معلومات عن الاكورد ( ضع وأنا أضع )

السلام عليكم

أخباركم يا أهل الاكورد ؟

اليوم حبيت أطرح فكرة جديدة ومفيدة لنا جميعاً وهي بهالموضوع فكرة هالموضوع إن أي واحد عنده معلومة تفيد الاعضاء في الاكورد يطرحها هنا لأن اغلب المواضيع يلي ننزلها مع الوقت محد يشوفها و ولا أحد يقرأها وفيه معلومات نكتسبها من ميكانيكيين أو نقرأ عنها في الكتالوج وممكن حنا نعرفها وغيرنا يجهلها والعكس صحيح لكن بهالموضوع كلنا نتفاعل بالمعلومات المفيدة عشان نفيد ونستفيد من بعضنا


يلي نبغاه منكم تحطون بهالموضوع المعلومات يلي تعرفونها عن الاكورد سواءً ميكانيكياً أو كهربائياً ويفضل ذكر الموديل أو الجيل يلي بتطرح عنه اي معلومة او اي فائدة

وانا بطرح لكم معلومة عشان توضح لكم الفكرة


باسم الله


من ناحية زيت المكينة (بالنسبة للجيل السابع) المقدار الصحيح للتعبئة هي كتالي :

4.2 لتر مع السيفون - يعني اربع لتر أو (اربع علب ) و 200 ملل

4.0 لتر بدون سيفون - يعني اربع علب صافي

و اغلبنا للأسف وانا كنت منهم يعبي اربع علب ونص مع تغيير السيفون يعني ( 4.5 لتر ) وهذا غلط ممكن تسبب تندية للمكينة

وهذي صورة من دليل المستخدم السيارة :

http://i.imgur.com/hDQyF.jpg

( و أهل الجيل الثامن راجعوا كتيب دليل المستخدم وافيدونا مع إن المكائن بالنسبة لـ 4 سلندر نفس الجيل السابع المكائن لكن الاختلاف ممكن في الـ 6 سلندر )



اتمنى التفاعل من الجميع بهالموضوع وياليت المشاركات تكون بمعلومات يلي بيشكر يدعي لنا في ظهر الغيب أو على ايقونة شكرا لك


وسلامتكم ،،،

وعندي معلومة أخرى اكتستبتها من ميكانيكي

يوم تجي تشغل السيارة وتحط المفتاح على ( ON II ) وهي التكة الثانية تنتظر لين ما تطفي لمبة المكينة ( CHECK ENGINE )

http://i.imgur.com/gZf1E.jpg

وهي في هالحالة تحت التجهيز وبتلاحظ او ما تحطها على الـ ( ON II ) تسمع صوت وبمجرد ما تطفي لمبة المكينة يختفي هالصوت ولمبة المكينة او ما تطفي معناتة تم التجهيز وتشغل السيارة و ما عندك مشكلة وانا لي شهرين وانا اسويها مع إن لي فترة طويلة وانا على طول اشغل

وسلامتكم ،،،

^
هذي عشان طرمبة البنزين .. ويكون جاهز لمرحلة ignite

انا عندي معلومه ممكن اشارك؟


دريشة السواق إذا جيت ترفعها وحطيت يدك ..اول ماتحس بيدك الدريشه ماتكملو ترجع تنزل من حالها :d

معلومه تأكد إذا جيت تغير فلتر البنزين

لا تشغلها على طول ...دق السلف وارجع طف ودق السلف وارجع طف ودق السلف وارجع طف
وبعدها شغل

يعني دق السلف لين قبل لحظة التشغيل واصبر لين تطفى لمبات التحذير وارجع طف وهكذا ثلاث مرات عند اول مره تغير فلتر البنزين

الاكورد ارسى

والسبب نظام التعليق الامامي مقصات مزدوجة في التصميم الهندسي مثل نظام المرسيدس ومرسيدس اصلا اخترعت المنظومة التعليقية هذه

وفي نظام التعليق الخلفي عدد 5 وصلات اذرعة الوصلة الخامسة علوية ساحبة للداخل لاجل انفراج الاطار عند اي لفة وبما ان اي سيارة تلف طبيعي تميل وبميلان السيارة نظام الوصلات المتعددة بالذراع الساحب يطلع الكفر من الاسفل للخارج في الاطار الخارجي بينما يدعم استقامة الاطار في الاطار الداخلي للفة لان الذراع الساحب هذا مزدوج العمل وبعد النظام هذا اخترعته مرسيدس في عام 1983 -1982
نظام المساعدات يايات بداخلها انبوب ماص به غاز وزيت بغرف منفصلة الزيت لاجل يعطي راحة في الطريق والغاز يعطي قساوة لاجل قيادة رياضية علشان كذا تحس الاكورد راسية في الطريق

في الماكسيما من يوم ما دخلت السعودية الى الان حتى موديل 2010 يستخدم نظام ماكفرسون الفاشل واللي تستخدمه تويوتا وبعض سيارات لكزس والنظام هذا ابدا ما يعطي حركة جيدة للاطار الامامي بالعكس بانزل شرح كامل بينه وبين المقصات المزدوجة وابين فيه السلبيات الكبيرة لنظام ماكفرسون وفي لحظات معينة في الاطار الامامي يكون نسبة تماس الاطار الامامي في الارض هي نسبة 45% حسب بعض الدراسات من سيارات بنظام ماكفرسون في السلولم

والغريب ان بي ام دبليو بدأت تبتعد عن هذا النظام نظام ماكفرسون واللتي كانت تعتمده لسنوات لانه ما يعطي المهندسين التحكم بحركة الاطارات الكاملة في اللحظات المختلفة

كلام واحد من منتدى محايد:cool:

هالصوره تبين نظام الماكرفسون ما ادري وشسمه إلي مايعطي نتايج رائعه

والصوره إلي تحت هو النظام إلي تستخدمه الأكورد :cool:
ونسبة الميلان فيه صفر

http://img4.imageshack.us/img4/7465/asuspension.jpg



وهذا مقطعين لمكس ولأكورد
وشوفواا الفرق

[ame=http://www.youtube.com/watch?v=fjzDyU7nuRM]slalom test honda accord - YouTube[/ame]


وهذا مقطع المكس بنظام الماكرفسون إلي ابو كلب :p

[ame=http://www.youtube.com/watch?v=z0OVxXCZEYQ&feature=related]slalom test maxima - YouTube[/ame]


وطبعا نيسان ركبت نظام الجديد إلي في الأكورد الـdouble wishbon
في سيارتها الإنفنتي
وهذا كان اختباره وشوف كيف الثبات ومع ذلك لو تلاحظ إنه في نسبة ميلان بسيطه
يعني ماقدرت توصل زي ثبات الأكورد even though إنها ركبت النظام إلي بالأكورد
[ame=http://www.youtube.com/watch?v=xXKzGLYgktc&feature=related]slalom test 2009 Infiniti G37x - YouTube[/ame]

وش رايكم فيني وانا اتكلم زي كذا ومسوي فيها مثقف واتكلم عنقليزي:d

ابدعت صرااحه وماقصرت على هالمعلومه ... وبصراحه الاكورد كل مالها تكبر في عيني :a040:

اقتباس:

---

المشاركة الأصلية كتبت بواسطة فـــيـــصـــل..607..

الاكورد ارسى

والسبب نظام التعليق الامامي مقصات مزدوجة في التصميم الهندسي مثل نظام المرسيدس ومرسيدس اصلا اخترعت المنظومة التعليقية هذه

وفي نظام التعليق الخلفي عدد 5 وصلات اذرعة الوصلة الخامسة علوية ساحبة للداخل لاجل انفراج الاطار عند اي لفة وبما ان اي سيارة تلف طبيعي تميل وبميلان السيارة نظام الوصلات المتعددة بالذراع الساحب يطلع الكفر من الاسفل للخارج في الاطار الخارجي بينما يدعم استقامة الاطار في الاطار الداخلي للفة لان الذراع الساحب هذا مزدوج العمل وبعد النظام هذا اخترعته مرسيدس في عام 1983 -1982
نظام المساعدات يايات بداخلها انبوب ماص به غاز وزيت بغرف منفصلة الزيت لاجل يعطي راحة في الطريق والغاز يعطي قساوة لاجل قيادة رياضية علشان كذا تحس الاكورد راسية في الطريق

في الماكسيما من يوم ما دخلت السعودية الى الان حتى موديل 2010 يستخدم نظام ماكفرسون الفاشل واللي تستخدمه تويوتا وبعض سيارات لكزس والنظام هذا ابدا ما يعطي حركة جيدة للاطار الامامي بالعكس بانزل شرح كامل بينه وبين المقصات المزدوجة وابين فيه السلبيات الكبيرة لنظام ماكفرسون وفي لحظات معينة في الاطار الامامي يكون نسبة تماس الاطار الامامي في الارض هي نسبة 45% حسب بعض الدراسات من سيارات بنظام ماكفرسون في السلولم

والغريب ان بي ام دبليو بدأت تبتعد عن هذا النظام نظام ماكفرسون واللتي كانت تعتمده لسنوات لانه ما يعطي المهندسين التحكم بحركة الاطارات الكاملة في اللحظات المختلفة

كلام واحد من منتدى محايد:cool:

---

هذا كلامي من المنتدى المحايد هذا

bilany2003

:d

^
لله درك يارجل :d

تدري عاد لو تلاحظ إن محرر الرد
كنت كاتب هذا كلام واحد من منتدى وش رايك يابلال؟


عاد بعدين قلت ياولد لا تنشب للرجال وش دخلك تسأله معلومه وقريتها وعطهم :d

وانا اقول وش فيك كنت كاتب 2007 و 2007 عشانه معك يعني وساحب على الـ2005 و 2008

كفشتك يامتعصب :mad:
بعدين ماتلاحظ إني قلبت اسم ام النظام ماكرفسون بغيت اخليه ماكنتوش اسهل بس قلت ماراح تمشي عليهم:d

المهم عندي معلومه

الدركسون حق الأكورد تقدرون تسحبونه على قدام :p

والتكايه بعد تقدرون تقدمونها :p

^^^^^^^^^^^^

هههههههههههههههههه

يا شباب تكفون نبغا معلومات ما نبغى دردشة وسوالف << اخس يا النظامي :d

اقتباس:

---

المشاركة الأصلية كتبت بواسطة فـــيـــصـــل..607..

المهم عندي معلومه
الدركسون حق الأكورد تقدرون تسحبونه على قدام :p
والتكايه بعد تقدرون تقدمونها :p

---

التكاية وعرفتها ..بس الدركسون كيف ؟؟؟
طيب بعطيكم معلومة بالنسبة لي أعتبرها جديدة ..وأتوقع أنها معروفة عند أكثركم ...
تقدر تفتح النوافذ والفتحة بواسطة الريموت بالظغط على زر فتح الباب ظغطتين متتالية مع الاستمرار على الظغطة الثانية حتى تنزل كل النوافذ ...
واذا اردت تسكرها مايحتاج تركب السيارة ..وذلك من خلال المفتاح وتضعه في الباب وتغلقه وتستمر على ادارته لليسار حتى ترتفع النوافذ وتتسكر الفتحة ...
يستفاد من هالطريقة في تهوية السيارة بدون تشغيلها او اذا كانت في موقع ضيق يصعب معه الدخول للسيارة ...

^^^^

تفكـ الذراع (اللسان) الي تحت الدركسون وتسحب :)

اقتباس:

---

المشاركة الأصلية كتبت بواسطة d.h.o.o.o.m

^^^^

تفكـ الذراع (اللسان) الي تحت الدركسون وتسحب :)

---

تمت التجربة بنجاح ....ألف شكر

^

انا إلي معلمك :mad:

<<<<اووم المبزره :d

اقتباس:

---

المشاركة الأصلية كتبت بواسطة فـــيـــصـــل..607..

^

انا إلي معلمك :mad:

<<<<اووم المبزره :d

---

ههههههههههه :d

طيب شكرا لك .ولا تزعل ...وشكرا لصاحب الموضوع ..قبل لايزعل علينا ويقول قلبتوا الموضوع دردشة وضحك :d

هذا جدول يوضح القطع الاستهلاكية مواعيد تغييرها واي تعديل أو أي نقص بلغوني لاهنتم

http://i.imgur.com/cYXm9.jpg

وسلامتكم ،،،

اقتباس:

---

المشاركة الأصلية كتبت بواسطة accord_2005

هذا جدول يوضح القطع الاستهلاكية مواعيد تغييرها واي تعديل أو أي نقص بلغوني لاهنتم

http://i.imgur.com/cyxm9.jpg

وسلامتكم ،،،

---

الجدول جميل جدآ ولكن لو اضفت ان البواجي يختلف تغييرها من موديلات 2007 ونازل وموديلات 2008 وطالع مثل ماذكرت 100 الف :)

اقتباس:

---

المشاركة الأصلية كتبت بواسطة المباشر

الجدول جميل جدآ ولكن لو اضفت ان البواجي يختلف تغييرها من موديلات 2007 ونازل وموديلات 2008 وطالع مثل ماذكرت 100 الف :)

---

حياك اخوي المباشر و الله مدري يلي اعرفه ان الكل يتغير بعد 100 الف كيلو
وانا عن نفسي ما شاء الله تبارك الله ما غيرت البواجي إلأ بعد 190 الف كيلو :d

افيدني بخصوص التغيير لل 2007 واذا فيه اختلافات في التغييرات بين الجيل السابع و الثامن افيدني لا هنت

وسلامتك ،،،

هذي حركة التشييك على الطبلون للأكورد من موديل 2003 إلى 2012

طبعاً نشكر من قام بتنزيل المقطع وليتهم نزولوا اسماءهم عشان نشكرهم

عموماً

هذا المقطع تطبيق الحركة على الاكورد الجيل السابع

[ame=http://www.youtube.com/watch?v=3xBH8gV8CcQ&feature=related]&#x202b;اسرار الهوندا اكورد&#x202c;&lrm; - YouTube[/ame]

وهذا تطبيق الحركة على الاكورد الجيل الثامن

[ame=http://www.youtube.com/watch?v=1AnIavmSLBo]&#x202b;حركة طبلون الأكورد&#x202c;&lrm; - YouTube[/ame]

طبعاً الطريقة هي كتالي :

تولع السكن أو الاسطب ( التكة الاولى للنور )

تدق السلف على ON I

تضغط الزر يلي في الطبلون وتعلق عليه

وطبعاً خلال ما أنت معلق على الزر يلي في الطبلون تدق السلف على ON II

وتبقى معلق على الزر يلي في الطبلون وتطفي النور وتشغله و تطفية

وبعد ما تطفي النور تشيل يدك من الزر يلي على الطبلون وتضغط الزر مره ثانيه ثلاث مرات وتضبط الحركة

وكل ما بغيت تعيدها اضغط الزر يلي بالطبلون


وسلامتكم ،،،

افخم موتر :cool:

اقتباس:

---

المشاركة الأصلية كتبت بواسطة كوووبيه 2009

افخم موتر :cool:

---

ههههههههههههههههههههه

شكلك غلطان بالنمره يالغالي

خلني اعيش الدور :)

حبايبي

انا معي اكورد 2006 وماشوف معي علامة تشيك انجن ابد
لامع دقة السلف ولاغيره

تعبت ادور عليها مالقيتها وش السالفه ؟؟

معلومه في الاكورد ومجربه على القير التماتيك :eek:






اذا حطيت القير على D السياره تمشي قدام :d

اقتباس:

---

المشاركة الأصلية كتبت بواسطة دانيـــال

حبايبي

انا معي اكورد 2006 وماشوف معي علامة تشيك انجن ابد
لامع دقة السلف ولاغيره

تعبت ادور عليها مالقيتها وش السالفه ؟؟

---

طيب يالغالي جرب حركة التشييك على لمبات الطبلون

ممكن تكون لمبة التشيك انجن محروقة :d

اقتباس:

---

المشاركة الأصلية كتبت بواسطة accord7

معلومه في الاكورد ومجربه على القير التماتيك :eek:






اذا حطيت القير على d السياره تمشي قدام :d

---

هههههههههههههههههه أحلف

اقتباس:

---

المشاركة الأصلية كتبت بواسطة accord_2005

هذي حركة التشييك على الطبلون للأكورد من موديل 2003 إلى 2012
طبعاً نشكر من قام بتنزيل المقطع وليتهم نزولوا اسماءهم عشان نشكرهم
عموماً
هذا المقطع تطبيق الحركة على الاكورد الجيل السابع
&#x202b;اسرار الهوندا اكورد&#x202c;&lrm; - youtube
وهذا تطبيق الحركة على الاكورد الجيل الثامن
&#x202b;حركة طبلون الأكورد&#x202c;&lrm; - youtube
طبعاً الطريقة هي كتالي :
تولع السكن أو الاسطب ( التكة الاولى للنور )
تدق السلف على on i
تضغط الزر يلي في الطبلون وتعلق عليه
وطبعاً خلال ما أنت معلق على الزر يلي في الطبلون تدق السلف على on ii
وتبقى معلق على الزر يلي في الطبلون وتطفي النور وتشغله و تطفية
وبعد ما تطفي النور تشيل يدك من الزر يلي على الطبلون وتضغط الزر مره ثانيه ثلاث مرات وتضبط الحركة
وكل ما بغيت تعيدها اضغط الزر يلي بالطبلون
وسلامتكم ،،،

---

الحركة هذه متخوف منها ...الكثير يقول بأنها تلعب في الطبلون ...
ياليت من عنده خبر اكيد عنها يفيدنا ...

^^^^^^^^^^^^^^^

والله يالغالي انا مجربها والكثير جربوها

ولا احد طلع عنده مشكلة منها

انت جرب وشوف

اليوم نسدح لكم معلومة جديدة

اذا طفيت السيارة و اللمبات الخارجية شغالة تطفي تلقائياً بعد 15 ثانية وتشتغل الانوار بمجرد فتح الباب سواء باليد او بعد قفلة بالريموت

وفيه معلومة اخرى اذا فتحت البيبان بالريموت وولا ركبت السيارة بعد 15 ثانية تقفل الابواب تلقائياً مع التأمين يعني كأنك أنت قافلها بالريموت


وسلامتكم ،،،

مشكورين على النصائح وهذي اكثر العالم يهتم فيها اول مايطلع السياره وبعد فتره زين ان تذكر الزيت متى يغيره
هذا حالنا لان مصير السياره ان طال الزمن او قصر الغرابي وفك وتركيب وانواع الحوسه والترهيم

عبء نزين ودق سلف خخخخخخخخخخخخخخخخخخخخخخخخخخخخ

اقتباس:

---

المشاركة الأصلية كتبت بواسطة ى ر د 019

مشكورين على النصائح وهذي اكثر العالم يهتم فيها اول مايطلع السياره وبعد فتره زين ان تذكر الزيت متى يغيره
هذا حالنا لان مصير السياره ان طال الزمن او قصر الغرابي وفك وتركيب وانواع الحوسه والترهيم

عبء نزين ودق سلف خخخخخخخخخخخخخخخخخخخخخخخخخخخخ

---

ههههههههههههههههههه

من اسباب تهريب طرمبة الدركسون و تلفها هو التالي :

1- إنك اذا جيت تأخذ لفة تكسر فتأثيرها يكون سريع في التأثير على طرمبة الدركسون وبالتالي مع الاستمرار تأثر على العكوس مستقبلياً

2- إنك تلف الدركسون وتكسر ويصك بقوة زي مثلاً اذا جيت تاخذ يوتيرن

3- اذا كانت السيارة واقفة من الغلط إنك تلف الدركسون أو تلف وتبقى ماسك الدركسون وما تخلي الدركسون يستريح وهي في حالة الوقوف

4- تعبئة زيت دركسون غير زيت هوندا يسبب تلف لجلد الطرمبة

5- تعبئة زيت هوندا باستمرار يحافظ على الطرمبة و الطريقة الصحيحة هي انك ما تخلي الزيت يتعدى الخط العلوي وهو ماكس ولا تنزل عن الخط السفلي واذا زودت عن الخط العلوي حاول تنقصه بواسطة منديل تدخله عشان يمتص الزيت و افضل اوقات التعبئة اذا كانت السيارة بارده و الزيت يكون بإمكانك وزنه في العلبة


وسلامتكم ،،،

السلام عليكم اخ فيصل ممكن سؤال انا معي سيارة 2010 جديده ماشيه 40 الف اربعه سلندر نص فل صحيح تغير طرمبة البنزين يكون كل 80 الف

اقتباس:

---

المشاركة الأصلية كتبت بواسطة dr-qloop

السلام عليكم اخ فيصل ممكن سؤال انا معي سيارة 2010 جديده ماشيه 40 الف اربعه سلندر نص فل صحيح تغير طرمبة البنزين يكون كل 80 الف

---

بعد إذن فيصل

يالغالي ممكن أنت تقصد فلتر البنزين فهو يتغير كل 40 الف كيلو ولا طرمبة البنزين ما تتغير إلا اذا خربت و لزم تغييرها

اقتباس:

---

المشاركة الأصلية كتبت بواسطة accord_2005

بعد إذن فيصل

يالغالي ممكن أنت تقصد فلتر البنزين فهو يتغير كل 40 الف كيلو ولا طرمبة البنزين ما تتغير إلا اذا خربت و لزم تغييرها

---

ياخي الرجال سيارته 2010 مو 2005 وتتغير كل 80 الف (فلتر بنزين)
من 2008 الى 2012 تتغير كل 80الف
من 2003الى 2007 تتغير على ماظن زي ماقلت 40الف ..تحياتي

اقتباس:

---

المشاركة الأصلية كتبت بواسطة مبارك عبدالله

ياخي الرجال سيارته 2010 مو 2005 وتتغير كل 80 الف (فلتر بنزين)
من 2008 الى 2012 تتغير كل 80الف
من 2003الى 2007 تتغير على ماظن زي ماقلت 40الف ..تحياتي

---

اهاا ... طيب لا تدف :d

ماشاء الله اخ accord_2005 فعلا اشكرك على الموضوع الحلو انشاء الله الكل يستفيد منو يعطيك العافيه وانا با اضيف الان المشاركه هذي في المفضله عندي لو فيه جديد نشاركم فيه......
معلومه بسيطه بالنسبه لــ d3 حق القير على ماسمعت انو سلاح الاكورد يخلي لاالكورد ماتريح في النمره الاخيره وهذا يساعدك في طلوع جبال مثلا او قومات مثلا زي كذا يعني تحياتي لكم

اقتباس:

---

المشاركة الأصلية كتبت بواسطة ulv

ماشاء الله اخ accord_2005 فعلا اشكرك على الموضوع الحلو انشاء الله الكل يستفيد منو يعطيك العافيه وانا با اضيف الان المشاركه هذي في المفضله عندي لو فيه جديد نشاركم فيه......
معلومه بسيطه بالنسبه لــ d3 حق القير على ماسمعت انو سلاح الاكورد يخلي لاالكورد ماتريح في النمره الاخيره وهذا يساعدك في طلوع جبال مثلا او قومات مثلا زي كذا يعني تحياتي لكم

---

حياك اخوي ulv ونتشرف بتواجدك يالغالي وانا شاكر لك على طرحة هالمعلومة و لا تحرمنا من أي معلومة جديدة

نتمنى التفاعل من الجميع

وسلامتكم ،،،

معلومة اذا كان المفتاح في السويتش ما تقدر تقفل ازرار البيبان طبعاً اذا كنت تبغا تقفل البيبان وتصك بابك وتروح ما تقدر ابداً وهذي ميزة حلوه خصوصاً للسعوديين اشوف انها اهم من الشاشة و النفيجيشن :d

لاهنت اكورد 2005 على الفكرة الحلوه

وانا بسدح لكم معلومة يمكن قديمة واجد لكن هي يلي تدور براسي :cool:

اذا احد جاء يعبي بنزين لابد من انه يطفي السيارة << قل قسم :d
لان خلال ما انت تعبي ممكن يكون في التانكي تراب و البنزين ينزل عليه ويبدأ يجري مع البنزين وممكن يعدم عليك البخاخات