هوندا سيفيك 2012 من وكالة عبدالله هاشم

**alkasr777** · 24-09-2011, 05:06 AM

بسم الله الرحمن الرحيم

السلام عليكم و رحمة الله و بركاته

هوندا سيفيك 2012

نبدأ بالصور

وجهية السيارة هي أفضل شيء من وجهة نظري^^^

^^^ممكن العديد منكم ما يعرف فائدة الزر الأخضر Economic Systems
هذا عشان يقلل من استهلاك الوقود (النظام الإقتصادي)
و تعتبر ميزة للموديل الجديد

^^^هذا أفضل شيء في السيارة

و للأسف الشديد شكل السيارة الخارجي سيء جدا و حتى ان السيتي أحلى منها :d

و صارت من فئة الأكسنت و اليارس ....الخ

و الوكالة أخطأت بعرض السيارة من فئة السياحي و حتى ان لونها للأسف سيء
و ما أظن بيمشي سوقها عندنا و خصوصا بهاذي الأسعار

و طبعا الأسعار كالأتي

السياحي بـ 76 ألف ريال
النص فل بـ 84 ألف ريال

الفئيتين فقط الموجودين و اللي فهمته من الموظف ان ما راح تنزل فئات اخرى

و بوجود الكورلا و الألنترا و السيراتو لا أظن أن للسيفيك الجديدة مكان ... :(

و أنا لاحظت شيء ان النظام الهيدرولكي للدركسون أصبح كهربائي
بسبب عدم وجود طرمبة الدركسون و علبة الزيت حقت الدركسون

أتمنى أحد يأكد المعلومة ^^^

تحياتي ,,,

**meshoo** · 24-09-2011, 12:05 PM

وعليكم السلام

يعطيك العافيه

جمب السياره الي مصورها انت كانت موجوده سيفيك وسط وانباعت لما كنت موجود انا ونزلوها المستودع

وللعلم ترا مافي الا سياحي ووسط ويقولون للشعب فل عشان يقتنع بالسعر !!

فيها شاشة معلومات + كاميرا بالريوس + ازرار بالدركسون + جنوط + كشافات + ايرباقين فقط + بدون جلد + اشاره بالمرايه + فتحه

فل على ايش بالله ! زيها زي الوسط الموديل السابق اللهم الفرق الكاميرا الخلفيه

هذي هي السياره

**ماجد .** · 13-03-2012, 09:29 PM

المشاركة الأصلية كتبت بواسطة meshoo

وللعلم ترا مافي الا سياحي ووسط ويقولون للشعب فل عشان يقتنع بالسعر !!

فيها شاشة معلومات + كاميرا بالريوس + ازرار بالدركسون + جنوط + كشافات + ايرباقين فقط + بدون جلد + اشاره بالمرايه + فتحه

فل على ايش بالله ! زيها زي الوسط الموديل السابق اللهم الفرق الكاميرا الخلفيه

هذي هي السياره

انا اشوف السفيك الجديدة شكلها جدا سئ
وسعرها مبالغ فيه والشكل الي قبله
اطلق منه بمليون مره
بس الصراحة نفسي
اشوف هذي الفئة
لون ابيض
ممكن شكلها
يجي مقبول:d

**هوندا سيفك 2008** · 24-09-2011, 04:16 PM

على كذا الواحد ياخذ له فورد كراون فكتوريا اصرف له من السيفك 2012
وخاصتا ان السعر مبالغ فيه وبقوه
يعني سعر السفك قريب جدا من سعر الكراون فكتوريا
وهنا ارشح با الاتجاه الى الفورد
وجهة نظر شخصية
تحياتي لكم

**SeNo0o** · 24-09-2011, 05:47 PM

انا ماني شايف وجه مقارنه بين الفكتوريا و السيفيك

يمكن السعر قريب .. مدري عن الفكتوريا بكم

بس سعر السيفيك دي انا شايفه مع المواصفات اووك

حتى مو غالي مراا

بس اذا حتردد اني اشتريها بسبب شكلها لك شوية عليه خاصتا الديكور من جوه مو شايفه مراا حلوو ..

بس كويس برضوا حلو :p

**9loo7e** · 24-09-2011, 09:17 PM

اسعرها مبالغ فيها بزياده

**هـsiـاجر** · 24-09-2011, 09:59 PM

نصيحة / لاحد يشتري سيفيك الا اذا نزل الاصدار الياباني الأصلي .. لان هذي اللي جات وارد امريكا

.. وانتوا عارفين ان سيفيك وارد اليابان دايمن تكون متألقة اكثر من الامريكية;)

**meshoo** · 24-09-2011, 11:38 PM

المشاركة الأصلية كتبت بواسطة هـsiـاجر

نصيحة / لاحد يشتري سيفيك الا اذا نزل الاصدار الياباني الأصلي .. لان هذي اللي جات وارد امريكا

.. وانتوا عارفين ان سيفيك وارد اليابان دايمن تكون متألقة اكثر من الامريكية;)

ابشرك هذي يابانيه

وحتى لو ماكانت يابانيه مستحيل الوكيل يستورد امريكي وياباني

لان بالاخير المواصفات خاصه بالشرق الاوسط

**alkasr777** · 25-09-2011, 01:19 AM

المشاركة الأصلية كتبت بواسطة meshoo

وعليكم السلام

يعطيك العافيه

جمب السياره الي مصورها انت كانت موجوده سيفيك وسط وانباعت لما كنت موجود انا ونزلوها المستودع

وللعلم ترا مافي الا سياحي ووسط ويقولون للشعب فل عشان يقتنع بالسعر !!

فيها شاشة معلومات + كاميرا بالريوس + ازرار بالدركسون + جنوط + كشافات + ايرباقين فقط + بدون جلد + اشاره بالمرايه + فتحه

فل على ايش بالله ! زيها زي الوسط الموديل السابق اللهم الفرق الكاميرا الخلفيه

الله يعافيكـ

و ثاني مره الوكالة تستغفل العملاء أولا بالأكورد 2012 و هي أصلا 2011 بس أمريكية

و الحين السيفيك بفئة النص فل

بس شيحس فيه اللي ياخذ هذا اللون :d

و مشكور على المرور العطر

المشاركة الأصلية كتبت بواسطة هوندا سيفك 2008

على كذا الواحد ياخذ له فورد كراون فكتوريا اصرف له من السيفك 2012
وخاصتا ان السعر مبالغ فيه وبقوه
يعني سعر السفك قريب جدا من سعر الكراون فكتوريا
وهنا ارشح با الاتجاه الى الفورد
وجهة نظر شخصية
تحياتي لكم

فعلا كلامك صحيح سعر الفيكتوريا ستاندر 88 ألف تقريبا يعني الفرق 4 ألاف فقط

المشاركة الأصلية كتبت بواسطة SeNo0o

انا ماني شايف وجه مقارنه بين الفكتوريا و السيفيك

يمكن السعر قريب .. مدري عن الفكتوريا بكم

بس سعر السيفيك دي انا شايفه مع المواصفات اووك

حتى مو غالي مراا

بس اذا حتردد اني اشتريها بسبب شكلها لك شوية عليه خاصتا الديكور من جوه مو شايفه مراا حلوو ..

بس كويس برضوا حلو :p

بالعكس السعر مبالغ فيه و بقوة

الكورلا سعر الفل الفل جلد و كل شيء بـ 76 ألف

و اللي بنفس مواصفات السيفيك النص فل بـ 72 ألف ريال

و شرفت الصفحة يا غالي

المشاركة الأصلية كتبت بواسطة 9loo7e

اسعرها مبالغ فيها بزياده

فعلا السعر مبالغ فيه و بقوة والله قاهريني

**هـsiـاجر** · 25-09-2011, 10:22 PM

المشاركة الأصلية كتبت بواسطة meshoo

ابشرك هذي يابانيه
وحتى لو ماكانت يابانيه مستحيل الوكيل يستورد امريكي وياباني
لان بالاخير المواصفات خاصه بالشرق الاوسط

الوكيل جاب امريكي منها اكورد امريكية2011 لاكن السيفيك 2011 نفس 2010 الوكيل لما شاف ان اليابان وقفت تصنيع سيفيك بسبب اعصار توسونامي قررت هوندا امريكا اصدار سيفيك امريكية يابانية بدمج بعض اجزاء يابانية امريكية موديل 2012 لكي لايعرقل ميزانية الشركة .. لاكن اليابان لازالت تعمل على اصدار سيفيك lxi و type r و احتمال كبير mugen rr لموديل 2012 و2013

وشوف التفجير اذا نزلت

**بلال العلمي** · 25-09-2011, 01:02 AM

المشاركة الأصلية كتبت بواسطة alkasr777

و أنا لاحظت شيء ان النظام الهيدرولكي للدركسون أصبح كهربائي
بسبب عدم وجود طرمبة الدركسون و علبة الزيت حقت الدركسون

أتمنى أحد يأكد المعلومة ^^^

تحياتي ,,,

ايه نعم اصبح كهربائي ومثل ما قلت لكم سابقا ان الاكورد والسيفيك والسي ار في كلهم راح يجي معهم دركسون كهربائي وبيستغنون عن النظام الهيدروليكي للابد

لكن الانتقادات للنظام الكهربائي حق الهوندا هو انه سهل جدا جدا جدا لدرجة انك ما تحس في الطريق يعني عيون القط نفسه ما راح تحس فيها ابدا وهذا شي سيء للي يبي قيادة رياضية او اللي يحبون النطلات

**alkasr777** · 25-09-2011, 01:32 AM

المشاركة الأصلية كتبت بواسطة بلال العلمي

ايه نعم اصبح كهربائي ومثل ما قلت لكم سابقا ان الاكورد والسيفيك والسي ار في كلهم راح يجي معهم دركسون كهربائي وبيستغنون عن النظام الهيدروليكي للابد

لكن الانتقادات للنظام الكهربائي حق الهوندا هو انه سهل جدا جدا جدا لدرجة انك ما تحس في الطريق يعني عيون القط نفسه ما راح تحس فيها ابدا وهذا شي سيء للي يبي قيادة رياضية او اللي يحبون النطلات

زين الحمد لله أكدت المعلومة و أنا الصراحة كنت أنتظر ردكـ

لكن ياليت توضح الكلام اللي بالأحمر لأني ما فهمته :d

**بلال العلمي** · 25-09-2011, 10:31 PM

المشاركة الأصلية كتبت بواسطة alkasr777

زين الحمد لله أكدت المعلومة و أنا الصراحة كنت أنتظر ردكـ

لكن ياليت توضح الكلام اللي بالأحمر لأني ما فهمته :d

يعني المفروض ما يكون سهل جدا للدرجة هذه الدركسون لو تسوق السيفيك تلقاه سهل جدا جدا لدرجة انك ما تحس بمقاومة نهائيا لان وانت تلف الدركسون فيه حساس للحركة وهو مجرد ما يحس باي حركة يبدا يعطي امر للمكينة الكهربائية تشد معك الدركسون

المفروض يكون فيه شوية صعوبة وكانك تسوق دركسون هيدروليكي لاجل تحس شوي بمقاومة الارض في الاطارات وتحس بوضعية الكفرات وانت تسوق

جربها وراح تفهم كلامي

**gogo** · 25-09-2011, 03:09 AM

بسمه تعالى :

يمكن لهوندا أن تصمم تصميمآ أفضل من هذا لو أرادت ...التصميم قريب اموائمة الشعب الهندي إن لم يكن لفئات رجال الأعمال أصحاب الشركات و بعيد كل البعد عن التصميم الشبابي و هذا خطأ فادح وقعت فيه الهوندا و لربما غيرت من سياستها لتستقطب فئات أخرى غير الشباب ....أعجبني تصميم السيراتو من كيا و المديح من قبل الخبراء من جميع أنحاء العالم في القارة الأمريكية و الأوروبية و الآسيوية و حصوله على الكثير من الجوائز ...هذا بسبب إستخدام تصاميم المصمم ذاته لسيارات أودي الألمانية و هي خطوة ذكية من كيا بالرغم من تفوق الهوندا لعامل الجودة بغض النظر عن التصميم و الذي لم يفاجأ الجميع .......و للأسف بسبب الظروف التي مرت بها اليابان من كوارث طبيعية تم الإعتماد على تصميم الطراز الأمريكي ذاته و بنفس قاعدة العجلات أي لا جديد سوى إضافة واجهة جديدة و خلفية جديدة و بدن جديد خلفآ للسابق ....و السعر و إن أعتبر باهضآ بعض الشيء إلا أنه ليس منافسآ و بخاصة إذا ما نظرنا وصول السعر لمقارعة بعض السيارات الفارهة المتوسطة الحجم ....عامل الجودة مهم و هو الذي سينقذ هوندا من مطب التصميم و نظرة الناس هي العامل الأهم و شكرآ .

أهو صعب على هوندا وضع واجهة و خلفية سيفيك si لطراز السيدان

**بلال العلمي** · 25-09-2011, 10:33 PM

المشاركة الأصلية كتبت بواسطة gogo

بسمه تعالى :

يمكن لهوندا أن تصمم تصميمآ أفضل من هذا لو أرادت ...التصميم قريب اموائمة الشعب الهندي إن لم يكن لفئات رجال الأعمال أصحاب الشركات و بعيد كل البعد عن التصميم الشبابي و هذا خطأ فادح وقعت فيه الهوندا و لربما غيرت من سياستها لتستقطب فئات أخرى غير الشباب ....أعجبني تصميم السيراتو من كيا و المديح من قبل الخبراء من جميع أنحاء العالم في القارة الأمريكية و الأوروبية و الآسيوية و حصوله على الكثير من الجوائز ...هذا بسبب إستخدام تصاميم المصمم ذاته لسيارات أودي الألمانية و هي خطوة ذكية من كيا بالرغم من تفوق الهوندا لعامل الجودة بغض النظر عن التصميم و الذي لم يفاجأ الجميع .......و للأسف بسبب الظروف التي مرت بها اليابان من كوارث طبيعية تم الإعتماد على تصميم الطراز الأمريكي ذاته و بنفس قاعدة العجلات أي لا جديد سوى إضافة واجهة جديدة و خلفية جديدة و بدن جديد خلفآ للسابق ....و السعر و إن أعتبر باهضآ بعض الشيء إلا أنه ليس منافسآ و بخاصة إذا ما نظرنا وصول السعر لمقارعة بعض السيارات الفارهة المتوسطة الحجم ....عامل الجودة مهم و هو الذي سينقذ هوندا من مطب التصميم و نظرة الناس هي العامل الأهم و شكرآ .

أهو صعب على هوندا وضع واجهة و خلفية سيفيك si لطراز السيدان

والله صدقت اخي

فعلا الاس اي جميلة جدا ولو ان السيدان بنفس الواجهة كانت بتطلع خياااااااااااااااااااااااااااال

حتى لو كان نفس البودي على الاقل نقول صار فيس لفت حلو ونبلعها لكن من شكل جميل

الى شكل بايخ حقيقة ما ادري ايش فيهم هوندا ؟؟

**alkasr777** · 25-09-2011, 03:34 AM

أعتذر منكم نسيت أرفع صورة الخلفية :d

**السفيك كول** · 05-10-2011, 07:42 AM

مشكور ياخوي على التقرير وماقصرت
بصراحه هوندا فشلت بتصميم السيفيك جدااا بايخ والسعر طاير فوق :p

**AL.maustro** · 06-10-2011, 01:54 PM

الصراحة تصميم فاشل وماتستاهل هالسعر

**هـsiـاجر** · 12-03-2012, 12:04 AM

السيفيك مصخرررة هههههههههه شكلها مو غبي ولا شي

**أكــ97ــورد** · 13-03-2012, 07:05 AM

والله قهر .. الدركسون الكهربائي والعدسات والكمره الخلفيه تجي مع الشكل التعبان هذا !!! .. لو حطوها مع آخر موديل من الشكل الماضي كان صار اجرآآآم والله ..
ننتظر 2013 .. ويارب مايفشلونا
مشكور ياalkasr ..

**alkasr777** · 13-03-2012, 02:48 PM

المشاركة الأصلية كتبت بواسطة أكــ97ــورد

والله قهر .. الدركسون الكهربائي والعدسات والكمره الخلفيه تجي مع الشكل التعبان هذا !!! .. لو حطوها مع آخر موديل من الشكل الماضي كان صار اجرآآآم والله ..
ننتظر 2013 .. ويارب مايفشلونا
مشكور ياalkasr ..

فعلا كلامك صحيح لو انهم ما غيروا الشكل و حطوا هالمواصفات كان طلعت أفضل بكثير
تشرفت بمرورك يا غالي ,,