أهلا أهلا .. يوجد موضوع يستحق أن نعقب عليه ..
أول شي .. تراك نسيت تحط لوحه TAXI فوق السياره
رأي شخصي مبدأي :-
الأخ مطنشهم .. ماشاء الله تبارك الله .. مستواك في تطور مذهل .. خطوط تعديلاتك أصبحت أرتب وأوضح من ذي قبل
الخلفيه متعوب عليها والجنط كلام ثاني .. يعني المنظر غير ابداااااااااااااااااااااااع
بس انا ملاحظ وكذا عضو من مواضيع سابقه .. انك تزود التعديل بشكل مبالغ فيه جدا جدا جدا
وفي مثل قديم دايم نسمعه ويمكن أول مثل يمر علينا .. اللي هو ( الشي اذا زاد عن حده انقلب ضده )
وانت ماشاء الله عليك قاعد تطبقه بحذافيره .. وتضيع الموهبه اللي عندك مثال الصوره اللي أمامنا
انا عجبني 3 تعديلات خرافيه .. الخلفيه و الجنوط و الزجاج الأمامي للسياره وبس أما الباقي أعتبره تشويه
لاني اذا جيت اطالع الصوره راح أطالعها بمنظور لو انها كانت قدامي هل راح تعجبني أو لا .. بالتأكيد لا والف لا
والشي الأكيد ما راح أقول .. مطنشهم خابز الفوتوشوب صح ويسوي اي حركه يبيها .. فهمت كيف ..؟؟
يعني تقدر تعدل السياره بشكل مقبول بدون اي تكلف وتطلع احلى من ذي .. صدقني يمكن جنوط وبودي كت وخلفيه
وحركه حركتين ثانيه .. وتطلع فري نايس
ومثل ماقلتلك في البدايه هذا رأي شخصي و حبيت أقوله بكل صدق وأمانه مثل ماطلبت منا في أحد مواضيعك السابقه
ولا من أبسط الأمور اني أسريلك وأقول خطير يامطنشهم وانت التوب ومحد قدك ياحريف وهلم ماجر ..!!
وفي مقوله لأحد القدماء يقول (لقد استفدت من أعدائي أكثر مما انتفعت بأصدقائي، لان أعدائي كانوا يعايرونني ويكشفون لي عن عيوبي و بذلك أتنبه إلى الخطأ فاستدراكه، أما أصدقائي فانهم كانوا يزينون لي الخطأ ويشجعوني عليه... فاللهم احفظني من أصدقائي )
طبعا هالمثل حاله استثنائيه .. وفيه مغزى لسياق الحديث .. ويارب نكون من اصدقائك .. :d
شكرا لك مطنشهم وأرى انك تمتلك موهبه فذه .. من يدري ربما تشكل هذه الموهبه يوما من الأيام باب رزق لك
وقد تعمل في كبريات شركات التصاميم أو لحسابك الخاص أو غيره
تقبل مروري .. وبالتوفيق لكــــ ..