائي التحكم لدرجة الحرارة لدى السائق والراكب << المكيف مختلف تماما عن اللي في السبشل والسياحي..
4-الديكور مخشب.
5-مسجل كاسيت*.
6-لمبات السقف تختلف عن السياحي مع وجود لمبة سهارية صغيرة تنور على الديكور يقولون العيال حقت الخطوط مثل اللي في الفياقرا ;)
7-ازرار التحكم بالاقفال والنوافذ مضيئة في الابواب الاربعة <<مي موجودة في السبشل.
8- وجود انوار شماسة السقف للسائق والراكب<<في الفل فقط .
9-نوافذ كهربائية.
9-قير اوتو مكون من خمس سرعات مع خاصية تأمين ومرتبط مع الكمبيوتر بشكل مباشر (يعني لما تكون ماشي وتعشق بالغلط على الريوس يفصل القير على طول وتقولك السيارة قديمة الحركات هذي:d ).
10-مثبت سرعة .
11-زر تحكم كهريائي لمقعد السائق<<ابو الهش حط واحد بس .
12-تقدر تركب ازرار تحكم بالمسجل عن طريق الدركسون.
13-التحكم الكهربائي بدرجة ارتفاع النور .
14-المراية الوسطية مزودة بحساس لتخفيف قوة اضائة انوار السيارات اللي تكون خلفك .
*اكسسوارات اضافية اذا ما نشبت لهم والا راحت عليك :(.
............
نظام VSA لمساعدة السائق على التحكم في السيارة ومنع سهولة الانقلاب .
نظام TCS لزيادة الثبات تبين خصوصا على المنعطفات .
نظام SRS اللي هو وسادات هوائية للسائق والراكب فقط.
نظامABS فرامل مانعة للانزلاق والانغلاق وفي نظام للتوزيع مدري وش اسمه :d.
بالاضافة الى هيكل قوي و قادر على امتصاص الصدمات مع شدادات حزام ثلاثية الابعاد مزودة بجهاز يمكنها من العمل حتى عند الانقطاع المفاجئ للتيار الكهربائي عنها <<بس وين اللي يربط الحزام الحين :(مع احترامي لحقين ارامكوا(فريد وماهر ):d.
نسيت اقولك السرعة محددة على 220 وتقدر تسويلها برمجة عند محل الجابري اللي في صناعية الرياض وتوصلها 250 كم|س <<<زحلطن .بس ما انصحك الا هل بلغت اللهم فاشهد.
بالنسبة لمواصفات المكينة والامان يبيلنا منتدى خاص عشان نكتبها <<أرحم يا مشلم .

هذا اللي اذكره الحين وما خفي كان اعظم
ونصيحتي بك اذا ودك تشتري اكورد يا تاخذها فل والاخلك على السيفيك :p.

وآسف على الاطالة