المشاركة الأصلية كتبت بواسطة fire || tear
الـ vsa أشوفه نظام رهيب الصراحة , ويفك الشخص من الأزمة ببعض الحالات لاسمح الله
لكن سالفة الفحمات غريبة شوي
الفحمات الخلفية تجلس معك الى 40 ألف بعد موب من 25 الى 30 ألف , طبعاً من واقع تجربة معي انا شخصياً
السبب في صوت الفرامل اللي يطلع بعض المرات مدري من وشو بالضبط , لكنه يجي ويروح وخصوصاً يطلع الصوت اذا صار الهوب محتمي من الحرارة واتوقع شئ عادي جـداً , مع انك تشوف الفحمات بأم عينك ماخلصت !!
لكن قبل أسبوعين , كنت جاي من القصيم الى الرياض (( وقتها سيارتي ماشية 36 ألف وعلى فحمات الوكالة )) , وفجأة سمعت صوت حك حـديد بحـديد جاي من الخلف !! , طبعاً علطول جاء ببالي الفحمات , ويوم وصلت ناظرت في الفحمات الخلفية اللي يمين ويسار (( الفحمات الخارجية )) تبين انه باقي منهم 20% تقريباً << يعني لو نحسب لهم توصل الى 40 ألف وزيادة وهم ماخلصوا
استغربت , دقيت على واحد من الشباب فني وله بالأمـور هذي , وانا وياهـ قال ناظر الفحمات الداخلية اللي ورا (( اللي داخل الهـوب )) , بحكم انه يقول الفحمات الداخلية أكثر استهلاك من الخارجية
وفعلاً تبين انه الفحمات الداخلية الخلفية قاضية خلقهــــ
وقمت وغيرت الفحمات اللي ورا كلها , مع انه الفحمات الخارجية كان باقي منها زي ماذكرت 20%
وهذا اللي صار معي
السلام عليكم ..
قريت أنا مره بأحد الردود إن نظام vsa موجود لجميع الفئات سبيشل وفل بالنسبة لـ 2008 لكن الفرق بين الفل والسبيشل إن الفل يمديك تطفيه ويمديك تشغله لكن السبيشل يكون شغال طول الوقت ولاتقدر تطفيه .. هل هالمعلومة صحيحة وإلا لا ..؟؟
أتمنى اللي يرد يكون متأكد 100%
كيفك بس
بس شدني انك مغير قماشات خلفيه على 25 الف ..
ناس غيرت من 15 الف ..للخلفيه
جميع الردود متباينه ومحصوره في انه النظام مفيد جدا ولا يستهلك الفرامل
يا شباب الله يعطيكم العافيه اتمنى تفهموا وجهة نظري المتواضعه
انا انسان مو حق سرعه ولا حق تفحيط ولا متهور
وحتى اذا حصل امر مفاجئ في الطريق مثلا فالسياره لايمكن تنزلق على سرعات متدنيه
سرعتي داخل المدينه لا تتجاوز 100 كم/س على الطرق الرئيسيه
وخارج المدينه لا اتجاوز 140 كم/س واكون مفعل النظام بطبيعة الحال في السفر
اما فيما يخص النظام نفسه
فهو يعمل بدون مايبان انه شغال الا في حالة الانزلاق التام يطلع المثلث التحذيري في الطبلون بأن النظام بدأ يفقد السيطره بمعنى انه في المنعطفات النظام يعمل تلقائيا بدون تنبيه ولكن في حالة الانزلاق تظهر علامة التنبيه بأن النظام يحاول يسيطر على الوضع
رد مع اقتباس
مواقع النشر (المفضلة)