شريت سيارة أكورد 2008 ولاكن ..........
السلام عليكم ورحمة الله وبركاته
أنا عضو جديد في هذا المنتدى الراقي منتدى محبي هوندا وأتمنى أن أستفيد وأفيد قدر المستطاع
شباب نمسي و نصبح عليكم بالخير أنا شريت أكورد موديل 2008 من موقع حراج لكن بعد ماشريتها أطلعتلي فيها بعض المشاكل وهي
1- ماء الرديتر أعبيه وماء أدري وين يروح كل مرة أعبيه 2 و أحياناً 3 علب ما مقطر وبعد يوم أعبيه نفس الكمية علماً ان الخزان الاحتياطي مكسور الغطاء حقه
وملغي وأحياناً ينقط من الجهة اليسرى لرديتر جهة السائق ما أدري هو من نفس الرديتر ولا من الخرطوش وصراحة انا تعبني وابغى الحل
والي عنده علم كم الرديتر من الوكالة كم يكلف
2- والش الثاني غيرت الزيت و البنشري قال السنة حقت الكرتيل تعبانة ولازم تسويله خرط إذا بغيت تغير الزيت في المرة القادمة وسالت واحد كان شغال بلوكالة أكثر من عشر سنوات
قالي الخرط ماينفع لازم تغيره جديد لانه ألمنيوم وحتى لو سويته خرط ما يدوم كثير
3- القير عندي فيه صوت ونة لين بعد التغييرة الثالثة ويختفي هل هو طبيعي ولا فيه مشكلة القير
4 - بنشر عندي الكفر الأيسر الأمامي والبنشري رفع الكفر والسيارة شغالةوالقير على ال n
لكن الي فجعني أن الكفر يدور وانا مافضيها هل طبيعي ولا فيه مشكلة
أسف على الإطالة ومتأكد أن عندكم أجوبة لهاذي الأسئلة الي محيرتني كثيراً
