وعليكم السلام ورحمة الله وبركاته

اولا الله يكتبلك اللي فيه الخير ويعطيك خيرها ويكفيك شرها

انا مجرب الأكورد الكوبيه 6 سلندر ولها الحين معايا اكثر من سنه وماشي فيها اكثر من 45 الف كيلومتر

طبعا كل حاجه في الدنيا لازم يكون فيها عيوب ومميزات


راح أبدأ معاك في العيوب اللي انا لاحظتها:
  1. الفرامل بصفه عامه (حلها انك تغيرها بفرامل رياضيه)
  2. أصوات الديكور الداخلي (وكلها لها حلول ولكن حلولها مؤقته) راجع الموضوع دا -آلحل-آلنهآئي-لصوت-ديكور-آلقير-آلديكور-آلخلفي-أصوات-البيبآن-...بآلصور
  3. الكفرات المزعجه تبع الوكاله (حلها انك لما تغير كفرات بعد سنتين تغير بنوعيه هاديه)
  4. مافيها كماليات زي التويوتا بصفه عامه ( بس هذي عندك محلوله لأنه ركبولها حساسات ومكيف خلفي ويو اس بي بورت في 2010)
  5. العزل الخارجي متدني جدا (يعني صوت الهواء وصوت الشارع كله عندك في المقصوره)
اما الإيجابيات فهي كالتالي:
  1. نظام التحكم بالسلندرات لتوفير البنزين بشكل خرافي (كأنك في سياره 4 سلندر ويمكن اوفر كمان)
  2. ثبات السياره محترم جدا
  3. تشطيبات داخليه جيده جدا (يعني ماتحس انك راكب سياره كوري او ياباني)
  4. بعد اكثر من سنه من الاستخدام الديكور مازال ثابت وكأنها جديده (بعكس النيسان والكلام عن تجربة للموديلات الحديثه 2008 وفوق)
وفي النهايه طالما انك انت مقتنع بالسياره لا تشتت نفسك بكثرة الأراء والاستشارات لأنه كل واحد بيتكلم حسب نظرته الشخصيه والأغلبيه حسب ماسمع من الناس أي من غير تجربه (من مبدأ فلان يقول) وتلاقي فلان هذا ماجرب الشي اللي قاله وانما سمع من فلان اخر وهلم جرا