عرض للطباعة
السلام عليكم
كيف حالكم
مبروك عليكم العيد ادري متاخر:d
عندي اكورد ماشي 115700 الالف عند 120000 بغير زيت القير بس حبيت اسال هل يوجد فلتر للزيت القير تحت السياره لان في ورشه خبرتني لازم تغير زيت القير مع الفلتر الي تحت السياره:confused:.
فشو رايكم يا الاخوان؟ انتظر جوابكم
مافي فلتر تحت السياره في فلتر خارجي وينصحو بتغيره كل 80 الف
قيمته 90 درهم الفلتر الحارجي
تصحيح اللي يتغير كل 80الف هذا فلتر البنزين مو الفلتر الخارجي:)..وسلامتكاقتباس:
المشاركة الأصلية كتبت بواسطة هاااوي الاكورد
^
يقصد الفلتر الخارجي حق البنزين ,,في فلتر داخي داخل القير مايتغير إلا عند التوظيب فقط فقط
والله ياحبايب عندي اكورد 2004 وكالة شاريها ماعمري غيرت شي اسمه فلتر قير بس زيت القير وماشيه معاي تمام ترى كثر التحرش بالهنادي مايصلح ترى راح تتعبك :d
توني اليوم مغير ( زيت القير + الفلتر الخارجي ) أكورد 2005 - 4 سلندر ... و الطريقة والأسعار كالتالي : -
عدد ( 4 علب زيت قير هوندا الأصلي ) العلبة ( 1 لتر ) ... المستخدم 3 علب ونص .
عدد ( 1 فلتر خارجي يجي قطعة واحدة ) .
وغيرته عن ورشة محترمة وشغلهم زين وبسعر مناسب جداً ... كنت ناوي على الوكالة بس إجـــازة ، ويبدأ دوامهم يوم السبت ( بإذن الله ) .. وتخبرون الدوامات والمدارس يعني ما فيه وقت ( الله المستعان ) .
طبعاً لما قلت ( 3 علب ونص ) على أساس إنه عند تغيير الزيت كانت السيارة حامية بما فيه الكفاية فيكون الزيت حار ويصير عملية تفريغه سهلة ( بعكس ما يكون الموتر بارد فيكون الزيت ثقيل ... ونفس الكلام على زيت المكينه ) ... وفي الوقت اللي كان ينزل فيه الزيت كنت مشغل السيارة وحاطها على ( p ) وأدعس بنزين فنزل الزيت الباقي داخل القير ( كررت الحركة ذي تقريباً 3 مرات ... أطفي المكينه وأرجع أشغلها وأدعس بنزين ... فينزل الباقي ) ... و جلست أسولف مع الفني وقلت له أترك الزيت ينزل على راحته ... منيب مستعجل ... تقريباً ربع أو ثلث ساعة .
بعدها سكر سره القير و صب 3 علب زيت ... وقال ترا بيصير ناقص ( من واقع تجربته لكذا أكورد غير لها الزيت ) .. قلت ما يخالف ... بعدها غير الميكانيكي فلتر الزيت الخارجي ( و ماشاء الله عليه شغله تمام ) ... بعدها أخذت فرة على أساس أشوف الزيت يحتاج إني أفك ( العلبة الرابعة ) أو لا ... وإتضح إنه لا بد من صب كمية من العلبة الرابعة 400 ملي يعني نص العلبة تقريباً ... وعاير الزيت وطلع ( الحمد لله ) تمام التمام .
و مبلغ الشغلة كلها كالتالي : -
عدد أربع علب زيت قير هوندا ( الأصلي ) 4 × 38 = 152 ريال + 15 ريال أجرة تغيير الزيت .
فلتر قير خارجي 91 ريال + 35 ريال أجرة تغيير الفلتر .
يطلع المجموع ( 293 ريال ) على أساس إني زبون عندهم ،،و إلا تطلع التكلفه بزيادة 30 أو 40 ريال .
آسف على الإطالة ... بس حبيت أفيد مثل ما أستفدت من هالمنتدى الطيب .. وسلامتكم .
للتوضيح فقط هذا صورة فلتر القير الخارجي ... بعد إذن مشرفنا ( المسافر ) لأن الصورة من أحد مواضيعه ...
http://i.drom.ru/foto/album_photos/6/5123/39548.jpg
اقتباس:
المشاركة الأصلية كتبت بواسطة مبارك عبدالله
يالغالي انا اقصد فلتر القير الخارجي
ترا نعرف نميز بين فلتر البنزين وفلتر القير :p
اقتباس:
المشاركة الأصلية كتبت بواسطة فـــيـــصـــل..607..
انا اقصد الفلتر الخرجي حق القير :mad: << نعرف نقول فلتر بنزين
والله نعرف
فلتر بنزين
فلتر بنزين
فلتر بنزين
حصل خير كنت اقصد الافاده وفي الحقيقه اللي كل 80 الف يتغير هذا فلتر البنزين لان الفلتر الخارجي غير مذكور انه يتغير كل 80 الف في كتيب الصيانه ..:rolleyes:اقتباس:
المشاركة الأصلية كتبت بواسطة هاااوي الاكورد
طيب وش إلي لاحظته بعد التغيير...؟