عرض للطباعة
سلام عليكم
كيف الحال شباب
تقريبا قبل شهرين اشتريت لي اكورد موديل 2008
ولما اخذتها كانت ماشية حدود 128 الف
والحين معي وصلت 132 الف
لما سألت راعي السيارة عن نوع الزيت قال انه كاسترل
واشوف الشباب هنا يقولون زيت هوندا هو افضل نوع لاكورد
مادري اقدر اغير نوع الزيت او لا؟
يعني اغير الى زيت هوندا؟
وفيه عندي زيت القير شفت علبة ازدلكو في السيارة
والناس تنصح بزيت هوندا للقير
لو غيرت زيت الغير والمكينة الى زيت هوندا ماراح يجي اي تأثير على السيارة؟؟
ابي نصيحتكم ياشباب ,,,
زيت المكينه ممكن تحط كاسترول ولا هوندا عادي كلها كويسه
بس القير ممنوووووووووووووووووع تحط غير زيت هوندا لان اي زيت ثاني وخصوصا اي سي ديلكو يعدم القير
شوف المفروض تغير زيت القير الى هوندا طبعا على دفعات
يعني الحين غير علبه وحده .. فرغ علبه وحده وحط علبه هوندا
وبعد كم يوم غير العلبه الثانيه
وبعدين غير الثالثه ... وبعدها غيره كامل بزيت هوندا
اخوي المسافر
كيف يعني كل يوم علبة ؟
ياليت تعلمني كيف الطريقة
ياخوي غير زيت المكينه مع السيفون وزيت كسترول ممتاز.. واذا بتغير زيت هوندا عادي المهم تغير السيفوون
وبالنسبه لزيت القير اشتر حق الوكاله ونزل القديم وركب الجديد
يعني تفك زيت القير وتنزل منه مقدار علبه وحده وتزيد مكانها علبه من زيت قير هوندا
وبعد كم يوم تسوي نفس الطريقه وبعدين تسويها للمره الثالثه لان زيت القير ياخذ 3 علب
وبعدين عاد تغيره من جديد كامل يكون زيت هوندا 3 علب مره وحده
مثل ماقال المسافر :cool:
زيت المكينه عندك حريه الاختيار بااي زيت ممتاز او هوندا الاصلي
انا من شريت السياره واستخدم زيت الترا 7 امشي 3 الاف واغيره
بالنسبه لزيت القير انتبببببببببه تغير زيت غير هوندا ترى القير بيروح عليك
سعر تغيير زيت القير في الوكاله 194 ريال والفلتر الخارجي 92 ريال
بس لازم قبلها تغيره على دفعات حسب شرح اخوي المسافر
بالتوفيق :rolleyes:
باسيدي الموضوع بسيييييييط جدا
بالنسبة لزيت المكينة عادي جدا غير أي نوع زيت ( نوعية ممتازة )
مع الفلتر المهم تكون لزوجة الزيت 15 دبليو 40 يعني نفس لزوجة
زيت هوندا والمستخدم في الوكالة
بالنسبة لزيت القير خذلك 3 علب زيت القير الاصلللللللللي من الوكالة
تقريبا بقيمة 120 ريال وعادي غيرها عند اي محل بنشر عنده مكينة شفط
ويكلفك فقط 10 ريال وبعد كده تغير كل 40 الف كيلو بس لازم يكون زيت
هوندا الاصلي والخاص للجير الاتوماتيك وعاااادي جدا تغيره مره واحدة
وليس كل يوم او كل فترة علبة مكان علبة سواء للمكينة او للجيربوكس
وبالتوفيق اخوي
اقتباس:
المشاركة الأصلية كتبت بواسطة ashraf rashid
وشكرااا
^^^^^^^^
طيب أخوي هل هذه هي الطريقة المتبعة بالوكالة
والمنصوص عليها بكتالوج السيارة
أنا كتبت رأيي هذا بناءاً على أني منتظم بتغيير الزيت
على 40 ألف اول مرة وايضاً كل 40 الف بعد كده
وعمري ما خليت زيت القير حتى اول مرة الى 60 الف
واعتقد انه مهما كان عدد الكيلو مترات المقطوعة فأنه
عااااادي جدا تغيير الزيت بالكامل مرة واحدة لانه بالنهاية
الجيربوكس مجرد آلة وحديد ولا اعتقد اطلاقا انه بحاجة للتغيير
التدريجي للزيت ( وعن تجرية )
سؤال / هل حدث معك شخصياً أو مع أحد تعرفه جيداً
أن غير الزيت دفعة واحدة وخرب عليه الجيربوكس
وكان السبب هو تغيير الزيت
( بعيداَ عن سمعت وقراءت ويقولون )
وبالتوفيق للجميع
أخوي كان معاه التيما 6 سلندر
وطوف وقت تغيير الزيت القير باكثر 30ألف
وسافر فيها مكه وصار فيها شوية ثقل في الغيار الاول
وكان بغير الزيت والفلتر بجده
واحد ميكانيكي قاله لاتغير الزيت دفعة وحده غير دفعات عشان اللزوجه
المهم ماغير بجده وطلع المدينه المنورة ثم رجع لتبوك
والسيارة مافيها شي سوى ثقل بسيط في الغيار الاول
وبمجرد تغيير الزيت والفلتر
صارت السيارة ما ترجع ريويس ( r ) وصار زينه في القير وقدام تمشي مافيها شي
وكان موجود العضو (نحيب الاماكن ) وشاف حالة السيارة
وراح غير الجربكس من الشرقية طبعا راح بسيارته ( قدام على d تمشي الى260 كم و r انسى )
وكلف 4700 ريال
والحمد لله على كل حال
اقتباس:
المشاركة الأصلية كتبت بواسطة ashraf rashid
عزيزي لو تروح للوكالة وتقول للمهندس انك مابلته من فتره اذا هو عنده ضمير وأمانه راح يقولك نبدل الزيت حسب طلبك لكن على مسؤليتك لو صار في القير شي ..
اش معناها
الطريقة الصحيحة مثل ماذكر المسافر وقول ان شاء الله مايصير في القير شي ويمشيك بدون مشاكل
ازيد على كلام سلطاناقتباس:
المشاركة الأصلية كتبت بواسطة الـمـسـافـر
المشكله زيت القير لمان تفكه راح ينزلك كله وما بتضبط الوزنيه صح
فالأفضل تغييره بطريقة الشفط عند اي بنشري
اقتباس:
المشاركة الأصلية كتبت بواسطة accord f15
الله يسعدك كلامك صح بس تقدر تسوي زي ماقال المسافر وبكل سهوله
حيث أنك تاخذ لك أي علبه فاضيه من عند أي بنشري
وتفك الصره حقت زيت القير وتخليه يمتليء مثل ماهو في العلبه الجديده حقت زيت القير
اللي هي لتر واحد
بعد كذا قفل الصره حقت الزيت بسرعه عشان مايطلع زياده برا
وبعد كذا عب علبه واحده من زيت القير الجديد
وأمش عليه لمدة يوم أو يومين تقريبا وسو نفس الحركه في العلبه الثانيه
وأمش عليه لمدة يوم أو يومين وبعد كذا سو نفس الحركه في العلبه الثالثه
وأمش عليه لمدة يوم أو يومين وبعد كذا روح للوكاله وأدفع لهم ( 184 ) ريال
وغير زيت القير كاااااملا عندهم بس خلك واقف مع الميكانيكي وخله يخلي الزيت
إلى أن ينتهي ماعاد ينزل منه شيء نهائياً
وبعد كذا خله يعبي لك 3 علب جديده وبإذن الله ماراح يصير الا كل خير
بس على فكره ضروري تكتب عندك رقم العداد عند تغيير زيت القير عند الوكاله\
لأن بعد 40 ألف كيلو ضروري تغير الزيت مره ثانيه
والله يوفق الجميع