ياخي مع احترامي الشديد لك انك متناقض في ردك اللحين انت تقولي اني جالس ابهر
واقول كلام ماقلته واللحين تعترف وتقول ان كلها شركات يابانيه
أي تناقض
هل الكامري هي كل التويوتا :d انت تقول إني قلت الكامري ياباني وهذي الصورة لعيونك
والصورة اللي تقول اني اناقض نفسي فيها قلت فيها ان التويوتا ياباني
تبغى تنقل كلامي افهمه قبل تنقله
وعيدك مبارك وعزيز وغالي
لايكون الكامري من وكالة مرسيدس وانا ماادري
وعيد مبارك علينا وعليك
اول شي كل عام والجميع بخير
والجميع بخير
-----------------------
انا الحين معاي كامري وماجلست افضح فيها مع انها كلها عيوب
:d
يا عرب
هاتوا لي كلمة ولا جملة مدحت فيها الكامري هنا ولا هناك غير اني قلت ان قماش الكامري الخلفي ارخص من قماش الاكورد بحدود الـ 90 ريال ويمكن يعيش اكثر منه .
رجاء خاص للكل ، بطلوا حشر للكامري بالموضوع ، تروكم أبدعتم في انكم تكرهوني فيها :d من كثر ما تجيبون لي طاريها هنا
-----------------------
ولو تبيني ارسلك وش قصتي مع ابو جميل راسلني على الخاص
أبو جميل هههههههههه
خويك بالاستراحة هو ;)
لا تزعل مني تراني امزح :d
هل ننكر إن ابو جميل على قولتك ناجح بمرتبة امتياز تسويقيا ؟
هل انتشاره ساهم بانتشار التويوتا ؟
بالمدينة اللي تسكنها كم مركز صيانة له وكم مركز لعبدالله هاشم ؟
وين مكانة الهوندا بين السيارات اذا وكيلها ذابح الناس بقطع الغيار ، وبزحام الصيانة ؟
جاوبوني بعقل ماهو بعاطفة
ومطلوبة من الكل طلبت رجال
ابعدونا عن الكامري :d
المشاركة الأصلية كتبت بواسطة إنسان
هل ننكر إن ابو جميل على قولتك ناجح بمرتبة امتياز تسويقيا ؟
ناجح قليله فيه لانه حصل ناس ينلعب عليهم بقوه
هل انتشاره ساهم بانتشار التويوتا ؟
لا>>> لان تويوتا بنيت على سمعه سابقه ومازلت اثارها موجوده وستزول اذا استمر الوضع على هذا الحال
بالمدينة اللي تسكنها كم مركز صيانة له وكم مركز لعبدالله هاشم ؟
انا من الرياض وابو جميل:dخويي له اكثر من 1000 مركز صيانه بينما ابو هشومي:dعنده 2 على مااظن بس المشكله اللي فينا ناخذ دايما بالارقام ولانعرف وش يصير عندهم
اذا انت من الرياض روح تويوتا فرع خريص _اقسم بالله ولا مره اروح فيها صيانة الا جالس اركض ركض ورا المهندس ووراي وفود من الحجاج >>خخخخخ اقصد من الزبائن مثلي
واجلس ساعة وانا انتظره واخر شي السياره تطلع من عندهم كان ماسوينا شي واذا ضبطوه يخربون لك شي اخر>>>هذا الكلام من واقع تجربه يعني ماهو خنبقه مع احترامي للجميع
بس اللي عاجبني في هوندا انها اعترفت في عيب مصنعي وهو ليات الدركسون بينما تويوتا تدعم صناعة العيوب
اما صيانة الهوندا مادري عنها يمكن نفس وضع ابوجميل
وين مكانة الهوندا بين السيارات اذا وكيلها ذابح الناس بقطع الغيار ، وبزحام الصيانة ؟
في المرتبه الاولى لان فيها جوده مصنعيه وهذه لاتناقشني فيها ابد لانه انا شاري فحمات الكامري جديدة من الوكاله ب250 ريال امامي وخلفي وفيها تصفير (ايييييي) من يوم ماركبتها
وبالنسبه لزحام الصيانه رديت عليك >>رايي الشخصي
بتجيني تقولي وش دخل الكامري وانا قولك سوألك فيه مقارنه
وانا اللي ضايقني في كتابتك في منتدى تويوتا عبارة (أخيرا ترى في موقع مختص بالهوندا وكل مشرفيه معترفين بأخطاء الاكورد وعيوبها ، فلا تجي هنا وترفعها فووووووووق ).
وكانك لست احد من اعضاءه وعندك نخبه بعد
وبعدين عبارتك هذه( اللي اخترقه قبل فترة شخص بتحريض من الوكيل بسبب البلاوي اللي طلعها وكسر منطق إن الهوندا أطلق سيارة يابانية .)
انت عالم بالغيب انه عن طريق الوكيل الاختراق لاتقولي في واحد من الشباب قالي <<لاني بقولك ياكثر اللي يقولون واذا انت متاكد عطنا مايثبت
تحياتي
انا ماادافع عن عبدالله هاشم وداري اانه اكبر حرامي وهمه جيبه وكل الوكلاء الموجودين مثله
بس ماعجبني ردك في العبارتين السابقتيين <<وكل حر براياه بس لايعمم
وفي النهايه ماقول الا كل عام وانت بخير وجميع اعضاء منتدانا والمسلمين بخير وصحه وسلامه
الا كم شريتوا الاضحيه <<<يغير الموضوع;):d
التعديل الأخير تم بواسطة المـــــلكـ اكـــــورد ; 18-12-2007 الساعة 10:15 PM
أقووووووووووول يا شباااااب لا يهمكم أحـد ... ولا يرتفع ضغط الواااااااحد من كلااااااااام بكرة عيد ..
وكـل عاااااااااااااااااااااااااام ووووووووووانتوووووووا بألف خيررررررررررر ...
لايكون الكامري من وكالة مرسيدس وانا ماادري
:d
ولا يكون السيتي من وكالة تويوتا :d
تدري ان هوندا سيتي صناعة تايلندية ؟؟؟ يعني مكتوب على القزاز Made InThailand
لكن المكونات كلها يابانية
ولا التويوتا تجميعها خردة
والهوندا اصلي وما يحتاج
إلا بسألكم متى بيدخل الأمام لصلاة العيد ..
ولا أحد يتعشى .. اتركوا مكان للمقلقل والكبدهـ
.كذب ياعنيزهـ منتي باريس نجد .. باريس أصلاً هي عنيزهـ فرنسا..
اخي اذا انت مو عاجبتك الاكورد بيعها واشترى اليك كامري هذا الشي انت تختار ولا تجبر نفسك على شي ما تبيغاها واحنى مهما كانت نوع سيارتك بنرحب فيك
تتعب وانت تكتب وبالاخير يشوف الخطاء عليــك هــــــــــــع
عدل مزاجك بشاهي الربيـــــــــــــع :d
بكرة اذهب لموقع تويوتا وصور الردود اللي هنــا
ولا تنسي ردي حط له برواز :d
accord2002
كلام سبيشل
------------------
الملكة اكورد
لو كنت عضو ومن النخبة أو حتى مؤسس لموقع كله ولا يهون أبان ، ما اقعد انفخ بسيارتي وكأني من اللي يطلعون في التمثيليات القديمة ، واقعد اصيح الزين عندنا والشين عند غيرنا ، ترى ما دهورنا بالاسهم غير المطبلين لاسهمهم :d
يا أخي كلن راضي بسيارته
بس نتواضع ونقبل عيوب سياراتنا لانها اختيارنا
ما ننكرها ونحذف العيوب على غيرنا
أبغى نوصل لدرجة اننا نقول الاكورد سيارة ما مثلها ونسكت ، ما نزيدها فوق قدرها ونحطها بصف الألماني ولا البي ام ، أدري بتقول كلن حر برأيه ، لكن انتم عركتوني برأيي وزعلتم منه !!!
عساك سالم انت وجميع الاعضاء
------------------
حبيب قلبي MOHAMMED SS
شاكر ترحيبك
ولا زلت فاهم مدار الموضوع غلط يالغلا
لا مدحت الكامري ولا ذميت الاكورد ،
عددت عيوب الاكورد وقلت لها عيوب مثل غيرها وما يحتاج نرفعها فوق فولعوا فيني الشباب وما بقى غير يطردوني من هنا :d
وكل مرة يطلعون لي بباب
مرة مالك حق تنقل ردود ومواضيع الشباب وكأن اللي كتب الردود قفلها برقم سري !!
حتى عنوان الموضوع
فضيحة !!!
لو منكرين اللي بالموضوع كان كتبوا كذبة ما هو فضيحة
مشكلتنا ندافع عن الهوندا كأنها شركة الموقع ، وإن لنا نسبة ارباح وخلافه .
اختم لك حبيب قلبي بكلمة
راجع ردي رقم 72 في هذا الموضوع وهذا نصه
يا عرب هاتوا لي كلمة ولا جملة مدحت فيها الكامري هنا ولا هناك غير اني قلت ان قماش الكامري الخلفي ارخص من قماش الاكورد بحدود الـ 90 ريال ويمكن يعيش اكثر منه .
رجاء خاص للكل ، بطلوا حشر للكامري بالموضوع ، تروكم أبدعتم في انكم تكرهوني فيها :d من كثر ما تجيبون لي طاريها هنا
لا أبي كامري ولا شيء
أبي تواضع الهونداويين
ما قد طلبته قبل لاني تعودت ما اتدخل بأحد ، لكن تحارشوا فيني ، وفيهم من منكر حتى إني أبدي وجهة نظري ، مع إني لا جرحت بأحد ولا غلطت على أحد ، إلا وكالة هوندا ، ومن ناحيتي يستاهلون وزود .
لكن كل الشباب ألسنتهم وصلت لكيبورد جهازي ودها تضربني :d
التعديل الأخير تم بواسطة إنسان ; 18-12-2007 الساعة 10:35 PM
تتعب وانت تكتب وبالاخير يشوف الخطاء عليــك هــــــــــــع
عدل مزاجك بشاهي الربيـــــــــــــع :d
بكرة اذهب لموقع تويوتا وصور الردود اللي هنــا
ولا تنسي ردي حط له برواز :dحاشاك من الخطأ حتى لو سبيتني بردك الأول
لكن تراني من أول رد لي قلت مسامحين جميعالقافلة تسير وال...... تنبح
أما بقية ردك ، كان ودي لو ما كتبته
لأننا نتناقش
ويحسب لنا جميع اخوتنا رغم تخالف اراءنا
وردك مبروز بطيبة اخلاقك فديتك
^^^^^^^^^^
طيب تتوقع الهونداويين تعصبوا لسياراتهم من فراغ!!؟؟
انـا ما
عمري شفت عملاء متعصبين لشركتهم زي حقين الهوندا لدرجة ان الواحد ما يترك الشركة ويضل يشتري من عندهم سيارة وسيارتين وثلاث
برضوا ما أعتقد انه من فراغ ونفسي أعرف السبب ;);)؟؟
التعديل الأخير تم بواسطة م م و السعوديه 5 5 7 ; 18-12-2007 الساعة 10:45 PM
اقتباس:
يا عرب هاتوا لي كلمة ولا جملة مدحت فيها الكامري هنا ولا هناك غير اني قلت ان قماش الكامري الخلفي ارخص من قماش الاكورد بحدود الـ 90 ريال ويمكن يعيش اكثر منه .
رجاء خاص للكل ، بطلوا حشر للكامري بالموضوع ، تروكم أبدعتم في انكم تكرهوني فيها :d من كثر ما تجيبون لي طاريها هنا
انا شاري فحمات الكامري جديدة من الوكاله ب250 ريال امامي وخلفي وفيها تصفير (ايييييي) من يوم ماركبتها.
السعر مو كل شيء في اختراع اسمه الجودة ;);).
^^^^^^^^^^
طيب تتوقع الهونداويين تعصبوا لسياراتهم من فراغ
أجل وش فرقكم عن أصحاب الكوامري !!!
التعصب واحد ونرجع للمبدأ الاول
الزين عندنا والشين عند غيرنا !!!
ونتهاوش على حديد !!!
قلتها بأحد ردودي اللي من اليوم وانا اكتبها اللي يزعل من واحد سب نوعية سيارته ربي يصلحه بس !!!
كل ردودي دفاع عن تهايمكم لي وربك ادرى بالنيات .
حياك وعيدك مبارك
بالنسبه لسالفة الدركسون اللي انت مكبرها
ما تدري انه عيب مصنعي و يصلح بالوكاله مجانا ؟؟
و لا تبي تثبت صحة كلامك بالغصب
أي صحة كلام
الموضوع كاتبه بمنتدى التويوتا قبل شهرين
وعلى طاري العيب ، تراني مصلحه بوكالة هوندا فرع المدينة
اي غصب أبي اثبت فيه صحة كلامي
راعي الموضوع مسمية فضيحة ، والشباب بعضهم مطول لسانه ذراع كأني ذام الاكورد بهالمنتدى !!!
ولا مجرد وجودي بمنتدى هوندا يخليني امتنع عن كتابة تجاربي مع الاكورد للغير !!!
للان ما خالفت سياسة المنتدى حبيب قلبي
ولو شايف كلامي سيء وردودي هابطة ولا تخدم الموقع ابسط شيء عدل الشين منها ولا احذفه !!!
كلام عندي وبقوله ، وإن كانت حرية الرأي مكفولة والنقاش الحر البعيد عن اي تنابز يلقى تشجيع ، فكلمة الغصب مالها داعي إطلاقا .
كل عام وانت بخير
انا شاري فحمات الكامري جديدة من الوكاله ب250 ريال امامي وخلفي وفيها تصفير (ايييييي) من يوم ماركبتها.
السعر مو كل شيء في اختراع اسمه الجودة ;);).
إنت مقتبس ردي اللي قلت فيه قماش الكامري الخلفي ليش تجيب سعر الخلفي والامامي !!!
وإذا على التصفير حتى قماشات البي ام تصفر :d
كلامي كان عن القماش الخلفي يا عربي
يستهلك بسرعة غريبة وسعره 180 ريال ، وعند الكامري 70 ريال ، الخلفي يا عربي الخلفي .
اي جودة ادفع فيها زود 90 ريال وهي مثل ما بغيرها !!!
م م و السعوديه 5 5 7
:d
الله يبارك لك فيها وتكسرها بالعافية بعد مية سنة من هنا ، تتوقع بتظل عايش وقتها :d تتهنى فيها
وش اللي مخلي علبة الدريكسيون تروح بسيارة 2005 ومن شركة اشتهرت بالجودة
عرفت حرقتي الان
ان بعض الخرابات هبلة لابعد درجة
احب نقاشك اخوي
عقل بعقل بعيد عن التجريح والسباب
م م و السعوديه 5 5 7
:d
الله يبارك لك فيها وتكسرها بالعافية بعد مية سنة من هنا ، تتوقع بتظل عايش وقتها :d تتهنى فيها
وش اللي مخلي علبة الدريكسيون تروح بسيارة 2005 ومن شركة اشتهرت بالجودة
عرفت حرقتي الان
ان بعض الخرابات هبلة لابعد درجة
احب نقاشك اخوي
عقل بعقل بعيد عن التجريح والسباب
يا حبيبي قلنا السيارة مقلووووووووووووووووووووبة 3 قلبااااات
لو سيارة ثانية كان غير الدودة والعلبة والمساعدات والعكوس والهوبات ووووو ;);).
بعدين عندي ملاحظة ياخوي لا تأخذ نص الكاس اللي يعجبك وتخلي النص الثاني
اذا بترد على احد اقتبس رده كامل.
نـحن بـمـا عـنـدنا و أنت بـما عـنـدك راضٍ و الـرأي مختلف
لكل سياره عيوبها .... و اصحاب التويوتا يرفعون لسيارتهم و اصحاب الهوندا يرفعون لسيارتهم ...
بس ملاحظه بسيطه لكل شخص يأتي من بعدي .. احتفظ برأيك لنفسك ... و ان اردت ان تتكلم .. تكلم بالحقائق و افحمنا بالدلائل
العضو إنسان يعاني من مشاكل بايخه في سيارته لو عانيت منها انا بنفسي .... كان ممكن اعمل نفس ما عمل هو
و ممكن بدل ما اكتب بالمنتديات الاخرى .... اروح اقول لعائلتي و عيال عمي و غيرهم كثير و الكلام السيء ينتشر مثل انتشار النار بالهشيم
و لكن انتم عصبتو علشان هو راح لمنتدى تيوتا و نزل من شأن الهوندا ..... و الناس هنا تعتبر تيوتا العدو اللئيم الذي يخرب سيارات الهوندا من امام ابواب منازل اصحابها بالليل !!!!
انا اقول ان الموضوع اخذ اكثر من حقه ..... العضو إنسان اراد ان ينفس عما اتاه من هوندا لا اكثر و لا اقل و قد بين وجهة نظره .... و ان كنتم تريدو ان تقيدو اراء بعضكم فهذا امر جلي هنا !!
اغلبكم مر عليه العضو زياد .... عضو اشترك معانا .. رفع من شأن الكامري و ووداها السما و صارت خلافات مالها اول و لا اخر ..... و بعد ما جرب الهوندا و شاف بنفسه .... جاء الينا مره اخرى و اعتذر و قال ان بعد تجربته للهوندا .. اختلفت وجة نظره 180 درجه
لم نقيد حريته و تركناه و ردينا عليه .... و مع ذلك انتم هنا تعيبون على العضو انسان لانه قال وجهة نظره
بعد مراجعتي لردود بالموضوع الموجود بالمنتديات الاخرى ... ما شفته جاب طاري التيوتا و قال انها احسن من الهوندا .. بينما وضح ما رآه من الهوندا
و اسمحو لي ..... ربما تكون مشاكل العضو ليست من السياره انما من الوكيل
و كل شخص يحاول ان يعيب الهوندا بسبب الوكيل ....
لو انكم جربتو الهوندا مع وكيل الكويت او الامارات .. كان ممكن ترفعون للهوندا الى السما و الناس ما تعترض عليكم
و اتمنى قفل الموضوع لانه صار من غير معنى .... العضو حضر و بين وجهة نظره
و كل من يطالب بأعتذار
انا اعتذر بالنيابه عن العضو
و العضو انسان هذا اعتذار مني و بوسه فوق راسك بالنيابه عن كل من تطاول عليك بالكلام و خلصونا
و عيدكم مبارك ...... :d
و سعر الاضحيه والع نار عندنا ( 80 دينار = 1040 ريال )
التعديل الأخير تم بواسطة The Godfather ; 18-12-2007 الساعة 11:28 PM
معشي الجن
http://www.flickr.com/photos/ashknaney/
Raptor eco boost... anyone whana try his luck !!? XD
BLACK_ACCORD
أقسم لك من أول ما قريت الموضوع ضحكت ولا شلت بخاطري على اي عضو هنا
اخوان وتشرفني معرفتهم عسى الله لا يغير علينا
دايم أزعل لا شفت اصحاب الهوندا حاطين دوبهم بدوب التويوتا ، الدعوة مركب يوديك ويجيبك .
تذكرت جملة قبل 12 سنة درستها بمدرسة تعليم القيادة ، يقول فيها المدرب ، السيارة تتكون من محرك وناقل حركة وهيكل واربع عجلات ، يعني هذي خصائص تتشارك فيها كل السيارات .
القضية اللي تزعلني وتضحكني ان بعض الشباب حارمين التويوتا من انها تكون سيارة ، ما قلنا سيارة زينة قلنا سيارة حتى لا نرجع لموال بيع الهوندا وخذ تويوتا :d
سعيد بشوفتك وبردك
----------------------------
حبيب قلبي والله accord 06
سامحنا على الحماس بردي عليك .
وبالنسبة لسيارتي
أكورد 2005 ستندر و4 سلندر ماشية 104 الاف ، وبعمرها ما مشت اكثر من 160 الا 3 مرات بس واغلب ممشاي عليها خطوط سريعة بحكم دوامي 140 كم رايح ومثلها رجعة .
العيوب اللي فقعت قلبي :
1- تناوب اللمبات بالخراب وكأنها تستهبل علي وتستفزني ، واقصد باللمبات الناعسات وانوار الداخلية يا رجال حتى الطبلون ايام تجيه حالات ويرفع ضغطي وهو يرمش مهما فريت محدد الاضاءة حقه .
2- الفرامل وما فيها من اصوات ورجات ، وبعد صراخ مع الوكالة غيروا الهوبات والسيارة مشت 20 الف كم ، الشيء اللي يذكر إن الفرامل الامامية عندي للان ما غيرتها ، وباقي فيها نص العمر .
3- قبل كم يوم اكتشفنا زيت على طرمبة الدريكسيون وطرحت الموضوع بقسم الصيانة على هالرابط http://www.hondaarabia.com/club/showthread.php?t=6943
4- مشكلة السنتر لوك اللي يعلق وهذا رابط الموضوع http://www.hondaarabia.com/club/showthread.php?t=6961
5- قبل تغلق السيارة الـ 40 الف كم تم تغيير رديتر المكيف على الضمان بسبب وجود تهريب بالفريون اكتشفناه لما بطل المكيف يعطي هواء بارد ، الوكالة تقول مني الخراب ، لكن ما طولوا بالاخذ والرد ومدير الصيانة امر بتغيير الرديتر على الضمان بشرط اني اعمل صيانة الـ 40 الف كم .
6- السي دي ، هذا اللي جاب لي وجع الراس ، بعد انتهاء الضمان خرب علي والوكالة تقول يكلفك فوق الـ 4 الاف ، وصلحته برا والله يستر لا يخرب .
7- مزاج السيارة غريب ، يوم عزمها فوق ويوم تحت ، ايام لازم ادوس دواسة البنزين للاخير لجل اتجاوز سيارة بطريق مزدوج رغم اني اكون مغير الفلاتر والبواجي لا وبالوكالة بعد ، وقالوا لي الوكالة القير الاوتو مبرمج على كذا يقلل التبديلات .
8- عندي خفة غريبة بالدريكسون بالسرعات العالية ، مع ان المفروض كل ما زادت السرعة يثقل ، يعني تخاف لا تلف الطارة شوي وانت منقلب ، واحد مهندسي الصيانة قالي هذا عيب بهيدروليك الاكورد .
9- الرجة المعروفة ، وطلبت فحص كراسي القير والمكينة بالفحص المجاني الاخير وكل شيء سليم وتزيد الرجة بشكل لا يطاق بعد العودة من الدوام يعني بعد الخط الطويل .
10- اقسم بالله جلد الابواب عندي تقطعت من حالها :( بالذات باب الراكب والسيارة توها ما لحقت اتهنى فيها .
كل هالعيوب ويزعل الشباب لما اذم بالهوندا !!!
السيارة بعد 3 شهور ونص تكمل 3 سنين ، ودي احس إني راكب سيارة اخترتها لجودتها !!!
جربت التويوتا وجربت الشيفرولية لي شخصيا والجي ام سي للوالد والسوزوكي والفورد لاخواني .
التويوتا موديل 97
والشفر سيارتين 94 و 96
والجمس 2000
والسوزوكي 98
والفورد 2005
ما استبعد عليها اي عيوب ، برغم ان بعضها نادر الخرابات مثل السوزوكي والتويوتا لكن الباقيات سيئة جدا .
يؤيؤيؤ
بس اخذت لي غفوه ونمت شفت العالم تتهاوش ع الفراش والسرير>>هيه مضيع انت
المهم
اول مره اشوف الشعب يتضاربون على حديد وبكره العيد
كل واحد بين وجهة نظره وفي الاخير
ماعرف ينقلها له باسلوووووووووب مقنع
طيب شي بديهي وشي طبيعي
اي منتدى تجي فيه
(تويوتا-هوندا-نيسان)واي سيارات اخرى
تحصل الاعضاء المسجلين بالمنتدى هم ناس فاهمين بالسياره ولا اشتكو منها
فكل ماتسير على منتدى راح يرد عليك عضو مجربها واكيد راح يمدحها والا اذا ذمها صدقني مابيكمل في المنتدى اكثر من اشهر معدوده
والسياره معاي من عام 2005 الى الحين وهي ماشيه زي اللوز
وامدحها وارفعها فووووووووق ليش
لاني مجربها وماشفت شي فيها
..
ياشباب
فيه كم موضوع في المنتدى هذا تهاشونا فيه
وقام البوكس والمفك العجل وكم واحد قام يرمي مسامير الكفرات ع الثاني
وفي الاخير
حديد مصنوووع>>زي سالفة الجلد المنفوخ>>>على شي جمااااااد
خلاص قفلو الموضوع
وخلونا نتعايد
وننبسط
ترا اصبحنا على العيد
وانا وراي خط وفيه واحد ساحب علي .. الظاهر ابروح بموتري>مسوي يقهر خخي خيييييييي
يغلق الموضوع علشان مانحصل مفك عجل عندي تحت الكمبيوتر
0
0
يا حبيبي قلنا السيارة مقلووووووووووووووووووووبة 3 قلبااااات
لو سيارة ثانية كان غير الدودة والعلبة والمساعدات والعكوس والهوبات ووووو ;);).
بعدين عندي ملاحظة ياخوي لا تأخذ نص الكاس اللي يعجبك وتخلي النص الثاني
اذا بترد على احد اقتبس رده كامل
أبشر طال عمرك بس ركز بالسطر الاخير من ردك ;) بنحتاجه بعد شوي ;)
يالله يا انسان انـت قلت في منتديات تويوتا اذا كملت 40 ألف تعطي راعيها قيمتها
هذا أقرب واحد مشاها لك دبل الأربعين وش تبي بعد.
*عشان ما تقول محافظ والا مو حق سرعه و و و ...
قلنا الخلفية يا عربي الخلفية
اقتبس كلامي كامل ;)
اصلا الامامية عندي 104 الاف كم ولا غيرتها للان
accord2002
:d
حبيب قلبي والله
اما هواش باستخدام اسلحة الدمار الشامل من سياراتنا
تخيل واحد يجدعني بصامولة :d
ولا تلقاني شايل اشتراك البطارية واجلده فيه :d
انواع الفله وربك :d
بس ما توصل يا عربي لكذا :o
اخوان وحبايب
خلاص ياحلو ولا تزعل
انا أخبر الأمامية تخلص قبل الخلفية والخلفية عمرها أطول
هذا بالنسبة لي انا وبيونيك والشباب حقين السرعة
برضوا مايمنع انا متأكد بعد شوي بيطب واحد من العيال مكمل ال40 ألف ;);).
بتجيك رسالة خاصة بعد شوي عشان تضيفني عالمسن
طيب طيب
عندي لكم حل
ليه ماتجون ع الماسنجر
وتفلونها صح
ممكن الوجيه التعبيره تفي بالغرض اكثر من الاسلوب
>>خخي خييييييي
يكون احسن
تبادلو الماسنجر ع الخاص
والموضوع هذا يحذف
والي بيصير نسوي دعوه لكم واحد ونقلبها فله >شات ينشات بشوته
وراح نوصل لحل احلى
بلا نتفه من هنا بلا دليل من هنا بلا اقتبس كامل
0
0
ضوابط المشاركة
مواقع النشر (المفضلة)