اقتباس المشاركة الأصلية كتبت بواسطة httan مشاهدة المشاركة
انا كمان سيارتي انعدمت مع السيول
وطلع التقرير من الوكاله بتكلفة تصليحها بي 54 الف
وهذ1 المبلغ مباااالغ فيه كثير
وقالولي ان فيه خرابات كثير .. منها المكيف والمسجل

والشي الوحيد اللي سويته في الوكاله [ شريت كمبيوتر بي 3500 ريال وتنظيف التانكي و المكينه بس ]
وشريت علبة فيوزات من كهربائي بي 600 ريال [ مع العلم ان علبة الفيوزات اللي عندي يبغالها بس برمجه ]

وباقي مشكله عندي في القير .. وااذا جاني التعويض راح اسويها ان شاء الله

وطلع المكيف والمسجل واشياء كثيرة شغاله ومافيها اي مشكله

اللي ابغى اوصله لك ان الوكاله يبالغون في الخرابات لانهم عارفين ان فيه تعويض
وقالولي كمان ان كرسي السايق خربان .. ولاكن طلع شغال زي الحلاوة

اذا انت من جده انا اقدر ادلك على محل متخصص في هوندا في الصناعية الشمالية .. شغله نظيف
وله 15 سنه شغال في سيارات هوندا

ملاحظه : لا تغسل سيارتك ولا تسوي فيها اي شي الا بعد ماتجي لجنه التعويضات وتشيك على السيارة
طيب يالغآلي , إصلاآحهآ برآ الشركة مآ يفقد السيآرة ضمآنهآ ؟؟ لو لاآ , يصير أصلح من برآ أرخص لي ...
وأنآ زي مآ قلت لك , اللي أعآني منه هوآ إرتفآع صوت المرآوح , زيآدة على مخآوفي انه السيآرة تنعدم عشآن علبة الفيوزآت وبرمجة الأيربآق !! ...

طيب أنآ للأسف غسلت سيآرتي من برآ , لكن أثآر الخشب والأورآق لسآ موجودة جوآ , وكمآن آثآر الطين موجودة دآخل السيآرة ,, + جآيب تقرير من الشركة بعد مآ سويت الفحص يثبت ان الأعطآل كآنت نتيجة دخول ميآه الأمطآر والسيول ... كذآ بيمشي حآلي ولاآ لاآ لأني متخوف وربي:( ...
عمومآ لك رسآلة ع الخآص يآ عسسل :o