اقتباس المشاركة الأصلية كتبت بواسطة prof.a.m.g مشاهدة المشاركة
بسم الله الرحمن الرحيم
السلام عليكم ورحمة الله وبركاته
وعليكم السلام ورحمة الله وبركاته

اخواني انا توني شاري السيارة اكورد 2011 4 سلندر
الف مبروك والله يعطيك خيرها ويكفيك شرها
وعندي كم استفسار جزاكم الله خير.

1- وين مكان عيار زيت القير ؟ , وهل الصحيح ان افضل شيء تغييره كل 60 الف عند الوكالة ؟
واضح مكانه تلقى له عروه أو مسكه لونها أصفر

وأنصحك تقرأ كتالوج سيارتك ( مكان العيار + طريقة فحص الزيت + كمية الزيت عند التغيير + الخ...)

وأنصحك تغير زيت القير + الفلتر الخارجي حق القير .. بالوكاله

2- السيارة تحتاج تغيير الفحمات الامامية والخلفية , هل تنصحوني في الوكالة او فيه مكان افضل من ناحية السعر والجودة ؟

- تقدر تشتري طقم فحمات أماميه وخلفيه أصليه من الوكاله اتوقع سعرها بـ 600 أو 650 ريال تقريبا ( لا تنسى تطلب منهم خصم 20% )
- تقدر تطلب فحمات سيراميك من الخارج
- تقدر تطلب فحمات مثل حقات الوكاله من الخارج
- تقدر تركب فحمات رخيصه من محلات قطع الغيار ( عندهم قطع غيار بدرجات مختلفه وبأسعار مختلفه )

قوة مسك الفرامل وعمر الفحمات يختلف حسب جودة الفحمات

وشغل يد تغيير الفحمات الأماميه 40 ريال والفحمات الخلفيه 40 ريال
المجموع 80 ريال

3- السيارة تحتاج تغيير سير وبكرات , هل تنصحوني في الوكالة اايضاً ولا برى في مكان محدد ؟
- تقدر تشتري سير أصلي من الوكاله وتركبه عند ورشه كويسه
- تقدر تشتري سير أصلي من محل قطع الغيار وتركبه عند ورشه كويسه
- تقدر تطلب سير أصلي من الخارج مع فحمات

4- قطع الغيار هل افضل اشتريها من الوكالة ولا من محلات قطع غيار هوندا ؟
.. أنصحك دائما تقارن الأسعار قبل تشتري ..
لأن :
بعض القطع عند محلات قطع الغيار أرخص من الوكاله
بعض القطع عند محلات قطع الغيار نفس سعر الوكاله
بعض القطع عند محلات قطع الغيار أغلى شوي من الوكاله ( مثل السيفون فلتر الزيت الأصلي أخذه من الوكاله بـ 19.20 ومن محل قطع الغيار بـ 20 ريال .. لكن 80 هلله ما تسوى الفرق )
بعض القطع ما تلقاه إلا عند الوكاله

وحتى التشليح قبل تشتري منهم شيء .. قارن الأسعار ( الوكاله - محلات قطع الغيار ) عشان ما ينصبون عليك التشاليح

محلات قطع الغيار كاسرهم بالسعر .. ودقق بالقطع وأنتبه لا يبيع عليك قطع تجاريه على أنها أصليه .. وخذ قطع غير مفكوكه

الوكاله أطلب منهم خصم 20% لأن ترى موظف قطع الغيار يقدر يخصم لك بنسبة 20%
و إذا ما قلتله "ممكن ما يخصم لك" أو " يخصم لك بنسبة بسيطه 10% "

5- قبل يومين طلعت ريحة التماس كهرباء من تحت الدركسون ولكن ما حصلت اي شيء محترق , واليوم توقفت الكشافات عن العمل مع اني مركب لمبات جديدة قبل شهر , هل ممكن اصلحها بنفسي ؟ وكيف ؟
هل الكشافات تجاريه أو أصليه ؟ هل زر التحكم بالكشافات على عصا النور أو عند زر التراكشن VSA ؟
اللمبات التجاريه .. ما تدوم تحترق بسرعه
تقدر تغير اللمبات عند محلات الزينه بس أهم شيء ركّب لمبات أصليه

او تنصحوني اوديها لمكان معين ! مع العلم اني ماني متاكد من المشكلة بالضبط!

جزاكم الله خير مقدماَ , انتظر ردودكم

آمين وياك

ولا تخرط الهوبات إلا عند الضروره القصوى ( اذا فيه رجه مع مسك الفرامل ) لأن الهوبات لها عدد معين من الخرطات .. ثم تصير الهوبات نحيفه ولا تنخرط
وسعر الهوب الأصلي الواحد بـ 400 ريال ومن محلات قطع الغيار ممكن تاخذه بـ 380 ريال مع المكاسر
يعني تخيل تشتري 4 هوبات بـ 1600 ريال !! من الوكاله وبـ 1520 ريال من محلات قطع الغيار

طبعا فيه هوبات يابانيه ( درجه ثانيه ) أرخص من هوبات الوكاله الأصليه

وفيه هوبات صينيه أنحححححش وأبتعد عنها لا تقربك ... سيئه ويصير الفرامل ضعيف معها .. و غير قابله للخرط لأنها نحيفه أصلاً


كيف تحافظ على الهوبات :

1) لا يجيها ماء وهي حاره ولا تغسل السياره وهي حاره .. لأن الهوبات راح يجيها ماء أثناء الغسل
واذا بغيت تغسل السياره .. حاول تدور مغسله قريبه وكويسه عشان يمديك توصلها و الهوبات بارده ما أحتمت من كثرة مسك الفرامل .. لأن معروف بكل السيارات الهوبات تحتمي مع كثرة مسك الفرامل والمشاوير الطويله

2) لا تهمل الفحمات غيرها قبل توصل الحديده ؛ لأن إذا أنتهت الفحمات بالكامل .. فيها حديده راح تحك بالهوب وتعدمه

^
رقم 1 هو سبب الرجه
رقم 2 هو سبب تآكل الهوب


اتمنى اني افدتك

بالتوفيق ان شاء الله