ليش كل هالحقد اخوي اتش( التفحيط هوايه )المشاركة الأصلية كتبت بواسطة مجنون هوندا
وكل واحد له هوايته لو كان الموضوع عن التطعيس كان ماقلت
الكلام هذا وعلى فكره التطعيس اخطر من التفحيط لعب في المكينه
وحركات الشركات الي تصنع السياره ماسوت كذا والتطعيس في حقيقته مو الي منضم من شركة بايسن ولا غيرها التطعيس لما تشوفه على الطبيعه تعرف انه اخطر من التفحيط وعلى العموم كل
انسان يخطي وكل انسان له شطحات
واتمنى ان محد يزعل من كلامي وخاصتن اتش[/quote]
انا اقول لك ليش كل هذا الحقد حبيبي
لان فيه ناس ضاعت
كم ام انتضرت ولدها على الغداء او العشى وبعدها تتفاجئ انه مات
والسبب واحد جاهل بزر ماعنده اي احساس بالمسؤاليه يفحط
كم واحد من صغار السن دخل الاحداث بسبب قضايا اخلاقيه وتشوهت صورة اهله
كم واحد كان يجمع فلوسه بعرق جبينه وبطرق مشروعه ولمدة سنين علشان يفرح بسيارته ويصير مثل الناس الباقيه وفي الاخير يشوفها منطوله في احد الاحياء مصدومه او محروقه او مكسره بالكامل بسبب التفحيط
كم واحد بريئ يمشي هو وعياله او هو وزوجته وجاه واحد من ضعاف النفوس وطيره كيلو من محله وفي الاخير موت
وبعدين نجي ونقول هاذي هواية
لو اصبحت هوايتي مثلهم لاتمنيت الله ان يبتليني بمرض لا استطيع الحراك منه
لأكفي الناس شر نفسي
واتمنى يكون كلامي ما زعل احد بس هذا كله بسبب المسخره الى عندنا بالرياض
وتقبلو تحياتي
اخوكم
عزوز ورشه
رد مع اقتباس
مواقع النشر (المفضلة)