هلا أخوي .
أنا كان عندي أكورد 2008 وبعتها بعد ما مشيتها أكثر من 230 ألف كم . وعندك مواضيعي أبحث عنها .
إستخدامي لها كان كثير . لكن ولله الحمد ما واجهت فيها مشاكل كثير . أغلبها قطع إستهلاكية .
طبعاً لما نزلتها المعارض ما كنت أتوقع القى زباين لها بسبب الممشى الكثير .
لكن الحمد لله زباين يا كثرهم ورغبه قوية في السوق وسعر جداً مناسب لي .
وهذا السمعة ما جات من فراغ .
بالنسبة للتوروس .
كانت معاي وحدهـ إيجار .
السيارة ما عجبتني نهائياً .
أصوات داخلية يا كثرها وخاصةً من الطلبلون .
من الخلف لما أرجع ريوس ما أشوف شيء بسبب إرتفاعها الكثير من الخلف .
المكيف وقت الظهر . الله يعز الأكورد بس ( فرق كبير وواضح ) .
العزم سيء .
الرساوة كلها دفع أمامي . يعني رساوة متقاربة . ( تفوق بسيط جداً للتوروس عند السرعات العالية ) .
السيارة قعدت معاي يومين . بعدها سلمتها لهم .
خوياني صجوني .. سيارة سوادنهـ سلمها سيارة سوادنهـ سلمها ( مع إحترامي طبعاً لأخواننا السودانين ) :d
طبعاً لا تنسى أن وكيلها عندنا سيء جداً . فروع صيانة قليل وتوفر قطع غيار قليل .
عكس هوندا الأصلي يا كثرهـ والدرجة الثانية يا كثرهـ .
وحتى صيانتها سهلة . وما هي معقدهـ مثل التوروس .
وما تنسى أن سعرها يطيح كثير عند البيع , ورغبتها في السوق قليلة جداً .
فـ إذا خيروني بين أكورد وتوروس لأخترت أكورد وأنا مغمض .
ونصيحة أخ لا يغرك كلام المطبلين لـ فورد . رح لأي محل إيجار وراح تتأكد من كلامي .
المازدا للأسف ما جربتها وما أقدر أفيدك فيها .
بـ النسبة للأخ اللي جايب لي رابط جي دي باور .
فـ أقوله ترى حتى الأكورد مأخذها الأعلى في فئتها .
وهذا فيديو مقارنة بينهم لعله يفيدك :
[ame="http://www.youtube.com/watch?v=wGD3HemtulA&feature=channel"]http://www.youtube.com/watch?v=wGD3HemtulA&feature=channel[/ame]
وأستخير والله يكتب لك اللي فيه الخير .
رد مع اقتباس
مواقع النشر (المفضلة)