الموضوع: بعد كسر حاجز الـ 5000 كيلو هذي ملاحظاتي على اكوردتي 2008 اربعه فل

يمكن لان السياره جديده و أول دفعه
ان شاء الله تحل جميع المشاكل البسيطة في الدفعه القادمه

معليش اخوي ابتلقف وشارك بل موضوع

كل العيوب الي قلتوه موجوده من موديل 2006 انا معي اكورد موديل 2006

نفس العيوب الا ارساوه صراحه مشالله تمام ممكن عشان مو موجود عندكم مانع الانزلاق

وهذي كله رح اتعودون عليه لا تخافون

شي طبيعي

وام الهوبات مالك لا الخرط اسال مجرب ولا تسال طبيب

واما اذا كنت من اهل القصيم خبرلك مخرطه 100%
معاملهم انا

تحياااااااااااااااتي

يا شباب عادي جدا المشاكل المذكوره موجوده 2005ابسيارتي الاولا وحين معي2008نفس المشاكل

المشاركة الأصلية كتبت بواسطة الحــل الصعب

السلام عليكم

سيارتي مشت 5 الاف كيلو 2008 فل اوبشن 2.4

ملاحظاتي عليها بذكرها تحت وان شاءالله نشوف اصحاب الـ 2008 ونتناقش حول الملاحظات المذكوره وهل لاحظوها مثلي ولا لا :


1- احياناً يطلع صوت طقه اذا شغلت المكيف .
((عندي صوت زي الحنه اذا شغلته والسياره بارده بس))
2- احياناً يطلع صوت اذا كنت ارجع للخلف بمعني اذا عشقت ريوس اول ما افك رجلي من البريك وتتحرك السياره يطلع صوت غريب ما اقدر اوصفه بصراحه وما يطلع الا نادراً .
((غريبه انا تمام معي))
3- رساوة السياره على السرعه مش ولابد على عكس المنعطفات والدوارات فهي ثابته جداً لكن على سرعه فوق 120 تحس شنطة السياره تلعب لحالها اذا لفيت بقوه يعني حاولت تتجاوز سياره خلفية السياره ما تستوعب الفكره الا متأخر تحسها تميل بعد ما تعدل السياره وتجيب فيك العيد لو انك مو منتبه . وبعد الطاره خفيفه على السرعه وحساسه يعني اقل لمسه تلف معك بقوه وكان ودي تكون اثقل شوي على السرعه وتحسسك بالثقه .
((الرساوه كل من ركب معي انهبل عليها وعلى سرعات عاليه بعد))
4- بوري السياره :d فلم فيني بصراحه اول ما طلعت السياره ضربت بوري وصوته من داخل السياره غبي ونويت اغيره بس سمعته وانا فاتح الباب طلع العكس رسمي مشاءالله بس اللي لاحس مخي ليش من داخل صوته غير .
((لا توسوس))
5- ريحة المكيف اذا شغلت المروحه بس بدون الفريون يطلع ريحه خايسه وش الحل وهل فيها فلتر ( على فكره انا مدخن )
((ريحة الدخان تنشب بفتحات المكيف))
6- المكينه قويه مشاءالله مع انها 4 سلندر قمت على كامري قير عادي وانا سيارتي اوتو مشاءالله بس ملاحظ فزتها بالبدايه ضعيف يعني الى 20 او 30 مدري ليش هل هو نظام حمايه او تركشن وشي ثاني صوت الحنه ياشباب هذا اللي ودي اشوف له حل الوكاله يقولون عادي بكل الاكوردات مدري وش رايكم هل اعتبره عيب مصنعي ووان شاءالله تلقى حله هوندا قريب او نتعود وننطرب عليه .
((اذا كنت بتقاوم احد قاومه دحدره من 30))
7- عندي رجة فرامل اذا هديت على سرعه الوكاله قالو لي بنخرطها وانا رفضت لأن اللي اعرفه ان الخراطه حل مؤقت . المهم في واحد قال لي لا تغسل السياره الا وهي بارده انتو وش رايكم ؟
((اذا كعيت فرامل بقوه طبيعي))


بإنتظاركم

ونصيحتي لا لا توسوس بالسياره

المشاركة الأصلية كتبت بواسطة az-0000-z@hotmail.com

وأنا عندي شي أهم الي هو

رجة في الديكور عند المطبات

رحت الوكالة قالوا طبيعي؟؟

في أحد جاه مثلي للمعلومية تراها سبيشل

نفس الحركه يالطيب