الموضوع: بعض الأسعار الجديده لقطع غيار الأكورد 2006-2007 ( مساعدات - كراسي مكينه وقير - الخ..

المشاركة الأصلية كتبت بواسطة سلطان2020

هل أسعار قطع غيار أكورد 2008 - 2012 نفس الأسعار لإني سامع إنه أرخص
وماسبب غلاء قطع غيار أكورد 2006 - 2007

لا تاخذ ( مقلب ) بأن قطع غيار الأكورد 2008-2012 أرخص من الموديلات القديمه 2007 ونازل ..

و اتوقع تختلف الأسعار ولا تكون نفسها إلا في بعض الأشياء المشتركه بين موديلات الأكورد ؛ مثل فلتر المكيف وفلتر زيت المكينه والخ... تركب على أغلب موديلات الأكورد

طقم بواجي أكورد 2007-2003 بـ 60 ريال وتتغير كل 40 ألف أو أكثر .. أرخص بكثييييييييير من الموديلات الجديده 2008-2012 بواجيها غاليه جدا وأريديوم تتغير كل 80 أو 100 ألف

فلتر هواء الأكورد 2003-2007 جاف بدون زيت وتقدر تنظفه بسهوله بالهواء المضغوط ويخدم ويكرف ؛ أما الموديلات الجديده 2008-2012 أتوقع فلتر الهواء يكون عليه زيت ويمسك الغبار وتنظيفه اصعب اذا كان زيت

الأكورد 2008-2012 بعض قطع غيارها أغلى من الأكورد 2007-2006 .. وبعض القطع نفس الأسعار .. وبعض القطع (إحتمال وغير متأكد) ممكن تكون أرخص

أضف إلى ذلك كراسي الأكورد 2008 وفوق .. السته سلندر v6 سعرها غاااااااااااالي جدا جدا للأسف
أما كراسي مكينة الأربعه سلندر أسعارها أرخص بكثير من السته سلندر V6

أسعار المساعدات غاليه جدا ومبالغ فيها جدا سواءاً للأكورد 2007 ونازل أو 2008 وفوق .. و سبب غلائها هو >> وكيل هوندا في السعوديه

لكن الحمد لله فيه بدائل كثيره ومن شركات كثيره للمساعدات .. عند محلات قطع غيار هوندا .. يعني لا تشيلون هم أبداً

وترى فيه عند محلات قطع الغيار مساعدات أصليه وكاله .. وبسعر أرخص من الوكاله ؛؛؛؛ بالإضافة إلى نوع كثيره من المساعدات ومن شركات متخصصه بصناعة المساعدات مثل KYB و TOKICO هيتاشي

أنا كتبت الموضوع للفائده .. و عشان أنبّه الناس اللي ما يعرفون شيء إلا الوكاله ( أنا منهم سابقاً ) ؛ كل شيء يشترونه من الوكاله ثم يتّشكون من غلاء ( بعض ) القطع مثل المساعدات

لكن بالواقع .. فيه خيارات كثيره للمساعدات بمحلات قطع غيار هوندا وبأسعار معقوله جداً جداً


وترى قطع غيار هوندا تتحمل الكرف وعمرها طويل ؛ أغلبها صناعتها يابانيه وجودتها عاليه ؛ وحتى بعض القطع اللي تكون ( تجميع امريكي مثل فلتر زيت المكينه ) مواصفاتها يابانيه وجودتها ممتازه

يعني لا تقارنها بسيارات قطع غيارها مصنوعة بأندونيسيا أو تايلاند أو الخ...

ولا ودي يخرب الموضوع ويكون مقارنات بين 2007-2003 .. و .. 2008-2012

إن شاء الله ( إذا قدرت ) بجيب لكم بعض أسعار قطع غيار الأكورد 2008-2012 اللي أقدر عليها

لكن والله مشغول + الجو حر أعوذ بالله 45 درجه تقريبا