المشاركة الأصلية كتبت بواسطة B Unique
بما اني اعزك واقدرك واغليك
وتقديراً لوقفاتك معي ضد اعدائي في المنتدى ماني مكثر عليك الاسئلة
مشكور و ما تقصر
تفضل جاوب على الاسئلة الخفيفة هذي :
1. اين تدرس ؟ وما هو مجال دراستك ؟
ادرس بجامعة الكويت - كلية العلوم الاداريه - تخصص محاسبه
2. هل انت مقتنع في مجال دراستك ؟ ولماذا اخترته ؟
الحمدالله مقتنع فيه تمام الاقتناع --- اخترته بعد ما اخذت ماده اختياريه بالثانويه اسمها دراسات تجاريه و مدرس الماده حببني فيها و صرت من يومها طموح اني ادخل مجال اقتصاد او محاسه مع اني اول ما دخلت جامعة الكويت كنت بتخصص علم حيوان بس الله ما كتب اني اكمل و الحمداله نقلوني بالمحاسبه
3. كيف هو مستواك الدراسي حالياً ؟ وهل انت راضي عنه ؟
مستواي الدراسي جيد --- طبعا لأ و الانسان يحاول دايم انه يطور نفسه
4. اين تطمح ان يصل مستواك العلمي ؟ الدبلوم ، الباكالوريوس ....... الخ ؟
مالا يقل عن ماجستير ---- الباكالوريوس ماقام توكل خبز هالايام
5. ماذا تريد تكون بعد الدراسة ؟ او ماهي الوظيفة التي تأمل الحصول عليها ؟
ولا اللي يجي من الله حياه الله .. يعني ما فيه طموح ؟
انا اطمح اني اصير دكتور او معيد بالجامعه او اني ادخل بشركات القطاع النفطي <<< ادور عن الفلوس
6. هل انت شخص هادئ ام ملقوف ؟ هل تتمالك نفسك عند الغضب ام انك سريع الانفعال ؟ هل تحسن التصرف وقت الظروف ام انك غبي ما تعرف تدبر نفسك ؟ هل تعتبر نفسك شخص مرح ام ممل ؟
بالعربي .. خذ راحتك واوصف لنا شخصيتك
هادئ و ملقوف بنفس الوقت ---- يعني هادئ بس اول ما تسنح لي فرصه اتليقف على سنع
سريع الغضب على اخواني -- اتمالك نفسي مع غير اخواني
بالنهايه يسموني اجتماعي درجه اولى
7. كم حادث صار لك بالاكورد المرحومة ؟ ومن كان السبب فيه بعد قضاء الله وقدره ؟
حادث واحد بالمرحومه و 2 بغير المرحومه ( كل الحوادث ما كنت انا اللي اسوق )
السبب في حادث المرحومه كان الابتعاد عن حادث اخر صار قدامنا بثلاثين متر تقريبا و ماكنا مسرعين بس ولد خالي كان يسوق و ما عرف شي اسمه بريك و صعدنا فوق الرصيف و لمينا شجرة سدر عمرها فوق 100 سنه
8. هل تأثرت من الحوادث هذي ؟ هل غيرت فيك شيء .. نفسيتك او سواقتك مثلاً ؟
اكييد... مالا يقتلك يجرحك -- نفسيتي كانت متحطمه و خصوصا ان الثلاث حوادث كانت بشهر و نص
حسيت اني بموت بالثلاث مرات
و طلعت من الثلاث سليم الا من رضوض اعتياديه
و الشباب قامو يسموني المدمر <<< مو حاب التعلوقه نهائيا
سواقتي تغيرت و صرت كأني شايب بس من ابتدا الدوام رديت سواقتي الاولانيه و زياده
9. بعد ما خسرت الاكورد الاولى ليش رجعت واخذت نفس السيارة ؟ مع ان اغلب الناس يحب التغيير ولو في المواصفات !!
الاستعجال -- بغيت اغير بس خفت اني اطيح بسياره ما تكون مثل الاكورد و ثاني شي اول ما طاحت عليه عيوني هو اكورد اسود و نظيف و صاحبه بايعه علشان يبي يروح برا و يكمل دراسته
و مع الاسف بعد ما شريتها تحسفت اني ما غيرت اللون على الاقل
10. في حدود ميزانيتك ماهي السيارة التي تتمنى ان تمتلكها مستقبلاً ؟
بي ام m5
السبب : سبورت بس تقدر تشيل معاك العيله و الربع
السؤال هني .. دام الميزانيه تسمح ليه ما خذيتها .... بكل بساطه اقولك ... راح نفتحها للوالده بعد العيد
كهديه بالاتفاق بيني و بين الوالد
طيب ليه سبورت للوالده ... اقولك لاني دايم استعمل سيارتها
هذا اللي عندي اللحين
والعيار الثقيل بعدين ان شاء الله
انت جيبه بس
;)
رد مع اقتباس
مواقع النشر (المفضلة)