الموضوع: الصيانه الدوريه

المشاركة الأصلية كتبت بواسطة فخر العرب

سلام عليكم
وكل عام وانت بخير

عندي استفسار بسيط
لو بسحب على الصيانه كل 5 الاف هل يلغا الضمان
وش الزيت الي يسعمل للاكورد 2012 ؟وكم لتر ؟وكم لزوجته؟
وكم سعر علبة الزيت ؟ وكم سعر السيفون؟؟
والصيانات الكبيره وش يغيرون فيها عادتا 60 او 80 او 100 الف؟؟

يوم رحت للوكاله قالولي ادفع 2000 ريال ونمدد لك الضمان حتى 10 سنوات المممشا مفتوح هل لازم انضم في الصيانه كل 5 الاف حتى بعد 100 الف؟؟؟

اسف على الاطاله

لاعبوا عليك حقين الوكالة اصلاَ ضمان الاكورد 3سنوات (( يعني فهمي بعد الـ 3 سنوات اكيد تطلع خرابات بسيطةوعادية لو حافظت عليها يعني وش يضمنون لك وبعدين قليل الي تجلس معاه السيارة 10 سنين مررره 8 سنين ويفكر الشخص يغيرها ))

نصيحة لا تدفع الـ 2000 ريال الا اذا انت راعي خطوط وتكد السيارات كد ومد

يعني اذا ممشاك 50 الاف سنويا او اكثر ممكن لكن اذا ممشاك اقل اشوف ما يحتاج الخساير

شف انا انصحك تروح للوكالة في صيانة الـ 5000 الاف كيلو وتغير زيت وسيفون عندهم وخلهم ( ينظفون فلتر الهواء والمكيف بالهواء المضغوط كل 5000 كيلو او كل زيارة للصيانة مهمة )

انا راح اتبع نظام انصحك فيه :

انا ماشي 16 الاف وشوي راح اسوي كالتالي /

كل مره راح اجيهم راح اعطيهم 135 ريال واقول لهم الي سويتوه في صيانة الـ 15 و 5 الاف سووه في صيانة الـ 20 و 25 و 30 و 35 و 40 و 45 و 50 و 55 الف

لان صيانات الـ ال عشرات مثل 20 و 30 و 40 و 50 غالية مره وسرقة دراهم على الفاضي وكلها بدون قطع غيار فقط شغلات فاضية وما يسوون حتى نصها ( يقولون ربطا السيارة وهم ما ربطوا شيكنا وما شيكو وكلام فاضي تخيل صيانة الـ 10 الاف بـ 475 ريال و الـ 20 بـ 515 ريال والـ 30 بـ 590 ريال !!!!

انت لما تدفع 135 ريال مثلا في صيانة الـ 5 راح يغيرون الزيت + السيفون ويشيكون على الزيوت ( الدركسون والفرامل ) ويعبونها لو هي ناقصه ويعبون قربة ماء المساحات
وينظفون لك فلتر الهواء والمكيف ويعبون لك موية الراديتر الاحتياطي لو هي ناقصة ( بالماء المقطر ) فقط

نصيحة سوو مثلي ( روح لهم في كل صيانة وقول لهم الي تسوونه في صيانة ال خمسات سووه بصيانة العشرات )

واي شي يحتاج تغيير غيره مثل لو الفحمات خربت عليك على 50 الاف مثلا اشترها من محلات النعماني بخصم خاص وركبها في المحلات الي مختصة بالاكورد مثل الورش وكذا وخلهم يوزنون لك الكليبر اذا كان يحتاج + خرط هوبات

الصيانات المهمة الي تحتاج تغيرها في الوكالة فقط ( 60 + 100 + 140 + 180 + 220 + 260 + 300 .... زود 40 الاف في كل مره )

لان فيها تغيير زيت القير ( انت قل لهم غيروا لي زيت القير + فلتر القير الخارجي ((( ترا هم يقولون مو مهم لكن انت قل لهم لا ابي اغيره ((( تراه مهم مهم مهم للحفاظ على القير لا تقول ذولا وكالة وهم ادرى لا انت قل لهم غيروا لي فلتر القير الخارجي (( يباع عندهم بقطع الغيار وسعره حوالي 100 وتركيبه حوالي 100 ريال اذا ما زدات الاسعار حالياَ ))


لما مثلا تكون بعيد عن الصيانة حقت هوندا وتبي تغير زيت وسيفون راع عدة اشياء :

1/ استخدام نفس زيت الوكالة الي هو بترومين الترا 7 واستخدام سيفون هوندا الاصلي ( ترا فيه سيفونات هوندا مقلدة انتبه منها )

2/ لا تخلي البتشري يتعبث بالزيوت الاخرى مثل ( زيت الفرامل والدركسون ) هذي لا يلسمها احد الا صيانة الوكالة ( مثلا مراكز بترومين ارتاح وسلمنا المفتاح ملاقيف يتعبثون بزيت الدركسون والفرامل لما يشوفها ناقصه يجي يزودها انتبه قل لهم لا تلمسون هذا الشيين بالذات لان لهم زيوت خاصة واستخدام زيت غير الزيت الموصى به من المصنع يسرع بتلف مثلا طرمبة الدركسون سريعاَ وتبدا تهرب وتسوي لك مشاكل )

3/ في صيانات الـ 10 و 20 و 30 و 40 و 50 و 70 و 80 و 90 و 110 ...الخ روح لبنشري ممتاز وقل له بدل امكان الكفرات x وانتبه لا يشد على المسامير بالمسدس خله يشد عليها بالصليب وخلك على راسه ماياخذ اكثر من 20 او 25 ريال بالكثير

4/ عاير الزيوت وضغط الكفرات 32- 35 عايره والكفرات بارده بشكل اسبوعي (( زيت الهوندا حق المكينة مستواه يكون عند النقطة الصغيرة العلوية ))

طريقة المعايرة : 1/ تعاير الزيوت والسيارة تكون بارده نوعا ما وطافية ( يعني تطفي السيارة ) واذا حصل نقص في الزيت زيده لين النقطة العلوية مع مراعاة انك لما تبي تزود الزيوت زود شوي وارجع شغل 10 ثواني وطف وعاير مرة اخرى وهكذا


5/ احرص على تنظيف فلتر المكيف بالهواء المضغوط كل 5 الاف كيلو على الاقل تحصله في الدرج ( تراه غالي حدود 200ريال وفيها ) + فلتر الهواء

http://www.youtube.com/watch?v=41wEkgpHgjk تنظيف فلتر الهواء وطريقة فكه من الدرج




6/ حاول تاكل المطبات بشوي شوي خصوصا والسيارة جديدة

7/ في اول تشغيله للسيارة في اليوم حاول تخلي السيارة لين توصل الحرارة بين الثلث والنص يعني تثبت عشان الزيت واحرص عليها بالذات في ايام البرد عطها 2-3 دقائق اضافية بعد ما تثبت الحرارة

8/ عند تركيب اضافات مثل الزنون ولمبات لكزس الخلفية الي عند اللوحات الخلفية احرص انك تسئل اخواني الاعضاء عن افضل المحلات المضمونة الي تعرف تتعامل مع سيارات هوندا وابتعد عن الترهيمات وشغل ابو يمن :d لان الاكورد حساسة في الكهرب

9/ الفحمات احرص تركب اصلي اما تشتريها من الوكالة ( قطع الغيار ) او محلات النعماني لانها تبيع اصلي مثل الوكالة وابعد عن التجاري + اخرط الهوبات عند مختص بالاكورد

10/ اذا عندكم حوش بالبيت احرص تدخل السيارة وسط البيت في الليل خصوصا ( لان الاكورد عين الحرامية والمفحطين عليها ولا تخلي فيها شيء مهم مثل فلوس او لاب توب او جوال خصوصا بالليل واحرص انك لو تنزل لاي مكان انك تطفي السيارة لان بعض الشباب الله يصلحهم ينزل للبقالة او المغسلة او يروح يجيب غرض من بيتهم وسيارت شغالة وعليها المفتاح وفي الشارع وهنا تحصل السرقات وانتبه منها )


11/ اذا السيارة تحتاج ترصيص رصص ( ترصيص ارضي في المحلات المعروفة مثل القحطاني او العضيب وخذ ضمان ع الشغل )

12/ وزن الاذرعة اذا السيارة تحتاج سوه في صيانة الوكالة لانهم اعرف بوزنية الاكورد لان الاكورد لها وزنية خاصة اعتقد ان الكفر الخلفي يكون مايل على جوا -1 او حاجة زي كذا

13/ خلي رجلك ناعمة على الاكورد يعني الاكورد مب سيارة دعس او مقاومات الاكورد تعيش وتعمر مع الاشخاص الي يسوقون بهدوء ولا يضغطون على المكينة

14/ الطارة حاول انك ما تلفها لاخر شيء خصوصا لما توقف في المواقف او عند اليوتيرن

15/ احرص على تصفح المنتدى اسبوعاَ على الاقل لتطلع على المستجدات




واخرا شوف المواضيع الي في توقيعي المنقولة اتمنى تفيدكـ

بالتوفيق اي سؤال حاضرين

ايه نقطة اخيرة /

مستقبلاَ

صيانة الوكالة يسوون كل سنة فحص مجاني للسيارات من الـ أ إلى ي خصوصا فحص المكيفات

انت روح لهم وسوو الفحص مجاني الاشياء الي تطلع لك خربانه وتحتاج تغيير وقيمتها مكلفة غيرها برا الوكالة في محلات مختصة في الاكورد وقارن بين السعرين ( غالبا اسعار صيانة اكورد تكون اغلى وخصوصا شغل اليد )


لكن ان شاء الله خلال الـ 100 ما تحتاج لهم اذا حافظت على النقاط الي كتبتها في ردي السابق

(( عدم محافظتك على تغيير زيت القير في الوكالة ممكن يكلفك القير وقيمة القير جديد عالية وحتى توظيبه مكلف وانتبه من هالشغلة وزيوت المكينة استخدم زيوت ذات لزوجة نفس الي تستخدمها الوكالة واستخدم سيفون ( فلتر زيت ) اصلي وانتبه من التجاري والمغشوش الي عند البنشرية لانه ممكن يكلفك المكينة كاملة ))

ذكر يوم اطلع السياره قالي مولازم تجيب السيارة كل 5 الاف لكن لو ماجبتها كل 10 الاف يروح عليك الضمان
+ ضمان الهووند 100 الف او 3 سنوات

المشاركة الأصلية كتبت بواسطة فخر العرب

ذكر يوم اطلع السياره قالي مولازم تجيب السيارة كل 5 الاف لكن لو ماجبتها كل 10 الاف يروح عليك الضمان
+ ضمان الهووند 100 الف او 3 سنوات

ماعليك منه هو عارف ان صيانات الـ 10 عشرات مكلفة وعشان كذا يقول لك جبها

(( انت اصلا بتسوي صيانة الخمسات فما راح يروح الضمان وانت اصلا ملتزم بصيانة الزيت عندهم انا قلت لك اذا رحت لهم في صيانة الـ 10 والـ 20 قل لهم الي تسوونه في صيانة الـ 5 و 15 سووه لي في الـ 10 والـ 20 ...الخ مايروح الضمان ولا عليك من احد

انت لا تهمل اهم صيانة 60 و 100 الاف لان فيها زيت قير + فلتر زيت القير الخارجي ( قل لهم يغيرونه لك بجديد )+ ( وتنظيف فلتر الهواء والمكيف لا تهملهم )

صيانة الـ 100 فيها بواجي وزيت قير

فلتر الهواء غيره كل 30 الف واكثر حسب نظافته ( حسب نظافته لكن نظفه دايم عشان يعيش اكثر) وهو رخيص مب غالي سعره اقل من 100 ريال حسب ما سمعت من فترة