الموضوع: عرض الموسم من وكالة هوندا ( عبدالله هاشم ) لا يفوتكم

السلام عليكم ورحمة الله وبركاته كيف حال الشباب وكيف الأكورد معكم إن شاء الله تمام إخواني حبيت انقل لكم بشرى سارة للي ناوني يشترون أكورد جديد اليوم وبينما انا في السيارة فتحت الدرج ورايت سند القبض اللي دفعته للمعرض اللي طلعته منه ياااااااااه ياسرع الأيام مرت ثلاث شهور والأكورد معي المهم قلت في نفسي دق عليهم شف وش اخبار الأكور ووش الجديد عندهم سألتهم عن الــــ2007م هل راح تتغير ولا لا ؟ قال لي ما جانا اخبار عنها قلت والوكالة قال والله ماادري:( (المهم تذكرت إني امس جالس اتمشى ولقيت على فروع عبدالله هاشم والوكالة لافته بعنوان *عرض الموسم* سألته هل هناك عرض حقاً قال لي إيه نعم المهم خلاصة الموضوع اللي يبي يشتري اكورد وبجميع فئاتها هذي الأيام من جد امه داعيه له فلا تفوتوا الفرصة وحلاوة الموضوع ان العرض ساري على موديلات 2006 حتى يجي 2007 ياسلام وشتبون اكثر من , آآآآآآآآآآه يالقهر شاريها قبل ثلاث شهور فقط وبـــ88000ريال , وهذي قائمة بالأسعار اللي نقلها لي موظف المعرض :

1. اكورد سياحي القير عادي بـــ 64000ريال , قبل العرض بـــ 67000ريال .
2. اكورد سياحي القير عادي وفتحة سقف بــ 68000ريال , قبل العرض بـــ 71000ريال .
3. اكورد سياحي القير أوتو بـــ 67000ريال , قبل العرض بــــ 70500ريال .
4. اكورد سياحي أوتو وفتحة سقف بـــ 71000ريال , قبل العرض بـــ 76000ريال .
5. اكورد فل كامل 4 سلندر بدون جلد بـــ 80000ريال ,قبل العرض بــــ 83000ريال .
6. اكورد فل كامل 4 سلندر مع الجلد بـــ 85000 ريال , قبل العرض بــــ 88000ريال:( .
7. اكورد فل كامل 6 سلندر ويعتبر القمة بـــ 95000ريال ;) , قبل العرض بــــ 99000ريال .

طبعاً هذا الكلام كله من المعرض ومكانه في شارع المعارض - حي الشفا- الرياض , ياشباب زودوا ألف ريال زيادة عند شرائك الأكورد من الوكالة لان هذي اسعار معرض , سالته قلت له الفل كامل 4 سلندر بـــ85000ريال في الوكالة قال نعم قلت في نفسي مومعقول لأني شاري الأكورد قبل ثلاث شهور وكانت في الوكالة 89000ريال وشكرته على البيانات اللي اعطاني إياه , طبعاً ممكن تستغربون كيف عطاه كل هذي البيانات بقولك ياباب إني أمون عليه لأني مطلع الأكورد من عنده ولازم يعطيني المعلومات كاملة اصبحت عميل خاص هههههههههههههههههههه :d .

طبعاً اتوقع فيه عرض يشمل جميع سيارات هوندا لكن ما سألته إلا عن الأكورد بحكم أن الأكورد الأكثر شعبية بين سيارات هوندا وبحكم إنها سيارتي ويهني اعرف وش اخبارها وكم وصل سعرها , طبعاً للي ما معهم اكورد لما اذكر كلمت سياحي اعرف انه ليس مثل الكورلا:d نوافذ عادية باليد لا إنما (مسجل سي دي , جهاز إنذار , فرامل ABS , وسادة هوائية للسائق , 187حصان ) لكن للتفرقة بين الفل وبينها فقط .

انتهزوا الفرصة ياشباب خصوصا اللي من زمان في نفسهم اكورد :o لكن غالية يالله عطيتكم الأسعر قبل وبعد ;) حتى تفرقون وتعرفون الفرق صحيح انه بسيط لكن كل شيء ينفع صح ولا لا وآسف على الإطالة , سلملم .