مكيف سيارتي فيها ريحة

السلام عليكم
أخواني سيارتي أكورد 2007
أول ماأشغل المكيف وهي واقفة لفترة ؟ تطلع لها ريحة خااايسة وبعد ثواني تختفي الريحة :(
طبعاً نظفت فلتر المكيف ومازالت الريحة موجودة :mad:
تكفوووووووووووون وش الحل

شف يا عزيزي :d ..

آنآ عندي اللحل مجررب لفتره من الزمن ولله الحمد لا اضرار ولا هم يحزنوون وراحت الريييحه :d..

اذا جيت تطفي سيارتك لو لمدة دقيقه طفي نضام ( انه يكون الهوا يدور جوا السياره ) << ما اعرف وش اسمه ~ المهم انك تفهمني وتخليه يكون مروحه .. ثم تطفي المكيف وتطفي السياره ..:cool:

انا من اول ما شريت موتري وانا كذا وللحمد لله ولا ضرر ولا دخل غبار ولا شي..

تقبل مروري اخوك : عبدالعزيز ..

أتوقع إن الفلتر قديم مانفع معه التنظيف

أقول وأنا أخوك فك الفلتر ونظفه زين وبخ فيه عطر والمكان إلي يركب فيه الفلتر رشه عطر والله مجربها كذا:cool::cool::cool: بس لاتكثر العطر

الحل طال عمرك تسوي تنظيف للمكيف عند صيانة الوكالة بمادة GARDX
بقيمة 89 ريال للمادة فقط وأسأل عن شغل اليد كم وطبعآ التنظيف فعال لقتل البكتيريا الموجودة بالتكييف لمدة 6 شهور وصدقني راح تشم ريحة المكيف مثل أول أستلام لك للسيارة كأنها جديدة << توني مسويها قل أسبوع أو أكثر مع صيانة 60 الف

وتركيب فلتر مكيف جديد وقيمته بالوكالة 256 ريال

وبـ 150 ريال عند كوكوكورد

http://www.hondaarabia.com/club/showthread.php?t=24756

بالنسبه ياعزيزي لريحه الصادرة من المكيف انا استخدمت المديلات 2004 -2005-2006 -2007 - 2008
لم اشم هذه الرائحه ولاكن عليك مراجعت الوكاله وشكرن

الله يعطيكم العافية
جميعاً

طيب الي سيارتهــ جديدهــ وفيها الريحهــ خاسيهــ

من احد أسباب الريحه ورجوعها بعد فتره قصيرة من تركيب فلتر جديد وهو :

بعض الشباب اللي طلعت عندهم الريحه وكانو توهم مركبين فلتر جديد وللمعلومية مسوين تنظيف بالمادة المذكورة بالوكالة

وبعد السوالف واحد طلع يجيب فطور للبيت مثل فول وخبز تنور وتميس

( عاد ريحة الفول والخبز تمسك بالسيارة )

وللأسف يوصل البيت والسيارة بدون تهويه والزجاج مقفل وتمسك الريحه بالسيارة وبعد تشغيل المكيف تروح للفلتر وغيره

واحد ثاني جايب غداء بخاري مع لبن :d والمشكلة ( كثر بصل ) وريحه البصل تعج بالسيارة
ونفس المشكلة بدون تهويه السيارة وتمسك الريحة والأسباب كثيرة وأكيد أكثرنا كان يسويها قبل

والثالث بروستد

المهم : الحل هو

أول ماتاخذ الأكل أربط الكيس مضبوط علشان ماتطلع ريحه الأكل في السيارة وحط الأكل بالشنطة وخلاص

ودائمآ أستخدم ريحه معطره للسيارة من نوعيه مقبوله وأترك عنك ريحه السفينه

أنا أستخدم ريحه مكتوب عليها Riyad أو Riyadh المهم لونها أسود وصورة برج الوليد عليها

وأستخدم نرد معطر بس مخلصه ريحته وأرشه بعطر حليب بالفواكه وهو زيت مساج للجسم من الراشد ريحته ممتازة

وكل ماركبت السيارة ودقيت المكيف طلعت ريحه العطر :d

أخوي المباشر
هذا العطر Riyadh وين أحصله
أنا موقعي في الرياض

أنا جربت المعطرات مانفعت معي لنها تزيد رطوبة المقصورة ومع الشمس تعفن بالفلتر وتزيد الريحة وأخر شي جربته فتحت مكان الفلتر وبخرت المكان وحطيت على الفلتر قطرة دهن عود وتحسنت الأمور كثير وكل 3 شهور أعيد الحركه هذي وسلامتكم

اقتباس:

---

المشاركة الأصلية كتبت بواسطة المهاجر333

أخوي المباشر
هذا العطر riyadh وين أحصله
أنا موقعي في الرياض

---

هو ريحة تتعلق وموجود في كل محلات الزينه بـ 3 ريال

أحاول أصوره لك ان شاء الله

المباشـر

وش هالأفكار الجهنمية :d

الصـراحة راحه , ابقولكم سالفتي ولو انها مـدري وش تبي , بس جـربوا يمكن فيه بلا بمكيف الأكــورد :d

مرهـ من المـرات كنت اشغل مكيف السيارة وانا حااط على الـ P , وتطـلع الريحة مع ان موتري جــديد وقته ماكمل أسيوع !!!

مر الوقت ومر وعلى هالحال , مرهـ تطلع الريحة ومرهـ لا

المهم في أحد المـرات مسكت معي كل ماشغل المكيف اشغله وانا حاط على الـ N , مدري وش جاني , ومن وقته وانا متعود على هالحال ماغير اشغل مكيف مـوتري الا على N , ولله الحمد من 6 شهـور وانا على هالحال ولا شميت لاريحة فطيس ولا ريحة بصل ولا ريحة بروستد :d

جـربوا يمكن تطـير الريحة من بعدهـ :d , ادري سالفتي ماتدخـل المخ بس جربوا يمكن فيه سبب لهالريحة موب من الفلتر

أول شي فكيت الفلتر من مكانه ونفخته بالهواء
وبعدين عطرت الفلتر مع كل الجهتين وركبته :)
الصراحة خفت الريحة بنسبة 50% صارت الحين مختلطة بالعطر والريحة الخايسة شوي :mad:
بس ماأدري ريحة العطر تقعد لفترة طويلة ولا ترجعلي ؟؟؟؟؟؟؟؟؟؟؟؟

أنا قبل غسلت الفلتر وطلع عيني لين نشف تمام يعني يبيلك وقت تنتظر عليه وأهم شي تحطه بالسطح تحت الشمس ومايكون الجو غبار ولا رطوبه
واذا عندك منفاخ هواء شوف شغلك وياه :d

أولآ : المهم المكيف صار بارد أكثر من قبل

ثانيآ : كم يوم ورجع الفلتر وصار فيه ريحه

وش السبب مادري ولكن صرت اسوي مثل ماذكرت بخصوص الأكل وأختفت الريحه من زمان ومفتك منها وبعد التنظيف بالوكالة صار أفضل

عندي لك حل اخووووي




فك فلتر المكيف اللي خلف الدرج طبعا تعرفه

ونظفه وبخ فيه كم بخه عطر من عطرك المفضل

وان شاء الله بترووووووح لاني مجربها


اتمنى اني افدتك

تحياتي

تصدقون ياشباب فكرة العطر اللي تبخه في الفلتر
فكرة حلوووووووووووووة
لأني جربتها والحمدلله راحت

نفس المشكلة .. سيارتي اكورد 2007 .. وريحه اول ما اشغل المكيف ..

الحل يدون خساير قروش :d

اول ما يحتمي موترك .. شغل المكيف على اخف شي ..
وخلهآ 10 ثواني بس بعدين ارفعهـ ..

بعدها الحمد لله .. الهوا بارد ولا فيه ريحه :)

يا نااس اللحين انتم جربتو سالفت عطر وما عطر وكل شوي تغسل الفلتر وحالتك حاله شف ..:mad:

انت لا رحت ونضفت الفلتر بالهوا .. وجيت بتوقف ببيتكم خلاص يعني بتطفي سيارتك ..

اضغط زر الهوايه يعني مايكون الهوا يدور جوا السياره .. ثم طف المكيف وطف السياره ..

واذا جيت تشغل المكيف بعدين شغل السياره ثم شغل المكيف ثم اضغط زر ان يكون الهوا جوا السياره ..

ترا هذا شئ مجرب وبكيفكم ..

يعطيكم العافية
ولاكن أخوي عزوز شي مجرب بالنسبة تنظيف الفلتر وتعطيره
وصار تمام التمام ولله الحمد

اقتباس:

---

المشاركة الأصلية كتبت بواسطة عزووز 2103

يا نااس اللحين انتم جربتو سالفت عطر وما عطر وكل شوي تغسل الفلتر وحالتك حاله شف ..:mad:

انت لا رحت ونضفت الفلتر بالهوا .. وجيت بتوقف ببيتكم خلاص يعني بتطفي سيارتك ..

اضغط زر الهوايه يعني مايكون الهوا يدور جوا السياره .. ثم طف المكيف وطف السياره ..

واذا جيت تشغل المكيف بعدين شغل السياره ثم شغل المكيف ثم اضغط زر ان يكون الهوا جوا السياره ..

ترا هذا شئ مجرب وبكيفكم ..

---

كلامك صحيح عزوز وفكرتك هذي مكتوب زيها بالكاتلوج بس المشكلة انك راح تلقى السيارة مليانه غبار اللي بيدخل من فتحات المكيف خصوصا اذا كنت توك مغسل السيارة والفكرة اللي مكتوبه بالكاتلوج انك تعطي فرصة للرطوبه اللي بالسيارة ( ريحة الشراب ) انها تطلع من السيارة

اقتباس:

---

المشاركة الأصلية كتبت بواسطة عزووز 2103

يا نااس اللحين انتم جربتو سالفت عطر وما عطر وكل شوي تغسل الفلتر وحالتك حاله شف ..:mad:

انت لا رحت ونضفت الفلتر بالهوا .. وجيت بتوقف ببيتكم خلاص يعني بتطفي سيارتك ..

اضغط زر الهوايه يعني مايكون الهوا يدور جوا السياره .. ثم طف المكيف وطف السياره ..

واذا جيت تشغل المكيف بعدين شغل السياره ثم شغل المكيف ثم اضغط زر ان يكون الهوا جوا السياره ..

ترا هذا شئ مجرب وبكيفكم ..

---

الهوايه هي أول سبب في ريحة الفلتر الخايسه

أنسى الهواية ولا تفتحها بتاتآ وأنت بخير :)

أخوي المباشر شف لنا حل والله انلحست

اقتباس:

---

المشاركة الأصلية كتبت بواسطة المهاجر333

يعطيكم العافية
ولاكن أخوي عزوز شي مجرب بالنسبة تنظيف الفلتر وتعطيره
وصار تمام التمام ولله الحمد

---

إسأل مجرب وريح الراس
تراني مجرب هذي الطريقة
والحمدلله راحت الريحة :cool:

طيب ممكن احد يوضح لنا كيف نفك الفلتر
وعادي نغسله بالماء؟؟