الموضوع: شريت سيارة أكورد 2008 ولاكن ..........

المشاركة الأصلية كتبت بواسطة عاشق الاكوردaf

السلام عليكم ورحمة الله وبركاته

أنا عضو جديد في هذا المنتدى الراقي منتدى محبي هوندا وأتمنى أن أستفيد وأفيد قدر المستطاع

شباب نمسي و نصبح عليكم بالخير أنا شريت أكورد موديل 2008 من موقع حراج لكن بعد ماشريتها أطلعتلي فيها بعض المشاكل وهي
1- ماء الرديتر أعبيه وماء أدري وين يروح كل مرة أعبيه 2 و أحياناً 3 علب ما مقطر وبعد يوم أعبيه نفس الكمية علماً ان الخزان الاحتياطي مكسور الغطاء حقه
وملغي وأحياناً ينقط من الجهة اليسرى لرديتر جهة السائق ما أدري هو من نفس الرديتر ولا من الخرطوش وصراحة انا تعبني وابغى الحل
والي عنده علم كم الرديتر من الوكالة كم يكلف
2- والش الثاني غيرت الزيت و البنشري قال السنة حقت الكرتيل تعبانة ولازم تسويله خرط إذا بغيت تغير الزيت في المرة القادمة وسالت واحد كان شغال بلوكالة أكثر من عشر سنوات
قالي الخرط ماينفع لازم تغيره جديد لانه ألمنيوم وحتى لو سويته خرط ما يدوم كثير
3- القير عندي فيه صوت ونة لين بعد التغييرة الثالثة ويختفي هل هو طبيعي ولا فيه مشكلة القير
4 - بنشر عندي الكفر الأيسر الأمامي والبنشري رفع الكفر والسيارة شغالةوالقير على ال n
لكن الي فجعني أن الكفر يدور وانا مافضيها هل طبيعي ولا فيه مشكلة


أسف على الإطالة ومتأكد أن عندكم أجوبة لهاذي الأسئلة الي محيرتني كثيراً

وعليكم السلام ورحمة الله وبركاته

الله يحيك ؛ مساء النور

الله يعطيك خيرها ويكفيك شرها

1- بالنسبه للمشكله الأولى بسيطه إن شاء الله .. أشتر غطاء الخزان الإحتياطي من الوكاله مع الخرطوش حقه .. وشيّك على غطاء الرديتر

لأن غطاء الخزان الإحتياطي اذا كان مفكوك أو ضايع .. طبيعي أن الماء بيفور يطلع وينقص عندك الماء

وشيّك على خراطيش الرديتر :

خرطوش ماء الراديتر العلوي رقم 7

خرطوش ماء الراديتر السفلي رقم 10
اذا ما عندك القطع رقم 5 و 4 و 3 و 2 .. خذها من الوكاله
واذا استمر النقص ولا وقف .. غيّر غطاء الراديتر بأصلي وكاله وإن شاء الله بتضبط

وشيّك على علبة الخزان الإحتياطي وتأكد أن مافيها كسور أو تهريب وتأكد أن مافيه تهريب بالرديتر






ترى الأشياء هذي بسيطه وتقدر تشيك عليها و تغيرها بنفسك


2- سنة الصرة ما تخرب إلا بسبب الشد الزائد وإستعراض العضلات على الصره ؛ على العموم حاول تتأكد أنها فعلا خربانه
خذ صرة + ورده ( واشر) أصليه من الوكاله



و المره الجايه لتغيرة الزيت تحسس بإصبعك

واذا فعلا سنون مكان تركيب الصره خربانه ؛ رح للوكاله وأسألهم عن سعر الكارتيل ؛ ثم رح للتشاليح ودوّر لك على كارتيل نظيف ولا فيه طعوج أو الخ... وسنون الصرة سليمه

أو أخرط سنون للصره بالمخرطه .. لأن يمكن بعض الكارتيل بالتشاليح مخروطه


3- غير زيت القير + الفلتر الخارجي ( يفضل تغيره بالوكاله .. أو خذ زيت القير والفلتر الخارجي وغيره برا الوكاله )

اتوقع الونه بسبب إهمال تغيير الزيت أو عدم تغيير الزيت بإنتظام مع كثرة الدعس القوي والمفاجئ

4 - يفيدونك الأعضاء إن شاء الله


لا تنسى تطلب من الوكاله خصم 20% على قطع الغيار ؛ موظف قطع الغيار له صلاحيه يخصم لك إلى 20%
( قله أخصم لي .. قبل يحسب لك الفاتوره ويطبعها )



بصراحه شكل راعي سيارتك السابق .. مهمل جدا + سوء إستعمال

كيف يكسر و يضيع غطاء الخزان الإحتياطي ؛ وكيف ما ينتبه لعمال البناشر لأن بعضهم يشدون على الصرة بأقوى ما عندهم
والخ...

الله يعينك .. على العموم هونها وتهون إن شاء الله


عبها ماء مقطر

كرتون ماء مقطر أصلي 12 علبه بـ 9 ريال ( من محلات الجمله ) يعني العلبه بـ 75 هلله