أول موضوع لي واتمنى مساعدتكم بعد الدخول..

السلام عليكم .......
كل عام وانتم بخير وعافيه....
الله يعطيكم العافيه هذي أول مشاركه لي في منتدى الملكة ويقولون من شاؤر ماخاب ونظرا" لتميز هذا المنتدى عن الغير وسمعته الطيبه اتمنى مساعدتي بحمد من الله وفضله استلمت اليوم الملكه فل كامل 4 سلندر اللون لولؤي جلد ...
وابغى مساعدتكم ايش اسؤي في التمرين وفي السياره بصفه عامه من ناحية المع البودي او لا اكيس او لا وزن الكفرات كم بعد صيانة الاف كليو اوديها مره ثانيه الشركه اعتبروني اخوكم الصغير لاني اول مره في حياتي اطلع سياره من الوكاله وللمعلوميه اول مره في حياتي اسوق الملكه ركبتها مره وحده في الوكاله ودخلت مزاجي وكل ما أسئل واحد يقول خذ ولاتشاور امانه في كل شيء تعرفونه عن الاكورد مساعدتي فيه من ناحية ايجابيات السياره او عيوبها علما" بعد ماطلعتها من الوكاله رحت سؤيت العازل في ايسي كول وقالي اسؤيلك تلميع خارجي عشان اللون بصراحه ما ارتحت وقلت لا بعدين اسؤيها قالي خلاص بس اهم شيء لاتفتح القزار الى بعد 48 ساعه والله وهقني طلعت الطايف المغرب وماشي بين 80 - 60 وبدون مكيف حاله بس تستاهل الملكة سوووووري على الأطاله بس والله اتري انكم ماراح تبخلون عليا في مساعدتكم على فكره حاولت انزل الصور بس غير قابل للرفع ماادري ايش المشكله افيدوني بطريقت انزال الصور وهل تحفظ في اسمي .........
ولكم مني جزيل الشكر.........

اهلين اخوي حياك بالمنتدى

ومبروك عليك السيارة الله يعطيك خيرها ويكفيك شرها

بالنسبه انا اقول لك احسنت الاختيار :friends:

واقول لك عادي جداً انك تفتح المكيف بس اهم شي لاتعدى 100 بالاحرى 120
وحاول انك ماتدعس

وعب السيارة بانزين 95 :sly:

وبس والباقي على الوكاله كل 10كلم ينفخون لك الكفرات ويشيكون على السيارة كامله

ولمع السيارة كل سنه بما انك ماخذ لؤلؤي يعني ماراح يبين فيه الاثار الجويه ان شاء الله

والتظليل خلاص انت ظللت

بس ركب شاشه بعدين نفقيشن اذا مشيت 20الف كلم

وبالتوفيق اخوي:victory:

الله يعطيك العافيه .......
وماقصرت.............

نصيحة /: داوم على تبديل الأطارات كما هو مذكور بالموضوع التالي للمحافظة على عمر أطول لها

http://www.hondaarabia.com/club/showthread.php?t=19836

والف مبروك والله يعطيك خيرها ويكفيك شرها

وعليكم السلام ،

الله يعطيك من خيرها ويكفيك من شرها ،

السيارة تحت التمرين ( 1000 كيلو )

- تقدر تشغل المكيف ، ما فيه أي مشكلة ،
- تقدر تفتح القزاز أو الدرايش على راحتك ..
- سرعتك لا تتعدى الضغط 3 ، يعني 140 أتوقع ..

أما سالفة لا تشغل المكيف ولا لا تفتح الدرايش ، كلها وسوسسسسسسسسسه ، !!!

ما عطاك الله مني ، في نفس الوكالة ، أول ما استلمت ايصال شراء السيارة ، شغلت الموتر وعلى طول على المكيف ،

وهذا الحمد لله لي سنة ونص وما شكيت منها ولا شيءْ ، !!!

على قولة واحد من الأعضاء : دامهم يقولون لك لا تشغل المكيف ، اجل ليش حاطينه :d

بالتوفيق لك ، و وسّع صدركْ يا رجال ، رح وتعال وامش على راحتك ، ولا تخيس في في الحر ، شغل لك المكيف لان الجو عندنا ما يساعد ،

ما قصروا الشباب

وما يحتاج اكتب ردود مثلها او مصاغة بطريقه مشابه لها

ماشالله تبارك الله .... الله يعطيك خيرها ويكفيك شرها
اولا مياه الراديتر لاتنسى تعبيه كل ماتغير زيت لانه ينقص حتى يحافظ على الحرارة
ثانيا استخدم زيت هوندا الاصلي ونوعه نفس نوع الشركة 15w 40 وانصحك تغيره في قلف عشان كل تغير يشيكوا على الراديتر والكفرات والزيوت الاخرى
ثالثا لاتدخن في السيارة اذا كنت مدخن ولا تطلع مدخنين لانه يحرق تنجيد الوكالة ويبعثر الرماد في السيارة
رابعا ضع شماسة ويعطوك اياها الوكالة تحصلها جوة الشنطة الي اعطوك اياها
خامسا الكفرات الامامية دائما تتمسح قبل الخلفية والسبب اللفات الكثيرة تسبب احتكاك كثير بالارض فينصح اذا تبي تجنب السيارة لاتلف الدركسون والسيارة واقفة عشان لا تتمسح سريع ولكن لف الدركسون عندما تكون السيارة ماشية وبدل الكفرات الامامية بالخلفية كل عشرة الاف كيلو او خمسة الاف كيلو
حافظ على تكييس الوكالة مع تكيس ارضية اليسيارة وارضية الشنطة بالنايلون ....وشكرا:A6rb.Com_05:

يا رجال عاااااادي ان شاء الله ما يضرها ابدا

شوفني مشيت ع السيارة على سرعه 200 وانا ما كملت حتى حدود 250 كيلو

ولا صار شي :)

يمكن الكلام هذا صح بأيام زماان .. بس الان تجيك جااهزة و شغل المكيف و افتح الدرايش ( الشبابيك )

بس يفضل انك ما تسرع و حاول انك تتفاوت ما بين 120 الى 100 الى 80 كل شوي :)

والف مبرووك ~

اول شي مبرووك عليك السيارة والله يعطيك من خيرها ويكفيك شررره

الشباب ماقصروا في ردودهم

بس نصيحه لاتلمع الحين خلها بعد سنة افضل

الله يعطيك خيرها ويكفيك شرها ,,
والوسوسهـ من الشيطآآن :d:d
وسو الي تبي زي ما قالوا الاخوان ولا اضيف شي
كفووو و وفووو العيال :d

شباب الله يعطيكم العافيه لاتلوموني ماهي وسوسه 95 ألف ....
بالنسبه للمكيف نصحني واحد قال هذي تفرق من ناحية العزم مستقبلن........
وبانسبه للدرايش المحل لانا ركبت فيه العازل قالي لاتفتحها الى بعد 48 ساعه ......
وكل عام وأنتم بخير وينعاد عليكم وانتم في اتم الصحه والعافيه......

^^^^

حبيب قلبي دفعنا أكثر من 90 ألف وشغلنا المكيف ومرتاحين ، :d

والعزم نفسه ، ألا والله سيارتي نشيطة مع اني لا ادز فيها كثير ولا شيءْ ..

المكيف تقدر تشغله ، انا بس ابغى اعرف من اللي مطلع اشاعة لا تشغل المكيف والسيارة تحت التمرين :cursing:

وبالنسبة للدرايش ، لو انك قايل لنا من قبل أنك مركب عازل حراري ، صحيح ما تقدر تنزل الدرايش الا بعد يومين عشان يثبت العازل ..

وعسى الله يبارك لك فيها ،

شف زمان شريت كابرس حق وحدة من جداتي توفت الله يرحمها وشريته انا ومان مديل 96 وماشي وقتها 10 الالف وشريته في 98 تقريبا يوقلي ولدها ان المكيف ما اشتغل فيها نهائيا لانها عجوز زي وا تعرفوا والكبار في السن ما يحبوه المه وحفيدها شرا واحد معاها في زاك الوقت اقسم بالله انه ما يشوف غير غباري لما كنا نطارح والاس اس كانت اشفط معاه الين يفصل العدد عند 173 بالضبط
فعلا تراى تشغيل المكيف من اول التمرين عليه في عزم السيارة
لكن مين يقول والله الاكورد حقتي من وقت ما كنت اشيك عليها في الشركة علشان الاستلام شغلتها وفريت المكيف ودعستلها

الله يعطيك خيرها ويكفيك شرها

انا اول ماطلعت السياره يوم الاربعاء في الليل دخلتها في كول الخميس الصباح

ومن في كول على زيبارت لطبقة الحمايه ومن زيبارت مسكت بيها خط على ينبع

وكان معايا شباب بسياراتهم

والله اني وصلت للفصله كم مره

تعرف محنة السته سلندر

والشباب كلهم 4 سلندر واحد سيفيك والتاني لانسر والتالت كورولا

وكل شويه نكون مع بعض فجأه انا اطيييير عنهم واشوفهم في المرايه يذكروني بلاين كينج خخخخ

شكرا