السلام عليكم جميعا
..
لاحظت بعد مروري على بعض مواضيع الصيانة أن البعض لا ينصح بصيانة هوندا.. :confused:
و في منتدى الأكورد ينصح البعض بالإشتراك في نظام الصيانة المجانية لـ 100 آلف كيلو.. :confused:
انا اشتركت في نظام الصيانة المجانية.. يعني رح انتظم معاهم عشاني دافع فلوس :d
بس نحب نشوف اللي يؤيد صيانة الوكالة.. و ليش..
و اللي ما يأيد... و ليش..
و طبعا.. اش البديل؟
تحياتي
بصراحه انا من المؤيدين في بعض الاشياء للاهتمام الشخصي
لانه الوكاله في بعض الاشياء اسعارهم جداً غاليه
واحب اصلح سيارتي برا
..
وعليكم السلام ورحمة الله وبركاته
اولاً يعطيك الف عافيه اخوي على الموضووع
وانا من رايي الخاص ..اني اخلي كل شغلي في الوكاله
لان الشغل مضمون .. وقطع اصليه 100%
اما اذا بتشتري القطع من برا ماتدري اصلي ولا تجاري
ومحد بيضمن لك الشغل مثل الوكاله ( مجرد رأي )
وتحيآآآتي لك..
اخوك:: فيوزات رحيمه
انا عن نفسي ايد الاهتمام الشخصي بالسياره لان انت تكون عارف ايش غيرت وايش سويت بالسياره خصوصا لو كان لك
مزاج بصيانه السياره او الاهتمام بطريقك الخاصه وهاذا الشي انا انا متبعو لسيارتي متعامل مع ورشه متخصصه لسيارات هوندا ومحل لقطع غيارها واصليه وهاذا الشي يطمن اكثر من انك توديها للوكاله وتدفع المبلغ الفلاني وهو مايستاهل على سبيل المثال اخر مره رحت الوكاله بسألهم عن اسعار الصيانه ويرد عليا الموظف وبأبتسامه يقلي بس 2000 ريال باللهي بالعقل صيانه انا ما تكلفني غير 600 ريال قطع واجور يد اروح ادفع 2000 ريال وعلى ايش على شي تافه عشان كذا انا ايد الاهتمام الشخصي عشان التوفير وطبعا توفير بقطع غيار اصليه مو تجاريه واكون عارف ايش يسير في سيارتي واخر شي الاهم ما اتعطل عليها باليومين والثلاثه
^^^^^^^^^^^^^^^^^^
كلام جدا معقوول وموزوون
طيب اللي ماله خلق يلفلف عالورش ويوقف على راسهم مثلي ايش يعمل
شكرا
اخوي اشكرك على الموضوع
وانا من رائي الشخصي ان الامرين كلهم عينين في راس
بالنسبة لي الصيانه افضل لان كل شي على الضمان
تصلح وانت ملاتاح والحمد لله
اقتباس:
المشاركة الأصلية كتبت بواسطة اكورد 98
شكلك يالغالي سيارتك أقدم من 2008
لأني شفت بعض أسعار ثيانة 2008 و 2009.. في نظري جداً معقولة..
أهم شي ما يكون سببك السعر فقط..
لأنه الجودة جداً مهمة.. و محسوب عليها السعر :cool:
اقتباس:
المشاركة الأصلية كتبت بواسطة فيوزات رحيمه
كلامك جداً مقنع.. بخصوص ضمان أن القطع أصلية..
بس كلام بعض الشباب في مواضيع ثانية أن الشغل مو مضمون :eek:
نشوف ردود الإتجاه الآخر :d
و أنا معاك في رأيك .. و مؤيد له :cool:
اقتباس:
المشاركة الأصلية كتبت بواسطة HONDA BOY
يا سلام.. هذه الناس اللي ابغى اسمع منها..
كلامك على العين و الراس..
بس هل تضمن هذه الورشة اللي انت تصلح فيها اكثر من الوكالة ؟
و غير عن كذا مهندسين و فنيين الوكالة يكونوا متدربين على تصليح هوندا..على حسب علمي..
ممكن زي ما قلت ان الإهتمام الشخصي بالسيارة يوفر عليك كم قرش..
لكن جودة الصيانة خارج هوندا .. هل توازي جودة صيانة هوندا؟؟
بالنسبة لي انا جديد مع هوندا.. و ما سويت غير صيانة 1000 كيلو.. :d
بس صراحة خدمتهم و تعاملهم كان ممتاز..
وكل شي يطمن بالخير..
اقتباس:
المشاركة الأصلية كتبت بواسطة memories
لا تسوي صيانة !!! :p
:)
أمزح معاك أخوي..
اللي ما يعرف ورشة كوسية.. اضمن له الوكالة.. مع اني أؤيد الوكالة في كل الحالات..
اقتباس:
المشاركة الأصلية كتبت بواسطة اكووورد مجنونه
اقتباس:
المشاركة الأصلية كتبت بواسطة اكووورد مجنونه
يا عيني عليك يا محايد :cool:
اقتباس:
المشاركة الأصلية كتبت بواسطة مفهــي بتركيــز
اقتباس:
المشاركة الأصلية كتبت بواسطة مفهــي بتركيــز
نفس وجهة نظري..
:cool:
يعطيكم ألف عافية شباب على التفاعل و الزحمة :d
أنا كنت اتوقع انو يطلع لنا واحد مشترك في المنتدى و يكون شغال في صيانة هوندا عشان بس يبين لنا جودة الصيانة ..
بس شكله في واحد بس ما يبغى يتكلم :)
موفقين جميعا
أنا أفضل الصيانة والمتابعة خلال فترة الضمان في الوكالة
وبعد كده الواحد له الخيار يكمل معاهم أو يصونها بطريقته
لاحظ ان كل الي
يهتمونــ بسياراتهمــ برا الوكالهـــ من موديلـــ 2007 وتحتـــ
والي الوكالهــ تهتمــ بسياراتهمـــ من 2008 وفوقــــ
وهذا يفسر شي والذكي يعرفهــ
اقتباس:
المشاركة الأصلية كتبت بواسطة r32 hpa
اقتباس:
المشاركة الأصلية كتبت بواسطة r32 hpa
اتوقع ان اغلب الناس تسوي كذا..
بس كويس اذا كمل الصيانة كاملة :)
قلناها يا عسل :cool:اقتباس:
المشاركة الأصلية كتبت بواسطة حبيب هنادي
اقتباس:
شكلك يالغالي سيارتك أقدم من 2008
لأني شفت بعض أسعار ثيانة 2008 و 2009.. في نظري جداً معقولة..
أهم شي ما يكون سببك السعر فقط..
لأنه الجودة جداً مهمة.. و محسوب عليها السعر :cool:
كيف بس أنا.. ذكي ؟ :rolleyes:
انا من رأي الشخصي ان السيارهـ ما تروح الوكاله الا ادا شفت شي يتصلح على الضمان وخد الاسباب :
1- في الوكاله ماتشوف وش يصير في سيارتك ما يخلوك تدخل ويمكن يخربو لك اشياء ويمكن يركبو لك قطع تجاري وهدي صارت لي مره ركبو لي قطعه تجاريه << والله العظيم للي ما يصدق صارت لي ركبو لي تجاري بسعر الاصلي
2- الوكاله اغلى من غيرها واسعارها خرافيه يعني مثلا تبديل اقمشه في الوكاله تكلفك مبلغ بينما خارج الوكاله اقمشه اصليه 190 والتركيب 30 ريال المجموع 220
3- الوكاله الحبيبه تبدل لك اشياء مو خربانه احيانا ليش مادري يمكن محتاجين فلوس الجماعه .
4- الوكاله تأخرك يوم على شان تبديل اقمشه بينما لو تبدلهم برهـ السالفه تاخد ساعه او اقل , وفي بعض الاشياء تجلس السيارهـ اربعه ايام في شغله ما تستحق يوم واحد
5- الوكاله بعيدهـ ومشوار رايح ومشوار جاي بينما لو توديها محل تتعامل معاهـ اقرب لك عن المشاوير .
6- انا ابدل زيت خارج الوكاله في محل اسمه بنشر الريف هدا طبعا محل قديم واعرف صاحبه وعماله فلبينين شاطرين وزيوته وكفراته مضمونه وتبديل الاقمشه مضمون ولما يجي ينزل الزيت يشيله بالماكينه الي تشفط وزيت جديد وفلتر اصلي بدون فلتر 58 ريال مع الفلتر زيد عليها 25 للفتر وطبعا الشغل قدام عيونك وارخص وانسب وقريب وشغل نظيف وتشوف كل شي يبدله قدام عيونك مو الوكاله مايخليك تروح يقول لك ممنوع جهة التبديل شدعوه ليش ممنوع السيارهـ سيارتي وما اشوف وش تسوي فيها ؟؟
انا نسيت بعض الامور لكن اتمنى ان الامور هدي تكون مقنعه وانا من نفسي صارت عندي سيارتين هوندا الاولى 2004 وكنت اوديها الصيانه لحد 40 الف وصدقني وكلام في ذمتي اوديها واخدها ما يسوون فيها شي بس يدفعوني فلوس اتوقع بس زيت يبدلو ,,وبعدين تركت الصيانه ومشت وياي السيارهـ 160 الف كنت احط فيها زيت وبنزين واقمشه ومرهـ بدلت بواجي وبطاريه احتياطا مع انها ماكانت تحتاج بس حسيتها تطول لما ادقها سلف وبدلتهم ومرهـ خرطت الهوبات وكانت السيارهـ عال العال بدون الوكاله ..
والحين سيارتي 2008 مهتم فيها وما اوديها الوكاله ابدا وديتها 1000 كيلو ومن يومها سحبت عليهم سيفون ولحد الحين ماشيه 25 الف والحمد لله ما بدلت ليها شي ولا تحتاج شي لاني ما اوديها الوكاله لو وديتها الوكاله بدلو لي اشياء واجد ماتحتاج تبديل مثل الاقمشه كل الشباب بدلو ليهم وليومك انا استغرب رحت محل خليته يشيكهم لي قال لي فيهم نص عمر
انا انصحك في الوكاله في حال حبيت تغير زيت القير بعد ماتمشي سيارتك 50 الف اضمن لك لان لو صار شي في القير الوكاله بتضمنه من ناحيتي مستحيل اوديها هناك لان الحبايب اكيد بسوو شي حق يخرب القير و تروح تبدل عندهم ههههههه عادي ما استغربها من وكاله عبد الله هاشم اسوأ وكاله واسوأ صيانه في تاريخ السيارات روح قارنها بعبد اللطيف جميل وتعرف كيف عبد اللطيف جميل تشوف وش يسوو و في خدمات انترنت و جلسات استراحه فيها وسائل ترفيه وجرايد ومساج ومعامله عدله وما يكلعو عليك زي وكالتنا وصيانه سريعه
انا هدا رأي وهدي اسبابي الي تخليني ما اوديها الوكاله وانا ما اقول لك لا توديها لكن عطيتك اسبابي الرئيسيه يعني وانت وقناعتك
السلام عليكم
موضوع جيد للنقاش
وفيه بعض الاراء وفيه بعض التلمحيات عندي
انا شخص مااقتنع بشغل الوكاله الا بالعيب المصنعي او مشاكل القير او المكينه
اما بالنسبه للزيوت كلها انا اغيرها برا الوكاله ولا عمري سويت تشيك عليها الا حق 1000 كيلو
وبالنسبه اذا خايف من الورش ويركبون لك قطع غيار مو اصليه وتقول الثقه بالوكاله عندك الخيار انك تشتري قطع الغيار من الوكاله
وفيه محلاة كثير تشتري منها أصلي ارخص من الوكاله من ناحيه القيمه
وواغلب الناس يعرفون يفرقون بين الاصلي والتجاري
عندك الفحمات الفرق بين الاصلي والتجاري هو اللون
التجاري يكون لونها باحت شووي مو مثل الاصلي
وانا من المؤدين تكون الاهتمام من خارج الوكاله لان اذا صرت مطلع الموتر وكاله ليش تخاف عليه ..؟
عندك اول زيت بالوكاله
واما الباقي اشتر الزيت من الوكاله وغيره بالمشحمه مع السيفون(فلتر)
واذا مشى الموتر 50 الف غير له بواجي وزيت قير
واذا مشى 100 غير فلتر البنزين مع البواجي وزيت القير
وعلى هالحال اما المشاكل الثانيه اذا كان موترك على الضمان غيرها بالوكاله
وهذا رأيي واسف على الاطاله
انا اقول انك تستمر مع الوكاله 50 الف بعدين رح دارها بنفسك وراعيها بنفسك وبس ..
لأن الوكاله مباالغ سعرها مررره وما فيه فرق تحصل ورش شغلهم مضبووط واسعارهم معقوله..
وانشاء الله انك ما تحتاج لا للوكاله ولا برى
<< وجهة نظر .....تقبل مروري
أنا والله ساحب على الوكالة ومعي 2009 وأسوي لها صيانة دورية على كيفي
خل لك جدول تعرف متى تغير ووش تغير
كلامك معقول أخي أكورد5511
طيب بالنسبه للي غشيم في السيارات زيي
كيف اعرف ايش الاشياء اللي يبغالها تغيير وموعد تغييرها
ياريت احد الاعضاء يتبرع لنا بجدول صيانه شامله لكل 5 الاف كيلو
شكرا
اقتباس:
المشاركة الأصلية كتبت بواسطة اكورد5511
اوافقك الرأي تماما
الحمدلله لقيت احد له نفس قناعاتي :cool: