اخوي بي يونك


الاكورد هذه قصتي معها قصة وانا باحكيها لك مرة ثانية


قبل وطول عمري كنت متعصب لشي اسمه كامري وكنت اول سنة جامعة يوم ابوي اشترى لي كامري جي ال وكالة موديل 2004 وكانت السيارة في نظري خيال


وكنت اكره الاكورد كره خيالي خصوصا بعد ما نزلت موديل 2003 لاني كنت احسها مثل السنجاب من الامام بس المهم ان السيارة الكامري قير عادي وانا ما احب نهائيا ان قوة المحرك تهدر وتصرف في لاشيء علشان كذا اخترت القير العادي لان العادي يوصل 95%من طاقة المحرك الى الاطارات وكنت كل سنتين اغير دسك الكلتش

واخوي اشترى كامري 2007 والسيارة اول ماشفتها خياااااال وكانت عندي تقارن بالالماني

بس من الداخل ما لقيت اي شي من طابع الفخامة اللي نزلت فيه في امريكا لا من تخشيب ولا من ديكور ولا من انظمة حتى نظام الثبات vsc ما نزله عبداللطيف وايضا ارتفعت اسعار قطع الغيار الى حد مو طبيعي


وطبعا ما رضيت للحال اللي وصلت له الكامري خصوصا كان العيب الكبير فيها يا بي يونك انها تاكل زيت يعني بالعربي مشنبرة من تاخذها من الوكالة وكل اللي معه كامري اسأله وخليه يقيس معيار الزيت يوميا وبيلاحظ انه ينقص وانا العيب هذا تجاهلته وكانت علبة الزيت ما تفارق صندوق السيارة لاجل ازيده كل اسبوع وحتى الكامري 2007 كان فيها نفس الشي بس بشكل خفيف

ما رضيت عن موديل 2007 من الكامري لانهم خلوه قاسي مع اني ملاحظ ان القساوة هذه اعطت فائدة في المناورات بس مو هي السيارة اللي تقدر تركبها الصبح وانت رايح الدوام ومو رايق لاي شي


ولما ساءت احوالي المادية بعت الكامري 2004 واخذت السيفيك حقت اخوي لانها صايرة مركونة عند البيت وما احد معطيها وجه ولما اخذتها ورحت لمحرك الـ 1.6 من محرك 2.4 ولا وقير عادي بعد تخيلوا التحطيم


المهم عجبني شي واحد بالقير حق السيفيك وهو القير الاوتو فيه لاحظته قوي وتوصيله للقوة مقارب للقير العادي من ناحية النقزة والنفضة عند الانطلاق وايضا من ناحية تغييراته

قلت يا ولد دام هذه السيفيك اجل الاكورد اكيد افضل

سويت بحث عن شي اسمه هوندا اكورد ولقيت انها سيارة خيالية خصوصا قيرها

ولما راسلت شركة هوندا عن سبب الرجفة في محرك الاكورد عند التغيير الى اي غيار شرحوا لي ان القير حق الهوندا صار فيه طنجرة بانشين اكبر من السابق وايضا امالة الريش داخل الطنجرة لاجل تدفع وتضغط الزيت بقوة اكبر من الموديل السابق وهذا الشي تسويه مرسيدس ايضا وفلكس واجن وهذا الشي اللي عجبني في الاكورد


وعجبني استخدامهم في المحرك وجود تقنيتين للتحكم بالصمامات من ناحية اطالة الفترة مثل نظام تويوتا ونظام في تيك المطور من هوندا نفسها


وهنا سألت اخوياي اللي عندهم هوندا اكورد 2003 و2005 و2006 بكلمة ايش الاعطال اللي واجهتوها في سياراتكم

طبعا الاجابة كانت ولا شي وما تعطل عندنا اي شي

وهنا انا عجبتني الاكورد وملاحظها من عام 2006 الى الان كيف هي السيارة وكيف ملاكها وايش اعطالها


يا بي يونك انت يمكن ما امتلكت غيرها بس انا كانت معي كامري وعارف ايش هي الاكورد

ما اقول عنها انها مرسيدس بس هي هوندا وهوندا غنية عن التعريف


وفي النهاية لو عندي فلوس كان طقيت مرسيدس اس 500

وانا الحمدلله مرتاح في الهوندا

والكل مرتاح فيها عكس الكامري

ادخل منتدى تويوتا العرب وتشوف الفرق