فززززززززعتكم ياشباب لـ ن ك د والأخطبوط

بعد متابعه دقيقه السيارة ماانشافت بمواكب التفحيط الله العالم وينها فيه هل هي منطوله على جنب ولا مشلحه ولا وش صاير فيها

ولاجديد حتى الان

يعطيكم العافيه ياشباب

انتبه اخوي الاخطبوط لايكون شغل تفكيك.............

وانشاء الله ترجع لك ...........وعلى قول اخوي ابو عبدالرحمن ادع ترى في ساعة اجابه.......

ابشر بعزك اخوي جاري البحث <<<< من سكان شرق الرياض


ابنزل الموضوع في مواقع تفحيط لعلى وعسى

انا من جهتي

بلغت ولد خالتي

هو ساكن في العلية

وربي يكون بعونك يالخطبوط

لاكن بقلكم على هرجة

انزلو التشاليح

ليكون شلحو السيارة وباعو قطعها

وانها 6 سلندر

وقطع ال6 غالية اغلى من الاربعه

وياريت الي في القصيم وعنيزة و الخرج كمان يفزو

لايكون الحرامي من المناطق ديه الي ذكرتها

تشليح احتمال ضعيف جداً السياره الان مرميه في مكان لنه مو معقوله راح يستخدمها المده ذي

ولي سارقها مراهق مو محترف عشان نحتمل تشليح

السياره ممكن يكون تخلص منها في نفس اليله بعد

على الله تكون واقفه في مكان امن

الله يعينك ويصبرك
يارب تجيب العواقب سليمة

لاحول ولاقوة الا بالله

الله يعوضك خيييرر

اللله يردها لك سليمه لاحول ولاقوة الا بالله

شباااااب مو شرط من منطقة الرياض اي واحد من اي مدينه وعني انا من المدينه المنوره رح ادورها على وعسى اصادفها هنا ولا هنا وان شاء الله ترجع لك سليمه :cool:

وانشاء الله مو مغير اللوحات

انشاء الله ترجع لك سليمه ياااارب


وانا عن نفسي بفر اليوووم الشمااال كل ابووه وانشاء الله احصلها

وهـ بس


دوران دوران


ولا حصلنا شي الله يكون بعونك يا حبيبي يا حسام

لاكن سأظل ادور لين القى الكلب ....,

دورو بشارع الخياطين بالسويدي

الغروب والقوات ودائري الدرعيه والفورسيه وشمال الرياض

والله ماتقصروا يااخوان جزاكم الله الف خير ونعم فيكم والله

المشكله انا الحين برا الرياض في مهمة عمل ولا راح ارجع الا على نهاية الاسبوع باذن الله

انا موصي اخواني والشباب يدورون لكن مافيه اخبار للان :(

الله يردك بالخير يالأكورد

الله ييسرلك ان شالله وجود سيارتك وتلقاها بكل يسر وسهوله وتكون ان شالله سليمه من الصدمات والتفجير اللهم امين يارب العالمين
ومابعد الشده الى اليسر بذن الله تعالى
وسوف يتم البحث عنها في كافة احياء مدينة الرياض
بابلاغ الشباب باذن الله تعالى
والله ييسرلك امرك وامورنا امين يارب العالمين

أخوي العنكبوت ههههههه عفوا الاخطبوط ترها جت جد وعدلتها للفرفشه فقط ......المعاناة صارتلي في الاكورد السابقه م/2002
ومالقيتها الى بعد 4ايام
ولاياتفجير الي جايها
بس نصيحه لين لقيتها فتشها
ترى حقتي لقينا فيها علوم ماهيب طيبه بالحيل علشان ماتتوهق فيها للنصيحه فقط

ما فيه شئ جديد

ما خليت مكان في شرق الرياض فريته والله انها مختفيه وكل من سالته قال ما جت خشه لاكورد

الله يعينك يالاخطبوط
الله يردها سالمه

والله لو اشوفه لافلمبه بس الى يومك مالقيته كله لعيونك يالاخطبوط

شوف حبيبي الخرج ان شاء الله أبشر وأببلغ الشباب يدورونها

يس ياريت لو تدققو في حي الشفا بالذات لأنهم هم أكثر احياء الرياض عشق لهذه السيارة

ولا تهملو شرق الرياض وإن شاء الله يحصلها

والله يجازي اللى كان السبب يارب
وإن شاء الله تحصلوها قريب

بشراو ان شاء الله لقيتوها

اظاهر انها برى الرياض يمكن على خط القصيم ولا الشرقية

ولا الصناعية على طول الناس ترميها هناك

وصلني انه فيه لوحات مسروقه من أكوردات في الرياض
خلال الاسبوعين الماضيه يعني اللي يروح مرور الرياض ويشوف ارقام اللوحات المسروقه يكتبها وبعدين يدور.. هذا اذا السارق غير اللوحات< الله لا يوفقه
شباب هي اكيد خارج الرياض يعني اطرافها او في اماكن التطعيس يعني في البر مثلا..

الله يكون بعونك يا الاخطبوط


بس الى الان لم يوجد شئ من خلال دوراني في الشفا


آآآآآآآآهـــــ لو القاهـ والله لأوريه نجوم القايله

يا سااتـر يا ربي


الله يعينـه ويعوضـهـ خير ان شااء اللهـ ,

يا شبااااااااااااب وصلني علم ان الاكوورد في بريدة يا اهل بريدة

وييييينكم

يقوولي واحد بس الخبر مو موثوق يقوول انه شايف الأكورد في بريد5 وراكب مع السواق واحد زييين


ووراه ربووع يزبنونه



يا اهل القصييييييييييييييييييييييييييييييييييييييييييييم وينكم


الحقوووووووووووووووووووووووو
تتتتكفووووووووووووون

حطييت خبر عند وااحد من القصيييم عسااه يسااعدنا شويه
طيب كلم مصدرك ياا بطران وخلييه يشووف ...
لاحول ولاقوه ال بالله العلي العظيم ....
الله لايوفقه للحرامي ويقطع ايديه ورجلييييه ....
الله يردها لصاحبها ويرجعها ساالمه ياارب ....
ساامحني اخوي حسااام تراا الي اقدر علييه هوه الدعااء ....

تحيااتي

لا حول ولا قوة الا بالله ..

الله يرده لك يا حسام سليمة ان شا الله ..

اللهم ياسميع ياعليم يامجيب الدعوات فرج كربة اخينا الاخطبوط وارجع له مافقد كانه لم يفقد
اخي الاخطبوط عليك بالدعاء وخصوصا في اوقات الاجابه ولاتدعي عليه بل ادعو له بالهداية وعسى ان تكرهو شيئ وهو خير لكم وان شاء الله تكون دفعة بلاء عنك
اخوي الاخطبوط ودي اساعدك لكن والله حتى سيارة حاليا ماعندي ولو كان عندي مريتك ورحنا ندور الين نحصلها بأذن الله لكن كل اللي اقدر اسويه لك اني ادعيلك وراح اسويلك اللي اقدر عليه وسامحنا على القصور

أقووول الي قايل لي يقووول انا امشي 180 وهو شاطفني يعني يمشي اكثر

ويوم تعداني بدا يشوووط يقوول الي يسووق زين

بس الربوع هم الي مزبنين وضعه

يا أهل القصييييييم تكفوووووووووون تكفووووووووون

تكفى ترى تكفى تهز الرجاجيل

ولو لا ظرووف الوقت ما قلت تكفى

شوووفوا شوارع التفحيط الي عنكم الشوارع الوسيعه

يوم عرفنا مكانها نبيكم تكنون قدها

وانتم اهل لها

ولو اقدر اجي القصيم جيت لعنت خامس خامسه

<<< العذر اسمحوولي بس ما صدقنا نلقاها

ترى اهل الرياض ما قصروووا يدرووون يدورون ولا لقوو شي

الباقي عليكم يا اهل القصيم يا أبو عزوز يا ابو احمد العوض فيكم وفي اهل القصيم

ادري ان كلامي قاسي عليكم بس تبي تعرف حط نفسك مكان حسام

وترا الي شايفه شايفه بنفس اللوحات

للتذكير اكورد 2006 v6 اللوحات *** ***
اكورد 2006

اللون لؤلؤي

V6 ;)

اللوحه *** ***

همتكم شباب القصيم
طيب انا عندي اقتراح
ليه مانسوي زياره للقصيم يوم الاربعاء والخميس ونلف القصيم يعني كم بتطلع سياره من الرياض وكم سياره من القصيم وكل 2 في سياره او 3 وفرتين وباذن الله نلقاهااااا
اخوي حسااام بلغ مرة ثانيه وقووول انك او قل واحد شافها على طريق القصيم حتى يشددو في نقاط التفتيش
والله يرجعها لك سالمه يااااااااارب

^
^
أقترآآح ممتآز وياليت اللي فاضي وما عنده شغل لا مشغله يروح للقصيم يسآعد اخونا الاخطبوط يمكن يجيك زي ما جاه

انا لو عندي سيآره كآن من عيوووني اروح اول واحد

ولا يهمك يا الأخطبوط والله انك غالي ....

أنا بادور في مخرج 6 ومخرج 7 حي الوادي حي النفل وشارع ابو بكر وعثمان

ونشاء الله تشوفها وتاكد مال الحلال مايضيع .....

يالله يا اهل القصيم لا نوصيكم

صباح الخير

معقوله بالقصيم :eek: >>> هذا وأمن الطرق عندهم خبر الا كيف الحال بس :p


بطران متأكد انت انه بنفس اللوحات ولا خويك مشبه ؟؟ >> اذا متأكد علمني لاني بسوي شيء ببالي

والظاهر ان فيه نزله للقصيم بس خلني ارجع من الشرقيه نهاية هالأسبوع ان شاء الله

عوافي شباب والله انكم قدها والله لايحطكم بالموقف اللي انا فيه

تصبحون على خير

معقولة جاي عندنا بالقصيم!!!!!!!


والله كل ماشفت أكورد أقعد اطالع فيها لعلها تكون هي:(


أنا راح أنزلها في منتدى بريدة .... وراح ندور عليها.


وإن شاء الله تحصلها ياحسام.

مالك الا الدعاء وانا اخوووك

لا حول ولا قوة الا بالله ..

امحق امن طرق والله ..

وبنفس اللوح ----- هذا قوي عين الله يعميه ..

(( الله يعوضك خير ياحسام )) وترجعلك سالمه ..

شباب مو معقوله السياره متعديه نقاط تفتيش كثيره
وابو الشباب ماسك فيها طريق سريع على باله ان السياره سياره ابوه جالس يلف فيها

الاربعاء يكوف فيه تفحيط بس مو كل اسبوع
بدريم او الحفيره او الربيعيه اوطريق المدينه
بس اذا فيه خشه الاسبوع هذا راح اروح

وان شاء الله نحصلها الله يصبرك يا حسام

والله انا الي كلمته على الماسنجر يقوول انا شايفها ولا عرفها الا باللوحات الي عليها

<<<< هذا كلامه

بس على ما قال تويتي انا مفكر في هالشي

>>>> ولا تنسون ان الي يسووق زين وبيصيرون هناك الشاذين(اهل الربوع) وراه معناتها لازم تزبنون وضعكم

وأقل من ثلاث سيارات ترى ما راح تفيدكم بشئ


انا اذا اقدر ارووح معكم عطيتكم خبر


الله يردها لك سالمه غانهم يا حبيبي يا حسام

:( تكفوون الي بريده لايقصر ...
العين بصيره لكن للأسف اليد قصيره .. ما اقدر اسوي شي دامي في الاماراات !!!!
لاا حول ولا قوه الا بالله ..

هي كل خميس تفحط بالدئري اللي ببريده ويسمى المديور اللي يروح للشماسية والربيعه

ويقول الرجال الخميس الي راح والي قبله كان عليها تفحيط

يقوول بس تنطيل


ويمكن ذا الخمييييييس الجاي يصير عليها بعد <<< الحقووو

هذا كلام الي على الماسنجر

والرجال شكله صادق لأنه يحلف لي

فلحقوو قبل فوات الاوان

أن شا الله تلقونها بأقرب فرصة


و الفزعة يا اهل القصيم

القصيم !!!!!!!:confused::confused:.

الله يخلي الحكومة ذخر لنا :):).

والله ما يقصرون دائما في خدمة الشعب :rolleyes::rolleyes:.

بسم الله الرحمن الرحيم

لو ماعندي دوام ولو اني في الرياض

كنت فزعت القصيم

واقلبها غشنه مع الحرامي ربي يكسر يده

وان شاء الله تحصلوها

وانا اليوم طلعت الحرم ودعيت في الحرم على الحرامي

ودعيت انكم تحصلو السياره سليمه