شكراً للتجاوب وكلاً له رأيه و وجهة نظره تجاه أي سيارة سواءً ناوي يشتريها ولا هي فقط سيارة أحلامه وهي مش وجه نظر وبس لكن مسألة ذوق تختلف من شخص للثاني شي أكييد
أما وجهة نظري بالنسبة للـBMW وحتى أقل فئة من الفئة الخامسة لا تقارن بالأكورد (الـBMW بمرااااحل أفضل وأجود) و زي ما اتفضلوا الشباب ^^
بس يا شباب (خاصة المتعصبين للأكورد و والله من حقكم) بس ما تشوفوا ومن تجارب و مشاركات بعض الأعضاء اللي في هذا المنتدى خاصة وباقي المنتديات عامة انه كثير يشتكي من عيوب غريبة
(صراحة تخلي اللي يفكر يرتاح ويشتري سيارة يغض النظر في قراره)
وحتى مازدا لها عيوبها اكييد وانا متأكد انه لو في منتدى لسيارات بنتلي و استن مارتن وفيراري ..الخ (واكييد في منتديات بس أغلبها اجنبية) راح يكون فيها مشاكل وعيوب فنية فالكمال لله سبحانه
من ناحية المازدا هي شبابية و مين ما يحب يكون شبابي حتى لو مر عليه قطار الشباب (واعتقد معظم اللي في المنتدى هنا أصغر من 30 سنة وانا منهم) لكن بالفعل الاكورد للجيل الأهدى و الأعقل من الشباب بلا شك
وهذا مايمنع انه كثير طايشين (الله يهديهم) عندهم اكورد و حرام سيارة من هذا النوع تكون عندهم (لأنهم مهم تعبانين فيها) ... ما علينا
لمن سألت بعض الشباب من اللي عندهم المازدا زووم6 2007 وقبل من المحافظين بالعكس يمدحوا السيارة و الوكيل بس اكييد في ناس تشتكى من شي معين في السيارة (من عيوب تصنيعية أو من سوء استخدام) لكن اكييد الوكيل (ولو انك مهتم في سيارتك و ورا حقك) من ابسط حقوقك يزبطلك هيا الوكيل
واعرف شباب كثير فكروا يبيعوا سيارتهم المازدا الحالية عشان الجديدة وللمعلومية اتصلبي واحد من مازدا وقلي ترى سعر السيارة طلع (فأكييد من الاقبال)
أشكركم على التفاعل والردود ولو انكم خرجتوا عن الموضوع بس المنتدى منتداكم و الموضوع موضوعكم وحياكم الله
وتحياتي
رد مع اقتباس
مواقع النشر (المفضلة)