الموضوع: بعض الأسعار الجديده لقطع غيار الأكورد 2006-2007 ( مساعدات - كراسي مكينه وقير - الخ..

مساعدات - كراسي مكينه - كراسي قير - غطاء راديتر - الخ...


السلام عليكم ورحمة الله وبركاته

كل عام وانتم خير ؛؛ اللهم بلغنا رمضان

اليوم 1434\8\30 رحت للوكاله ومحلات قطع الغيار وسألت عن الأسعار ؛ وشريت كم قطعه

سيفون أصلي وكاله بـ 20 من محل قطع غيار هوندا

غطاء راديتر من الوكاله سعره قبل الخصم 81 ريال وبعد خصم 10% صار سعره 72.9 ريال

وأسعار المساعدات بالوكاله الله لا يوريكم

سعر طقم مساعدات أماميه قبل الخصم بـ 1935 ريال ؛ و بعد خصم 10% صار سعرها 1759 ريال ؛ وبعد خصم 20% صار سعرها 1548 ريال ...... ناااار !!
سعر طقم مساعدات خلفيه قبل الخصم بـ 1868ريال ؛ و بعد خصم 10% صار سعره 1698 ريال ؛ وبعد خصم 20% صار سعرها 1494.4 ريال ....... ناااار !!

يعني سعر طقم أمامي + طقم خلفي .. قبل الخصم 3803 ريال .. بعد خصم 10% صار سعرها 3475 ريال ؛ بعد خصم 20% صار سعرها 3042.4 ريال .... ناااار !!
حشا والله لو أنها مصنوعه من ذهب

المهم أخذت غطاء ريديتر أصلي من الوكاله ورقم القطعه





( ويا ليتني أخذته من محلات قطع الغيار سعر الأصلي الوكاله بـ 60 ريال تقريبا بدون مكاسر ؛ وسعر الياباني 25 ريال )

وعند محل قطع غيار هوندا مساعدات 4 أنواع :

أصلي وكالة و سعره أرخص من الوكاله لكن ما سألت عنها ؛ يمكن الحبه تقريبا بـ 600 ريال على ما أظن

ياباني KYB أو TOKICO هيتاشي

صيني


وهذي الأسعار بالتفصيل الممل .. من محل قطع غيار هوندا

مساعدات KYB الحبه الواحده بـ 190 ريال × 4 مساعدات = 760 ريال

مساعدات TOKICO هيتاشي الحبه الواحده بـ 175ريال × 4 مساعدات = 700 ريال

مساعدات صينيه الحبه الواحده بـ 125 ريال × 4 مساعدات = 500 ريال


سير أصلي وكاله من محل قطع غيار هوندا بـ 170 ريال وفيه ياباني بـ 90 ريال

شداد سير كامل أصلي وكاله من محل قطع غيار هوندا بـ 400 ريال

وفيه شداد كامل صيني بـ 200 ريال لكن ما نصحني فيه حق محل قطع الغيار يقول أنه أحيانا تركبه وبعد ساعات قليله ينطلق السير ؛ وأحيانا بعد كم شهر ينطلق السير ... يعني أنت وحظك ونصيبك ؛ ويقول الأصلي أفضل بكثييير ويدوم لسنوات طويله

طقم كراسي مكينه أصليه وكاله من محل قطع غيار هوندا بـ 1000 ريال ؛ والطقم التجاري إذا ماني غلطان بـ 400 ريال

طقم كراسي قير عادي أصلي وكاله من محل قطع غيار هوندا بـ 400 ريال


سيفون أصلي وكاله بـ 20 ريال

سيفون ياباني بـ 15 ريال ؛ لكن ترا السيفون الأصلي أفضل


ملاحظه :

غطاء الراديتر شريته وراح اغيره إذا غيرت ماء الراديتر ان شاء الله ؛ مجرد صيانه وقائيه
والغطاء مافيه شيء

أيه صح نسيت أقولكم سعر غطاء تانكي البنزين قبل الخصم 250 ريال تقريبا وبعد الخصم بـ 200 أو 190 ريال تقريباً ( نسيت سعره بالضبط ) لكن المهم أنه غالي ؛ حافظوا عليه وأنتبهو عليه لا ينسرق

محل قطع الغيار اللي رحت له ما عنده غطاء بنزين ولا يدري كم سعره