الموضوع: ياشباب الخبره تكفون تكفون مساعدة بالمشروع

هلا فيك حبيبي ....

لو ما بدأت في مشروعك أنصحك ما تكمل فيه , معليش بس هنا في السعودية إذا كنت تبغى تركب مكينة الـ v6 فأكنك v6 عادي ماسويت شي راح تخسر و تتكلف على الفاضي و ما راح تطلع بنتيجة مرضية , آخرها ألتيما أو جينيسيس بيطلعون عليك و هما يضحكو .

هو ممكن و يصير بس وش الفائدة , راح تطلع على إيش ؟
الشاصيه واحد , نفسه بس راح يحتاج شوية تدعيم عشان المكينة الجديدة و توليفات بسيطة في الأركان عشان القواعد و طبعا الإكزوست بيتغير شي أكيد .
ما أفتيك بالتكلفة لكن أتوقع في بحر الـ 15.000 ريال ما تزيد على ما أعتقد , طبعا مكينة و جيربوكس , مع الكومبيوتر و الظفيره و العكوس و كل حاجة .

ليش ما تفكر تقلب السيارة ls1 ... ؟
أنا كنت بأفكر فيها لكن لولا قضاء الله و قدره , كان لقيتيني اللحين أقوى أكورد بالسعودية .... أتكلم عن مكينة 5.7 لتر , تنزل على أكورد و تعال أسمع الطرب ماشالله .... المهم , تراه مشروع قوي بقوة .
المكينة كاملة مع القير و الظفيرة و الكومبيوتر , كاملة مكملة جاهزة بتركيبها على السيارة , يعني خلاص سيارتك بتمشي و تنفلت بالـ ls1 على الأكورد , تكلفك حدود الـ 20.000 ريال و أنا سألت عنها .
طبعا أكورد راح تصير 5.7 لتر و 260 حصان على الويل أعتقد , يعني عزم مو طبيعي على أكورد .

بالنسبة لمكينة الـ LS1 , هذي مكينة الكابريس و اللومينا الـ V8 من سنة 2000 إلى 2006 , مكاين التورك فيها مرة جبار , لا تطالع في قوة الأحصنة و عددها , شوف التورك و تعال احكم وقتها ;) .

سائل عنها بنفسي و لو إني ما أتسرعت في بيع سيارتي :( , و فكرت شويتين و صلحتها بقطع لومينا كانت طلعت بربع التكلفة . و المكينة جاهزة و راكبة عليها , و تصير الأكورد دفع خلفي و أكيد لازم دفرنس 373 و أتفرج على أنواع الدريفتات و التسارع الجبار .
و للعلم أنا قلت 20.000 لريال لأني كنت بركب قير عادي حق الـ SS كوبيه اللومينا , لكن بالقير الأوتو تكلفك 17.000 ريال بس , و إذا ركبت أوتو تحتاج تركب مبرد لزيت القير عشان لا يسخن معاك و يفلت عليك :p , و صدقني ..... نزل عليها خفايف بس و برمجها و تصير عندك سيارة دمار , و أقرصلها شوية في لفة و أدعيلي " بس لا تسويها إلا إذا إنك طارة و قلبك جامد عشان ما راح يوقف السيارة إلا عمود النور " :p .

المشروع جامد و قوي و يا سلام لو نزل على السيارة قطع حلوة كدا .... إنتيك K&N , ثروتل بدي BBK , هيدرز و إكزوست MagnaFlow , ثلاجة Fast , بكرة SLP , سيستم كامل MSD , طرمبة بنزين رياضية , Fuel Regulator , دفرنس رياضي 373 , كامات شيتر أو كومب و رؤوس ..... و أكيد أحلى برمجة عند محمد فريد و لا أشتري الهايبرتيك و برمج تحت البيت .
أتوقع السيارة بتدخل في بحر الـ 400 على الويل بالراحة , هذا إذا ما زاد عن 400 على الويل .

تراه مشروع جامد و إنشالله بأحصل أكورد مستخدمة لو ماشية مليون و مدمرة و أنزل عليها هذي المكينة بالشغل الخفيف و البرمجة , يصير عندي سيارتين , وحدة LS1 و الثانية LS2 . و دعـــــــس :d .
و مستقبلا راح يكون فيه مشروع Custom Twin Turbo و راح يكون شي خطير لو على 10 PSI و مسحة بسيطة على البساتم و تدبيل سست و تغير اشنابر و تعال شوف السيارة مستواها وين بيوصل .

أتوقع تقدر تحط راسك بالسيارات الإيطالية لو صار ذا المشروع .

i-vtec2005 :
إذا إن معاك سيارة ثانية غيرها , أو حتى بس نفس السيارة . لا تشيل هم التعديل في الشاصيه لأنه بيزبط , كلها شوية قصقصة و تلحيم تحت المكينة و تعديل شوية حاجات , إذا الرجال فنان و شغله أوكي فإنشالله إنت 100% .
الهرجة كلها في الدفرنس و تحويل الدفع بس , إذا زبط فإنت في السليم , و للعلم سعر المكينة في التشاليح مع الدرفنس و الظفيرة و القير و العفش إللي تحت كلو بـ 12.000 ريال , الباقي داخل في القطع إللي داخل الكبوت مثل الكويلات و علبة الفيوز و الرديتر ..... إلخ .

و للعلم ... في جدة في سوبارو ليجاسي الشكل الجديد موديل 2006 , مغير المكينة إلى LS1 و السيارة أوكيه معاه , و ماشالله منزل عليها هوائيات و مبرمج و السيارة عزمها ماشالله تبارك الله .... لا أحكيلك .

للمعلومية :
طبعا يا شباب , لا تعتقدوا إن المشروع دا سهل , تراه شي كبير و مجنون و ترى المشروع ذا لو منجد صار فهذا يعتبر إنجاز كبير , كبير بحق و الله , الشغل عليه مو سهل و متعب و يشيب شعر الراس , يمكن على خليط الهواء و البنزين في البرمجة تاخذ وقت ليت تعدل و توزن و تحصل على القوة إللي تبغاها في مقابل أمان القطع الداخلية للمحرك , ترى مشروع ابدا أبدا مو سهل و في نفس الوقت ابدا مليون مرة مهوب صاحي إللي راح يطبق ذا المشروع .

ترا و الله المشروع قوي و دعس إلين خلاص ... و إنتم و الله قلبتو المواجع .

مكينة الأكورد الجديدة 3.5 قوتها الحصانية 271 حصان , المكينة القديمة 3.0 قوتها 270 حصان .
فرق حصان واحد بس .... ماهي فارقة تتعب نفسك و تركب مكينة الصراحة " ماتسوى " إلا إذا ناوي تعدلها .

الأخ Rak Boy :
ماشالله على كدا مستوى سيارتك ممتاز تطلع على الألتيما 6 سلندر .
لو إنك موجود بالسعودية و قريب شوية من جدة كان جربت معاك نقيس مستوى بس , أنا معاي ألتيما 6 سلندر موديل 2005 حاليا ستوك ما عليها و لاشي , جربت اليوم مع إنفينتي FX 35 الجديد 2009 أعطيته تقريبا 3 سيارات أو 4 سيارات من القومة و المكيف شغال .

أتمنى ألاقي أكورد أجرب معاها V6

حبيبي Italian-boy :

القوة المذكورة في كاتالوج الوكالة " الصافي " هي القوة على الحذاف , وليست على الكفر .
شوف هذا داينوجراف لأكورد V6 موديل 2008 مكينة الـ 3.5 لتر , و عليها إنتيك K&N .
http://images.google.com.sa/imgres?i...D1&safe=active

تابع على هالرابط , أنزل تحت على اليمين بتلاقي صورة عليها ورقة داينو اضغط عليها و تفتح معاك الداينوجراف , الصورة ماهي راضية تفتح هنا لأن المنتدى ما يقبل صيغتها .

لكن بقول وش على الرابط :
الأكورد 2008 V6 على الويل جابت 182.17 حصان فقط , طبعا ستوك بدون أي تزويد أو تعديل , و بعد إضافة الفلتر زادت بمقدار 10.23 حصان و صارت 192.40 حصان على الكفرات . ( يعني بصراحة مو هذاك الشي بالنسبة للقوة و ليست الزيادة ) , الزيادة جدا ممتازة بسبب فلتر رياضي فقط .... و الأكورد الـ 4 سلندر على الكفرات 143 حصان موديل 2008 .

و هذا داينو جراف للأكورد الـ V6 مكينة 3.0 لموديلات 2003 - 2005 مع اختلاف بسيط في القوة لصالح الـ 2006 - 2007 أعلى بشوي , حصانين أو ثلاثة ما يزيدون و السيارة عليها إنتيك نفس إللي فوق بالضبط .

لكن إذا على الألتيما مثل إللي معاي هذا الداينوجراف حقها ستوك طبعا موديل 2005 .
طبعا عشان التعصب , الألتيما خفيفة جدا و قيرها يساعدها رغم إنها أوتوماتيك , و جابت على الكفرات 224.1 حصان .

دائما الكلام المكتوب في كاتلوجات الوكالات كله كلام فاضي , كل الوكالات بياعين كلام و بس طبعا ما يقدرون ينزلون سيارة و يكتبلك القوة على الكفر , بس يكتبون قوة المكينة و يقولون هذي إجمالي و بعدها يكتبونها على الحذاف و يقولون الصافي .
القوة على الكفرات ما يطلعها إلا الداينو و بس .

المشاركة الأصلية كتبت بواسطة ACCORD 764

حبيبي Italian-boy :

القوة المذكورة في كاتالوج الوكالة " الصافي " هي القوة على الحذاف , وليست على الكفر .
شوف هذا داينوجراف لأكورد V6 موديل 2008 مكينة الـ 3.5 لتر , و عليها إنتيك K&N .
http://images.google.com.sa/imgres?i...D1&safe=active

تابع على هالرابط , أنزل تحت على اليمين بتلاقي صورة عليها ورقة داينو اضغط عليها و تفتح معاك الداينوجراف , الصورة ماهي راضية تفتح هنا لأن المنتدى ما يقبل صيغتها .

لكن بقول وش على الرابط :
الأكورد 2008 V6 على الويل جابت 182.17 حصان فقط , طبعا ستوك بدون أي تزويد أو تعديل , و بعد إضافة الفلتر زادت بمقدار 10.23 حصان و صارت 192.40 حصان على الكفرات . ( يعني بصراحة مو هذاك الشي بالنسبة للقوة و ليست الزيادة ) , الزيادة جدا ممتازة بسبب فلتر رياضي فقط .... و الأكورد الـ 4 سلندر على الكفرات 143 حصان موديل 2008 .

و هذا داينو جراف للأكورد الـ V6 مكينة 3.0 لموديلات 2003 - 2005 مع اختلاف بسيط في القوة لصالح الـ 2006 - 2007 أعلى بشوي , حصانين أو ثلاثة ما يزيدون و السيارة عليها إنتيك نفس إللي فوق بالضبط .

لكن إذا على الألتيما مثل إللي معاي هذا الداينوجراف حقها ستوك طبعا موديل 2005 .
طبعا عشان التعصب , الألتيما خفيفة جدا و قيرها يساعدها رغم إنها أوتوماتيك , و جابت على الكفرات 224.1 حصان .

دائما الكلام المكتوب في كاتلوجات الوكالات كله كلام فاضي , كل الوكالات بياعين كلام و بس طبعا ما يقدرون ينزلون سيارة و يكتبلك القوة على الكفر , بس يكتبون قوة المكينة و يقولون هذي إجمالي و بعدها يكتبونها على الحذاف و يقولون الصافي .
القوة على الكفرات ما يطلعها إلا الداينو و بس .

حبيب قلبي ابو الخلووود :D
شوف تقارير داينو شركات k&n و hks وgreddy و magnaflow ..الخ من الشركات هذي
تختلف عن الداينو اللي تروح انتا بنفسك تسويه .. والله واحد مره قالي انو هما لهم حد وسرعة معينة يوصلو عندها او شئ زي كدا انا ما اعرف كيفية عمل الداينو ولا شئ
بس شوف يا حبيبي خالد .. الألتيما الشكل القديم انا يا طالع عليه وهو يوصلني بداية الشنطة يا هوا طالع عني وماسك في الباب حقو انا
اعترف اما الجديدة ما ادري مستواها كيف ما جربت
بعدين يا خالد اثبتلك انو كلام الرجال اللي قالي هوا صحيح حكاية انو في القياس لهم حد معين وسرعة معينة وضغط معين
انتا حطيت تقرير داينو من مدري وين ولسيارة ما عليها الا فلتر بس .. ولكن تقرير الاكورد جبتو من k&n وغير كدا للاكورد 3.0
شوف يا حبيبي في تقريرك للألتيما جابت 225 حصان تقريبا
طيب شوف هذا الرابط من نفس الموقع اللي جبت منو تقرير داينو الاكورد حتلاقي الألتيما جابت 187 حصان

وعلى فكرة تقارير الداينو تختلف من كل موقع ما تدري ايش السبب ومو مقياس انك تاخد من شركة معينة تقرير داينو لسيارة ..
طيب مدام الألتيما 225 حصان وانا زي ما تقول سيارتي 180 حصان والا مدري كيف .. الـ 45 حصان الفرق اللي بيننا اكيد بيكون كبييييييير وفرق شاسع في الخط .. كيف لمن اجرب معاه في الخط ما يطلع الفرق ؟؟؟؟؟؟؟؟؟؟؟؟؟

طيب ابغى اسألك سؤال مهم جدا جدا وحيعتبر جوابو الفيصل في موضوع الداينو
هوندا أكورد 2008 6 سلندر 3.5
و
دودج تشارجر 2008 6 سلندر 3.5
مين فيهم يطلع على الثاني في القومة وفي الخط ؟؟؟؟؟؟؟؟

حبيبي Italian Boy :
فعلا أنا معاك إننا ما نقدر نعتمد على تقارير الداينو كلها بصفة إجمالية و بصفة قاطعة كمان , لكن أنا أشهد على عزم الـ V6 إنه بطل , و كل ما كنت أبغاه هو إني أفيد صاحب الموضوع لا أكثر بأنو ما ينفع ينفذ المشروع , ما راح يستفيد اي شي غير إن سيارتو راح تصير V6 و بس .
في الداينو ما بيعتمدوا على السرعة أكثر ما إنهم بيعتمدو على الـ RPM لأنه هو إللي بيطلع التورك للسيارة , ما تلاحظ في كل قراءات الداينو , إن رسم الخط يوصل لفوق بعدين ينزل شوية تحت , السالفة كلها قياس قوة لا أكثر و أعلى مسافة يوصلها الخط تعبر عن أعلى قدرة تقدر تستخرجها المكينة .
و صح كلامك تختلف تقارير الداينو بين الشركات لكن غالبا يكون الفرق مو كبير و أغلب تقارير الداينو لأغلب الشركات تدور حول الأرقام إللي أنا موضحها , مو قصدي إن كلامك مو صح , بس يجوز إني أكون غلطان أو سهيت عن شي و ما قريتو , و في النهاية إحنا هنا بنعالج أخطاء بعض و ما بيننا إلا كل مودة و احترام .
بالنسبة بين التشارجر و الـ V6 الأكورد , و مين يطلع ؟ ... معليش ما في مقارنة .
الأكورد الـ 4 سلندر يطلع روح التشارجر من القومة لين الـ 160 بعدين التشارجر يطلع في الخط , فما بالك بالـ V6

Rak Boy :
صح الألتيما قومتها قوية , لكن برضو خطها حلو ... لسا أمس الإنفينتي الـ FX 35 الجديد معطيه تقريبا العمود " تقريبا 4 سيارات " . و الإنفينتي الـ G35 الجديدة أعطيه من القومة حق سيارة و نص و نثبت و يلحقني في الخط على الـ 180 و يتعداني بس مرة بيكون بطئ .
بصراحة ما عمري جربت مع أكورد V6 , و في واحد من الشباب رافض إنه يجرب معايا رغم إننا كلنا ستوك .
أنا مصدقك و ما أكذب و لا أحد , و إنشالله تطلع على الكوبيه الألتيما . بالعكس يشرفني إني اشوف أكورد تكسر راس ألتيما , رغم إن معاي ألتيما لكني أحب الأكورد أكثر منها .
إنشالله بأرتب مع واحد معاه أكورد 2008 و طبعا V6 بتجربة من الصفر و دحدرة 40 و دحدرة على سرعة عالية فوق الـ 100 و أنا أضمن بإن سيارتي طالعة طالعة بفرق . و السيارتين بتكون ستوك .