ابو البراء عاد وجاهز للأسئله(مراسل داخل الوكاله)

**مجنون هوندا** · 25-09-2006, 02:34 AM

مشكور ابو البراء
لكن الاكورد 2006 اهذا من 2005 و 2004 من ناحية الكفرات
لانه 2005 و 2004 تحس رجه في الكفر

**uob** · 27-09-2006, 11:32 AM

سلام عليكم شباب اخوكم من البحرين ومحتاج خدمة
عندي اكورد 2004 وقلبها اخو قبل كم يوم
محتاج اعرف اسعار القطع بالسعودية لان هنا غالية وكيف اقدر اتصل
زجاج امامي
زجاج امامي
صدام امامي و الحديدة القاعدة تحت الصدام
البكة الامامية الي عليها علامة الهوند
وجزاكم الله خير

**أبو سالم** · 29-09-2006, 03:12 PM

السلام عليكم

مبارك عليكم الشهر......
يا ابو البراء عندك خبر متى بتوصل السيفيك 2007 و هل في فرق بين 2007 و 2006

انت شكلك من جدة بس كلمهم عن فرعكم اللي في الشرقية وش قصته
المعرضين اللي في الدمام و الخبر ما عندهم سيفيك شالسالفه خلوكم كريمين و جيبوا لناكم وحده الشرقية....

تحياتي

**HONDA_Accord** · 02-10-2006, 05:33 AM

اخوي اشكرك على الموضوع وعندي ثلاثة اسئلة

الزينون او الشاشة بالاكورد يلغي ضمان الوكالة او لا واذا جبتهم لكم تركبونه تركبونه ويلغي الضمان او يجلس الضمان ؟

ممكن تجيبون سيارات طلبية مثلا اكورد كوبيه او اس الفين واذا مثلا عندي احد السيارات الي سبقت سواء مستوردة من امريكا او من الخليج تصلحونها وتسوون لها صيانة او لا واذا مافي امكانية مثلا محركات الفتك تجيبونها او لا او هل لها قطع غيار ؟

السؤال الثالث ماهو موعد وصول الليجند الجديدة وكم تتوقع سعرها ؟

اتمنى ما اطلت عليك

**أبو البراء** · 04-10-2006, 05:00 AM

السلام عليكم اعتذر بحراره عن كل من سئلني ولم اجب بالنسبه لخوي هوندا اكورد الشاشه ماتلغي الضمان بالنسبه للسيارات الكوبيه نعم نجيب طلبيه عيال عبد الله هاشم طلبنالهم هندا اكورد كشف ثنتين فقط في المملكه بس عارف كم سعر الوحده من شحن وتصدير 190000ريال بس نقدر نطلبلك...........
يابو سالم غريبه مافي سيفك يمكن خلصت وجايه في الطريق ويا هلا ومرحبا

**اكورد لؤلؤي** · 04-10-2006, 02:51 PM

^^طيب يالغالي الزينون يلغي الضمان ولا لا..؟

**HONDA_Accord** · 05-10-2006, 07:06 AM

اخوي ابو البراء ياليت تجاوب على اسئلتي كاملة !

الاكورد الكوبيه ابي تطلبون لي وحدة مواصفاتها 6سلندر جير عادي 6 نمر وفيها شاشة مابي كشف
كم تكلف؟

**Acc 2006** · 05-10-2006, 12:22 PM

السيارة لما أمشي عليه 40 تقريباً " قبل ماتعشق الثاني " أسمع صوت احتكاك واضح عند دوسة البنزين !

ياليت يا أبو البراء تسأل لي موظفينكم عنها ! .. أو اذا كنت تعرف تفيدني

**k363k** · 06-10-2006, 11:03 AM

أبو البراء أشكرك على الاهتمام بنا ككل
سؤالي كم كومبرسر المكيف حق الاكورد 2001 وهل علية ضمان ولك الف شكر

**

وبماذا تنصحني

فعله **

**saudi club** · 06-10-2006, 01:24 PM

ابو البراء وش تقصد بالجلد من ناحية العيوب أذا أشتكى العميل ! وهل تنصحني أروح لهم للـ1000 ولا أسحب اكورد 2006 ما طقت الـ1000 وأخر رمضان بالعيد بمترها بمشاوير السفر . وش تنصح ؟

أشكرك من أعماق قلبي ابو البراء لتخصيص وقت للرد على أسألة المنتدى

**ابو الحسا** · 12-10-2006, 11:23 AM

السلام عليكم
انا عندي اكور2006 وفصلت العداد ومانفصل وشبكت السلك على طول وولعت لمبة الماكينة ومي راضية تطفي وسويت لها كشف بتالكمبيوتر في ورشة وقالي الحساس لازم يتغير وانا الحين بوديها الصيانة وخايف ينتبهون اني فصلت السلك رغم اني بس يمكن دقيقة وشبكته تكفى يبو براء العلم من عندك ولا من الاعضاء الله يجزاكم خير

**ابو الحسا** · 12-10-2006, 11:29 AM

تكفون عجلو بالرد السيارة في في الوكالة وقالو بعد بكره تخلص

**أبو البراء** · 13-10-2006, 06:40 AM

اخوي ابو الحسا لو انتبهو ازهلها ماحا يغيرونها لك على الضمان بس انشاء الله ماينتبهون ويصلحونها وعلمنا وش صار معك
----------------------------------------------------------------------
اخوي انصحكsaudi club باصيانه 1000 لأنها تسجل لدينا انك اتيت وبعدين وش صيانة 1000 غيار زيت وفلتر بسسسسسسسسسسسسسس
-------------------------------------------------------------------------------

اخوي k363k انا مدخل بيانات في الصيانه بس القطعه عندنا قيمتها 2630ريال بس يمكن تلاقيها بره ارخص
-------------------------------------------------------------------------------------------
اخوي اكورد لؤلؤي الزينون مايلغي الضمان
-----------------------------------------------------------------------------------------
اخوي ACC2006 الصوت طبيعي وهو تنشيط للABS وهي تقنيه متطوره لدى هوندا
معليش الرد جاء متأخر
-----------------------------------------------------------------------------------------
اخوي هوندا اكورد توجه الى احد فروعنا الرئيسيه في الرياض وجدة وانشاء الله يفيدونك عن طريقة الطلب
-------------------------------------------------------------------------------------------------
موضوع جديد
بالنسبه للأكورد 2008 يمكن يكون فيها يا حساسات او يكون فيها زينون او الأثنين معا هذي اشاعات عندنا في الوكاله ماطلعت هالأشاعت الا عن خبره 0000000وهذه فائده من ابو البراء والسلام عليكم

**ككتان** · 14-10-2006, 05:40 AM

اخي ابوالبراء الرجاء التكرم بأعطائي الحل في المشكله اللتي تواجهني
انا معاي هوندا اكورد موديل 2006 .... هل هناك حل في مشكلة التنسيم حيث ان السيارة يظهر فيها التنسم(باب السائق) حتى على سرعة 40 او 60 كيلو ... الناس تقول انه عيب مصنعي ... الرجاء أفادتي وشكرا.

**أبو البراء** · 15-10-2006, 06:04 AM

اخوي الحبيب ككتان اذا كان صوت التنسيم عالي تغيره لك الوكاله على الضمان واذا كان مو واضح بيرقعونه لك ويقلولك مع السلامه عاد شوف كيف الصوت و رد علينا

**هوندا 2007** · 18-10-2006, 09:34 AM

أبو البراء

عندي سؤال

هل عيوب الجلد والتنسيم والفحمات والقماشات الي في 2006

موجوده في 2007 ولا لا رد علي بالتفصيل تكفا وباسرع ....

**هوندا 2007** · 20-10-2006, 05:33 AM

ابو البراء انا احتريك ترد على سؤالي انا محتار لاني ناوي اشتري علمني

المشاكل الي في ال2006

القماشات

والفحمات

موجود في 2007 ولا لا

**A C C O R D** · 20-10-2006, 07:16 AM

اخوي ابوالبراء عندي سؤالين الله لايهينك...,

1:ـ وش اسهل طريقه لفك فلتر الهواء (المصفي) لأن طريقة فكه صعبه جدا ...,

2:ـ طبعا الموتر اكورد 2006 هل يوجد ضرر لو اركب دبه ثانيه كامله موصله توصيل كامل يعني افتح فتحه دائريه في الماسوره والحم ماسورة الدبه الثانيه فيها وامددها وتطلع زي 6 سلندر والكثير من الناس يركبها شكل فقلت دام انك مركب مركب خل الفايده تعم والتلحيم تلحيم مظبوط وكل شي مظبوط...,

فعطني رأيك الله لا يهينك ...,

**imail** · 22-10-2006, 04:46 AM

اخوي ابو البراء

انا عندي 2006 ولسا توها جديدة

المشكلة هي صوت الصفير الي بالفرامل في البداية اعتقدت انو المشكلة من جو المدينة المغبر لكن الغريب انو المشكلة استمرت حتى لما رحت الشرقية وبصراحة اصبحت مزععجة للغاية

وانا ناوي استنا لين صيانة ال5000 الاف واوديها الوكالة مرة وحدة لكن خايف تكون المشكلة شي كبير وانا من الناس الي رجلهم تقيييييييييلة على الفرامل وماراح اتحمل حتى انها تضعف

---------------------------------------------------------------------------------------------------
انا سمعت انو الاصطب الخلفي في 2007 غير عن 2006 بحيث انو 2007 كلو احمر لكن بنفس الحجم والمقاسات فهل يمكنني تغيير الاصطب 2006 الى 2007
----------------------------------------------------------------------------------------------------
هل الضمان عندكم قطعة وحدة
يعني مثلا لو لعبت بالكهربا حقت السيارة هل يتلغي الضمان بالكااامل ولا بس الضمان حق الكهربا
----------------------------------------------------------------------------------------------------
اخيرا بس حابب اتاكد هل يلغي الزينون الضمان ( اي نوع من الزينون )
----------------------------------------------------------------------------------------------------

وجزاك الله كل خير

**ياسر الشمراني** · 24-10-2006, 05:04 AM

بارك الله فيك ابو البراء

سؤالي/
الآن اذا كنت ماشي بسرعة عاليه مثل 140كم او 160كم وظغطت على الفرامل عشان اهدي السرعه يصير فيه رجه كذا في الدركسون ؟! اش تتوقع السبب !

شاكر ومقدر لك مقدماً

**The Stig** · 24-10-2006, 07:30 AM

مثل ماقال اخوي انس ..... في رجه بالدركسون
بالاضافه عندي صوت البريك الله يرجه .... صوته رفيييع احيانا بس اذا كنت مسرع...

ونسيت اقولك كل عام وانت بخير

**ياسر الشمراني** · 25-10-2006, 11:21 AM

المشاركة الأصلية كتبت بواسطة عاشق هوندا اكورد

مثل ماقال اخوي انس ..... في رجه بالدركسون
بالاضافه عندي صوت البريك الله يرجه .... صوته رفيييع احيانا بس اذا كنت مسرع...

ونسيت اقولك كل عام وانت بخير

أنت تلاحظها صح :d

اذا انت ماشي فوق الـ 140 وودك تهدي كذا تحس فيه رجه في الكفرات والدركسون كذا .. اعتقد انها من نظام الـ ABS

;)

**اكورد لؤلؤي** · 25-10-2006, 02:10 PM

^^^انا عندي نفس المشكله بالضبط

وصوووت قووووووي ورجه

واحيانا ماودي ادق فرامل بسبتها

الله يعينا فيها...

**DuGarrY** · 25-10-2006, 03:02 PM

لا اتوقع الرجه عندكم ان

الكفرات يبيله ترصيص وشكرا

**أبو البراء** · 31-10-2006, 12:33 AM

السلام عليكم ورحمة الله وبركاته كثر السؤال عن الرجه في السرعات العاليه عند ضغط الفرامل سبب المشكله ان الماء يجي على الهوب وهو حار فيا يصير ميلان خفيف جدا فتحصل الرجه
علاج المشكله خرط الهوبات الأماميه وبتدعيلي انشاء الله واذا ماراحت المشكله انصحك تراجع الوكاله وياهلا ومرحبا