ماشي بخط سفـر بالأكورد وتبي تعبي بنزين ..تتطفي الأكورد وإلا تخليها شغالـه ..وليـه ؟

[فـــيـــصـــل..607..]

السلام عليكم ورحمة الله وبركاتـه

اخوان بغيت اسألـكـم ..

كل ما اوقف عند محطـه يصير هوشـة بيني وبين اخوياي :d

لا جيت اعبي السيارة وكنت تقريبا ماشي 500 كيلوا قبلهـا

اطفي المكيف وبعدين اطفيهـا

وش رايكم

انا تكلمت عن الأكورد

يمكن السيارات الثانيه لازم تخليهـا واقفـه اقل شي خمس دقايق

وبعديـن تطفيهـا ..او تعبيهـا وهي شغاله

طبعا انا اتكلم عن المسافات الطويلـه ..

انا سافرت كثـيـر وامس توني جاي من ابهـا للشرقيـه عن طريق الوادي

صح يمكن غلط إني اوقف واطفي على طول عشان البساتم لا تضرب معي

وبعد خطاء إني اخلي السيارة شغالـه واعبي

في كلتا الحالتيـن هناك شي سلبـي لو سويتـه

لو إنتظرت خمس إلي عشر دقايق

هذا يعني بضيع وقت وانا بخط سفـر ..

ولو عبيت وهي شغالـه اكيد راح يكون ضرر

وش رايـكم انتوا

للأصحاب الأكورد فقـط

[f a w a z]

والله يالطيب بالنسبه لي

بخط سفر اعبي و هي شغاله

اما داخل المدينه اذا الظهر و حر و قلق وهي شغاله

اما بالليل اطفيها

[فـــيـــصـــل..607..]

يعني احس اخوي الدعوة تقلب للمزاجيـة ..وانا اشوف كذا
في ناس يعبون وهي شغاله والمكيف شغال بعد

والسيارة زي الحلاوه ..

بس انا يدي تعودت والله اول ما اوقف اطفي السيارة واقول للهندي عبـي

بأي وقـت

ومشكور اخوي

[AL_ADMIRAL]

أنا ما أطفيها

قبل ثلاث أسابيع كنت بأغسل السياره والأمور تام , رجّعت السياره وطفيتها وكملت غسيل جيت أشغلها ما أشتغلت ×_×
وما في أمل تشتغل ( البطاريه خلصت ) وقبل دقايق كانت البطاريه ولا أحلى
وبعد ما رضيت تشتغل حتى بأشتراك

فأنا قلت لنفسي يالله كيف لو كنت في خط ×_× حتى بأشتراك مهي راضيه تشتغل
فأنت أذا منت مضطر تطفيها خليها شغاله , فـ مالها داعي تخلص البطاريه في ذيك اللحظه ×_×

[accord7]

انا مرة اطفيها

ومره اخليها تشتغيل :d

[Mrs Honda]

وش الضرر لو خليتها تشتغل

اول مره اسمع انه لازم تطفي السياره اذا بتعبي بنزين

انا ما عمري طفيت السياره ونا اعبي بنزين ولا صار شي

[عاصم التميمي]

فيه في المنتدى خبراء بإمكانكم تسألونهم ..

وهم ما يقصرون ..

[فـــيـــصـــل..607..]

مثل ما قلت الدعوة مزاجيـه

وكل واحد ينام على الجنـب إلي يريحـه :d

لكـن إلي يقول يمكن ماتشتغل عشان البطاريـه ..فهذا يرجع لعمر بطاريتك حبيبـي

والحذر واجب وانت الصادق


بس موضوعنا مايتكلم ليه ماتطفي السيارة وانت تعـبي وعلى خط سفـر

عشان تخاف ماتشتغل مره ثانيـه ...!


إجابـة غير منطقيـة اشوفهـا انـا وخصوصـا إن معك اكورد

[AL_ADMIRAL]

إجابـة غير منطقيـة اشوفهـا انـا وخصوصـا إن معك اكورد

الأكورد هذي ما حتشتغل معاك بأشتراك يوم تخلص البطاريه

شوف مثلا هالموضوع عشان تتأكد
مشكلة في بطارية السيارة (( الكهرب ))...ابي مساعدتكم

والأمر طبعاً راجع للشخص , يعني ممكن واحد يشيل هم على أحتمال ضأيل قد يحدث (وهو في الغالب لايحدث)
ولاكن يرتاح نفسياً (^_^)

[iET]

السلام عليكم ...

عزيزي موضوع انك تطفي السيارة و انت تعبي بنزين هو امر احترازي لا اكثر .. لسببين فقط :
١- علشان لا تشب حرايق في المحطة لان البنزين ما يصدق يشم ريحة حرارة علشان يولع.
٢- علشان اندفاع غاز البنزين من الفتحة مع ضخ البنزين ممكن يسبب مشكلة لفلتر البنزين في موضوع توازن الضغط داخل التانكي.

لكن الاساس هو عدم اطفاء المحرك و اكبر دليل هو سيارات (فورمولا ١) ما عمرهم يطفوا المحرك لمن يعبوا و للعلم البنزين المستخدم هناك (١٠٣) او ما يسمى خليط البنزين مع الكيروسين.

لكن عموما لا تخاف لان السيارات من بعد ٢٢٠١ اصبح في برمجتها ضغط واحد لعملية سحب البنزين مع وجود صمام قفل للضغط يعني التانكي مليان و لا قرب يخلص الضغط واحد تعبي و لا لا برضو الضغط واحد ...

للاسف كثير من المعلومات عبارة عن ترسبات للسيارات القديمة اللي هبلت اصحابها ...

و تقبلوا تحياتي

محبكم
iET

[مجوووودي]

انا حر برد اطفي السيارة :d

عشان البنزين يجي كثير وهي طافيه واذا شغاله يجي البنزين قليل << :p

[AHN]

لا ما أطفيها ., لا بسفر لا بالمدينه لا برد لا حر .
:d

[فـــيـــصـــل..607..]

مشكورين كل ابوكـم

بس وش يقصد الأخ حق الفيراي بـ 2201

ياليت تستخدم كيلو متر بعد كل رقم
او مثلن سنـه

او ميلادي

هيك يعني حبيبي

وللأمانـه كنت اتمنى ترد على هالموضوع لما قرأته واستفد من اجزائك إلي نزلتهـا بس ياليت توضح 2201؟

[مجوووودي]

^^^

يقصد عداد السيارة مشى فوق ال2201 :d

[عبودي 2009]

لازم السياره تتوقف عن التشغيل للاسباب التاليه
1 ) حرصآ من الاشتعال
2) اسفل خزان البنزين تتجمع رواسب وعند تعبئة الخزان تندفع هذه الرواسب للاعلى
اذا كانت السياره في وضع التشغيل تدخل هذه الرواسب الى المكينة لذالك يجب عليك
ان تطفي السياره حتى نزول هذه الرواسب الى مكانها اسفل الخزان

[المباشر]

السلام عليكم ...

عزيزي موضوع انك تطفي السيارة و انت تعبي بنزين هو امر احترازي لا اكثر .. لسببين فقط :
١- علشان لا تشب حرايق في المحطة لان البنزين ما يصدق يشم ريحة حرارة علشان يولع.
٢- علشان اندفاع غاز البنزين من الفتحة مع ضخ البنزين ممكن يسبب مشكلة لفلتر البنزين في موضوع توازن الضغط داخل التانكي.

لكن الاساس هو عدم اطفاء المحرك و اكبر دليل هو سيارات (فورمولا ١) ما عمرهم يطفوا المحرك لمن يعبوا و للعلم البنزين المستخدم هناك (١٠٣) او ما يسمى خليط البنزين مع الكيروسين.

لكن عموما لا تخاف لان السيارات من بعد ٢٢٠١ اصبح في برمجتها ضغط واحد لعملية سحب البنزين مع وجود صمام قفل للضغط يعني التانكي مليان و لا قرب يخلص الضغط واحد تعبي و لا لا برضو الضغط واحد ...

للاسف كثير من المعلومات عبارة عن ترسبات للسيارات القديمة اللي هبلت اصحابها ...

و تقبلوا تحياتي

محبكم
iET

كلام سليم

لازم السياره تتوقف عن التشغيل للاسباب التاليه
1 ) حرصآ من الاشتعال
2) اسفل خزان البنزين تتجمع رواسب وعند تعبئة الخزان تندفع هذه الرواسب للاعلى
اذا كانت السياره في وضع التشغيل تدخل هذه الرواسب الى المكينة لذالك يجب عليك
ان تطفي السياره حتى نزول هذه الرواسب الى مكانها اسفل الخزان

كلام سليم ايضآ وهذا سبب اطفاء المحرك للكثير من الشباب مع ان اطفاء المحرك مطلوب لسلامة المحطة

وذكرت اطفاء المحرك للكثير من الشباب هو بسبب اكثرهم يعرف ان التانكي يكون فاضي مثلآ من البنزين ودائمآ التوانكي تكون فيها ترسبات واوساخ واذا عبيت والتانكي فاضي ممكن اول مايندفع للصفاية هو الترسبات والاوساخ وهنا ممكن تتعطل طرمبة البنزين وتتفاجأ بتوقف السيارة بنص الخط ووينك ياسطحه.. وللأسف العامل اول مايحط الخرطوم يعطيك اقوى دفعة من البنزين مايمشي عندهم عبي بشويش وهنا يخلط الترسبات مع البنزين وهكذا واكثر هالمشاكل تصير للسيارات القديمة شوي ونقدر نقول من 2000 ونازل وهكذا كل ماقدم الموديل كل ماكان معرض للمشاكل في الطريق اذا مافي اهتمام فيها

واطفاء المحرك وهو ساخن جدآ ومجلوود على الطريق ممكن يسبب مشاكل داخلية ودائمآ تحتاج بعد الوصول وقبل اطفاء المحرك انك تخليه فترة 5 دقائق علشان ينزل الزيت ويرتاح المحرك شوي وبعدها تطفي الموتر

المهم الخلاصة كلها هي الخوف من تسرب شرارة مثلآ واشتعال حريق بالمحطة وغير كذا السيارات مزودة حاليآ بانظمة متعددة مثل نظام معالجة بخار الوقود عند التزود ويحفظ البخار من الخروج للغلاف الجوي وغيره

انا اشوف اذا على خط مايحتاج تطفي اذا انت متأكد ان سيارتك جديدة والتانكي نظيف جزئيآ فتوكل على الله اما داخل المدينة فلابد من اطفاء المحرك لسلامتكم وسلامة الاخرين :d

[القايله]

لازم السياره تتوقف عن التشغيل للاسباب التاليه
1 ) حرصآ من الاشتعال
2) اسفل خزان البنزين تتجمع رواسب وعند تعبئة الخزان تندفع هذه الرواسب للاعلى
اذا كانت السياره في وضع التشغيل تدخل هذه الرواسب الى المكينة لذالك يجب عليك
ان تطفي السياره حتى نزول هذه الرواسب الى مكانها اسفل الخزان

اهنيك على خبرتك وكلامك سليم100%

انا اقول كلام اخوي هذا سليم وصحيح وهذا السبب الوحيد عشان تطفي السياره

[الهنادي معشوقتي]

لازم السياره تتوقف عن التشغيل للاسباب التاليه
1 ) حرصآ من الاشتعال
2) اسفل خزان البنزين تتجمع رواسب وعند تعبئة الخزان تندفع هذه الرواسب للاعلى
اذا كانت السياره في وضع التشغيل تدخل هذه الرواسب الى المكينة لذالك يجب عليك
ان تطفي السياره حتى نزول هذه الرواسب الى مكانها اسفل الخزان

والله كلام روعه و اوافقك عليه

[خفيف روح]

طيب الكل يطفي السياره اذ جه المفتش في الجمرك

[الـمـسـافـر]

الرجال قصده من 2001 م

[aziz93]

^^^
خلها شغالة اذا كنت بخط طويل

[برق]

بالنسبة لي داخل المدينة أطفي السيارة و لكن بحالة السفر أخليها شغالة والشباب ما قصروا بخصوص موضوعك ولكن

مسألة التزود بالوقود إذا كنت شخص محافظ عليك بالآتي

أولآ / لا ينزل مؤشر البنزين عن الثلث و كحد أقصى الربع

ثانيآ / لا تعبي من محطة قديمة لأن الخزان قديم و مليان أتربة و إحتمال ماعندهم فلاتر

ثالثآ / أفضل وقت تعبي فيه بنزين هو قبل أو بعد صلاة الفجر لأن خزان المحطة يكون بارد و له وقت بوضع ركود

و الأتربة و ماشابه تكون نازله تحت و مايدخل شي لتانكي سيارتك . وتجنب الأوقات الحارة

رابعآ / تجنب محطات أم (( فـــايـــن )) لأنها غير مضمونة تشتري البنزين من أشخاص مجهولين و الأشخاص هذولا

من جنيسيات أجنبية يقومون بغش البنزين و خلط مواد كيماوية أخرى .

المحطات المضمونة بإذن الله داخل المدينة طبعآ الرياض هي محطة الدريس و التسهيلات و متأكد منها 100% ولا يروح

تفكيرك ترويج ولكن هذي المحطات لها سيارات خاصة بنقل البنزين ولا يوجد صلاحية لسائقها بالتعدي لمتر واحد لأنها مراقبة

وكلامي لا يعني كل المحطات ولكن فيه محاطت تغش البنزين . أما إذا كنت على سفر لايوجد شي مضمون غير ساسكو والباقي

أنت وحظك.

معلومات من شخص عمره 50 سنه يعمل في أرامكوا وليست فلسفة مني

[سر الحكايه]

بالنسبة لي داخل المدينة أطفي السيارة و لكن بحالة السفر أخليها شغالة والشباب ما قصروا بخصوص موضوعك ولكن

مسألة التزود بالوقود إذا كنت شخص محافظ عليك بالآتي

أولآ / لا ينزل مؤشر البنزين عن الثلث و كحد أقصى الربع

ثانيآ / لا تعبي من محطة قديمة لأن الخزان قديم و مليان أتربة و إحتمال ماعندهم فلاتر

ثالثآ / أفضل وقت تعبي فيه بنزين هو قبل أو بعد صلاة الفجر لأن خزان المحطة يكون بارد و له وقت بوضع ركود

و الأتربة و ماشابه تكون نازله تحت و مايدخل شي لتانكي سيارتك . وتجنب الأوقات الحارة

رابعآ / تجنب محطات أم (( فـــايـــن )) لأنها غير مضمونة تشتري البنزين من أشخاص مجهولين و الأشخاص هذولا

من جنيسيات أجنبية يقومون بغش البنزين و خلط مواد كيماوية أخرى .

المحطات المضمونة بإذن الله داخل المدينة طبعآ الرياض هي محطة الدريس و التسهيلات و متأكد منها 100% ولا يروح

تفكيرك ترويج ولكن هذي المحطات لها سيارات خاصة بنقل البنزين ولا يوجد صلاحية لسائقها بالتعدي لمتر واحد لأنها مراقبة

وكلامي لا يعني كل المحطات ولكن فيه محاطت تغش البنزين . أما إذا كنت على سفر لايوجد شي مضمون غير ساسكو والباقي

أنت وحظك.

معلومات من شخص عمره 50 سنه يعمل في أرامكوا وليست فلسفة مني

مشكور اخوي
لكن بوضح لك نقطه انته ذكرتها بخصوص الخزانات ..طبعا الخزانات تبع البنزين تكون مدفونه تحت الارض ومغطاه بعوازل لا تتاثر لاببرد ولا حر ايضا الطرمبات تبع البنزين مجهزه بفلاتر وهذي شروط الدفاع المدني والدفاع المدني له جولات على المحطات وياويل الي مايلتزم بالانظمه.
ايضا مسألة البنزين والغشش اغلب المحطات عندهم ناقلات خاصه فيهم وغير كذا فيه مؤسسات للنقل تصب لذي المحطات. ماتوقع المؤسسات بتغش حفاظا على سمعتها.
وسالفة هنود يصبون بنزين مغشوش صعبه لان السياره ماتدخل لارامكو تعبي الا بشروط صعبه منها لازم السياره تكون تابعه لمحطه او مؤسسه وشروط كثيره ,..

انا اتكلم من واقع تجربه لان الوالد الله يحفظه عنده محطه بنزين..(((يعني ماجبت شي من راسي)))

وشكرا

[برق]

مشكور اخوي
لكن بوضح لك نقطه انته ذكرتها بخصوص الخزانات ..طبعا الخزانات تبع البنزين تكون مدفونه تحت الارض ومغطاه بعوازل لا تتاثر لاببرد ولا حر ايضا الطرمبات تبع البنزين مجهزه بفلاتر وهذي شروط الدفاع المدني والدفاع المدني له جولات على المحطات وياويل الي مايلتزم بالانظمه.
ايضا مسألة البنزين والغشش اغلب المحطات عندهم ناقلات خاصه فيهم وغير كذا فيه مؤسسات للنقل تصب لذي المحطات. ماتوقع المؤسسات بتغش حفاظا على سمعتها.
وسالفة هنود يصبون بنزين مغشوش صعبه لان السياره ماتدخل لارامكو تعبي الا بشروط صعبه منها لازم السياره تكون تابعه لمحطه او مؤسسه وشروط كثيره ,..

انا اتكلم من واقع تجربه لان الوالد الله يحفظه عنده محطه بنزين..(((يعني ماجبت شي من راسي)))

وشكرا

العفواااا

أخوي حتى أنا ماجبت شي من عندي ومعلوماتي متأكد منها 100 % ولعلمك بعض الشركات تركب اجهزة

تتبع لناقلات لتفادي مثل هالكلام ..

شي طبيعي ارامكو ماتغذي ناقلة إلابشروط و أنظمة وظوابط يعني السائق معه تصريح دخول والشورط كاملة

ولكن صاحب الشأن غائب وبإمكانة المرور على الهجر الصغيرة ويقوم بيع جزء من البترول سواء بنزين او ديزل

والتزود مرة أخرى بمواد بترولية وإكمال المسير . هذي المعلومة إللي وصلتني وتم ضبط حالات عدة .

والدك الله يحفظة لعين ترجيه حريص متابع ولكن غيرة مالة لزوم ومسالة الخزانات أنا لا أفهم ولا أفتي وكما اسلفت

شخص قريب لي عمره يناهز الخمسين وخبرته كافية افادني بالمعلومة .

على كل حال شكرآ لك

[maa2301]

حبيبي طالما انك مشيت بالسيارة مسافه طوويله والسيارة حااااره لاا تطفي السيارة على طووول ابد الزيوت حاررره ولمن تطفيها تضر السياره حاول تخليها شويا