صارت لي نفس المشكلة ..

الجو بارد .. المكان مزدحم .. متوسط السرعة 15 كيلو بالساعة .. لمدة ساعة

وصلت الدوام .. لقيت الحرارة مرتفعة فوق النص بواجد ..

رحت ورشة .. fدأت الحرارة ترتفع تدريجياً .. طلعت مروحة الرديتر ما تشتغل ...

الحل .. عندك حلين دامك في فصل الشتاء ودامك تمشي فالهوا البارد يقوم مقام المروحة

يا انك تشغل المكيف ( لأن المروحتين بتشتغل ) .. ...

وذا اللي سويتة لمدة اسبوع // وقعدت خلالها مستقعد للحرارة .. اشوف ليش وكيف ووشلون ولماذا ولأن ومتى ترفع

وحطيت ذا الورقة عشان ما انسى :



كيف التفكير بس مافية امل تنسى خاصة ان اللون الاصفر مخيس ومهيج للعين .. ;)

الحل الثاني // اني اغير القطعة الخربانة عدي الخاصة بمشكلتي وهي ( حساس اوتوماتيك المروحة )
قيمتة 120 ريال من الوكالة وهذي صورتة /





شغل يد 40 ريال <<< وتحتاج تغير معة موية الرديتر .. لأن هالحساس مكانة اسفل الرديتر .. اذا انفك تطلع كل الموية ..

والصورة الاولى قعدت مكانها حق ابو اسبوع بعد ماغيرت القطعة الخربانة ليتم التأكد 100٪ ان المشكلة من نفس القطعة ..

وفعلاً .. الامور طيبة وكل شي تمام ...

الحين مو تروح تغير نفس القطعة على طول ... افحص اول ... يمكن مشكلتك غير مشكلتي