السـلام عليكم ورحمـة الله وبركــاته ..
كيف حـآلكم ان شـآء الله بخيـر .. :cool:
وكيف سيـآرتكم وخصوصاً المعدلين < الخوف عليهم اكثر :d
على العـموم الموضوع واضح من عنوانه ..
لأنه فيه مواقف عـآديه.. وفيه الغريبه ..
نبي نعرفــها ونسـمعها كلها .. وطبعا ً كلامي موجه الي معدل بسيارته ولو بشي بسيط ..
اكيد صار له موقف مع المرور ..
وانا ببدأ بعدة مواقف بالرد الي بعـده :d
انا مرت علي مواقف كثيره غريبه ومواقف تقهر ..
على كلن ببدأ بأغرب موقف مر علي الصراحه ..
السالفه ومافيها يوم من الايام العاديه .. الي دوامي اول ليل ..
كنت طالع الصبح الساعه 9.30 .. ورجعت البيت الساعه 10.30 يعني وقت ظهر
ووقت حر كنت مشغل المكيف .. ووقفتي جنب البيت ومشغل المكيف واكلم تلفون ..
وبيتنا زاوية جنوب شرقي .. وانا كنت واقف بالجهة الشرقية ..
وفجأة دورية تمر قدامي متجهة غرب .. طالع يساره ويشوفني في وجهه .. يضغط بريك بقوة بعد ما تعدى لفة البيت
ويشغل السفتي .. انا في لحظتها طفيت المكيف السيارة ونزلت ولسه اكلم جوال ,, ورحت للبيت وهو شحليله مر عليومشغل السفتي ولا كأنه شاف شي .. :d
الغريب انه فاضي جدا يبي يوقفني في الظهــرر ..!!!! وداخل الحارة وانا موقف بعد ..!!:mad:
وسلامتكم ..
والله يا اخوي انا ليا يوم اكلت مخالفه
بسبب الجوال المشكله اني فاتح الاسبيكر و مخلي الجوال بعيد عني و سيارتي مضلله بالكامل
بس مدري كيف لقطني و يقولي في البدايه انت مسرع قلتله انا ماشي 110 قلي المفروض هنا تمشي 80
قلتله والله ما اعرف قلي و كمان بتتكلم بالجوال
قلتله يعني بتديني مخالفتين قلي لا اختار وحده :eek:
قلت اية اللي فلوسها اقل :d قلي الجوال 100 ريال و السرعه 300 ريال
قلتله هات وحده جوال و كثر الشطه و اكلتها مكالمه جوال
&&&&&
ههههههههههه اما كثر الشطه :d
طيب وشرايكم بالي معه اكورد 2008 ذهبية وعلى ايام المطر المهم وقفتني الدورية
الساعة 8 بالليل مو هنا المشكلة , المشكلة كنت ذاك اليوم فاضي وقعد يستهبل علي مسوي ينكت
وكشرت في وجهه وحقد قالي رح وقف جنب سيارتك واخذ الرخصة والاستمارة شوي
الا هو جايني بست مخالفات:
1- تظليل
2- تكبيس
3-استخدام المنبه بشكل خاطئ
4-رفع صوت المسجل
5-عدم ربط الحزام
6- وهنا جتني صدمة تغيير معالم السيارة.
هنا انا حقدت قلت له كل المخالفات الي قلتها تنبلع الا اخر وحدة
تدرون وش قال ؟
محد قالك تغبر السيارة
قلت له اغبر السيارة :confused::confused::confused:
طبعا السيارة عليها غبار خفيف من اثار المطر
فرديت عليه تبغاني اجل كل ما جت ذرة غبار اغسل السيارة :confused:
قال لا مو كذا لكن لا تغبرها :confused:
وبعد جهد فهمت انه يحسب لون السيارة تغبيرة (هو يقرى في الاستمارة اللون بيج وما يدري وشو)
شوي وقف عندنا ضابط على دورية كراون فكتوريا الله يجزاه كل خير
وعلمته السالفة وقعد يضحك الى بكرة :d والعسكري الا الان ما درى ان هذا لون السيارة
يوم علمه الضابط طاح وجهه واخذ
والضابط قالي جب المخالفات واخذها وانقذني :d
وكانت واحدة من اسوء التجارب مع المرور
انا طال عمركم وقفوني في كورنيش
الخبر اللي يعرف الخبر عند مطعم (شرنبي) العسكري اللي هناك
مدري من اللي موظفه انا نزلت خويي يطلب واخذت فره شوي إلا وقفني قالي الرخصه
والأستماره ووقف انا وقفت ونزلت قالي ليه مظلل قلت له هذي تظليل الشركه قال شيلها
قلت مظلل بـ 1300ريال قال طيب شل الستيكر قلت ما يأثر
وأخر شي عطاني مخالفه على الستيكر المشكله الستيكر صغير
ومشكر أخوي (زهير) على اللعبه
الحمد لله ما صارت لي اي مشكله مع المرور:d
هلا وغلا فيكم ..
ما شاء الله كل موقف أغرب من الثاني .. زي ما توقعت :d
شرايكم أجل هذا يوم من الايـام اول ما اخذت السيارة تقريبا
كنت مظلل كامل السيارة زيرو ون .. بس بدون الزجاج الي بالوجه ..
وقفني دورية كراون فكتوريا وقال لي الرخصة والاستمارة ..
جيت عنده قلت وش المشكله .. قال لي مظلل.. قلت له تظليل خفيف مافيها شي ,,
المهم عرفت انهم فاضين بسبب انهم كانوا ثلاثه.. اثنين منهم كانوا يأكلون سندويش < وانا الظاهر الحلى :d
الزبده كل الموضوع عـآدي.. لين قال لي.. خلاص روح ولا اشوفك بالحارة هنا < بيتنا يبعد نص دقيقه عن المكان الي وقفني هههههههههههههههههههههه
قلت له خير ان شاء الله .. ومشيت ..:d
اما لا اشوفك بالحارة.. الظاهر حارة ابو جده ههههههههههههههههه
انا صار الي موقف مع سيارتي الاولى كورلا خضراء
كنت حاط علم اليابان على التندى وتظليل كتم وزنون في الكشافات والانوار ودبة الصوت وتنزيله خفيفة
المهم مريت نقطة تفتيش
وقفوني وصكوني كم مخالفة
(( التظليل + الزونون + الازعاج + التنزيل )) وكان وده يعطيني مخالفة على علم اليابان وقال الي عندك تصريح عليه
قلت اليه من وين اجيبه
وسكت ومشاني بالمخالفات الثانيه :d
يا حليله
انا مره مريت من نقطه تفتيش وقفني قالي نورك زنن قلتله من الوكاله طبعن انا الي مركبه
وسيارتي هوندا اكورد 2008 لؤلؤي
المهم عطاني مخالفه
قهر
والله موافقكم مدري كـيف
ههههههههههه
المهم
اسدح لكم موقفي لي ما بنساه طبعا هي قديمة لكن كانت فللله :d
يقلكم اول ما طلعت الرخصه كنت مستااانس لدرجة ما توقعتها ,, يعني كنت ادور حاجة اسمها تفتييش
عـ العموم كنت راجع من الدمام و كان مدخل سيهات فيه تفتييش ,, المهم وقفت فـي السيد ,, يوم وصلت لرجل المرور قالي الرخصه و الإستمارة
عطيته الإستماره
بعدين
قلت له: والله :A6rb.Com_96:,, ما عندي رخصه :o ,, قـالي: صفط بس صفط على جنب
قلت له : خخخخ امزح معك عندي رخصه :rofl:,, قـالي: تنكت انت ؟؟!! :sly:
قلت له لا والله بس توني مطلع الرخصه و فرحان :c022: قـالي: مااشي ( وهو مبتسم ):cool:
هههههههههههه
هذا هـو الموقف الي ما بنساه طبعا الكثير لاموني عـ الحركة وقالوا لي احمد ربك انه كان زين لو غيره كان رحت في 60 داهيه :o
و في موقف كمان في تجمع الشرقية الخـامس لكن بعدين اسدح لكم مب الحـين ;)
انا كان عندي فورد 2004
المهم كنت موقفه برا قدام البيت وجا واحد بن حلال يفحط وصدم السياره وهرب
وكلمت المرور وكلعاده تقريبن ساعتين على ماجى وقالي وشلون صار الحادث قلتله واحد مفحط وصدم السياره
يقولي يعني انت مفحط وصدمت قلتله لا يقولي الا انت مفحط وبلموت فهم خطط الحادث وبعدين قالي السياره مظلله قلتله وشدخل التظليل
في الحادث يقول بعطيك مخالفه وطلع الوالد وتهاوش معه ولا كتب المخالفه والمشكله كل هاذا وهو ماحول من السياره جالس داخل
والله انك يا بو الريش داجها :d
افرض مثلا مثلا .. تجي قدام واحد ماتعرفه وتمزح معه .. اكيد بيجيك تسطير :mad:
احمد ربك بس :d
وانت Accord_Akkawi صراحه سالفتك سالفه:eek:
الله يهديك عاد تقول الميكروفون حق الدوريات بعد ههههههههههه ..
المفروض اشتريتها من هنا.. وتفك الاغراض الي عليها على طول بنفس اليوم .. هذا الكسل ومايسوي :d
شآكر لكم مشـآركاتكم ..
اذكر مره وانا طالع بلمرسيدس حق الوالد e55 amgالله يرحمها
دخلت تفتيش
العسكري قالي الرخصه والاستماره ياشطور
انا عطيته الرخصه وانا زي هدا الفيس:)
اول مره احد يقلي شطور:d
قالي العسكري
السياره باسم ابوك
قلتله ايوه
قالي الي في الرخصه مين
قلتله انا وايش رائيك ابويه
قالي امشي بس لاتعيدها وتاخد رخصة ابوك...:d
ومره في التحلية عند التفتيش قدام البساتين
العسكري قالي مركب زينون
قلتله انا
لاشد بلد
قالي شد بلد جنب وصكني بقسيمه 500 ريال...:eek:
:rolleyes:
الله يسلمك هههههههههههههههه
شكلكم اشتغلتو وولعتو اوي اوي اوي هههههههههههه
طيب ابسدح لكم سالفتي ...
هذا الله يسلمكم ويغليكم .. في ليله من الليالي المظلمه والبارده ...
طالع بلاندكروزر .. بروح اجيب الاهل من المطار .. وسبحان الله .. اخوتي الصغار كانو معي ..
المهم ومالكم بالطويله ...
جالس امشي بحالي ولحالي هزني الشوق وذكرتك ههههههههههه قصدي امشي بهداوه .. يعني حدود ال80 كم في الساعه ..
وتعرفون الاولاد الصغار يمرحون ويلعبون في اللاند كروزر ورى اخر سيت .. والحفله قايمه هع هع
المهم .. كنت امشي 80 .. وقدامي راعي كورولا طيب ماشاء الله عليه ههههههههههه مو راضي يتحرك .. وانا مو متعود امشي 80 ههههههههه ...
كبست كبست يمين يسار الولد معيي يتحرك ..
تسلحت بالشجاعه والايمان وطلعت روح المكينه وتجاوزته وانا احييه بتحيه الاسلام :d
صار يكبس لي .. وانا دقيت له تحدي يمين يسار ..
تدرون الكورولا يكبس للصدام في اللاندكروزر هههههههههههههههههه
المهم ..
مشيت بعدها بعشر دقايق .. في واحد يكبس لي مره ثانيه .. وتدرون الشوارع مضاءه كلها .. فما تعرف من اللي يكبس لك ..
على طول جا في بالي .. هذا راعي الكورولا .. كالمعتاد تحيه الاسلام والتحدي يمين يسار وقليل من البريكات المفاجأه هههههههههه
شوي الا والبزران يقولي شرطي شرطي ههههههههههههه
انا طلعت ورى ماشوف سيفتي ولا شي .. طيب اوقف الى اي واحد يكبس لي يعني ؟
تكررت الاصوات المناديه بانه سياره شرطه .. قلنا نوقت ونشوف ..
صفطت على جنب ونزلت الا من جد شرطي ..
حييته بتحيه الاسلام ورد عليي الرخصه والاستماره ..
عطيته المطلوب .. وقال ,, تتحدى الحكومه انت ,,,
قلت له كيف يعني مافهمت ؟
قال من اول الطريق وانت تحدي وبريكات ..
قلت له طيب وليش ماتشغل فلشرات سيفتي شي .. ولا اوقف الا اي واحد ..
قال اسكت بس .. ونزل اخوي الصغير يشوف الامر .. عمره 4 سنوات .. الا وشافه الشرطي ..
الا يقول .. والله لو ما اخوك معاك كان رسلتك للحجز وعطيتك كم كف وطراقات خليناك تعترف هههههههههههههههههههههههه
ومشى وسمعني صوت الاول هههههههههههههههههههه
أنمار هلا بك ..
الصراحه مافهمت موقفك الاول.. يعني ماخذ رخصة ابوك
ولا هو مفكرها رخصة ابوك ومسوي انه راعاك ومشــآك :d ههههههههههه
عاشق هلا وغلا
هلا بالــمروق :d
الزبده سالفتك عجبـتني .. لحد ما قمت تتحدى بدون ما تطالع الي وراك هههههه
بس شيبي هذا يكبس بدون ما يشغل السيفتي ويبي يوقفك ..!! :mad:
المهم حيـآك الله .. :)
لااا
خو يقول اني اخد رخصة بابا
وهي رخصتي
:)
وهدي القصة حصلت لولد خالتي
وكنت معاه انا و2 من اولاد خالاتي كمان
عند تفتيش دوار الجمال وطالعين للكباين
العسكري طلب الأثباتات عطيناه اياه قال جنبو
وجنبنا
العسكري ليش الكفر الخلفي يدور
ولد خالتي هجل تبغاها ماتتحرك مدام كيف تمشي
العسكري هدا مو شغلي
العسكري فين رايحين
ولد خالتي طالعين الكباين عند اصحابنا
العسكري الله الله ماوصيك على الحلوين
ونحنى داخل السياره فكينا كاي اليييييييم
ومشانا
^^^
أوووووووووووف :eek: الله يساعده
آح ............................!!!!!!!!!اقتباس:
المشاركة الأصلية كتبت بواسطة accord_akkawi
والله شي أليم.. اسوأ شي يمكن يحصل ..
الله يعوضه وينتقم منهم ..
أقروا سالفتي والحرش الزاايد .,. :d
.,. رااجع للبيت بعد مانتها دواام الجاامعه الي ماايخلص الا الساعه 5 :mad:
رجعت جبت لي غدااء من (كنتاكي) الا والقا دوريه قداام شاارع بيتنا ;)(( شارع بيتنا 15 متر ))<يعني رايح جااي ., لقيته بالجهه الثاني .,. يعني انا لازم أديور .,
المهم هو قداام .,. قعدت أكبس وأطنب .,. وأشاارة <<< قايلكم فاالها .,., :d
المهم لف يمين وانا ديورت .,. ما أمدااني البق السياره الا وهو جمبي ,., :o
المهم مسوي أنا و خشتي مستغرب .,., :confused: المهم فتحت الباب وقلت أمـــر ,.,
قال ورااك تطنب قلت أطنب عشان أخوي الصغير يطلع :d.,. قاال ورااك تكبس قلت مااكبست :d ., قال ورااك تدق اشااره قلت بديور :d.,, قاالي الله يستر عليك ,.:eek:,
ادري ان السالفه طويله ,.,بس وث اثوي :d
^^^^^ هههه قتلني يا اخي من الضحك :d
اقتباس:
المشاركة الأصلية كتبت بواسطة AHN
الكلمه: اطنب معناها: يضرب البوري
:d
شسالفه أصلا هههههههههههههههههههههاقتباس:
المشاركة الأصلية كتبت بواسطة ahn
ليه يعني فيه سيارتك شي انت عشان خايف من الدوريه ؟؟
بس حلوه ذي كلمة اطنب ..لو ميشو ما قال معناها كان ما فهمتها ههههههههه
اقتباس:
المشاركة الأصلية كتبت بواسطة Z U H A I R
أما ماتعرف وشي أطنب .,. يعني تدق بوووري .,. :d
وأذا عن السالفه أدري انها خراابيط .,. بس قلنا نشاااركـ,. :o
هع هووووووووووع
الحمدلله .. أعرف وشلون اخليهم يمشوني ... !
^^^^^^^^^
أخونا في الله حافظ أماكن التفاتيش .. وأماكن النحشات
^^^
شديد :d
وشلون يمشون يا حلو :d ..
=============
المهم شباب تذكرت لكم موقف احس مال امه داعي :confused:
هذا اول ما جددت الاستمارة.. وطبعاً النسخة الجديدة الي بالكمبيوتر ..
المهم وعلى نقطة تفتيش.. قال رخصة واستمارة ..
عطيته الرخصة.. والاستمارة الجديدة ..
شاف الرخصة.. وبعدها طالع بالاستمارة وهو مستغرب .. ويقول وش ذي وثيقة السيارة :eek:
اقول يارجل هذي الاستمارة الجديدة ومن زمان طلعت .. يقول: بالله اول مره اشوفها < خوش عسكري مايدري وين الدنيا
:d
وبعدها يقول .. يالله امش .. :p
هلا والله .. اخباركم شباب؟
أنا مرة كنت اسولف مع خويي من دريشة لدريشة وكنا ما شين بسرعه 20 يمكن .. نمشي ونسولف وورانا سيارة .. المهم انا ما انتبهت الا يوم قال لي خويي ترى وراك سيارة .. المهم قلت له ادخل للحارة ودخل .. ويوم جيت بدخل ولا فيه دورية ويوقفني .. وخويي راح :mad: .. وقال لي وش عندك تسولف مع خويك وسط الشارع قلتله والله انا توي راجع من العليا وبروح اتعشى انا وياه بس كنا نتفق على مكان قال ايه بالعافية .. جب اثباتك والاستمارة .. قلت طيب .. وجبتها له .. قال انا اكره ما علي هذي الحركات .. لانك كذا تصير أناني (طبعا هو مطوع .. من المطاوعه اللي يحسبون انهم صح في كل شي) المهم قلت له ليش اصير اناني .. قال لانك موقف الشارع واللي وراك يمكن عنده اهل وزوجه ينتظرونه .. قلت لو انه عنده شي كان كبس لي ولا ضرب بوري .. المهم بعدين طلع دفتر المخالفات بيكتب مخالفة ... وطبعا كلكم تعرفون المثل اللي يقول (اذا بغيت شي من الكلب قله يا سيدي) المهم قلت له وش دعوة ان شاء الله ما تتكرر .. ومن هالهرج .. وقال اسامحك المرة الجاية مب الحين .. قال لي انت وين ساكن ؟؟ قلت هنا بالحارة . . . قال وش عندك طالع بنص الليل .. قلت له انا منب راعي دوران << انا اكثر واحد يدور بالعالم :D .. بس قلت لك بتعشى مع خويي .. المهم وبدا يكتب المخالفة .. وبعدين قال لي الرسول صلى الله عليه وسلم قال اعطوا الطريق حقه صح ولالا .. قلت له صح .. قال ليش طيب ما تسوي هالشي .. قلت له والله عاد فيه اشياء كثيرة يقولها الرسول وما تسويها لا انت ولا غيرك .. قال مثل وشو؟ . . . قلت انا ما اعرف عشان اقول لك نثل وشو .. بس الصحابة كانوا يخطون .. وانت جاي تقول لي انا ما اخطي .. وبعدين جا قال بس لكل مجتهد نصيب .. قلت له طيب انا اجتهدت واخطيت بالحركة اللي تو .. وانت اجتهدت واخأطت بحركات ثانية .. المهم جاء دورية ثانية وقف جنبه (نفس وقفتي انا وخويي لكن بطرف الشارع شوي << عشان اكون صادق) المهم وسأله خويه وش السالفة ؟ قال والله فيه ناس معرقلين السير ... وهو وقتها كان ماسك المخافلة والاستمارة بيده .. جيت سحبت المخالفة من ايده ومشيت .. ركبت السيارة وسفرت المطب اللي قدامه .. لكن والله قهرني هالمطوع النتفه !!!!!
هذا ردي في موضوع السوالف :dاقتباس:
المشاركة الأصلية كتبت بواسطة open window
Honda MR-V
تعيش وتأكل غيرها مع الحبايب :d
بس زين ما عطاك مخالفه بعد هالاجتهاد منك ههههههه
open window
ههههههههههههههه ربك ستر بس ..
اجل لا تعودها بس :d
اولا اشكر اخي طارح الموضوع ..
ثانيا بذكر لكم موضوع وموقف حصل لصاحبي بس لانه شديد حبيت اذكره ليكم ...
يقول لك الرجال جلس من النوم الليل الساعه 9 قام صلى تروش وصلى المغرب وطلع بيروح ياخد له شي ياكله من المطعم جا بيشغل السياره مالقاها مكانها ههههههههههههههه
تخيل تطلع ماتشوف سيارتك مكانها اتصل علي وينك قلت له بالبيت قال ماتدري مين اخد سيارتي قلت له ادري قال لي مين قلت له ابوي محتاج سياره وجا اخدها قال لي ما انكت وياك اتكلم جد سيارتي انسرقت قلت له طيب جاينك الحين ..
ورحت له ورحنا الشرطه المهم دخلنا الا نشوف السياره موقفه ..
طبعا كان ليلة خميس سألناهم ليش السياره موقفه قالو ماندري تعال راجع يوم السبت ...
راح صاحبي يوم السبت كل واحد يقول له روح للثاني لين وصل لواحد حوله على البحث الجنائي ..
دخل مكان التحقيق وقفلو الباب وسألوه ليش سارق السياره قال ليهم مو سارقنها سيارتي قالو له السياره عليها بلاغ انها مسروقه وين اثباتك واستماره السياره قال ليهم في السياره كل شي محفظتي واستمارة السياره قالو ليه طيب بنشوفهم وراحو جابوهم وتأكدو انها سيارته وقالو له روح ولا تعيدها <<< حلوه لا تعيدها ههههههه
اعطيكم سالفتي اول ما طلع نظام ممنوع تكلم جوال في السياره وانا كنت اكلم جوال صاحبي وجالس اخد واعطي معاه وكان اوصل التفتيش وانا ولا على بالي نزلت نافدتي وقلت السلام عليكم ما رد العسكري جلست شوي اكلم ولما سكرت الا يقول العسكري خلص المدير من المكالمه قلت له ايوه خلصت قال لي سمعت عن مخالفه مكالمة اثناء القياده قلت له لا والله قال الحين تشوفها وتاخدها مو بس تسمع عنها وتعلم الشباب عنها تراها جديده قلت له يعني لو انا سمعت عنها بكلم جوال قدام عيونك اكيد ما راح اسوي كدا ...
قال لي روح واخر مره تعيدها
وخدو دي السالفه كمان مره كنت طالع من البيت الصباح بروح الجامعه طلعت من البيت وطلعت على الشارع وللحين ما مريت على اي اشاره يعني ما صادفتني اشاره خير شر كان يوقفني راعي دوريه ويقول لي ليش قاطع اشاره كان اقول له اي اشاره الي قطعتها قال الاشاره الفلاني قلت له انا اصلا ما عبرت على الاشاره الفلاني لان بيتنا هنا وتوني طالع من البيت باروح الدوام كيف قطعت ديك الاشاره وانا ماعبرت عليها ..
قال لي طيب لحضه وراح جلس في السياره ربع ساعه وبعدين رجع لي قال لي روح ولا تعيدها ههههههههههههههههههه << حلوه لا تعيدها
ههههههههههههههههههههههه
شكرا على قصص لا تعيدها :d
ههههههههههههههههههههههههه
موب صاحين :d
ولا تعيده مرة ثانية:d
مشكووورين عالموضوع الروعه
والحين جا دوري وانا معاي اكورد 2005 وعمري 17 يعني توني صغير وما معي حتى رخصه
المهم
السالفه الاولى
كنت مره مجنب بالسياره على جنب وكنا نتعشى انا وخويي المهم عاد يوم خلصنا عشا وجينا نمشي كانت الكيسه حقت الوسخ كبيره عاد فتحت النافذه وانا توني محرك واحذف الكيسه واللي وراي كانت دوريه وانا مو منتبه ولا تجي الكيسه الا بقزازه الدوريه ويكبس لي ويوقفني وجلس يفزع ومدري شنو ومخالفه ومشيت
السالفه الثانيه
مره كنت افتر باخر الليل عاد فيه تقاطع داخل حي وباخذ التقاطع والسياره اللي تمشي بالشارع الثانيه دوريه ومانبتهت لها لانه المكان اظلم وعاد اقطع عليه الشارع وعلى طول ولع السفتي الاصفر ولا وقفت وولع السفتي الازرق ولا وقفت وولع الفلشر وقام بالميكرفون جنب ياراعي الاكورد وجنبت عند باب بيت ونزلت وكانوا معاي خمسه من عمري وماحد منهم عنده اثبات المهم عاد انا نزلت وعلى طول نزل هو قالي الرخصه والاستماره ورحت بجيب الاستماره والاثبات حقي من السياره وناظر من الباب لانه السياره مظلله عازل في كول
المهم وقالي واثباتات اللي معاك كلهم
المهم جبت الاستماره وقالي الرخصه وينها قلت له ماعندي وقالي واثباتات اللي معاك قلت له ماعندهم قال ماشاءالله شرطه الجفر تستناكم
وقالي اركب سيارتك والحقني
* للمعلوميه الجفر منطقه عندنا وفيها مركز للمرور وانا من الاحساء
المهم اكمل لكم ورحت امشي وراه واشوفه يروح طريق غير طريق الجفر عاد انا ابي اكلم ابوي وامسك الجوال الا ومقفل
المهم مشيت ورواه والا اشوفه الا راح عند نقطه تفتيش كبيره تقريبا عشر دوريات هناك
المهم وضيعت العسكري اللي مسكني واجلس احول لحالي بالنقطه وما اشوف الا عسكري ينادي لي وركب الجيب المهم رحت له واللي بالجيب المعقب والعسكري اللي مسكني المهم وقام يهذر العسكري حمار درجه اولى والمعقب طيب والله قاله ايش فيه هذا قاله مظل كتم وقاطع الشارع وزنون و ولا لابس حزام امان عاد انا وقتها سبيته لانه كيف مظلل كتم ولا لابس حزام امان شدراه بس ماتكلمت
شوي وقالي المقعب روح فك التظليل قلت له ذا عازل بالكمبيوتر من في كول وعطيته الورقه وقالي في كول والا غيره الوزاره الداخليه مانعه التظليل المهم قلت له والحل قالي روح فكها وقلت له ماتنفك والعكسري الكلب على طول تليقف واخذ الموس وراح يبغى يفكها وراح وظل يحافص ومو جايه تنفك معاه واندق بدنه ورجع وركب الجيب وقلت له شفت ما تنفك قال مو صعب ماتنفك الحجر يخلونك تفكها وقال لي ناد للي وياك وخلهم يركبون الدوريه والسياره راح نوديها الحجز قلت له صبر صبر ليش كل ذا قلت له صبر خلني اكلم الوالد ويجي يتفاهم معاكم قال المعقب حق العسكري نسامحه هالمره قال العكسري شوف كيف يتكلم وتبغانا نسامحه لازم نأدبه المهم دقيت على ابوي كانت ليله خميس وهو يتعشى مع ربعه بالدوانيه واندق بدنه وعصب وقالي لخلصت عشى بجيلك قلت له بيودني المزكز وبدخلون السياره الحجز وانت تقول لخلصت عشى وقال اها هذا انا بجيك ويوم جا ابوي العكسري الكلب قلب ومسوي فيها ينصح ومدري شنو يقول السياره ابوك شراها للحاجه ماشراها للدواره ومدري شنو وقال حق ابوي بس لازم تفك التظليل قاله ابوي طيب كيف عاد ظل يشرح العكسري على محلات عشان يفكونها قاله ابوي ابشر وعاد مشوووني بعدها ولا فكيتها اصلا
وفيه سوالف زحمه بس ماعندي وقت الحين الجايات اكثر
هذا وانا عمري 17 وملفي اسود عند المرور
وفيه سوالف اقولها لكم وقت ثاني مع البحث ومع السريه الخ ..
يلا بما انه ماحد رد راح اقول قصصي الثانيه
السالفه الثالثه
مره كنت برجع الفريج باخر الليل كانت الساعه 2 كان داق علي ابوي ومسوي زحمه عاد كان معاي ولد جيرانا وكنت اسرع والجو بارد وهو يقولي سكر الدرايش عاد انا معند عاد هو عناد راح فتح الباب وانا امشي 120 وشوي الا اشوف وراي سياره حمره تكبس قوطي اللي هي هيونداي المهم وضل يكبس وماقفت الا بعد فتره ونزلت وانا حاط ببالي يمكن واحد قاطع عليه الشارع او زي كذا ولا اقرب الا ماسك البرقيه ويكلم الحكومه وعرفت انه البحث عاد انا قلبي وقف قالي اثباتك واثبات السياره ورحت وعطيته اثباتي واثبات السياره
المهم جبت له الاستماره واثباتي قال خل اللي معاك ينزل المهم نزل ولد الجيران ومن الخوف ساله قاله شفيك فاتح الباب عاد ولد جيرانا ماقصر قال له اقوله وقف ومو راضي قاله يعني مختطفك قلت له ولد جيرانا كيف اختطفه وسوى زحمه ساعه وابوي يدق وانا ساحب عليه وجالس اقدرن في البحث وقالي سيارتك على اكثر من بلاغ سرعه على طريق جواثا
طريق جواثا طريق طويل حق قومات وزي كذا عاد انا كله ادوس عليه اجيب 210 فيه
اقدرن = احاول فيه يسامحني
المهم
السالفه الرابع
توها ليلة الجمعه اللي راحت نفسه على طريق جواثا عاد جالس اتمشى في الليل الساعه 12 ونص ومعاي واحد من اصحابي ابوه نذل المهم دق ابوه ويبغاه يرجع البيت بسرعه المهم انا قمت اسرع لين 150 وامر عند ذاك الفورد الاسود المظلل كتم وقام يكبس لي عاد انا متوهق قلت لا ابوووه وازيد عالدعسه واشوف اقرب تقاطع وارجع وهو وراي وراي والله وصلت 200 وانا مطفي الانوار المهم واخش داخل مخطط واضيعه ورحت نزلت اللي معاي واروح اطير على خط قطر هناك بيت اهلي المهم عاد شوي ويدق صاحبي ويقولي انه واحد داق عليه قاله قول حق صاحبك سيارته عليها بلاغ وهو هارب من الحكومه طلع راعي الفورد بحث المهم وقاله قوله يغيب السياره لانهم راح يشلونها والبلاغ مسجل لانه متهور وهارب من الحكومه عاد انا توهقت المهم دقيت اللي البحث اللي ماسكني من قبل اللي سردت لكم سالفه ^^ فوق المهم وضليت اقردن فيه ابغاه يشوف لي حل قالي المشكله رفعنا الاوراق
قلت له شوف لك حل وزي كذا لين ما انحلت السالفه وشالوا البلاغ
موقفي توه صاير اليوم :d
نخش في الموضوع
كنت مسرع على خط السريع وتخيييط يمين يسار دعس 180 يمكن اكثر ..
الا اشوي قدامي تفتيش قلت انا خلاص اليوم في الحجز انا وسيارتي :(
واطفي المسجل وامر من عند العسكري الا يوقفني انا توني بطلع الرخصه
الا خويه يقوله هونداي سيفيك !!! قاله كذا وقال لي روح ..
بس مشيت حمدت ربي انهم ما وقفوني كان الحين حصلت كم مخالفه وحجز ..
ان شاء الله ما تتكرر مره ثانيه وانصاد
بس حلوة هونداي سيفيك من جد مفهييييين
المرور ومآ أدرآك ما المرور .... تسعمية وخمسة وسبعين الف واربعمية وثنين وعشرين دولار قصة مخالفة :d < وش دخل دولار في السالفة
المهـم بقولكم السوالف وحدة ورى الثانية اذا ما عندكم اي مانع << اكيد ياخي الموضوع ما حطوه الا عشان الأمور هذي
ادري اللي طرح الموضوع يبي سوالف السيارات المعدلة بس الى الآن ما سويت تعديل وانواع السوالف اجل مع التعديل اش رآح يصير
السـآلفة الأولى :
كنت في الريآض ومعي سيآرة ولد عمي كرآع سعيدة ( كرسيدا ) 95 اكس ال صدامات سود < احد يشتري وين الشريطية :d
المهم وآقف عند الاشارة وزيي زي الطيبين رابط الحزام ومؤدب :o المهم جنبي دورية فورد شكيت في الوضع ولا حتى التفت وطالعت فيه وقتها ما معي رخصة ولا هم يحزنون فكت الاشارة ولفيت يسار وأخينـآ في اللـه ورآك ورآك والزمن طويل المهم يكشح بالنور وخويكم معطيه اشكل نظيف حتى المراية ما طالعت فيها اخاف اطالع ويطلع راعي الدورية والرجآل الطيب من اول يكشح وانا ساحب عليه سيفووون آخر شيء يدق البوري حق الدوريآت طآآط طآآط ولا يزآل السيفون مسحووب الين نآدآني على جنب يا راعي الكرسيدا هنـآ ضاعت علوومي وطالعت في المراية الا مشغل السفتي ويكشح وزحمة وسفطت على جنب قال لي الرخصة والاستمارة طبعا رخصة مافيـه والاستمارة طلعت مطوفة لها 3 سنوات :d قلت يابن الحلال السيارة لولد عمي وانا كان عندي مشوار عائلي < ايه هين وبرجعها له قال طيب ويدخل رقم البطاقة في السيستم ما لقى ولا مخالفة قال حلو حلو ويصكني بذيك المخالفة الله لا يبارك فيه
السـآلفة الثآنيـة :
كنت في جدة جـآي من خليج سلمان وطبعا فيه تفتيش نشبة معروف هناك عند كبري مبنى الحجاج انوآع الاستقعاد بمعنى الكلمة المهم انا جآي امشي 200 :d فيني رجة مدري من وين جت المهم وآحد راعي لومينا متخبي ورى الصبات ويوم مريت من جنبه ما اشوف الا قوة تكشيح عشان يلقط اللوحة الا التفتيش قدامي وكل مسار عليه عسكري المهم كلهم يأشرون على الأكورد قلت بس رحنا فيها والعيال اللي معي قالو عز الله رحت فيها واثباتات ورخصة واستمارة ومدري ايش انا جالس في السيارة افكر إيش اقول المهم وازبط لهم ذاك المخرج اللي يحبه قلبك انت ويآهـ :d اسمعو كيف التصريف عشان اذا طحتو في مواقف صعبة زي كذ1 تتصرفون المهم قلت له ياخي انا ملفي نظيف وشيك عندك في السيستم مو راعي سرعة ولا شيء ( طبعا لأني داري ما راح يشيك ولا شيء قلتها له وعشان ابين له اني واثق ) بس اخوي مريض في البيت والوالدة كبيرة في السن وابوي مسافر وقالت تعال عشان تودي اخوك المستشفى حالته خطيرة وجيتك طيران الحين بس خلني اروح واول ما اخلص اجيك طبعا اللي ماسك النقطة رقيب مستقعد مو راضي قلت له ياخي عطني رقم الضابط حقك اكلمه اتفاهم معه قال انا اكلمه بالجهاز اللاسلكي ويكلمه وربع ساعة يلطعني وانا متبع المثل اللي يقول ( اذا كان لك عند الكلب حاجة قله يا سيدي وانتم بكرامة ) المهم فكني وقال تجي الساعة 2 للحجز اللي عندي اوايسيس مول قلت ولا يهمك قال استناك قلت له من عيني هذي قبل هذي بس خلني الحق على اخوي ... طبعا ما يجوز الواحد يتبلى على نفسه بس مالك الا كيذ1 ولا تنلطع في الحجز زي الحلوين وانا طابعا جاي جدة اربعة ايام وراجع يعني اتكي في الحجز الين يوم السبت وقتها كان يوم ربوع المهم واسحب على مندوبهم سيفون أليييييييييييم واكلم وآسطة من هنا وهناك الين جبت اثباتي واثبآت هنـآدي :o
فيه مواقف كثيرة لا تعد ولا تحصى ان كنتم ترغبون بالمزيد لا مانع .. اتصل نصل :d < من اي دعاية سارقها مدري؟!
^^^
up
up
عاجبني الموضوع
والله سوالف حلوه بس ما تجي زي سالفتي
السالفه وما فيها اني كنت لاعن ابو السياره كلها مخالفات اكورد 2005 جنوط وهيدروليك وزينون في كل مكان حتى الرويس وابواب لامبورقيني
اللي تفتح على طول فوق وسيستم وفلشرات وغيره
طبعا كنت عسكري في الجوازات وطبعا كل ماوقفني واحد اقوله انا زميلك واعطيه رقمي واستغل هذا الشي بالذات لما اكون لابس الزي العسكري والمرور يقدرون العسكر اللي مثلهم مع العلم ان اخوي ضابط في المرور برتبه ملازم اول في الصحافه ماسك التوقيف الحين ماشاء الله عليه نقيب
المهم في الصباح وانا رايح العمل وتوقفني دوريه فورد لونها ابيض بدون اي شي يدل على انها دوريه ماعدا الانتل اللي في الشنطه وتوقعت مثل العاده اني بطلع منها سلام سلام ويوم انزل إلا وطلع كتفه كله يلمع طلع عقيد في المرور وقام بلغ في الجهاز على سيارتي علشان تجي دوريه وماكذبوا خبر 5 دقايق واربع دوريات في الموقع اخوكم بصراحه تورط طلع العقيد من السياره وقلهم السياره تدخل الحجز والمخالفات دبل وجلس يهزء فيني ويقول رجل امن وكذا مسوي بسيارتك انا اوريك الشغل ايش نقول عن باقي الشعب وبعدين لما شاف اسمي في الرخصه سالني ايش يقربلك فلان الفلاني يقصد اخوي قمت قلت له اخوي هز راسه قال طيب طيييييييييب خير ان شاء الله المهم قمت اتصلت على اخوي الملازم وقلت له عن الفلم قلي والله ما اقدر انا سمعت البلاغ في الجهاز وسمعت صوت العقيد ورقم لوحه سيارتك وعرفت انه انت وبصراحه مادام وصلت عند العقيد انسى الموضوع انا مالي دخل المهم ياشباب السياره جلست في الحجز اكثر من شهر وكل المحاولات والواسطات بائت بالفشل الين فكيت كل شي من السياره بعد اكثر من 6 مخالفات منها خطاب على عملي استغلال مهنتي في اغراض خاصه ،،،،
بعدها حرمت اسوي شي في السياره بعدها بشهرين قدمت استقاله من عملي واشتغلت في شركه محترمه وراتبها دبل اللي كنت اخذه
هذي سالفتي ومافي احسن من الانضباط وعلى قول المثل امشي عدل يحتار عدوك فيك