اقتباس المشاركة الأصلية كتبت بواسطة سحلف مشاهدة المشاركة
ممكن كم السرعه اللي توديك الحجز
قصدك .. كم السرعه اللي توديك القبر ؟؟ ..

ياشباب والله السرعه هلاك ودمار .. والله ما أهلك شبابنا الا السرعه ..شوفوا المستشفيات وأقسام الحوادث .. شلل رباعي .. شلل نصفي .. أطراف مبتورة ومقطوعة .. والطيب فيهم مركب أسياخ هذا اذا كان حي .. وتتعتبر السعوديه من أكثر الدول في حوادث السيارات سواء وفيات أو اصابات والله حرام نهلك انفسنا لأجل لا شي وأغلب اللي يسرعون يسرعون بدون هدف فقط لمجرد السرعه .. وأنا أستغرب من بعض الشباب اللي يردون على سؤال الاخ السائل وكأنهم ينصحونه بالسرعات الجنونيه.. لا يا اخوان لابد أن نتواصى وننصح بعض باللي يحفظ لنا شبابنا من شر الحوادث .. وفي النهايه الكل سيصل باذن الله لمقصده ولكن من سيصل وهو سالم ومن سيصل وهو في سيارة الاسعاف ؟؟ لكي يستقبلونه اهله وياخذونه الى المقبره ؟؟
والمشكله اذا مسكنا رجل المرور بغينا نضربه عشان مسكنا .. طيب ياخي أحمد ربك يمكن الله أرسله لك عشان ينقذك من حادث يمكن كان تروح فيه لولا دعوة من أمك أو أبوك بأن الله يسلمك وأنت ماتدري ؟؟

نصيحة محب لكم ياشبابنا الغالين .. لا تسرع فالموت اسرع .. لا تسرع فبرما بسرعتك رملت زوجه أو يتمت طفل او احرقت قلب ام على ابنها .. لا تسرع لان السرعه انتحار يحيط بك في كل لحظه .. سلمكم الله من كل شر وحفظكم من كل مكروه ..