الموضوع: شوفوا الرد رقم 11 والله فضيحه

المشاركة الأصلية كتبت بواسطة إنسان

لكل اللي سبوني او غلطوا علي

لهم مني السلام ومسامحين وعساكم على القوة ( المراجل باللسان سهلة )
وإذا على العقل تشوفونه ناقص عندي
فترى شيابنا قالوها زماااااااااااااان
كلن بعقله عايش
وإذا أنت وهو أعقل مني فما يحق لك تمنعني اكتب اللي أبيه بشرط ما اسبك او اشتم فيك ولو لقيتني سبيت بأحد غير وكالة الهوندا ( اللي كلكم كارهينها ) فلك مني بوسة على خشمك يمكن ترضيك
-----------------------
تعالوا سوا نشوف مواضيعكم ونشوف كلامي وردودي
وش غلطت عليكم فيه
إن معي هوندا وأذمها !!!
ولا لأني مصور ردود الشباب هنا !!!
ولا لأن اللي قلته صحيح مية بالمية !!!
المشكلة انكم طرتم بالعجة اكثر مني ، ولكل واحد منفعل اقول له ابلع ريقك واقرأ اللي بكتبه زين ترى ما يضرك مثل ما كتبت شتايم او انتقاصات تقرأ وش برد عليك فيه .
شغل المقارنات وأبان صاحب الموقع أولكم يعرف اني ما ادانيه ولا اطيقه ، لكن عمري ما دخلت عليكم هنا بالمنتدى وغلطت على واحد هنا يقارن لاني حكمت على نفسي بمذهب الشياب وكلن بعقله عايش .
إذا معي هوندا فتراني يالحبيب ذميت غباوة خراباتها ، سوء وكالتها ، رفع اصحابها لها فوق كل السيارات ، يعني تعيبون على اصحاب الكوامري انهم بازين بروحهم وسياراتهم يشوفونها فوق سيارات الناس وأنتم مثلهم ، لا بالعكس ، بعضكم اسوء منهم ، اقلها هم احترموا سياراتهم وقارنوها بفئتها مثل الاكورد والالتيما ، اما انتم رفعتوها لفئة أعلى منها ، لا وتجريتم وسبق قريت هنا ردود ان شركة هوندا تقنيتها ألمانية !!! تعال يالحبيب وقلي وش الالماني فيها ؟ فشخة الكفرات ؟ تراها بالالماني بعد الـ 120 مو على طول السيارة فاشخة .
بالجودة ؟ بلا دجل ، المكاين حتى بالكوري تعيش ، بشرط إنك تعطيها ، سيارة ما كملت ثلاث سنين وطرمبة الدريكسيون عندي تهرب زيت واصوات ورجة وهبالة ما بعدها ، لا تجيني انت وهو وتقول موسوس ، اغلبكم اشترى السيارة من فلوس بابا بعد النجاح يعني ما همه لو احترقت بعد اسبوع ، لانه ما تعب بقيمة السيارة مثلي لجل يحس إنه صدق وماهو دعاية إن الهوندا تعمر وتعيش ، وإن الوكيل يحترمه ويقدره لا ويدور رضاه بعد ، لان شغله انه يراعي اي عيب بسيارته ما دامت شركة هوندا تتحمل العيوب المصنعية .
كل ذمي عن الاكورد كانت حكاية لتجربتي انا ، ولسيارتي انا فلا تجيني وتقول ليش شريتها ، ظني ماهو شغلك لاني ما اعترضت هنا بمنتدى هوندا يوم على سالفة إن الهوندا أطلق سيارة ، فامسك ركنك وأمسك ركني ، وإن جيت بركني فلا تلومني ، المنتدى للكل ، ما هو بس للمطبلين وشلة اللي يبي الشكل الزين بالسيارة او الجنط العريض او السيستم والخراط هذا اللي ليته يركبه من سعة ، لا من فلوس المكافأة او مصروفه ، بس ارجع واقول ماهو شغلي ، وشوفوا وش ازور من اقسام بالمنتدى .
---------------------------
طيب ما اقنعك اللي فوق عن شرائي للهوندا وكرهي لخراباتها .
اجل بتصير زعلان لاني نشرت مشاركات وشكاوي الشباب هنا ؟
والله اللي ما يبي مشاركته تنشاف يخبيها بمخباته ، والمنتدى يتصفحه الضيف قبل العضو وكنت اقدر احط الرابط حق الهوندا بالمنتدى وتعال شوف الفضايح وقتها ، احنا هنا اسرة وحدة صح ، ابداعاتكم رازينها باليوتيوب ، وعيوب سياراتكم عيب وشرهة تنشاف من زباين التويوتا ؟؟!!
--------------------------
بكل المشاكل اللي عددتها ، تحاشيت اذكر اي مشكلة شخصية بسيارتي ، وصرفت الكلام عن المشاكل العامة الموجودة بكل الاكوردات ، وهنا الكل قدام خيارين : إما انه شايفني كاتب كلام صحيح وماكذبت على الهوندا بشيء ، لكن صراحتي جرحته ، او إنه مطبل كبير للهوندا ويدافع عنها كأنها أعطته السيارة ببلاش !!!
--------------------------
خاتمة أخيرة من نقاط :
1- موضوع النخبة تراني ما طلبته ، لاني عمري ما دورت على اشراف او تقدير بمنتدى ، لكن اسألوا أبان ليش أعطاني تشريف النخبة ، انا ما اجاوب ، لا وابشركم مالي حرف واحد بمنتدى النخبة ، وموضوع سحب الصفة أو بقاءها ما يهمني لاني لا سعيت وراها حتى تمنونها علي ، ولا ضايقت احد بشيء لو انرزت تحت اسمي ، تعودت اكون صادق واللي ما يعجبه صدقي مو شرط يسمعه !!
2- اليوم عرفة وبكره عيد ، ومن طبعي وسيع بال ، فكل من سبني مسموح بالذات اللي اعتبرني من فصيلة الكائنات اللي تنبح على قافلتكم ، ترانا صيام وعلى ابواب العيد .
3- رجاء خاص للإدارة بعدم حذف كلمة واحدة من ردود الشباب ، وإن عزمتم فردي أولى بالحذف من ردودهم بنظرهم ونظري .
4- ارحب بردودكم ولي عودة اكيدة لو لقيت ما أقدر أرد عليه ، واوصيكم كل واحد يبطل انفعالات وتطبيل ، ترى الشركة هوندا ولا تويوتا ماهي شركة ابوك ، ولا وهبوك السيارة بلاش ، تراك راكب حديد ، وإن سبه أحد تراك ناقص عقل لو زعلت .
5- للتنبيه ، ما مدحت التويوتا بشيء في موضوعي اللي زعلانين منه ، لان في عضو هنا ، يقول لو بكتب عيوب الكامري تمتلي صفحات .
6- إنسان حر بما يكتب وما ولد من يقرر وش أكتب ووش ما أكتب ، وتقدروا تشرفوني وتسوون لي دعاية بالبحث عن نكي بجوجل ومعرفة المنتديات اللي اشارك بها ووقتها انقلوا كلامي كله هنا .

كسر الله أنوف أعدائكم :d وجعل عيدكم مبارك

هذا كلامك اللي اقصده

وبالنسبه للزيت اللي دفعوك قيمته هذي مشكله بالوكيل ما هي بالسياره

مع العلم اني مصلح سيارتي بالرياض و لا اخذوا شي مني

--------------

م م و

اجرااااااااااااااام

الله يحفظها لك




إنسان

بعد كلام م م و

تحمست اكثر اني اعرف معلومات عن سيارتك

بالنسبه للفرامل الخلفي اعترف انه عيب بالاكورد

ما ادري هو بسبب ان الفحمات حجمها صغير ؟


لكن برضوه ما تقارن مع الكامري :d

الكامري وش فيها بالله ؟ ABS و لا EBD و لا BA << الكامري 2003-2006

الظاهر الفرامل الخلفي ما له فايده الا بالجلنط

فطبيعي ما تخلص الفحمات الخلفيه الا اذا انت راعي تفحيط ;)




بينما الاكورد فيها جميع الانظمه السابقه

و قوة الفرمله تتوزع الكترونيا على الكفرات الاربعه حسب وضع السياره

فـ الفحمات الخلفيه لها دور بالفرمله العاديه و طبيعي ان عمرها اقل من فحمات الكامري

<< طبعا هذا ما هو مبرر ان الفحمات تخلص خلال 40 الف كيلو



طيب بما اننا نتكلم عن الفرامل .. فحمات الكامري الاماميه كم تعيش ؟

20 - 25 الف كيلو بالكثير و تبدا الصرصره


بينما سيارتي اكورد 2006 .. ما غيرت فحماتها الا قبل اسبوع

بعد ما مشيت عليها 87 الف كيلو << بهذي المسافه تغير فحمات الكامري اربع مرات

المشاركة الأصلية كتبت بواسطة accord 06

بعد ما مشيت عليها 87 الف كيلو << بهذي المسافه تغير فحمات الكامري اربع مرات

يالله يا انسان انـت قلت في منتديات تويوتا اذا كملت 40 ألف تعطي راعيها قيمتها

هذا أقرب واحد مشاها لك دبل الأربعين وش تبي بعد .

*عشان ما تقول محافظ والا مو حق سرعه و و و ...

اقول كل عام وانت بخير :d

أعيد وأكرر ردي

والله الصراحة ما احد جاب هالكلام الا اعضاء المنتدى هنا

صرااااحـه ... الأكـورد ما تتقارن بالسياااراااات الأخرى حتى ولو كان فيها فخامه ولا ما فيها .. وانـا سمعت من واااحد من الشباااااب قال إن الألمان محتارين بالأكورد ... وش يدل بالله هذا الكلام ؟

وبعدين ترى الأكـورد على مستوى العالم تجي بعد الألماني بالصنع وبكل شي ...

مع احتراماتي وتقديري..........استرييييييييييييييييييييييييييييي ييييييح وين ما تبي العالم تتكلم عن المنتدى وانت تقارن لي هوندا أكورد بـ بي ام دبليو

________________

بغض النظر اخي انسان السيارة يمكن فيها عيوب بس ما تستاهل لدرجة انك تنقل كل شي نص كامل

يعني انا ذكرت من قبل ان العالم هنا تشتكي من كراسي المكينة طيب لي ما حطيت الرد اللي فيه حل المشكلة ؟؟؟؟ ولا بس تنقل العيوب

ترى في ناس هنا ما ادري من وين تفكر يعني بالله عليكم النور حق درج الطبلون ما يطفي نوره ... سلاماااااااااااااااااااااااااااااااااااات ليكون يشفط لك بانزين ولا يرفع حرارة السيارة تراه نور ولا راح ولا جا ولا يأخر ولا يقدم بس في ناس وسواسية هنا وتلاقيها اول مرة تسوق سيارة

وأكرر ما كان لك حق انك تنقل هالردود ترى زي ما الهوندا فيها عيوب حتى التويوتا فيها عيوب ومافي سيارة كاملة كلها كومة حديد مصدي وكل السيارات فيها عيوب

انا اعرف واحد من الشباب شرى كابرس ستة سلندر والله ضاق الويل في السيارة اول ما شراها الباب مرشوش وانواع الخرابات.....عيب مصنعي اكيد بس هذا واحد من ألف مو كل العالم بينطبق عليهم هالشي

اتمنى وجهة نظري وصلت

شباب هدوء اللعب شويه وكل شخص اليه نظرة وراي في السيارة وما يصير نعترض على كلام الرجال مهما قال يمكن سيارته فيها مشاكل وانا اخوي انصحك اتجرب سيارة مثل موديلك مع شخص يمكن السيارة فيها مشكلة وانت ما تحس ولاخبر انا اعتقد يمكن هذا المشكلة على العموم انت قلت راي واحنى نحترم رايك بغض النظر عن الي قاله الاعضاء

مهما قلت .. يا انسان ..

مو الى هالدرجه .. تروح تنسخ المواضيع الي انت تبيها

بل بالتحديد الأسطر الي انت منتقيها بنفسك ..

وكتبت تحتها .. شوفوا وش كاتبين بمنتداهم (( وتقصد منتدى نادي محبي هوندا ))

وكأنه أساساً كل مواضيعنا الي نتكلم عنها في اطار المواضيع الي انت حددتها لهم ..

كل عام وانت بخير .. وينعاد عليك بالصحة والعافيه .. وعفا الله عما سلف

لكن ........... اعترف بغلطك ........... مو عيب

وأتمنى ماتزعل ولا تشيل بخاطرك على أحد من الأعضاء ..

ولو أنا مكانك .. كان أول شي كتبته بردي اعتذاااااااااااااااااار للجميع ..

وبعدين اوضح لهم الي أبي .

تحياتي ..

بغض النظر اخي انسان السيارة يمكن فيها عيوب بس ما تستاهل لدرجة انك تنقل كل شي نص كامل

الصدق ما يتغطى بغربال وأنا أخوك
----------------------

يعني انا ذكرت من قبل ان العالم هنا تشتكي من كراسي المكينة طيب لي ما حطيت الرد اللي فيه حل المشكلة ؟؟؟؟ ولا بس تنقل العيوب

ارجع للموضوع اللي بمنتدى تويوتا ، كل مشكلة ذكرتها ذكرت حلها اللي تفتق عنه ذهن الوكالة واغلب حلول الوكالة تغيير
----------------------

وأكرر ما كان لك حق انك تنقل هالردود ترى زي ما الهوندا فيها عيوب حتى التويوتا فيها عيوب ومافي سيارة كاملة كلها كومة حديد مصدي وكل السيارات فيها عيوب

أما ما لي حق هذي ما بلعتها ، والظاهر فاتك في ردي الأول جملة ( اللي ما يبي رده ينشاف يحطه بمخباته )
لو مريت على موضوعي كامل عرفت إني لا مدحت التويوتا ولا قارنتها بالهوندا ، قلت للكل خل ولاءك لجيبك ، ولا تدافع عن شركة كأنها شركة أبوك ، أبغى تحط جملتك الاخيرة ( ومافي سيارة كاملة كلها كومة حديد مصدي وكل السيارات فيها عيوب ) في عين كل من يقول الهوندا طيارة وصاروخ ، كل واحد حر برأيه ودامه حشرني برأيي ، بحشره برأيه .

ماشفت احد بهالمنتدى يمدح في هوندا بشكل عام الكل يمدح الأكورد كانها السيارة الوحيدة اللي طلعتها شركة هوندا

وأعيد وأكرر

عيب مصنعي اكيد بس هذا واحد من ألف مو كل العالم بينطبق عليهم هالشي

يمكن انت سيارتك فيها عيوب مصنعية بس مو الكل يشتكي منها وانا صراحة ما ادري وش العيوب اللي بسيارتك ولكن....العيوب المصنعية معروفة وتنعد على أصابع اليد غير كذا السيارة ما عليها كلام ومستواها من مستوى الكامري ولا تفرق عنها الإ بأشياء بسيطة

مهما قلت .. يا انسان ..

مو الى هالدرجه .. تروح تنسخ المواضيع الي انت تبيها

بل بالتحديد الأسطر الي انت منتقيها بنفسك ..

وش أنسخ طيب ، أيها أقوى الاكورد ولا السيفيك ، ولا الكامري تقوم على السيفيك ، ولا انسخ موضوع كيف أركب شاشة .
يا عربي أنا تكلمت عن المشاكل اللي نسخت ردودها ، شفتني زدت شيء ولا نقصت .
------------------------

لكن ........... اعترف بغلطك ........... مو عيب

وأتمنى ماتزعل ولا تشيل بخاطرك على أحد من الأعضاء ..

ولو أنا مكانك .. كان أول شي كتبته بردي اعتذاااااااااااااااااار للجميع ..

وبعدين اوضح لهم الي أبي .

أي غلط ؟
حدده بالأول ونتفاهم بعدين على الاعتذار .
أما الزعل ، قلتها وانا اخوك بالي وسيع
وعيدك مبارك

ماشفت احد بهالمنتدى يمدح في هوندا بشكل عام الكل يمدح الأكورد كانها السيارة الوحيدة اللي طلعتها شركة هوندا

يعني شايف الوضع غلط !!
---------------------------

يمكن انت سيارتك فيها عيوب مصنعية بس مو الكل يشتكي منها

كل اللي كتبته دعمت بكتابات الشباب غيري وشوف المشاكل واسأل عنها الوكالة مو بس الأعضاء بتلقاني صادق فيها
---------------------------

غير كذا السيارة ما عليها كلام ومستواها من مستوى الكامري ولا تفرق عنها الإ بأشياء بسيطة

أحد قال غير كذا !!
كل واحد من الأعضاء سحب سيفه ويطالب برقبتي كأني كفرت :d لأني قلت كذا

متفوخ

منفوخ....وش سالفتك مع الأخطاء الإملائية

كل عام وانت بخير وصحه وسلامه

وأنت بسعادة وصحة .
-----------------------------

انا اللي شرهت عليك فيه ان الرجال منزل موضوع عن الاكورد الجديده ويبي الناس تشوفها

انت على طول كتبت فيها ومافيها وانهم يقولون ويفعلون و و و و ....

الرجال قارنها وهي اربع سلندر بالأوريون والأفالون ، ولو جيت للمكينة بس فرق الثرى عن الثريا ، لا تقول لي دورية وتكاسي ، أنا شخص أتكلم بمنطق العقل ، والذوق تراه نسبي ، ولو تجيني الأكورد هدية دافعت عنها ، أما دافع قيمتها أبغاها تكون كفو المدح .
-----------------------------

وبالاخير هي سياره توديك وتجيبك وكلها كومه حديد

وهذا اللي نقوله كلها حديد عسى الله يسلمنا منه ويحمينا من الاخلاص له .
------------------------------

وانا اسف اذا ازعجتك واعتذر لك :d

عزيز وغالي ومسامح

والى متى هالتعصب ....!!

قلناها وزعلوا
--------------------

لي رجعه..

بالانتظار

السيارة مهيب واقفه عليك يعني خلاص انت سبيت السيارة خلاص محد مشتريها لا

أجل ليش تزعل من رأيي وتنقله ، وتبهر من عندك سالفة إني قايل إن الكامري ياباني !!!
-------------------------

والله الهوندا لها سمعتها بين السيارات

بين السيارات يعني ما هي السيارة الوحيدة
-------------------------

اي فضايح بالعكس لو انك حاط الرابط اصرف كان الناس شافوا المشاكل وحلولها

مهوب نقل المشاكل بس

إنت فوق تقول سبي بالسيارة ما يضرها في سمعتها ، وش مزعلك !!!
بعدين تراك مصفي طبلونك وتقول إني ما ذكرت إلا العيوب ، وكل عيب ذكرت طريقة علاجه من اختراعات الوكالة وهذي الصورة حطها بأول موضوعك فديتك وفديت كتاباتك حتى لا يجيني الشباب ويقولون إنك ما كتبت الحلول

والله انا مااقدر اقولك الا الله يهديك انت واسلوبك

ولك مثلها

المشاركة الأصلية كتبت بواسطة إنسان

أجل ليش تزعل من رأيي وتنقله ، وتبهر من عندك سالفة إني قايل إن الكامري ياباني !!!
-------------------------

بعدين من اللي يقول اني بهرت

http://www.toyota4arab.com/forum/showthread.php?t=16321


شف ردك رقم 11 آخر سطر اول خمس كلمات

والله من جد شيء يقهر ارتفع ضغطي .

خخخخخخخخخخخخخخخ اللحين انت مسوي اقتباس لكل الكلام اللي قلته ورديت عليه
الا سطر واحد مارديت عليه
انا اللي رافع ضغطي انك تنقل ردود الشباب في منتدى ثاني لييييييش على اي اساس

أعتقد يفترض فيك كونك راعي الموضوع تقرأ كل رد بعدسات ، وتشوف كل رد أكتبه ما هو بس ردودي عليك ، بعدين ولا تزعل ، السطر اللي نقزته جاوبت عليه بآخر رد بالصفحة الثانية لجل كذا طنشته وهذي صورة للذكرى وشوف المطوق بالمستطيل

بعدين من اللي يقول اني بهرت

http://www.toyota4arab.com/forum/showthread.php?t=16321


شف ردك رقم 11 آخر سطر اول خمس كلمات

أنا قلتها ولا زلت عندها
هوندا وتويوتا شركات يابانية لو جمعت السيارات بجزر القمر يالحبيب ، حتى النيسان ياباني وهو بظني يجمع كله خارج اليابان ، يعني بالله لو عشت بأمريكا وش تقول ، تقول أمريكي ولا سعودي عايش بأمريكا .
حدث العاقل بما يفهم ، وإذا تبي جدال عقيم ما وراي شيء ، وإن بغيت حوار عقلي قوانا الله .

هل هالكلام صحيح والا سواليف بس مجرد ..... كلام يكمل السالفه ......

اختر من التالي :
1- تبهير للسالفة .
2- توقعات مو أكثر .
3- تقدر تقول كذبة كبيرة مني بعد .
والاخيرة هي الارجح عندي بس إنت لك الخيار وانتظرك تكتبه
--------------------------

طيب قارن بين الموضوعين وكيف يصير الوضع
77777 الموضوع

هدية العيد لأعضاء منتدى محبي هوندا <<للكاتب الاخطبوط

ما فهمت
أقارن بين ردودي هنا أو موضوعي هناك
إذا عبدالله هاشم بيزعل من ردي هنا قفل الموضوع يا مشرف .
وإن كان بيزعل من كلمة الحق وإن سيارته فيها عيوب ، مالها علاج عندي .
انت بس حدد لي جانب المقارنة وراجع يا غلاهم

ياخي مع احترامي الشديد لك انك متناقض في ردك اللحين انت تقولي اني جالس ابهر
واقول كلام ماقلته واللحين تعترف وتقول ان كلها شركات يابانيه




خلاص اخوي اذا انا غلطت عليك وقلت كلام انت ماقلته فأنا آسف





كل عام وانت بخير

والله من جد شيء يقهر ارتفع ضغطي

وش قهرك بس :d
روق يا عربي الدعوة حديد تزعل من ايش