مساء الورود للجميع ;)
انا عندي موضوع اللي هو ( كتابة معروض يبين فيه سلبيات الاكورد وكيف يتم تطويرها ) ومن زمان ناوي اسويه بس بصراحة مالقيت احد يدعمني وقلت ان شاء الله الشباب ماراح يقصرون لان الفايدة للجميع طبعا في المستقبل القريب على حسب همتكم
انا عندي بعض النقاط واللي حاب يزودها من عنده أتمنى وأتمنى من الجميع المشاركة
لهدف واحد وهو ان تكون الاكورد( بيبي لكزس) :d :
1- مدة الصيانة سنتين أو 60,000 أو أيهما يسبق وإذا جيت تبيعها تنقص قيمتها بقوة عشان انتهى الضمان/ المطلوب ليش مايكون الضمان 5 سنوات أو 200,000 أيهما يسبق!!!
2- مراية الاكورد/ المطلوب ليش مايكون زر يتحكم في تسكير المرايات إذا الكورلا اللي اقل من الاكورد فيها هذي الميزة !!!
3- الاكورد فئة السبيشل 4 سلندر/ المطلوب ليش مايكون فيها مميزات تختلف عن اللي أقل منها مثل الجنوط تكون خماسية رياضية أو بإكسسوارات مثل الكامري زوايد وجناح رياضي وشبك رياضي وزنون أو اللون الداخلي عنابي مثل اللومينا والكابريس أو أقل شي مدة الصيانة خمس سنوات شاملة كل شي مثل البي أم والاودي !!!
4- ABS ثنائي/المطلوب رباعي التحكم مثل اللكزس والسيارات الفخمة الالمانية, أكيد قد صار لكم أكثر من موقف لاجيت تضغط على الفرامل والشارع مكسر على طول بتحذف السيارة على وجهها أو فيه مويه وجمبها المكان اللي بتوقف فيه أقل شي بتقلط جوا المحل تصدقون ان فيه واحد صار له من احد هالمواقف وصدم وراح وفصل الـ ABS وراح للوكالة وقالهم !!!
5- وزن السيارة/ المطلوب كل ماركب احد في السيارة سواءا دب ولا نحيف تتوازن السيارة تلقائيا مثل اللكزس مو تصير مايلة!!!
6- الطارة( الدركسون) / المطلوب ليش أول ما احط المفتاح ترجع وضعية الطارة على اللي يسوق مثل اللكزس هذي الميزة لو يحطونها من فئة السبيشل وفوق تكفي !!!
7- وظيفة الريموت/ المطلوب ليش بس يفتح الدرايش إذا ضغطت على زر اللي يفتح البيبان مرتين والمرة الثانية تطول وانت ضاغط على الزر اللي نبيه بعد نفس الفكرة ويسكر الدرايش عن طريق المفتاح مو لازم احط المفتاح على الباب والشي الثاني ليش مايحطون زر للبوري والانوار عشان إذا ضيعت السيارة تسمع البوري حقها والشي الثالث ليش مايخلونها بدون مفتاح ( المفتاح الذكي ) مثل اللكزس والحين بدت الالتيما بهذا الشي وانا بصراحة اعتبره إهانة للهوندا المفروض الهوندا الاول في هذا الشي !!!
8- ستارة خلفية/ المطلوب من الوكالة شي أساسي إذا اشتريت سبشل وما فوق يجي معها ستارة خلفية كهربائية وجانبية مثل الكامري والبي ام !!!
9- الاصطبات الخلفية/ المطلوب ليش ماتكون شرايح اللمبات مثل 2006-2007 لانها اوضح في الليل والنهار واسألوا المجربين !!!
10- الاصوات/ المطلوب ليش عيون القطط إذا مشيت عليها يطقطق الديكور وخاصةً عيون القطط اللي قبل مطبات شارع التحلية في الرياض تسمع الطقطقة بشكل واضح وبشع للاسف مع ان سيارتي 2005 وصيانتها كلها في الوكالة !!!
11- القير/ المطلوب ليش إذا غيرت وضع القير للريوس تسمع صوت طقه والشي الثاني ليش مايحطون مع القير التوماتيك قير رياضي زايد وناقص أو مثل السباق مثل المتسوبيشي والالتيما واللكزس فئةIS الشبابية!!!
12- المكيف/ المطلوب ليش وانت واقف تسمع الكمبرسور في الدقيقة اكثر من خمس مرات يشتغل سلامات والشي الثاني ليش مايصير إلكتروني يعني ماله علاقة بسير المكينة مثل اللكزس واللنكن بحيث مايأثر على العزم !!!
13- أمان القزاز ثنائي/ المطلوب ليش مايكون الامان على قزاز كامل السيارة مو بس قزاز السايق والي جمبه إذا انكسر يشتغل جهاز الانذار !!!
14- الوضعيات/ المطلوب ليش مايكون فيها مثل اللكزس بالنسبة للمقاعد يعني رقم 1-2-3 إذا ضغطت
1 يتغير المقعد مع الطاره والمرايات للوضع اللي انا حاطه رقم 2 للوالد ورقم 3 لاخوي !!!
15- المرايه الخارجية/ المطلوب ليش مايكون الربع الاخير منها يوضح الرؤيه المخفيه مثل اللكزس!!!
16- المكيف الخلفي/ المطلوب ليش بس توهم حاطينه لا وبس للي ماخذ الفل اوبشن 6 سلندر طيب هذا شي انا اعتبره اساسي يعني المفروض يحطونه حتى في السياحي مثل ABS !!!
[FONT='Arial','sans-serif']17- تحمية المكينة/ المطلوب تكون ضغط يعني بس عشر ثواني والسيارة جاهزة للانطلاق مثل السيارات الفخمة اللكزس واللنكن وما فوق!!![/font]
[FONT='Arial','sans-serif']18- الحساسات/ المطلوب ليش مايكون هذا شي اساسي حتى في السياحي حساسات خلفية وامامية ولو يحطونها بتفك ازمات وراح تقل الخدشات ( المخوش) والصدمات على الاكورد!!![/font]
[FONT='Arial','sans-serif']19- سيارة بديلة/ المطلوب ليش إذا دخلت سيارتك الوكالة سواءا سمكرة ولا صيانة مايعطونك سيارة بديلة( بلاش) يعني أي واحد بيسوي صيانة من 500 إلى 5000 ريال مستخسرين سيارة يمشي فيها حاله يعني لازم يضطر يركب ألتيما ابو لمبه!!! [/font]
· [FONT='Arial','sans-serif']ملاحظة/ وربي على رغم هالسلبيات اللي فيها انا احب الموتر وماني متحسف لاني اخذته وانا مقتنع فيه وبصراحة الموتر فيه مميزات الى الحين لا الالتيما ولا الكامري ولا اللومينا وصلو لها واكيد انكم تعرفونها مايحتاج شرح[/font]
· [FONT='Arial','sans-serif']انا تخيرت وقتها في سنة 2005 بين سوناتا والتيما ولومينا وكابرس وكامري وبعد ماسألت عنهم وجربت بعضهم قلت الاكورد ولا فلا!!![/font]
· [FONT='Arial','sans-serif']المطلوب من الجميع يكتب اللي يعجبه بالكمبيوتر ويطبعه ويوديه للوكالة ويعطيه يا المسؤول او صندوق الاقتراحات ويد الله مع الجماعة وأعتذر عن الاطالة!!![/font]
اختصار الموضوع هاذي لكزس وذيك اكوووووووووووووووورد
تخيل لو حطو جميع هاذي المواصفات في الاكورد
كم يبي يكون قيمتها 160 الف وايش اللي رايح يميز السيارات الاخرى
واذا على تحمية السياره ايش تقول على الكامري والفورد والكابرس الى اخيره
ياخي تكلم بمنطق انا على جميع اللي شفت وجربت اشوف الاكورد بالقمه في فائتها .
وعندي تعقيب في نقطه
4- ABS ثنائي/المطلوب رباعي التحكم مثل اللكزس والسيارات الفخمة الالمانية, أكيد قد صار لكم أكثر من موقف لاجيت تضغط على الفرامل والشارع مكسر على طول بتحذف السيارة على وجهها أو فيه مويه وجمبها المكان اللي بتوقف فيه أقل شي بتقلط جوا المحل تصدقون ان فيه واحد صار له من احد هالمواقف وصدم وراح وفصل الـ ABS
في هاذي انا اتحداك واسمحلي اني اقلك ايش تقول على الالتيما والكامري
وانت قلت بنفسك السيارات الالمانيه
وحط في باللك كم سعر bmw & audi &mercides اقل فئه فوق 200 الف
والاكورد 90 الف ياخي يليت يكون في عقلانيه بكلامك
لو حطو جميع هاذي المواصفات في الاكورد كم يبي يصير قيمتها
اكيد الكل يبي يتجه للالماني بدل مايدفع 160 ولا 180 الف في اكورد
واخير تخيل لو كانت جميع المواصفات هاذي في الاكورد
المانيا ايش تبي تسوي اكيد تبي تصنع وتخلي سيارتها تطير
تحياتي لك 0(((((وجهة نظر))))0
لي باك للموضوع
ههههههههههه وترقبوا موضوعي هام لجميع ملاك اكورد ومسوي زحمه واخرتها تقارن لي الاكورد بالبي ام والكزس ؟!
انا بس ودي يخشبون الطارة والستارة والحساس وسلامتكم
اخوي من قالك ان نظام ABS في الاكورد ثنائي ؟!
بالعكس نظام ABS في الاكورد رباعي على كل الكفرات ومتوفر في كل الاكوردات بشكل قياسي
ووفوق هذا مدعوم بنظام EBD لتوزيع الفرملة على الكفرات الكترونياً
وهذا رابط للتوضيح
http://automobiles.honda.com/accord-sedan/features.aspx?Feature=abs
.
.
.
عبادي: مشكور على مرورك وعلى المعلومات الجديدة وتراني انتظر رجعتك
للرد على البقية:d
قصمنجي: مشكور على مرورك وعلى ردودك المرتبة وعساك على القوة دوم
وترى بالنسبة للاصوات تقول على حسب الكفرات انا نوع سيارتي سياحي يعني دنلوب وقلت للوكالة ابغيرها وش تنصحوني قالوا ماشلان وركبت ماشلان الرساوة افضل لكن الاصوات....:(
وبالنسبة للكزس انا ودي فيها لكن تغيير فحماتها امامي وخلفي مع القطع
2000 ريال بس والاكورد 700 ريال تقريبا وصيانة الاربعين الف للكزس 3000 ريال بس والاكورد 500 ريال تقريبا وفي البيع كل سنة تنقص اللكزس من 15,000-30,000 ريال بس
والاكورد من 5000- 10,000ريال على حسب كم ماشيه والصدمات والصيانة والنظافة ومين اللي بيشتريها معرض ولا شريطي شفت الفرق الحين اكيد بتعذرني
وفي الاخير ( الزبدة ) خذ وخل اللي عجبك وودك يكون في الاكورد في المستقبل القريب الله لا يهينك لاجيت تغير زيت في الوكالة ولا صيانة ولا عندك شغل قريب منهم مر عليهم وحط ملاحظاتك في صندوق الاقتراحات وسلامتك.
اكورد 2007: مشكور على مرورك وعلى وجهة نظرك وانتظر رجعتك وحياك
في اي وقت:d
قوة الاحلام: مشكور على مرورك وردك وبعدين ليش التحطيم من اول موضوع لي؟ياخي خذ وخل اللي عجبك قدمه في صندوق الاقتراحات ولا خلك على نفس حالك ولا تتطور اوكي لا ومسمي نفسك قوة الاحلام وانت انواع التحطيم
سواد اكورد: مشكور على مرورك وعلى ردك بصراحة احس انك انت الوحيد اللي فاهمني عفيه عليك شفت ملاحظاتك هذي اكتبها في ورقة وحطها في صندوق الاقتراحات اللي في قسم الصيانة لاجيت تغير زيت ولا صيانة اوكي وتسلم لي.
المشرف العام: مشكور على مرورك وردك لكن عندي سؤال لو تكرمت توزيع الفرامل الكتروني على الاربعة انا معك فيها لكن الاي بي اس بس على الامامي وانا متأكد من هذا الشي ومصدري مهندس وكالة هوندا خريص في الرياض والسؤال هو هل انت متأكد ان الاي بي اس على الاربعة وبعدين على اي موديل او فئة؟
:(
اخوووي اشوفك متحمس للموضوع شوي
هدي اعصابك شوي
المواصفات اللي تقول لو حطوها او اضافوها كم تتوقع راح يصير سعرها
اذا الحين فل 4 سلندر بـ 94 الف ريال و لا فيها مواصفات و مميزات عالية مثل السيارات بفئة الاكورد ..
انا اتوقع راح يصير سعر الفل 4 سلندر بـ 120 الف على الاقل
و سلامتكم
تسلم يمينك على الموضوع الي اعجبني مره
واتوقع انك تقول وش رايكم في الفكره ...
الله يصلح بعض الشباب يقلدون الردود ويزودون عليها حبتين مالها داعي نقول زودو نقصو قولو شي مهم مفيد
مثلاً: الستارة اللي اللهم لاشماته ،الحساسات،الريموت المفروض يقفل القزاز ،الامان يكون افضل من الحين الو احد يفك الكفر ويكسر القزاز وتحس ان السيارة خاشه جو ولا طرى للانذار يشتغل ،الهدو داخل السيارة والله اني تفشلت لمن ركبو اخوياي معي الي ورى مايسمع الي قدام والي جنبي اصيح في اذنه ،الهوبات الي احس انهم ماخذين تنك وعفطوه الين جا دائري ..الخ
لي باك
هد اعصابك يا الي تقرى الموضوع ترى المساله هينه بس الوكاله تستهين بالناس ولاتقول بزيد السعر سعر حمزه والله لو سوو ذي انها اصرف تحس انك تسوق سيارة على قد سمعتها وجودتها احسن من الخويش الي احنا فيه ...
الله يعطيك العافيه
تقبل مروري
هذا اقتباس من موقع هوندا الرسمي
وحطيت لك الرابط في ردي السابق لكن شكلك ما قريته
ركز على الكلام المحدد باللون الاحمرAnti-Lock Braking System - ABS
All Accord models feature 4-wheel disc brakes with anti-lock braking (ABS). Using a special modulator, ABS pulses the brakes to help prevent wheel lockup to help the driver retain steering control during hard braking. In addition, the Accord braking system features Brake Assist to help the vehicle come to a stop sooner when the system senses emergency braking. Also standard is Electronic Brake Distribution (EBD), helping braking performance by distributing brake force among the four wheels based on how much load each wheel is bearing.
وطبعاً كلامي هذا عن الاكورد 2003 - 2008
التعديل الأخير تم بواسطة B Unique ; 10-03-2008 الساعة 11:58 AM
.
.
.
السلام عليكم كيف الحال شباب انا ايوم ابي ارد علىhoho
اولا:تقول وزن السياره لاتركب معك دب
ثانيا: احلم تكون الاكورد بهالمواصفات اللي قلتها
ثالثا: احلم تكون الاكورد مثل اللكزس والبي ام لأن البي ام واللكزس اسعارهم فوق 140الف
والاكورد90الف وش لون تبي تحط المواصفات هذي كلها في الاكورد وهي ب90 الف
لازم تكون ب180 الف علشان يحطون المواصفات اللي ذكرتها.
ارجو ان تقبل مروري
أنا عندي شي بصراحة قاهرني في الأكورد وهو إن الشمعات ماعليها عدسات
أغلب السيارات إللي في فئة الأكورد والأقل منها عليها عدسات مثل الكيا أوبتما ، هيونداي سوناتا ، مازدا 3 و 6 ، الكامري
وأكيد شفتوا الشباب إللي مولفين عدسات على الأكورد شكلها رائع جداً
آسف على الإطالة بس برضوا مقهوووووووووووووووووور
العيوب مقارنة بمثيلاتها
1- لا يوجد حساسات بالصدام الامامي والخلفي كما ذكر صاحب الموضوع
2- الشمعات مب عدسات
3- الالوان يبيض يا اسود والاغلبيه يشترون ابيض لؤلؤي
4- لا يوجد مثبت سرعة بفئة اسبشل ( الفئات الاخر لا علم لي بها ) صلبت ركبتي وانا ماسك خط الرياض
5- 170 كلم وهدي شوي صوت بالهوبات يفشل ويخرع ( الوكاله لم تجد له حل )
6- ينقصها انوار الزنون بالفل اوبشين
7- انوار الشرايح ما ادري هل هي موجودة بالفل اوبشين 2008 ؟
الكنق: ياهلا فيك:dومشكور على مرورك
جريح الاكورد: ياخي وش معنى اللكزس تقلد البي ام وصار سعرها 140,000 والالتيما والافلون قلدوا اللكزس وصار سعرهم 110,000 ريال تقريبا وش معنى الاكورد ماتقلد اللكزس
أكورد 5: اشكرك على دخولك موضوعي والرد علي وحسيت انك فاهمني وتدافع عني مشكور وان شاء الله دوم
المشرف العام: يلوموني فيك انك رهيب وN95 بعد تسلم على المعلومة الغالية وان شاء الله دوم تنورنا
هوهو 2005: ياخوي طيب انا اخوي اللي اصغر مني يركب معي شبه يومي
ووزنه 90 وانا اقل من 70 وش تبيني اسوي احط كيس اسمنت عند رجولي ولا بلكه في الشنطة
ومقبول مرورك يالسمي
الهاب: مشكور على موافقتك ان فيه سلبيات في الاكورد يحتاج تطويرها حلو وياسلام عليك واتمنى تقدمها للوكالة
لاتركب اخوك الدب بس لاجد وزنه90ولاتستهبل .....طيب انا عندي لك حل خله يركب ورا في النص علشان تطيح السياره كامله ماتطيح السياره من يمين ولا يسار بس الله يعينك على الحصان اللي بتركبه لان سيارتك بتصير مطيحه مره!!!!! واذا ماضبطت دور حل ثاني الله بلاك بهذا الاخو وش تسوي تقبل مروري وشكرا
مواقع النشر (المفضلة)