الموضوع: مهم: منظم البخاخ بهوندا اكورد طريقة تنظيفه السليمة

بلال..انا حصلت لي قبل فتره نفس هالمشكله..!

وكان الغلط من البنشري..!:(

يام خلص وغير الزيت .. وبدا يشيك على الزيوت الثانيه..

فك الفلتر..وطلع القطعه..ودخل المنفاخ في الفتحه..حقت الفلتر وبدا ينفخ وسطها على اساس ينظف التراب

انا وقتها مستغرب هو ايش بالضبط يسوي..

المهم الي حصل بعد ما طلعت من البنشري..

رحت البيت..وانا ماشي كانت السياره زي الفل عادي طبيعيه 100%

المهم طلعت لمشوار هيك بعد نص ساعه.. وكنت ماشي فدعست على البنزين شوي.. سمعت صوت السياره ازعاااااج

تقول زي واحد مركب دبه او فلتر رياضي..!

المهم وارجع للبنشري.. وجحد عيني عينك يقول هذي المشكله مو مني..!

واتلاعن معه..المهم..

رحت لميكانيكي فاهم..وقلت له عن المشكله وانها حصلت بعد ما غير البنشري الزيت..

قال اهاا..طيب هو فك الفلتر ..؟ قلت ايه قال ونفخ وسطه بالمنفاخ؟؟

قلت ايوووه..!

قال بس حلها عندي..!

المهم.. وجلست اشوف وش يسوي..فك البطاريه .. مدري وش السبب المهم..

شوي فك الفلتر.. وفك الماصوره العريضه هذي الي موصله من الفلتر للماكينه..(شف ترا انا مب خبير ميكانيكي فانا ما اعرف اسماء القطع :d)

اظن هذي الي تنظم دخول الهوا للماكينه او شي زي هيك..!

المهم..

وصل للقطعه الي في نفس المقطع الي انت منزله..!

بس ما طلعها للبرا.. قال هذي تجمع فيها التراب بسبب الهندي البنشري الغبي..

المهم وقال لي اركب وسط السياره ورفع السياره للفوق.. وكنت ابي اشوف وش يسوون بالضبط لكن الي اذكره اخذ بخاخ حق المفاصل اذا صارت مصديه (الي لونه برتقالي)

واشوفه يبخ ومعه فوطه كبيره ومطلع منها وصخ اسسسسسسسسسود..!

وجلس حول ربع ساعه ينظف..

ومدري ايش سوا كمان.. لكن وانا راكب وسط السياره قال لي خلك ضاغط على البنزيز كلللله ولا تفكه الا الييين اقولك (طبعاً كانت السياره طافيه)

المهم طولت وانا داعس على البنزين..

انا ابي اعرف وش الحكمه من دعست البنزين..؟هو قال راح اول ما تشتغل معك تتفتف وزي هيك وكلامه كان صحيح..!
ثم بعد فتره اختفت ما طولت يعني..

لكن المشكله ما زالت معي بشكل بسيييييط يعني لا وصل الـ rpm الى 2 او قبل 2 بشششوي يطلع صوت غريب بس لا دعست شوي اختفى لكن اذا جا الامبير على 2 يطلع صوت زي الي كان حاصل معي اول..بس على خفيف يعني..

وش الحل؟

طبعاً يمكن كثرت كلام كثييير لكن بس حبيت يعني اوصل لكم المعلومه ان الواحد ينتبه من البنشري لا يعدم سيارتكم والحل لهذي المشكله اذا كان احد يعاني منها..!:d

وشكككككككراً اخوي بلال العلمي على الموضوع ..!:o