فززززززززعتكم ياشباب لـ ن ك د والأخطبوط

في شي ودي أقوله .... وماودي ...

أمس الساعه 10 الا ربع تقريبا ..

اتصل علي أخوي .. وعلمني أن أكورد عندنا بالشفا ورا محبرة الطالب
يعني مو شارع تفحيط بس تجمعوا الناس فيه ..

وعلى وصف أخوي ..
أكورد 2006 او 2007 لؤلؤي فل .. كان ينطل بثلاث جنوط والكفر الرابع ورا عاليمين الاستبنه وأخذله ربع ساعه ومشى أنا وصلت هناك بس مالحقت عليه لأنه كان ناقصني انه 6 سلندر ولا لأ ..

بس خذت لفه جااااااامده والله عالشفا كل شوارع الدوران ..

المواصير -- العنكبوت -- الستين ألف مره -- والقصمان .............الخ

للأسف ماحصلته ..

يعني كثفوا البحث جنوب الرياض وخاصة حي الشفا ..

حسام (( حبيب قلبي )) أنا مو متأكد موترك ولا لأ ... بس على وصف أخوي مبين انها مسروقه

وأتمنى انها ماتكون سيارتك ..

ان شالله ترجعلك سليمة ..

وتحياتي للجميع ..

ابشر ماطلبت إلا عزك
ولاكن دورها في الاماكن التالية ممكن تحصلها :
1- الشفا - شارع المواصير + شارع مكة+ العنكبوت+ الاصفر+ المندي+ المستودعات
2- العزيزية - حول سوق الحمام
3- الدخل المحدود حي ج
4- السويدي شارع تسالي
5- الثمامة والمساندة وطعس التحدي
اكثر اماكن لتجمع الشباب المراهق

حسام


العلامات اللي انت حاطها ( اللوحه - الزينون - ... ) كلها ممكن تنفط او تتبدل


ما فيه علامات ثابته بالسياره ؟ حكات - ضربات خفيفه - حتى لو كانت منقطه

لازال البحث جاري

وشكر خاص لكل من تعنى معي بالبحث لكم قدر كبير عندي والله

السيارة شكمانين بكنداستين بالخلف وماله امل يفك الشكمان الثاني الا بأوكسجين واللي بيدقق كثير بيعرف ان الشكمان الثاني تركيب
(نادر تشوف 6 سلندر بالشارع)

ومن قدام عندك الكشافات مستطيله وصعب انه يغيرها بدائرية لانه الصدام مخرم من داخل واللي سرقها جعل يده القص اكيد ماعنده استعداد يدفع ريال واحد على السيارة

اما الملاحظات الاخرى يمكن ماتنتبهلها الا والسيارة واقفه مثلا

فيه حكتين افقيات فوق بعض (منقطات) بزاوية الصدام الخلفي يسار بس ممكن تكون السيارة فيها حكات ثانيه سببها هو

وفيه ضربتين صغار بوجه الكبوت سببها كفر طاير

ونراكم على خير :)

لا حول ولا قوة الا بالله
الله يردها لك سالمه
الله الله ياهل الرياض تكفون
تصبر يا خوي حسام وان شاء الله خير

شباب ممكن تقولون لي امكان الهجوله بشمال الرياض !

شارع البحري امتداد عثمان بن عفان خلوها لي

لاحول ولا قوة الى بالله

الله يصبرك يالاخطبوب

والله اني توي ادري وضاق صدري مره

على العموم تم التبليغ للجهات المسؤله(كل من يدور)وان شالله في اقرب وقت نلقاها

اليوم على الم بي سي اسمع في فقرة المرور ان فيه بلاغ عن تفحيط

أعوووذ بالله

والله أعذرني ظاق صدري ما شفت الموضوع الا تووو

لاكن الشفا راح أكووون هناك ومحظر وأسئل المهجولين هناك اذا لقيت خبر علمتكم


فيه شارع بالشفا تخلي ورشه النشوان على اليمين وتبتل سيدى لين يجيك الشارع بوجهك هذا >غروب الشفا< شارع كبير

وراح ادور في الحيان وأرامكو والقصمان والتخصصي والعاشقين وشارع الهيئه والسويلم


الله يردها لصاحبها سالم غانم

الله يعوضك خير وان شاء تلقاها ...

فية علامة مميزة بسيارتك ...

انت مركب الشكمان الثاني ..

بس ما وصلة بحق الوكالة ...

في اللي بيناظر من تحت ( قصدي من خلف السيارة لاسفلها )بيلاحظ بسهولة ان فية ماصورة ناقصة ..

ابشر بعزك ياخونا ندور عشانك والله قهر
انا لله وانا اليه راجعون

الله يردها لك سالمة :(

والله لو تبلغ الدوريات تقول السيارة مسروقة و السيارة فيها بزر مخطوف أكثر شيء 24 ساعة و السيارة عندك :mad:

هاه ياشباب وش اخر الاخبار:confused:

اقتباس:

---

المشاركة الأصلية كتبت بواسطة NETRO

:( مستحيل يصرقها ويقعد بنفس المنطقه :(

---

خخخخ
اخس يالمتحرررري >> لا يكون انت كونان وحنا ما ندري :d
امززززح

وبإذن الله تنرد السيارة سليمه معافاه

تقبل مروري

الله يردها لك ساااالمه
الله يخفف عنك ويهون عليك مصيبتك
الله يهدييه للحرامي وعساا انه يكون ولد حلاال ويرميها .....

لاحول ولا قوه الا بالله

تحيااتي

وش آخر التتطورات؟

ما في جديد عنها ؟

يوم الأربعاء يبان المستخبي >>> حكمة اليوم :p

لاجديد حتى الان

لكن أشكر كل من دعى لي بالتوفيق وكل من اتصل علي او تطوعوا للمساعده >>> الصراحة مابقدر اوفيهم حقهم :cool:

تحياتي >>> دخت من الهجوله :c018:

الله يكون في عونك ياحسام
والله اني حاس بمعانتك :(

بس وش تسوي مالك الا الصبر والدعاء والباقي على الله .

الله يكون في عونك

والله دورنا لين تفجرنا بس ان شاء الله بنلقاها << ما فيه الى تصوير في الاكوووووووووردات

بس باذن الله بنلقاها

ياخي عندي طريقه تجيبلك سيارتك بأقل من 24 ساعه رح بلغ ان اللي سرق سيارتك ارهابي ودورك اسم من اسامي الارهابيين وحطها براسه وبإذن الله اقل من يوم وهي عندك


<<< على مسؤوليتي واذا ماجت سيارتك .. سيارتي حلالن بلالن عليك :d


والله يرجعها بالسلامه

والله لو اعرف ناس في الصحف

كان سويت لها إعلان ملون في جريدة اليوم و الوطن و الحياة

هاااا وش الجديد ..

أنا سألت عن الي شافوا امس الأكورد الي فحط بالشفا ... ولا أحد يعرفه

بس قالوا انه بزر بززززززر يعني 16 او 17

انا شاك فيه والله حاس انها سيارتك ياحسام

اخ بس لو أشوفه والله أطرررررده لين يوقف لو يوقف بالدمام .. وأمحطه لين ينسى شكل علامة الهوندا كيف صايرة ..


الله يصبرك

ان شاء الله تجدها عمّا قريب ياغالي
لاتهتم
مايضيع عند الله شيء .

الله يصبرك اخوي حسام وان شاء الله تلقها سليمه

وهذي صوره سياره اخونا الاخطبوط وهي من تصويري في احد تجمعات الرياض :)

وانشاء الله تفيدكم الصوره

انشاء الله ترد لك سالمه بإذن الله

الله يعينك

شباب ما ضنيت راح تلقونها بنفس اللوح

مافيه حرامي بالدنيا يسرق سيارة ويقول تعالوا شوفوني انا اللي سرقت

يعني أتوقع أنه مبدل اللوح

امس شفت أكورد قدامي مظلله كامل جنوط سودا ( يعني بدون طاسات ) بدون زينون

الي خلاني اشك فيها أنه فيه مكان للشكمان الثاني بس مفكوك

حاولت أني اتعداها عشان اشوف الكشافات بس ما قدرت

الله يردها لك سليمه يا اخوي الأخطبوط

هاه ما صار شي
مافيه جديد

وبعدين اليوم اربعاء اكيد فيه تفحيط تبي تلقونها ان شالله

وبعدين زي ما قال الاخal5fy قل ان الى سرقها ملتحي وكن في مخباه سلاح ومعه عجره وعطهم بهارات و خلال 24 ساعه او اقل تبي تلقاى السياره عندك وانت عطهم من هالخرابيط والبهارات ويمشي الوضع

والله يردها لك سالمه

الله يكون بعونك ياخوي

سجلت المواصفات وارقامك وان شاء الله نلقاها لك

((( احلى شي خلك متفائل ))

تحياتي

اخوك أمير

الله يكون في عونه لكن وانا واخوك انا في جده اذا تبيني اشتغلك دوريه في جده على راسي من فوق وابشر بسعدك

الله يردها لك سالمة غانمه ، والله يخلف لك خير منه ويعوضك افضل بإذن الله
لكن لاتسمع للي يقول لك دق على 990 وقل سيارتي سرقه ارهابي ..

والله ان تروح في خرايطها ، هي صح انه تبي تجيك بإذن الله لكن تبي تروح علك
وممكن توقف كم يوم ..

لكن لاتنس الدعاء في الثلث الآخر من الليل وفي اوقات الاستجابه ، في السجود في مواطن الدعاء
وان شاء الله انه تكفير ذنوب وربنا إذا احب عبداً ابتلاه ..

لكن لاتنس الدعاء ، فهو سلاح فتاك

الله يردها لك سليمه يارب ويصبرك على هذي المصيبه

انا بالطائف يمكن الرجال يهفه الشوق ويصيف عندنا مالك الا نكفشه

وس صار يا شباب ان شاء الله في شي جديد

هاه بشروا ما فيه شي جديد

لاجديد حتى الان

حجز وادي لبن وحجز السلي ماجاهم شيء مع الأسف

ياخي الواحد لو يدري ان سيارته مصدومه او مشلحه اهون عليه من انه مايدري وينها الحين

بأتحرى ساعة الاستجابه بكره الجمعه مجهز عليه دعوه ستحقها

الله يردها لك قل امين :)

مره خويي انسرقت سيارته فجر الجمعه :( ولقاها الجمعه العصر بدون واسطات ولا ارهابيين :p ولا شي
لقاها فالدخل منطوله عند محلات زينة وشغاله وشغال المكيف عالحار < لزوم البصمات :d


دقايق بجيب لكم جميع شوارع التفحيط والهجولة فالرياض :cool:

كم عندنا من اخطبوط;)



جاري البحث في شوارع السويدي

شــو ا ر ع مـــد يـــنـــة ا لــر يـــــا ض :

1- دائري الدخل

وانت متجه الجنوب مع طريق الملك فهد وصار في وجهك ثلاث مخارج
الي هي من ظمنها على اليمين مخرج الي يوديك الدخل والسويدي .
خش معه سيد لين يجيك مخرج 27 لا تخشمنه سيد لين يجيك المسجد على اليسار
هذا داير الدخل

2- دائري السويدي (الاتصالات)

وانت متجه الجنوب مع طريق الملك فهد وصار في وجهك ثلاث مخارج
الي هي من ظمنها على اليمين مخرج الي يوديك الدخل والسويدي خش معه وسيد
راح يجيك مخرج الترمذي اتركه وسيد وراح يجيك مخرج عائشه دوير من الاشاره وارجع
بيجيك قصر القلعه على اليمين سيد لين تجيك الاتصالات على اليمين هذا هو الدائري


3- الدائري المنقطع

( وانت ماسك الدائري جاي من الشرق راح يجيك مخرج 7 بعدين6 بعدين 5 اتركهم سيد الى النهايه حتى ينتهي الدائري تكون انت في الدائري المنقطع)

4- دائري الدرعيه

(وانت ماسك الدائري جاي من الشرق راح يجيك مخرج 7 بعدين6 بعدين 5 اتركهم سيد حتى يجيك مخارج منها مخرج الدرعيه رح معه يمييين وبكذا تكون انت في دائري الدرعيه)

5- دائري ساسكو

( وانت ماسك الدائري جاي من الشرق راح يجيك مخرج 7 بعدين6 بعدين 5 اتركهم وسيد بعدين يجيك مخرج طريق الملك فهد اتركه وسيد بيجيك مخرج خش منه تراك في دائري ساسكو)

6-شارع البركســـات

وانت جاي مع طريق الملك فهد متجه شمال يجيك مخرج الدائري الشمالي
خش مع المخرج بيجيك مخرج (5) خش مع المخرج ورح يسار طبعأ الشارع منور
سيد أخر الشارع هذا هو البركسات .

7-شارع الباصـات

وانت جاي مع طريق الملك فهد متجه شمال تخش المدائري الشمالي .
بيجيك مخرج (5 ) أطلع يمين وخلك ماسك الخدمه بتجيك أشاره أطلع يمين
وبعدين سيد الى آخر الشارع وأطلع يمين وبتجيك في وجهك أشاره ديور وسيد للنهايه
هذا الباصات.

8-شارع العماريه (المظلم)

(( وانت جاي مع طريق الملك فهد متجه شمال بيجيك مخرج الدائري الشمالي
لاتخش مع المخرج سيـد .. وسيد بيجيك مخرج الثمامه لا تخش معه سيد وطبعأ راح يجيك كوبري راح فوق الكوبري الين يجيك مخرج عقب الكوبري خش مع المخرج
وراح تجيك أشاره أطلع يمين . أول ماتطلع يمين راح يجيك تقاطع . خش يسار وسيد
الين تطب على شارع العماريه ..


9-شارع العماريه (المنور)

(( وانت متجه شمال مع طريق الملك فهد بتجيك مخرج دائري الشمالي
لا تخش معه سيد بيجيك مخرج الثمامه لا تخش معه راح سيد خلك فوق الكوبري .
أول ماتنزل من فوق الكوبري راح يجيك مخرج خش معه وبتجيك أشاره خش معه يمين
بعدين يجيك تقاطع خش يمين هذا هو الشارع .. ))

10-شارع الزمرد (حي المصيف)

وانت ماسك الدائري جاي من الشرق راح يجيك مخرج 7 اتركه بعدين راح يجيك مخرج 6 خش معه بعدين تجيك اشاره رح يسار اول ما تروح يسار امسك الخدمه وخشمع اول شارع بعد القصر بعدين سيد حتى يجيك اول شارع على اليمين خشه هذا هو الزمرد

11-شارع المستوصف ( حي المصيف )

وانت ماسك الدائري جاي من الشرق راح يجيك مخرج 7اتركه راح يجيك مخرج 6 خش معه بعدين تجيك اشاره رح يسار اول ما تروح يسار امسك الخدمه واول شارع بعد القصر ,, هذا هو المستوصف.

12-شارع المعذبين ( حي الملك فهد)

وانتي جاي من الجنوب وماسك طريق الملك فهد يبي يجيك مخرج الملك عبدالله اتركه واطلع فوق الكبري بعدين خش مع المخرج الجاي ,,
وراح تشووف سوقين على يمينك سوق طيبه وسوق العويس ,, فيه لفه في النص بينهم خش معها ,, بعدين رح قدام وراح تجيك اشاره ,, رح مع الاشاره قدام ,, بعدين تبي تجيك اشاره ديور معها وراح تجيك محطه رح بعدها على طول يمين هذا هو الشارع.

13-شارع العليا لكزس (المروج)

وانت ماسك طريق الملك فهد جاي من الجنوب يبي يجيك مخرج حي المروج رح معه ,,بعدين تجيك اشاره رح يمين ,, بعدين تبي تجيك اشاره ثانيه رح يسار هذا هو الشارع.

14-شارع فروج الغدير (المروج) (الشمال)

اذا كنت بعليا لكزس عند الاشاره يكون ماكدونالدز على اليسار ديور وارجع سيد قدام كأنك متوجه العماريه يجيك نفق انزل منه اول ما تطلع منه بتحص شارع على اليمين هذا هو فيه مطبات هذا القديم سيد للنهايه وديور وخش مع اول شارع على اليمين وسيد وخش برضو اول شارع على
اليمين وتراه منور هذا غدير الشمال الجديد

15-شارع قف وناظر (حي الروضه )

وانت ماسك الدائري الشرقي جاي من الجنوب راح يجيك مخرج 13 رح معه يمين بعدين امسك الخدمه وراح تجيك اشاره ديور اول ما تديور راح تشوف على اليمين شارع سيد هذا هو الشارع .

16-شارع ساندر (المروج)

وانت تمشي مع طريق الملك عبدالله يجي صحاري على يمينك خش الخدمه وسيد لين يجيك هرفي خش قبله يمين هذا شارع ساندر.

17- شارع نادك ( السلي )

انت على الدايري الشرقي متوجه جنوب مخرج 16 اطلع معه يسار سيد بتجيك كم اشاره بتجيك و لوحة كبيرة بنهاية الشارع مكتوب عليها نادك هو الشارع

18-شارع دريم (الثمامه)

وانت بطريق التخصصي متوجه للثمامه ثالث دوار لف يمين ويصير هذا شارع دريم
عند منتزه الديره وسيع وقوي .

19-شارع رشوش (الثمامه)
وانت بطريق التخصصي متوجه للثمامه بيجيك 4 دوار اسمه العويضه الي هو بعد دوار دريم
خذ منه يسار تجيك المحطه على يدك اليمين سيد كنك تبي الطعس امش ما يقرب 700متر وبتجيك لوحه مكتوب عليها رشوش خش يمين بعد اللوحه هذا هو الشارع.

20-شارع الفروســيه (الثمامه )

وانت بطريق التخصصي متوجه للثمامه سيد لين يجيك 4 دورا سيد منه بيجيك مخرجين يمين ويسار خش يسار وسيد لين تجيك اشاره ضوئيه هذا الشارع على اليسار

21-شارع البعارين (الثمامه)

وانت بطريق التخصصي متوجه للثمامه سيد لين يجيك 4 دورا سيد منه بيجيك مخرجين يمين ويسار خش يمين وسيد الين يجيك محطه بنزين على اليسار هذا هو الشارع


22-شارع الفريان (السـويدي)

وانت متجه الجنوب مع طريق الملك فهد وصار في وجهك ثلاث مخارج
الي هي من ظمنها على اليمين مخرج الي يوديك الدخل والسويدي .
خش معه سيد لين يجيك مخرج 27خش مع المخرج بتجيك الاشاره سيد وخش
مع اول شارع يمين هذا هو الفريان (الملاعب).


23-شارع الشركه (الدخل المحدود)

وانت على دايري الدخل سيد لين يجيك مخرج 29 اللي هو مخرج بلال بن رباح روح يسار
من الاشاره بتجيك الاشاره الاولى روح يمين منها وسيد بتجيك اشاره اتركها وسيد لين
يجيك تقاطع روح منه يسار وسيد لين تجيك شركة الكهرب على اليمين هذا هو الشارع


24-شارع الغروب (الدخل المحدود)

وانت على دايري الدخل سيد لين يجيك مخرج 29 اللي هو مخرج بلال بن رباح روح يسار
من الاشاره بتجيك 4 اشارات خش من الرابعه يمين وسيد بتجيك 3 تقطعات الثالث
يتحصل الشارع رايح جاي هذا هو الغروب .

-فروج الغدير (الدخل المحدود)

وانت على دايري الدخل سيد لين يجيك مخرج 29 اللي هو مخرج بلال بن رباح خش
يمين هذا هو الشارع.


26-شارع الهيئه (الدخل المحدود)

وانت على دايري الدخل سيد لين يجيك مخرج 28 اللي هو مخرج المدينه المنوره خش
يمين وسيد لين تجيك ثاني اشاره حش يسار من الاشاره وسيد 200 متر بتجيك اول خشه
يمين خش هذا هو الشارع.

27-شارع التنامي (السويدي)

اذا مسكت شارع السويدي العام سيد لين تتجاوز نفق السويدي رح يمين بتجيك الدار العربيه على يمينك ترا الشارع اللي بعدها هو التنامي.

28-شارع الرساله (الدخل المحدود)

وانت على دايري الدخل سيد لين يجيك مخرج 28 اللي هو مخرج المدينه المنوره خش
منه وسيد قبل الاشاره هذا هو على اليمين

29-شارع البرتقاله (السويدي)

خش من مخرج 28 المدينه المنوره بيجيك شارع الرساله قبل الاشاره خشمنه وسيد لين
ينتهيبك الشارع روح يمين اول اشاره روح يسار بتحصل على يمينك قصر نجد وبعده شارع على اليمين حشه وسيد اللي على يسارك هو البرتقاله.

30-شارع X L (الدخل المحدود)

وانت واقف عند اشارة الفروج قص الدوار تاخذ يسار وتمشي لين تجيك اشارة محطة الخفجي تاخذ يمين كانك متهجه لنادي الهلال سيد اول اشاره تجيك خذ يسار سيد لين يجيك يوتير
مقابله مطعم بخاري ديور معه وادخل يمين وسيد تجيك مدرسه على اليمين تتعداها ثانوية المدائن بعد ماتتعدها بكيلو تقريبا يجيك شارع منور على يمينك هذا هو

31-البحري القديم (حي صلاح الدين)

من طريق الملك عبدالله متوجه شرق ادخل مع مخرج عثمان بن عفان وقف عند الاشاره ييصير المسجد على يدك اليمين روح مع الاشاره يسار اذا لفيت يسار تجيك اشاره سيد الى الاشاره الثانيه ديور وقف على اليمين هذا هو

32-البحري الجديد(حي صلاح الدين)

من طريق الملك عبدالله متوجه شرق ادخل مع مخرج عثمان بن عفان ادخل يمين من الاشاره
يمين وسيد هذا هو الجديد.

33-شارع المواصير (الشفا)

تدخل الشفاء من طريق ديراب على شارع المعارض وتمشي لين اخر الشارع يجيك حرف تي تديور واول دخله يمين هذا المواصير

34-شارع المستودعات (القديم) (الشفا)

نفس الطريقه تدخل الشفاء من شارع المعارض واول اشاره تجيك يكون قدام على اليمين في الزاويه محطه وفيها ميد تأخذ يمين من الاشاره لين نهاية الشارع بيجيك صبات تروح يمين وتسيد منه وتعكس الشارع شوي وتجيك الدخله وفيه في الزاويه محطه

35-شارع المستودعات ( الجديد ) (الشفا)

نفس الطريقه تدخل في المستودعات القديم ثاني او ثالث لفه يسار تدخلك على الشارع مع بداية المستودعات بيجيك دخله يسار هذا هو الشارع.

36-شارع المناير (الشفا)

تدخل الشفاء من شارع المعارض وتمشي ينتهي الشارع وتأخذ يسار اجباري من الاشاره وتمشي لين تتجاوز اول اشاره وبعدها بيجيك الدفاع المدني على يدك اليمين تجاوز الدفاع المدني وامش لين يجيك محطه على يدك اليمين قبل المحطه على اليمين هذا هو الشارع .

37-شارع المخدرات (الشفا)

تدخل الشفاء من شارع المعارض وتمشي ينتهي الشارع وتأخذ يسار اجباري من الاشاره وتمشي لين تتجاوز اول اشاره وبعدها بيجيك الدفاع المدني على يدك اليمين هذا هو الشارع يفحطون على اليسار.

38-شارع غروب الشفا (الشفا)

تدخل الشفاء من شارع المعارض وتمشي ينتهي الشارع وتأخذ يسار اجباري من الاشاره وتمشي لين تجيك اول اشاره خذ يمين وسيد بتجيك اشاره سيد وسيد لين ينتهي بك الطريق حش يمين الشارع على يسارك

39-شارع دايري المصانع (الشفا)

تدخل الشفاء من شارع المعارض وتمشي ينتهي الشارع وتأخذ يسار اجباري من الاشاره وتمشي لين تجيك اول اشاره خذ يمين وسيد بتجيك اشاره خذ يمين وشد العزم هذا هو الشارع.

40-شارع 2000 (خنشليله)

وانت متجه الجنوب مع طريق الملك فهد وصار في وجهك ثلاث مخارج
خش من اللي في اليسار وسيد بيجيك مخرج شارع الفريا اتركه ويجيك كبري الحراج
سيد واتركه وبيجيك مخرج بعد كوبري الحراج خش منه بتجيك الاشاره خذ منها يسار
وسيد لين يجيك اول شارع مزدوج ومنور على اليسار هذا هو الشارع.

41-شارع الاصفر (خنشليله)

وانت متجه الجنوب مع طريق الملك فهد وصار في وجهك ثلاث مخارج
خش من اللي في اليسار وسيد بيجيك مخرج شارع الفريا اتركه ويجيك كبري الحراج
سيد واتركه وبيجيك مخرج بعد كوبري الحراج خش منه بتجيك الاشاره خذ منها يسار
وسيد لين يجيك اول اوتير ديور وارحع اوشارع على اليمين مزدوج ومنور خش منه هذا هو الاصفر

هاه ياشباب وش اخر الاخبار؟؟

السياره ما ظهرة في اي موكب تفحيط وان شالله يكون رامي السياره في مكان وتاركها

اشعر في معاناتك مرتين انسرقت سيارتي ودك يقلون لقينها بي حال ولا تظل في امل متعلق الله يفرج همك

ادع عليه ان شالله يطلعونه قطع منهى هو كل الحراميه

لاحول ولا قوة الا بالله
لاتنسى اليوم ساعة الأجابة

وان شاء الله يستجيب الله دعــــــــاكـ

اخوي الاخطبوط ما اقول الا الله يصبرك
وحسيت بمعاناتك
قل للوالده تدعي ولا وحده من عجزكم ترا الحريم خصوصا كبيرات السن دعائهم طالع من قلب
انا قلت للعيال واللي بيشوفها بيجيني خبر