الموضوع: مشكلة حرارة كورد2006

السلام عليكم ورحمة الله وبركاته

كيف حالكم ياشباب

انا عندي كورد 2006 سياحي

طلعت لي مشكلة غريبة عجيبة الي هي لاوقفت في مكان مزحوم او عند اشارة وطولت عندها

ترتفع الحرارة ولا مشيت تنزل



ابي مساعدتكم يأهل الخبرة

وجزاكم الله خير

تاكد ياخوي من قلب المروحه يمكن خربانه

المروحه الاحتياطيه شغاله عندك ولا لا

واذا شغاله تمام تاكد من مويه الرديتر

افحص المراوح .

ياشباب المروحة ماتشتغل

ألآ لاشغلت المكيف والله مشكلة

الحل يازكرت

وقف السيارة في مكان غير مزحوم وانتظر حتى تشتغل المراوح وشيك على حرارة السيارة هل هي طبيعية أم لا وبدون تشغيل المكيف

افحس سرعة وقوة دفع الهواء الخارج من المروحتين

شيك على موية الرديتر

وكان الله في عونك

المشاركة الأصلية كتبت بواسطة مقهور 999

السلام عليكم ورحمة الله وبركاته

كيف حالكم ياشباب

انا عندي كورد 2006 سياحي

طلعت لي مشكلة غريبة عجيبة الي هي لاوقفت في مكان مزحوم او عند اشارة وطولت عندها

ترتفع الحرارة ولا مشيت تنزل

ابي مساعدتكم يأهل الخبرة

وجزاكم الله خير

يااعزيزي
هذي المشكلة حصلت معاي والحل
تغيير فحمات قلب المروحة حقة المكيف وتكلف مع شغل اليد 80 ريال
واذا انت واحد بطران ( شبعان ) غير قلب المروحة حق المكيف ب 800 أو 700 ريال
واذا خلعك المبلغ اللي فوق ونفسك تغير القلب حق المروحة
يوجد قلب مروحة حق الكامري بس ما أذكر اي مويل هل (03 أو 07 ) يفيدك الكهربائي الشاطر بس
وقيمته 270 ريال أصلي وكاله فقط يحتاج تغيير أفياش من القلب القديم (هوندا )الى الجديد( تويوتا ) عشان أفياش تويوتا تختلف عن هوندا

وشكراااا

السلام عليكم انا صارتلي وغيرت طرمبه المويه فقط لاغير وبأذن الله تدعيلي

سلام عليكم
اخي العزيز
الحل
انا حصلي مثلك عندي اكورد موديل2000 عند اشاره ترتفع حرار
وانا وقفت عند بيتي وفتحت سره رديتر ولقيت مويه تنزل لون بني(مويه وسخه:d)
ورحت محل رديترات ونظفلي رديتر واستعمل مويه مكيف اللى تنزل من مكيفات بيوت
وحطيت في رديتروماشي %100
والسبب
لمن تحط مويه عاديه في رديتر ولمن يسخن مكينه يرتفع حراره ويتبخر مويه والاملاح في رديترويصير صدى ويقفل مجره رديتر
ويرتفع حراره (الله يستر)
ونصيحه استعمل مويه مكيف (يعني مويه مافيه املاح)

شوف ياعزيزي مشكلتك لها عددة اسباب ونفس ماقالوا الاخوان اللديتر وصخان او يهرب موية او احد المراوح عندك ماتشنغل او تشتغل بس دورانها بطي والحل انك تشتري دينمو من التشليح وتفك نفسك

الغالب أن دينمو المروحة خربان عندك وهذا قد صار لي ..
والحل الأفضل أنك تشتري دينمو أصلي من التشليح (أنا أخذته بـ180 )
أو أنك تشتري دينمو جديد أصلي لأن الدينمو الياباني المشابه للأصي عند قطع الغيار مايصلح
أو أنك تشتري دينمو كامري مثل ماقالوا الشباب وتغير الفيش حقه إلى فيش هوندا اللي موجود في الدينمو حقك
نصيحة/لاتشتري دينمو أو أي قطعة من محلات التشليح في الصناعية لأنهم يأخذون القطع الخربانة ويصلحونها بقطع تجارية ويبيعونها مرة ثانية على أنها أصلية ونظيفة، والأفضل أن تشتري من التشليح القديم في الحاير إذا كنت في الرياض.
الله ييسر لك

ممكن يكون بلف الحرارة خربان اذا ما غيرتة من يوم اشتريت السيارة غيروا

اخوي انصحك تروح لورشه مختصه بهالشي

لان كل شخص قال تجربته ماباقي الا تغير المكينه :d

في عندك حلين

يا تروح لمختص بالشغلات ذي

او تبدأ تشيك من الاسهل او الاقل تكلفه الى الاصعب او الاغلى تكلفه

تحيتي لك وكان الله بعونك ...,

أقول وين عيونكم قبل ما تردون الموضوع قـــــــــديــــــــــــــم

الرجال يمكن باع الموتر :d وأنتم للحين تعطونه حلول :d ولا ما تعرفون قوانين المنتدى ممنوع رفع المواضيع القديمة :p

يغلق

:p

:d

هههههههههههههههههههههه ممممممممممممن جد

:d

انا انصحك تغير غطاء اللديتر وتشوف اذا ضبط كان بها لان صارت معي من قبل وضبطت

حتى لو انه باع السياره خل غيره يستفيد يمكن احد تصادفه المشكله هذي
لاتنسى حنا هنا للفايده ؟؟