السلام عليكم
مساء الخير شباب كيفكم ان شا الله بخير
ياخوان ان شا الله بكرا ابطلع الاكورد من الوكالة لكن عندي استفسار :
انا ناوي اسافر بكرا عليها ان شا الله فابغى نصائحكم من ناحية:
1- السرعة التي يجب ان التزم بها .
2- هل يضر تشغيل المكيف.
3- وهذه النقطة ليس لها علاقة ولكن ماهي الاشياء التي اتاكد منها اذا اخذت السياره من الوكاله اقصد من ناحية اكسسوارات وغيره.
5- ماهي الاشياء التي يجب ان اتقيد بها في فترة تمرين السياره.
ختاما ادعو لي بالتوفيق واسال الله ان يطعمني من خيرها ويكفيني شرها .
شكر لجميع الاعضاء على هذا التجمع المتميز.
ع البركة اول شي ..
1 شيك على الطبلون .. لاتكون فية لمبات صفرا او حمرا والعة بعد تشغيل السيارة زي واحد مطلع موديل 2008 و لمبات الفرامل والهاند بريك كلها مولعة والـabs ( خلل وصلحة على طول ) .
2 جدي لما طلع السيارة ما سوى تمرين لسيارتة !! وللحين معة !!
خذ راحتك وشغل المكيف ,, اما اقعد في هالحر .. مايمدي والله ...
صدقني انها ما تضر .. ولكن ... شوف ردود الاعضاء اللي بعدي ...
يقولون لا تعدي 80 ولا تشغل المكيف !!! ليش؟ مدري ..
امش زي ما تبي ... لكن خلال هالفترة ... مو فترة انك تفجر الابنص لين توصل سرعة 130 مثلا .. ادعس بنزين بشكل عادي جداً لين توصل اي سرعة في بالك ... (( المهم ما تكون بالدعس المفاجئ))
والله الموفق ..
مبروك اخوي الكونكورد الله يعطيك من خيرها ويكفيك شرها
بالنسبة للتمرين مافيه نظام معين تقدر تمشي عليه لكن ينصح عادة بأن السرعة لاتتجاوز 100 كلم/س لأول 1000 كلم
وينصح أيضا بعدم الفرملة أو التسارع المفاجئ
وغيرها استخدم السيارة بشكل طبيعي جدا
هناك صيانة مجانية عند 1000 كلم بالوكالة يتم فيها تغيير الزيت والفلتر
الاكسسوارات ماقصر الـ5ـفي عطاك اياها (طفاية الحريق+الدعاسات+عدة الاسعافات الاولية+شنطة جلد+قلم+شماسة)
وأخيرا وليس آخرا ينصح أيضا بأنك تعطي الاخطبوط دوره بالاكورد :d
الاخطبوط كان هنا
^^ قصيمي ^^
بتجي الرياض صح ؟
ولا مطلعها من الرياض بتروح القصيم
اخاويك
اسئل ابوي وابوك وجدي وجدك .. واسألني شخصياً ...
اول ما طلعت اكوردتي السودا موديل 2006 على اواخر 2005 ...
توني مطلعها من الوكالة حرررررررررررررررررر على طول شغلت المكيف ... ودق الجوال واكتشفت بعدها ان ماشي بسرعة 160 في الدائري من الفرحة ...
السيارة كانت من انشط السيارت ... لاني كنت معودها من اول يوم على السرعة ...
وكنت محافظ على صيانتها ..
1000 و 5000 و 10.000 وما امداها توصل 20.000 لانها انتقلت الى رحمة الله في اقل من 4 اشهر
^^^ احس ان خوفتك صح ^^^
اخوان استفسار طاريء
انا خايف ان الطريق يكون غبار وش تنصحون فيه لحماية مقدمة السيارة :d
لان ماعندي وقت اجلس بالرياض واسوي لها عزل وخلافه والا اتوكل على الله ومايضر وش رايكم؟
واكمل لك القصة ..
وخلال شهر عوضني الله بالثانية اكورد 2006 فل كامل
وقعدت معي سنة ..
ثم سويت الفلم الشهير ..((راجع مواضيعي المكتوبة ))
وقعدت 4 اشهر بدون سيارة او 5 اشهر !!
ثم طلعت تحفة التحف بعد ما زينتها ..
ثم قعدث معي 4 اشهر ..
وقبل شهر سوا واحد فيني الفلم الاخير اللي تشوفة في التوقيع !!
واستقرت السيارة في المثوى الاخير في التشليح رحمها الله رحمة واسعة قبل اسبوعين..
وقاعد الحين من اسبوعين احتري اخر الشهر هذا ..
وترقبوا عودتي قريبا *coming*soon
اخوي كوكو كورد الله يعوضك بـ460
بصراحه على كثر حوادثك احس انك غشيم بالسواقه
خل عنك السرعه
هذي خذها من تجربتي وتجربة ابو عزوز و B Unique و accord.2002 و accord2007 و Onyzah boy و acoord 4 ever و كلهم جربوا واثنو عليها ...
مادة رش وامش ..
شاهد واقرأ المزيد عنها هنا : http://carcare.mstaml.com/?p=2&o=0
طبعاً هذا سعرها المكتوب للجميع ... صاحب المحل صديقي ... اجيبها بأقل من هالسعر بمبلغ يخليك تعبي فل الا شوي
اللهم امين بس ما ابي تويوتا ...
اما غشييييم .. اطلع من مخي ... انت ما تعرف تقرا .... اقولك اخر فلم ( سواة لي واحد ) يعني كنت اسوق مالي دخل ماشي في خطي .. وواحد افلم فيني ... فين تصرفها تقول لي غشيم ؟؟
المشكلة انك قصيمي وصاحب الموضوع قصيمي .. وكنت بروح القصيم معة بس انت خربت علي السالفة كلها وكرهت القصيم كلها <<<<<< وش عندة ولد النيدو ؟؟ بس عندكم سلاحف اوكيييية !! قصدي كليجا خخخخ خيييييخ ...
السرعة كويسة ...
بش مشكلة انتو يالفاضين ... ما عندكم الا دوام والمخبز وجنبة البقالة والمسجد ... بس ... هذي استخدامات السيارة عندكم ... و 24 ساعة ماسكين الدائري اقصى اليسار تمشون 80
انا عندي مصالح دولة ... اتأخر دقيقة مشكلة ...;)
مبروك عليك والله يعطيك خيرها ويكفيك شرها...
الشباب ما قصروا ,,,
وما شاء الله عليك
التمرين بيصير عال العال دامك على خط ...
موفق خيو برررب
هذي خذها من تجربتي وتجربة ابو عزوز و B Unique و accord.2002 و accord2007 و Onyzah boy و acoord 4 ever و كلهم جربوا واثنو عليها ...
مادة رش وامش ..
شاهد واقرأ المزيد عنها هنا : http://carcare.mstaml.com/?p=2&o=0
طبعاً هذا سعرها المكتوب للجميع ... صاحب المحل صديقي ... اجيبها بأقل من هالسعر بمبلغ يخليك تعبي فل الا شوي
طيب ياخوان ممكن اعبره بالشمع اللي يرشونه على وجهية السيارات والا يضر البوية
مواقع النشر (المفضلة)