الـ 2007 و الـ 2008
في النهاية كلها هوندات و لها أكوردات و ماشية على عائلة الـ K-Series .
لحد يروح يسأل الوكالة لأنهم آخر من يعلم بها التقنيات و بها الأمور , إذا أنا طلعت عندي لمبة المكينة و ماهم عارفين وش القصة !
و دفعت 3000 ريال لين انحلت , و اله حالة حتى كومبيوتر الوكالة ما يقدر يطلع الأعطال إللي بالسيارة , أقطعوها معاهم أحسن لكم و سياراتكم بتكون أوكي .
بالنسبة لاسم المكينة تراه مكتوب على نفس المكينة خلف الثروتل بدي و بصراحة صعب ينشاف لكن قدرت أشوفه و بصراحة انصدمت يوم قريت الأرقام . مكينة الأكورد 2008 اسمها K24A2 و أقرؤا بنفسكم و تأكدوا من هالمعلومة .
لو نراجع معلوماتنا شوي نلاقي إنها نفسها مكينة الأكيورا TSX طيب ليش هوندا ضعيفة لها الدرجة و الرقم إللي تأكد عندي هو إجمالي قوة المحرك 196 حصان و الصافي 178 حصان , طيب وش السالفة ؟!!!
الوزن بفرقه الضئيل بيفرق , راكب واحد زايد بالسيارة بيفرق . جربت الأكورد الجديدة بصراحة عزم جدا سيء و الشي ذا معروف مقارنة بالموديل القديم . رغم ان فرق الأحصنة بينهم يغطي على وزن الأكورد الجديدة . و هذي نقطة لصالح الجيل الجديد .
الشي الثاني تغيرت الثلاجة في الموديل الجديد و ترى الأسود غللي عليها ذا غطاء بلاستيك و تحته الحديدة .
ثالث نقطة و أعتبرها الأهم و هي نظام ضخ البنزين حيث كان في الجيل السابق إليكتروني و هذا بصراحة كان صعب في التعديل , أما لاموديل الجديد فرجع لنفس نظام الـ 2005 و صار الحقن مباشر و ليس إليكتروني و هذي نقطة قوية لصالح الجيل الجديد .
و حكاية البرمجة , ترى السيارة البرمجة إللي عليها غلط X غلط و اقولها في وجه أكبر واحد في هوندا . السيارة مرة ميته و هذا ابدا مو عزم هوندا . برمجوا السيارة بنفس برمجة الـ TSX و راح تطلع كل القوة إللي ضايعة من السيارة .
القير كمان ليش يعشق بطئ ؟ الغريب في الموضوع إن الشوط صار أعلى من الموديل السابق !
جربت الأكورد كوبيه 2009 الـ V6 بصراحة انصدمت من مستواها و عزمها .... أدبل على السيارة في خط مفتوح و من سرعة 100 و ما تفز ؟ ليش ؟
سألت أول شي الموظف إللي طلع معاي قال هذي عشان نظام السلندرات و الصمامات و الـ VCM ... قلتلو أنا مشتري سيارة رياضية يعني بأحتاج العزم بأي وقت مو زي كدا أدبل للسيارة و ما تفز و ما تعطيني عزم إلا بعد ما تنطفي لمبة الـ ECO . الرجال سكت ...
قلتلو طيب إيش رايك تجرب معاي أنا ألتيما V6 موديل 2005 . على طول قال الألتيما خفيفة و بالراحة بتطلع .
أنا دبلات بالألتيما و أوتوماتيك و الله أدخل الـ RPM في الخط الأحمر و السيارة غير مبرمجة حاليا ستوك و فكيت كل شي منها .
اقتباس:
طيب اخ بلال اعتقد انه ماهو زين ان السياره تصير تعشق عند 7100 ار بي ام لانها كذا راح تدخل للمنطقه الحمراء ومكتوب في كتيب الوكاله انه ممكن يسبب للمكينه تلف او إهتراء شديد! وعمرها ممكن ينقص للنصف
تقدر تقلي ليش السيارات الأمريكية أمثال اللومينات و الجموس و الكوابريس , السيارة تدخل في الـ Red Line بدون دبلات أو حتى Power مجرد دعسك على البنزين بيخليها تدخل في الأحمر .
إذا المصنع مبرمج السيارة على هالأساس فهم ابخص فيها و أعلم بها الأمور , و ما يسبب و لا تلف ولاشي بإذن الله .
في النهاية جميع التحسينات و التعديلات التي حصلت كلها في صالح الجيل الجديد , طيب اللحين العيب من مين , و من فين ؟
الاجابة عن هذا السؤال هي البرمجة فقط , عدلوا برمجة السيارة و بيطلع لكم عزم الأكورد الحقيقي .
