شوفوا الرد رقم 11 والله فضيحه

**أبو عــزوز ..** · 18-12-2007, 09:35 PM

إلا بسألكم متى بيدخل الأمام لصلاة العيد ..

ولا أحد يتعشى .. اتركوا مكان للمقلقل والكبدهـ

**المـــــلكـ اكـــــورد** · 18-12-2007, 10:04 PM

المشاركة الأصلية كتبت بواسطة إنسان

هل ننكر إن ابو جميل على قولتك ناجح بمرتبة امتياز تسويقيا ؟

ناجح قليله فيه لانه حصل ناس ينلعب عليهم بقوه

هل انتشاره ساهم بانتشار التويوتا ؟

لا>>> لان تويوتا بنيت على سمعه سابقه ومازلت اثارها موجوده وستزول اذا استمر الوضع على هذا الحال

بالمدينة اللي تسكنها كم مركز صيانة له وكم مركز لعبدالله هاشم ؟

انا من الرياض وابو جميل:dخويي له اكثر من 1000 مركز صيانه بينما ابو هشومي:dعنده 2 على مااظن بس المشكله اللي فينا ناخذ دايما بالارقام ولانعرف وش يصير عندهم

اذا انت من الرياض روح تويوتا فرع خريص _اقسم بالله ولا مره اروح فيها صيانة الا جالس اركض ركض ورا المهندس ووراي وفود من الحجاج >>خخخخخ اقصد من الزبائن مثلي
واجلس ساعة وانا انتظره واخر شي السياره تطلع من عندهم كان ماسوينا شي واذا ضبطوه يخربون لك شي اخر>>>هذا الكلام من واقع تجربه يعني ماهو خنبقه مع احترامي للجميع
بس اللي عاجبني في هوندا انها اعترفت في عيب مصنعي وهو ليات الدركسون بينما تويوتا تدعم صناعة العيوب
اما صيانة الهوندا مادري عنها يمكن نفس وضع ابوجميل

وين مكانة الهوندا بين السيارات اذا وكيلها ذابح الناس بقطع الغيار ، وبزحام الصيانة ؟

في المرتبه الاولى لان فيها جوده مصنعيه وهذه لاتناقشني فيها ابد لانه انا شاري فحمات الكامري جديدة من الوكاله ب250 ريال امامي وخلفي وفيها تصفير (ايييييي) من يوم ماركبتها
وبالنسبه لزحام الصيانه رديت عليك >>رايي الشخصي
بتجيني تقولي وش دخل الكامري وانا قولك سوألك فيه مقارنه

وانا اللي ضايقني في كتابتك في منتدى تويوتا عبارة (أخيرا ترى في موقع مختص بالهوندا وكل مشرفيه معترفين بأخطاء الاكورد وعيوبها ، فلا تجي هنا وترفعها فووووووووق ).
وكانك لست احد من اعضاءه وعندك نخبه بعد

وبعدين عبارتك هذه( اللي اخترقه قبل فترة شخص بتحريض من الوكيل بسبب البلاوي اللي طلعها وكسر منطق إن الهوندا أطلق سيارة يابانية .)

انت عالم بالغيب انه عن طريق الوكيل الاختراق لاتقولي في واحد من الشباب قالي <<لاني بقولك ياكثر اللي يقولون واذا انت متاكد عطنا مايثبت
تحياتي

انا ماادافع عن عبدالله هاشم وداري اانه اكبر حرامي وهمه جيبه وكل الوكلاء الموجودين مثله
بس ماعجبني ردك في العبارتين السابقتيين <<وكل حر براياه بس لايعمم

وفي النهايه ماقول الا كل عام وانت بخير وجميع اعضاء منتدانا والمسلمين بخير وصحه وسلامه

الا كم شريتوا الاضحيه <<<يغير الموضوع;):d

**MOHAMMED SS** · 18-12-2007, 10:06 PM

اخي اذا انت مو عاجبتك الاكورد بيعها واشترى اليك كامري هذا الشي انت تختار ولا تجبر نفسك على شي ما تبيغاها واحنى مهما كانت نوع سيارتك بنرحب فيك

**sft.14** · 18-12-2007, 10:17 PM

تتعب وانت تكتب وبالاخير يشوف الخطاء عليــك هــــــــــــع

عدل مزاجك بشاهي الربيـــــــــــــع :d

بكرة اذهب لموقع تويوتا وصور الردود اللي هنــا

ولا تنسي ردي حط له برواز :d

**إنسان** · 18-12-2007, 10:29 PM

accord2002

كلام سبيشل
------------------
الملكة اكورد
لو كنت عضو ومن النخبة أو حتى مؤسس لموقع كله ولا يهون أبان ، ما اقعد انفخ بسيارتي وكأني من اللي يطلعون في التمثيليات القديمة ، واقعد اصيح الزين عندنا والشين عند غيرنا ، ترى ما دهورنا بالاسهم غير المطبلين لاسهمهم :d
يا أخي كلن راضي بسيارته
بس نتواضع ونقبل عيوب سياراتنا لانها اختيارنا
ما ننكرها ونحذف العيوب على غيرنا
أبغى نوصل لدرجة اننا نقول الاكورد سيارة ما مثلها ونسكت ، ما نزيدها فوق قدرها ونحطها بصف الألماني ولا البي ام ، أدري بتقول كلن حر برأيه ، لكن انتم عركتوني برأيي وزعلتم منه !!!
عساك سالم انت وجميع الاعضاء
------------------
حبيب قلبي MOHAMMED SS
شاكر ترحيبك
ولا زلت فاهم مدار الموضوع غلط يالغلا
لا مدحت الكامري ولا ذميت الاكورد ،
عددت عيوب الاكورد وقلت لها عيوب مثل غيرها وما يحتاج نرفعها فوق فولعوا فيني الشباب وما بقى غير يطردوني من هنا :d
وكل مرة يطلعون لي بباب
مرة مالك حق تنقل ردود ومواضيع الشباب وكأن اللي كتب الردود قفلها برقم سري !!
حتى عنوان الموضوع
فضيحة !!!
لو منكرين اللي بالموضوع كان كتبوا كذبة ما هو فضيحة
مشكلتنا ندافع عن الهوندا كأنها شركة الموقع ، وإن لنا نسبة ارباح وخلافه .
اختم لك حبيب قلبي بكلمة
راجع ردي رقم 72 في هذا الموضوع وهذا نصه

يا عرب هاتوا لي كلمة ولا جملة مدحت فيها الكامري هنا ولا هناك غير اني قلت ان قماش الكامري الخلفي ارخص من قماش الاكورد بحدود الـ 90 ريال ويمكن يعيش اكثر منه .
رجاء خاص للكل ، بطلوا حشر للكامري بالموضوع ، تروكم أبدعتم في انكم تكرهوني فيها :d من كثر ما تجيبون لي طاريها هنا

لا أبي كامري ولا شيء

أبي تواضع الهونداويين

ما قد طلبته قبل لاني تعودت ما اتدخل بأحد ، لكن تحارشوا فيني ، وفيهم من منكر حتى إني أبدي وجهة نظري ، مع إني لا جرحت بأحد ولا غلطت على أحد ، إلا وكالة هوندا ، ومن ناحيتي يستاهلون وزود .

لكن كل الشباب ألسنتهم وصلت لكيبورد جهازي ودها تضربني :d

**إنسان** · 18-12-2007, 10:42 PM

تتعب وانت تكتب وبالاخير يشوف الخطاء عليــك هــــــــــــع

عدل مزاجك بشاهي الربيـــــــــــــع :d

بكرة اذهب لموقع تويوتا وصور الردود اللي هنــا

ولا تنسي ردي حط له برواز :d

حاشاك من الخطأ حتى لو سبيتني بردك الأول

القافلة تسير وال...... تنبح

لكن تراني من أول رد لي قلت مسامحين جميع
أما بقية ردك ، كان ودي لو ما كتبته
لأننا نتناقش
ويحسب لنا جميع اخوتنا رغم تخالف اراءنا
وردك مبروز بطيبة اخلاقك فديتك

**م م و السعوديه 5 5 7** · 18-12-2007, 10:42 PM

^^^^^^^^^^
طيب تتوقع الهونداويين تعصبوا لسياراتهم من فراغ

!!؟؟
انـا ما
عمري شفت عملاء متعصبين لشركتهم زي حقين الهوندا لدرجة ان الواحد ما يترك الشركة ويضل يشتري من عندهم سيارة وسيارتين وثلاث

؟؟

برضوا ما أعتقد انه من فراغ ونفسي أعرف السبب ;);)؟؟

**accord 06** · 18-12-2007, 10:46 PM

برأيي سيارات تويوتا ما فيه منافس لها بالجوده

فـ تويوتا تتفوق بفارق بسيط بالجوده عن سيارات هوندا

بينما سيارات هوندا تتفوق بـ الرساوه و الفخامه و المواصفات

و جودة و تصميم الديكور الداخلي .. و تتفوق بالتصاميم الخارجيه << ادري انها اذواق

بس الغالبيه تفضل تصاميم الهوندا

فـ واحد بمثل حالتي و حالة اغلب الشباب استخدامه للسياره متوسط .. و يبي سياره

بمواصفات حلوه و جوده ممتازه .. فـ الاكورد هي الخيار الافضل له

اما الرجال اللي بيكرف والدين السياره و بيمغطها خطوط .. فالافضل له انه يهتم

بالجوده الزائده و يترك المواصفات .. بـ اختصار الكامري افضل له من الاكورد

و اعتقد انك انت من النوع الثاني

اذا ممكن تعطينا معلومات عن سياراتك .. كم ماشيه و كيف استخدامك لها ؟

مع العلم انه فيه معنا هنا اعضاء كارفين اكورداتهم و لا اشتكوا منها مثلك

اتكلم عن نكد و بي يونك .. سياراتهم بتصك الـ 200 الف كيلو

ما شاء الله .. الله يحفظها لهم

---------------------

بالنسبه لسالفة الدركسون اللي انت مكبرها

ما تدري انه عيب مصنعي و يصلح بالوكاله مجانا ؟؟

و لا تبي تثبت صحة كلامك بالغصب

**م م و السعوديه 5 5 7** · 18-12-2007, 10:47 PM

اقتباس:
يا عرب هاتوا لي كلمة ولا جملة مدحت فيها الكامري هنا ولا هناك غير اني قلت ان قماش الكامري الخلفي ارخص من قماش الاكورد بحدود الـ 90 ريال ويمكن يعيش اكثر منه .
رجاء خاص للكل ، بطلوا حشر للكامري بالموضوع ، تروكم أبدعتم في انكم تكرهوني فيها :d من كثر ما تجيبون لي طاريها هنا

انا شاري فحمات الكامري جديدة من الوكاله ب250 ريال امامي وخلفي وفيها تصفير (ايييييي) من يوم ماركبتها.
السعر مو كل شيء في اختراع اسمه الجودة ;);).

**إنسان** · 18-12-2007, 10:47 PM

^^^^^^^^^^
طيب تتوقع الهونداويين تعصبوا لسياراتهم من فراغ !!؟؟

أجل وش فرقكم عن أصحاب الكوامري !!!
التعصب واحد ونرجع للمبدأ الاول
الزين عندنا والشين عند غيرنا !!!
ونتهاوش على حديد !!!
قلتها بأحد ردودي اللي من اليوم وانا اكتبها اللي يزعل من واحد سب نوعية سيارته ربي يصلحه بس !!!
كل ردودي دفاع عن تهايمكم لي وربك ادرى بالنيات .
حياك وعيدك مبارك

**إنسان** · 18-12-2007, 10:57 PM

بالنسبه لسالفة الدركسون اللي انت مكبرها

ما تدري انه عيب مصنعي و يصلح بالوكاله مجانا ؟؟

و لا تبي تثبت صحة كلامك بالغصب

أي صحة كلام
الموضوع كاتبه بمنتدى التويوتا قبل شهرين ولا جبت طاري تهريب طرمبة الدريكسيون !!!
وعلى طاري العيب ، تراني مصلحه بوكالة هوندا فرع المدينة وهم اللي حطوا الزيت اللي قالوا لي روح اشتره من قطع الغيار وكأن التغيير ما يشمل ان الوكالة تتحمل قيمة الزيت
اي غصب أبي اثبت فيه صحة كلامي
راعي الموضوع مسمية فضيحة ، والشباب بعضهم مطول لسانه ذراع كأني ذام الاكورد بهالمنتدى !!!
ولا مجرد وجودي بمنتدى هوندا يخليني امتنع عن كتابة تجاربي مع الاكورد للغير !!!
للان ما خالفت سياسة المنتدى حبيب قلبي
ولو شايف كلامي سيء وردودي هابطة ولا تخدم الموقع ابسط شيء عدل الشين منها ولا احذفه !!!
كلام عندي وبقوله ، وإن كانت حرية الرأي مكفولة والنقاش الحر البعيد عن اي تنابز يلقى تشجيع ، فكلمة الغصب مالها داعي إطلاقا .
كل عام وانت بخير

**م م و السعوديه 5 5 7** · 18-12-2007, 11:01 PM

المشاركة الأصلية كتبت بواسطة accord 06

مع العلم انه فيه معنا هنا اعضاء كارفين اكورداتهم و لا اشتكوا منها مثلك

سيارتي 2005 ماشية 140 الف في اقل من سنة ونص
ما أعرف أحد قد كرف اكورده مثلي

وقسم بالله العظيم ماخليت شيء
سرعة يمكن في الأسبوع مرتين ثلاث تصك 220
صيانة اهمال لأبعد الحدود لدرجة ان السيارة ما تعرف شيء اسمه وكالة
حفر مطبات طرق غير معبدة ما تقول شيء
أذكر قبل سنة تقريبا البريكات الأمامية عندي كانت مخلصة وصار لها اسبوعين وأضطريت اسافر عليها يوم جمعة2000 كيلو (بدون بريكات) كنـت اهدي بالجلنط والقير ولا قالــت شيء بس الهوب صار خريطة

وازيدك من الشعر بيت السيارة مقلوبة 3 قلبات وماصلحت فيها غير البدي وعلبة الدركسوون بس بس

والباقي كله سليم وش تبي أكثر من كذا ;);)
أكثر من واحد يسوقها معي وماعندك مشكلة

قولوا ماشاء الله

بالنسبة لي ما أعتقد اي سيارة من سيارات تويوتا الجديدة تصبر معي زي الأكورد ;);)
...
^^^^^^^
هذا سبب تعصبي مدري عن غيري ...

**إنسان** · 18-12-2007, 11:03 PM

انا شاري فحمات الكامري جديدة من الوكاله ب250 ريال امامي وخلفي وفيها تصفير (ايييييي) من يوم ماركبتها.
السعر مو كل شيء في اختراع اسمه الجودة ;);).

إنت مقتبس ردي اللي قلت فيه قماش الكامري الخلفي ليش تجيب سعر الخلفي والامامي !!!
وإذا على التصفير حتى قماشات البي ام تصفر :d
كلامي كان عن القماش الخلفي يا عربي
يستهلك بسرعة غريبة وسعره 180 ريال ، وعند الكامري 70 ريال ، الخلفي يا عربي الخلفي .
اي جودة ادفع فيها زود 90 ريال وهي مثل ما بغيرها !!!

**إنسان** · 18-12-2007, 11:07 PM

م م و السعوديه 5 5 7
:d
الله يبارك لك فيها وتكسرها بالعافية بعد مية سنة من هنا ، تتوقع بتظل عايش وقتها :d تتهنى فيها
وش اللي مخلي علبة الدريكسيون تروح بسيارة 2005 ومن شركة اشتهرت بالجودة
عرفت حرقتي الان
ان بعض الخرابات هبلة لابعد درجة
احب نقاشك اخوي
عقل بعقل بعيد عن التجريح والسباب

**The Godfather** · 18-12-2007, 11:23 PM

نـحن بـمـا عـنـدنا و أنت بـما عـنـدك راضٍ و الـرأي مختلف

لكل سياره عيوبها .... و اصحاب التويوتا يرفعون لسيارتهم و اصحاب الهوندا يرفعون لسيارتهم ...

بس ملاحظه بسيطه لكل شخص يأتي من بعدي .. احتفظ برأيك لنفسك ... و ان اردت ان تتكلم .. تكلم بالحقائق و افحمنا بالدلائل

العضو إنسان يعاني من مشاكل بايخه في سيارته لو عانيت منها انا بنفسي .... كان ممكن اعمل نفس ما عمل هو

و ممكن بدل ما اكتب بالمنتديات الاخرى .... اروح اقول لعائلتي و عيال عمي و غيرهم كثير و الكلام السيء ينتشر مثل انتشار النار بالهشيم

و لكن انتم عصبتو علشان هو راح لمنتدى تيوتا و نزل من شأن الهوندا ..... و الناس هنا تعتبر تيوتا العدو اللئيم الذي يخرب سيارات الهوندا من امام ابواب منازل اصحابها بالليل !!!!

انا اقول ان الموضوع اخذ اكثر من حقه ..... العضو إنسان اراد ان ينفس عما اتاه من هوندا لا اكثر و لا اقل و قد بين وجهة نظره .... و ان كنتم تريدو ان تقيدو اراء بعضكم فهذا امر جلي هنا !!

اغلبكم مر عليه العضو زياد .... عضو اشترك معانا .. رفع من شأن الكامري و ووداها السما و صارت خلافات مالها اول و لا اخر ..... و بعد ما جرب الهوندا و شاف بنفسه .... جاء الينا مره اخرى و اعتذر و قال ان بعد تجربته للهوندا .. اختلفت وجة نظره 180 درجه

لم نقيد حريته و تركناه و ردينا عليه .... و مع ذلك انتم هنا تعيبون على العضو انسان لانه قال وجهة نظره

بعد مراجعتي لردود بالموضوع الموجود بالمنتديات الاخرى ... ما شفته جاب طاري التيوتا و قال انها احسن من الهوندا .. بينما وضح ما رآه من الهوندا

و اسمحو لي ..... ربما تكون مشاكل العضو ليست من السياره انما من الوكيل

و كل شخص يحاول ان يعيب الهوندا بسبب الوكيل ....

لو انكم جربتو الهوندا مع وكيل الكويت او الامارات .. كان ممكن ترفعون للهوندا الى السما و الناس ما تعترض عليكم

و اتمنى قفل الموضوع لانه صار من غير معنى .... العضو حضر و بين وجهة نظره

و كل من يطالب بأعتذار

انا اعتذر بالنيابه عن العضو

و العضو انسان هذا اعتذار مني و بوسه فوق راسك بالنيابه عن كل من تطاول عليك بالكلام و خلصونا

و عيدكم مبارك ...... :d

و سعر الاضحيه والع نار عندنا ( 80 دينار = 1040 ريال )

**accord 06** · 18-12-2007, 11:24 PM

المشاركة الأصلية كتبت بواسطة إنسان

لكل اللي سبوني او غلطوا علي

لهم مني السلام ومسامحين وعساكم على القوة ( المراجل باللسان سهلة )
وإذا على العقل تشوفونه ناقص عندي
فترى شيابنا قالوها زماااااااااااااان
كلن بعقله عايش
وإذا أنت وهو أعقل مني فما يحق لك تمنعني اكتب اللي أبيه بشرط ما اسبك او اشتم فيك ولو لقيتني سبيت بأحد غير وكالة الهوندا ( اللي كلكم كارهينها ) فلك مني بوسة على خشمك يمكن ترضيك
-----------------------
تعالوا سوا نشوف مواضيعكم ونشوف كلامي وردودي
وش غلطت عليكم فيه
إن معي هوندا وأذمها !!!
ولا لأني مصور ردود الشباب هنا !!!
ولا لأن اللي قلته صحيح مية بالمية !!!
المشكلة انكم طرتم بالعجة اكثر مني ، ولكل واحد منفعل اقول له ابلع ريقك واقرأ اللي بكتبه زين ترى ما يضرك مثل ما كتبت شتايم او انتقاصات تقرأ وش برد عليك فيه .
شغل المقارنات وأبان صاحب الموقع أولكم يعرف اني ما ادانيه ولا اطيقه ، لكن عمري ما دخلت عليكم هنا بالمنتدى وغلطت على واحد هنا يقارن لاني حكمت على نفسي بمذهب الشياب وكلن بعقله عايش .
إذا معي هوندا فتراني يالحبيب ذميت غباوة خراباتها ، سوء وكالتها ، رفع اصحابها لها فوق كل السيارات ، يعني تعيبون على اصحاب الكوامري انهم بازين بروحهم وسياراتهم يشوفونها فوق سيارات الناس وأنتم مثلهم ، لا بالعكس ، بعضكم اسوء منهم ، اقلها هم احترموا سياراتهم وقارنوها بفئتها مثل الاكورد والالتيما ، اما انتم رفعتوها لفئة أعلى منها ، لا وتجريتم وسبق قريت هنا ردود ان شركة هوندا تقنيتها ألمانية !!! تعال يالحبيب وقلي وش الالماني فيها ؟ فشخة الكفرات ؟ تراها بالالماني بعد الـ 120 مو على طول السيارة فاشخة .
بالجودة ؟ بلا دجل ، المكاين حتى بالكوري تعيش ، بشرط إنك تعطيها ، سيارة ما كملت ثلاث سنين وطرمبة الدريكسيون عندي تهرب زيت واصوات ورجة وهبالة ما بعدها ، لا تجيني انت وهو وتقول موسوس ، اغلبكم اشترى السيارة من فلوس بابا بعد النجاح يعني ما همه لو احترقت بعد اسبوع ، لانه ما تعب بقيمة السيارة مثلي لجل يحس إنه صدق وماهو دعاية إن الهوندا تعمر وتعيش ، وإن الوكيل يحترمه ويقدره لا ويدور رضاه بعد ، لان شغله انه يراعي اي عيب بسيارته ما دامت شركة هوندا تتحمل العيوب المصنعية .
كل ذمي عن الاكورد كانت حكاية لتجربتي انا ، ولسيارتي انا فلا تجيني وتقول ليش شريتها ، ظني ماهو شغلك لاني ما اعترضت هنا بمنتدى هوندا يوم على سالفة إن الهوندا أطلق سيارة ، فامسك ركنك وأمسك ركني ، وإن جيت بركني فلا تلومني ، المنتدى للكل ، ما هو بس للمطبلين وشلة اللي يبي الشكل الزين بالسيارة او الجنط العريض او السيستم والخراط هذا اللي ليته يركبه من سعة ، لا من فلوس المكافأة او مصروفه ، بس ارجع واقول ماهو شغلي ، وشوفوا وش ازور من اقسام بالمنتدى .
---------------------------
طيب ما اقنعك اللي فوق عن شرائي للهوندا وكرهي لخراباتها .
اجل بتصير زعلان لاني نشرت مشاركات وشكاوي الشباب هنا ؟
والله اللي ما يبي مشاركته تنشاف يخبيها بمخباته ، والمنتدى يتصفحه الضيف قبل العضو وكنت اقدر احط الرابط حق الهوندا بالمنتدى وتعال شوف الفضايح وقتها ، احنا هنا اسرة وحدة صح ، ابداعاتكم رازينها باليوتيوب ، وعيوب سياراتكم عيب وشرهة تنشاف من زباين التويوتا ؟؟!!
--------------------------
بكل المشاكل اللي عددتها ، تحاشيت اذكر اي مشكلة شخصية بسيارتي ، وصرفت الكلام عن المشاكل العامة الموجودة بكل الاكوردات ، وهنا الكل قدام خيارين : إما انه شايفني كاتب كلام صحيح وماكذبت على الهوندا بشيء ، لكن صراحتي جرحته ، او إنه مطبل كبير للهوندا ويدافع عنها كأنها أعطته السيارة ببلاش !!!
--------------------------
خاتمة أخيرة من نقاط :
1- موضوع النخبة تراني ما طلبته ، لاني عمري ما دورت على اشراف او تقدير بمنتدى ، لكن اسألوا أبان ليش أعطاني تشريف النخبة ، انا ما اجاوب ، لا وابشركم مالي حرف واحد بمنتدى النخبة ، وموضوع سحب الصفة أو بقاءها ما يهمني لاني لا سعيت وراها حتى تمنونها علي ، ولا ضايقت احد بشيء لو انرزت تحت اسمي ، تعودت اكون صادق واللي ما يعجبه صدقي مو شرط يسمعه !!
2- اليوم عرفة وبكره عيد ، ومن طبعي وسيع بال ، فكل من سبني مسموح بالذات اللي اعتبرني من فصيلة الكائنات اللي تنبح على قافلتكم ، ترانا صيام وعلى ابواب العيد .
3- رجاء خاص للإدارة بعدم حذف كلمة واحدة من ردود الشباب ، وإن عزمتم فردي أولى بالحذف من ردودهم بنظرهم ونظري .
4- ارحب بردودكم ولي عودة اكيدة لو لقيت ما أقدر أرد عليه ، واوصيكم كل واحد يبطل انفعالات وتطبيل ، ترى الشركة هوندا ولا تويوتا ماهي شركة ابوك ، ولا وهبوك السيارة بلاش ، تراك راكب حديد ، وإن سبه أحد تراك ناقص عقل لو زعلت .
5- للتنبيه ، ما مدحت التويوتا بشيء في موضوعي اللي زعلانين منه ، لان في عضو هنا ، يقول لو بكتب عيوب الكامري تمتلي صفحات .
6- إنسان حر بما يكتب وما ولد من يقرر وش أكتب ووش ما أكتب ، وتقدروا تشرفوني وتسوون لي دعاية بالبحث عن نكي بجوجل ومعرفة المنتديات اللي اشارك بها ووقتها انقلوا كلامي كله هنا .

كسر الله أنوف أعدائكم :d وجعل عيدكم مبارك

هذا كلامك اللي اقصده

وبالنسبه للزيت اللي دفعوك قيمته هذي مشكله بالوكيل ما هي بالسياره

مع العلم اني مصلح سيارتي بالرياض و لا اخذوا شي مني

--------------

م م و

اجرااااااااااااااام

الله يحفظها لك

إنسان

بعد كلام م م و

تحمست اكثر اني اعرف معلومات عن سيارتك

**accord 06** · 18-12-2007, 11:38 PM

بالنسبه للفرامل الخلفي اعترف انه عيب بالاكورد

ما ادري هو بسبب ان الفحمات حجمها صغير ؟

لكن برضوه ما تقارن مع الكامري :d

الكامري وش فيها بالله ؟ ABS و لا EBD و لا BA << الكامري 2003-2006

الظاهر الفرامل الخلفي ما له فايده الا بالجلنط

فطبيعي ما تخلص الفحمات الخلفيه الا اذا انت راعي تفحيط ;)

بينما الاكورد فيها جميع الانظمه السابقه

و قوة الفرمله تتوزع الكترونيا على الكفرات الاربعه حسب وضع السياره

فـ الفحمات الخلفيه لها دور بالفرمله العاديه و طبيعي ان عمرها اقل من فحمات الكامري

<< طبعا هذا ما هو مبرر ان الفحمات تخلص خلال 40 الف كيلو

طيب بما اننا نتكلم عن الفرامل .. فحمات الكامري الاماميه كم تعيش ؟

20 - 25 الف كيلو بالكثير و تبدا الصرصره

بينما سيارتي اكورد 2006 .. ما غيرت فحماتها الا قبل اسبوع

بعد ما مشيت عليها 87 الف كيلو << بهذي المسافه تغير فحمات الكامري اربع مرات

**م م و السعوديه 5 5 7** · 18-12-2007, 11:58 PM

المشاركة الأصلية كتبت بواسطة إنسان

م م و السعوديه 5 5 7

:d
الله يبارك لك فيها وتكسرها بالعافية بعد مية سنة من هنا ، تتوقع بتظل عايش وقتها :d تتهنى فيها
وش اللي مخلي علبة الدريكسيون تروح بسيارة 2005 ومن شركة اشتهرت بالجودة
عرفت حرقتي الان
ان بعض الخرابات هبلة لابعد درجة
احب نقاشك اخوي

عقل بعقل بعيد عن التجريح والسباب

يا حبيبي قلنا السيارة مقلووووووووووووووووووووبة 3 قلبااااات
لو سيارة ثانية كان غير الدودة والعلبة والمساعدات والعكوس والهوبات ووووو ;);).
بعدين عندي ملاحظة ياخوي لا تأخذ نص الكاس اللي يعجبك وتخلي النص الثاني
اذا بترد على احد اقتبس رده كامل

.

**م م و السعوديه 5 5 7** · 19-12-2007, 12:01 AM

المشاركة الأصلية كتبت بواسطة accord 06

بعد ما مشيت عليها 87 الف كيلو << بهذي المسافه تغير فحمات الكامري اربع مرات

يالله يا انسان انـت قلت في منتديات تويوتا اذا كملت 40 ألف تعطي راعيها قيمتها

هذا أقرب واحد مشاها لك دبل الأربعين وش تبي بعد

.

*عشان ما تقول محافظ والا مو حق سرعه و و و ...

**إنسان** · 19-12-2007, 12:20 AM

BLACK_ACCORD

أقسم لك من أول ما قريت الموضوع ضحكت ولا شلت بخاطري على اي عضو هنا
اخوان وتشرفني معرفتهم عسى الله لا يغير علينا
دايم أزعل لا شفت اصحاب الهوندا حاطين دوبهم بدوب التويوتا ، الدعوة مركب يوديك ويجيبك .
تذكرت جملة قبل 12 سنة درستها بمدرسة تعليم القيادة ، يقول فيها المدرب ، السيارة تتكون من محرك وناقل حركة وهيكل واربع عجلات ، يعني هذي خصائص تتشارك فيها كل السيارات .
القضية اللي تزعلني وتضحكني ان بعض الشباب حارمين التويوتا من انها تكون سيارة ، ما قلنا سيارة زينة قلنا سيارة حتى لا نرجع لموال بيع الهوندا وخذ تويوتا :d
سعيد بشوفتك وبردك
----------------------------
حبيب قلبي والله accord 06
سامحنا على الحماس بردي عليك .
وبالنسبة لسيارتي
أكورد 2005 ستندر و4 سلندر ماشية 104 الاف ، وبعمرها ما مشت اكثر من 160 الا 3 مرات بس واغلب ممشاي عليها خطوط سريعة بحكم دوامي 140 كم رايح ومثلها رجعة .
العيوب اللي فقعت قلبي :
1- تناوب اللمبات بالخراب وكأنها تستهبل علي وتستفزني ، واقصد باللمبات الناعسات وانوار الداخلية يا رجال حتى الطبلون ايام تجيه حالات ويرفع ضغطي وهو يرمش مهما فريت محدد الاضاءة حقه .
2- الفرامل وما فيها من اصوات ورجات ، وبعد صراخ مع الوكالة غيروا الهوبات والسيارة مشت 20 الف كم ، الشيء اللي يذكر إن الفرامل الامامية عندي للان ما غيرتها ، وباقي فيها نص العمر .
3- قبل كم يوم اكتشفنا زيت على طرمبة الدريكسيون وطرحت الموضوع بقسم الصيانة على هالرابط http://www.hondaarabia.com/club/showthread.php?t=6943
4- مشكلة السنتر لوك اللي يعلق وهذا رابط الموضوع http://www.hondaarabia.com/club/showthread.php?t=6961
5- قبل تغلق السيارة الـ 40 الف كم تم تغيير رديتر المكيف على الضمان بسبب وجود تهريب بالفريون اكتشفناه لما بطل المكيف يعطي هواء بارد ، الوكالة تقول مني الخراب ، لكن ما طولوا بالاخذ والرد ومدير الصيانة امر بتغيير الرديتر على الضمان بشرط اني اعمل صيانة الـ 40 الف كم .
6- السي دي ، هذا اللي جاب لي وجع الراس ، بعد انتهاء الضمان خرب علي والوكالة تقول يكلفك فوق الـ 4 الاف ، وصلحته برا والله يستر لا يخرب .
7- مزاج السيارة غريب ، يوم عزمها فوق ويوم تحت ، ايام لازم ادوس دواسة البنزين للاخير لجل اتجاوز سيارة بطريق مزدوج رغم اني اكون مغير الفلاتر والبواجي لا وبالوكالة بعد ، وقالوا لي الوكالة القير الاوتو مبرمج على كذا يقلل التبديلات .
8- عندي خفة غريبة بالدريكسون بالسرعات العالية ، مع ان المفروض كل ما زادت السرعة يثقل ، يعني تخاف لا تلف الطارة شوي وانت منقلب ، واحد مهندسي الصيانة قالي هذا عيب بهيدروليك الاكورد .
9- الرجة المعروفة ، وطلبت فحص كراسي القير والمكينة بالفحص المجاني الاخير وكل شيء سليم وتزيد الرجة بشكل لا يطاق بعد العودة من الدوام يعني بعد الخط الطويل .
10- اقسم بالله جلد الابواب عندي تقطعت من حالها :( بالذات باب الراكب والسيارة توها ما لحقت اتهنى فيها .
كل هالعيوب ويزعل الشباب لما اذم بالهوندا !!!
السيارة بعد 3 شهور ونص تكمل 3 سنين ، ودي احس إني راكب سيارة اخترتها لجودتها !!!
جربت التويوتا وجربت الشيفرولية لي شخصيا والجي ام سي للوالد والسوزوكي والفورد لاخواني .
التويوتا موديل 97
والشفر سيارتين 94 و 96
والجمس 2000
والسوزوكي 98
والفورد 2005
ما استبعد عليها اي عيوب ، برغم ان بعضها نادر الخرابات مثل السوزوكي والتويوتا لكن الباقيات سيئة جدا .

**محمد بن عبد العزيز** · 19-12-2007, 12:21 AM

يؤيؤيؤ
بس اخذت لي غفوه ونمت شفت العالم تتهاوش ع الفراش والسرير>>هيه مضيع انت

المهم

اول مره اشوف الشعب يتضاربون على حديد وبكره العيد

كل واحد بين وجهة نظره وفي الاخير

ماعرف ينقلها له باسلوووووووووب مقنع

طيب شي بديهي وشي طبيعي

اي منتدى تجي فيه
(تويوتا-هوندا-نيسان)واي سيارات اخرى

تحصل الاعضاء المسجلين بالمنتدى هم ناس فاهمين بالسياره ولا اشتكو منها

فكل ماتسير على منتدى راح يرد عليك عضو مجربها واكيد راح يمدحها والا اذا ذمها صدقني مابيكمل في المنتدى اكثر من اشهر معدوده

والسياره معاي من عام 2005 الى الحين وهي ماشيه زي اللوز

وامدحها وارفعها فووووووووق ليش

لاني مجربها وماشفت شي فيها
..

ياشباب

فيه كم موضوع في المنتدى هذا تهاشونا فيه
وقام البوكس والمفك العجل وكم واحد قام يرمي مسامير الكفرات ع الثاني

وفي الاخير

حديد مصنوووع>>زي سالفة الجلد المنفوخ>>>على شي جمااااااد

خلاص قفلو الموضوع

وخلونا نتعايد

وننبسط

ترا اصبحنا على العيد

وانا وراي خط وفيه واحد ساحب علي .. الظاهر ابروح بموتري>مسوي يقهر خخي خيييييييي

يغلق الموضوع علشان مانحصل مفك عجل عندي تحت الكمبيوتر

**إنسان** · 19-12-2007, 12:24 AM

يا حبيبي قلنا السيارة مقلووووووووووووووووووووبة 3 قلبااااات
لو سيارة ثانية كان غير الدودة والعلبة والمساعدات والعكوس والهوبات ووووو ;);).
بعدين عندي ملاحظة ياخوي لا تأخذ نص الكاس اللي يعجبك وتخلي النص الثاني
اذا بترد على احد اقتبس رده كامل .

أبشر طال عمرك بس ركز بالسطر الاخير من ردك ;) بنحتاجه بعد شوي ;)

يالله يا انسان انـت قلت في منتديات تويوتا اذا كملت 40 ألف تعطي راعيها قيمتها

هذا أقرب واحد مشاها لك دبل الأربعين وش تبي بعد .

*عشان ما تقول محافظ والا مو حق سرعه و و و ...

قلنا الخلفية يا عربي الخلفية
اقتبس كلامي كامل ;)
اصلا الامامية عندي 104 الاف كم ولا غيرتها للان

**إنسان** · 19-12-2007, 12:34 AM

accord2002

:d
حبيب قلبي والله
اما هواش باستخدام اسلحة الدمار الشامل من سياراتنا
تخيل واحد يجدعني بصامولة :d
ولا تلقاني شايل اشتراك البطارية واجلده فيه :d
انواع الفله وربك :d
بس ما توصل يا عربي لكذا :o
اخوان وحبايب

**م م و السعوديه 5 5 7** · 19-12-2007, 12:35 AM

خلاص ياحلو ولا تزعل
انا أخبر الأمامية تخلص قبل الخلفية والخلفية عمرها أطول
هذا بالنسبة لي انا وبيونيك والشباب حقين السرعة
برضوا مايمنع انا متأكد بعد شوي بيطب واحد من العيال مكمل ال40 ألف ;);).
بتجيك رسالة خاصة بعد شوي عشان تضيفني عالمسن

.

**محمد بن عبد العزيز** · 19-12-2007, 12:46 AM

طيب طيب

عندي لكم حل

ليه ماتجون ع الماسنجر

وتفلونها صح

ممكن الوجيه التعبيره تفي بالغرض اكثر من الاسلوب

>>خخي خييييييي

يكون احسن

تبادلو الماسنجر ع الخاص

والموضوع هذا يحذف
والي بيصير نسوي دعوه لكم واحد ونقلبها فله >شات ينشات بشوته

وراح نوصل لحل احلى

بلا نتفه من هنا بلا دليل من هنا بلا اقتبس كامل