اقتباس المشاركة الأصلية كتبت بواسطة سحلف مشاهدة المشاركة
ممكن كم السرعه اللي توديك الحجز
قصدك .. كم السرعه اللي توديك القبر ؟؟ ..

ياشباب والله السرعه هلاك ودمار .. والله ما أهلك شبابنا الا السرعه ..شوفوا المستشفيات وأقسام الحوادث .. شلل رباعي .. شلل نصفي .. اطراف مبتورة ومقطوعه .. والطيب فيهم مركب اسياخ هذا اذا كان حي .. وتتعتبر السعوديه من اكثر الدول في حوادث السيارات سواء وفيات او اصابات والله حرام نهلك انفسنا لأجل لا شي وأغلب اللي يسرعون يسرعون بدون هدف فقط لمجرد السرعه .. وانا استغرب من بعض الشباب اللي يردون على سؤال الاخ السائل وكأنهم ينصحونه بالسرعات الجنونيه.. لا يا اخوان لابد ان نتواصى وننصح بعض باللي يحفظ لنا شبابنا من شر الحوادث .. وفي النهايه الكل سيصل باذن الله لمقصده ولكن من سيصل وهو سالم ومن سيصل وهو في سيارة الاسعاف ؟؟ لكي يستقبلونه اهله وياخذونه الى المقبره ؟؟
والمشكله اذا مسكنا رجل المرور بغينا نضربه عشان مسكنا .. طيب ياخي احمد ربك يمكن الله ارسله لك عشان ينقذك من حادث يمكن كان تروح فيه لولا دعوة من امك أو ابوك بأن الله يسلمك وانت ماتدري ؟؟

نصيحة محب لكم ياشبابنا الغالين .. لا تسرع فالموت اسرع .. لا تسرع فبرما بسرعتك رملت زوجه أو يتمت طفل او احرقت قلب ام على ابنها .. لا تسرع لان السرعه انتحار يحط بك في كل لحظه .. سلمكم الله من كل شر وحفظكم من كل مكروه ..