المشاركة الأصلية كتبت بواسطة lambo
أهلا أهلا .. يوجد موضوع يستحق أن نعقب عليه ..
أول شي .. تراك نسيت تحط لوحه TAXI فوق السياره
رأي شخصي مبدأي :-
الأخ مطنشهم .. ماشاء الله تبارك الله .. مستواك في تطور مذهل .. خطوط تعديلاتك أصبحت أرتب وأوضح من ذي قبل
الخلفيه متعوب عليها والجنط كلام ثاني .. يعني المنظر غير ابداااااااااااااااااااااااع
بس انا ملاحظ وكذا عضو من مواضيع سابقه .. انك تزود التعديل بشكل مبالغ فيه جدا جدا جدا
وفي مثل قديم دايم نسمعه ويمكن أول مثل يمر علينا .. اللي هو ( الشي اذا زاد عن حده انقلب ضده )
وانت ماشاء الله عليك قاعد تطبقه بحذافيره .. وتضيع الموهبه اللي عندك مثال الصوره اللي أمامنا
انا عجبني 3 تعديلات خرافيه .. الخلفيه و الجنوط و الزجاج الأمامي للسياره وبس أما الباقي أعتبره تشويه
لاني اذا جيت اطالع الصوره راح أطالعها بمنظور لو انها كانت قدامي هل راح تعجبني أو لا .. بالتأكيد لا والف لا
والشي الأكيد ما راح أقول .. مطنشهم خابز الفوتوشوب صح ويسوي اي حركه يبيها .. فهمت كيف ..؟؟
يعني تقدر تعدل السياره بشكل مقبول بدون اي تكلف وتطلع احلى من ذي .. صدقني يمكن جنوط وبودي كت وخلفيه
وحركه حركتين ثانيه .. وتطلع فري نايس
ومثل ماقلتلك في البدايه هذا رأي شخصي و حبيت أقوله بكل صدق وأمانه مثل ماطلبت منا في أحد مواضيعك السابقه
ولا من أبسط الأمور اني أسريلك وأقول خطير يامطنشهم وانت التوب ومحد قدك ياحريف وهلم ماجر ..!!
وفي مقوله لأحد القدماء يقول (لقد استفدت من أعدائي أكثر مما انتفعت بأصدقائي، لان أعدائي كانوا يعايرونني ويكشفون لي عن عيوبي و بذلك أتنبه إلى الخطأ فاستدراكه، أما أصدقائي فانهم كانوا يزينون لي الخطأ ويشجعوني عليه... فاللهم احفظني من أصدقائي )
طبعا هالمثل حاله استثنائيه .. وفيه مغزى لسياق الحديث .. ويارب نكون من اصدقائك .. :d
شكرا لك مطنشهم وأرى انك تمتلك موهبه فذه .. من يدري ربما تشكل هذه الموهبه يوما من الأيام باب رزق لك
وقد تعمل في كبريات شركات التصاميم أو لحسابك الخاص أو غيره
تقبل مروري .. وبالتوفيق لكــــ ..lambo انا احترم رايك
بس اللي احب اقوله لك
في بدايات مسيرتي الفوتشبيه:d
كنت اعدل تعديل اي كلام وشوي شوي واطور نفسي ومرت سنه وانا انتظر:d
الزبده مرت سنه وصرت افضل من السنه اللي راحت وصرت اعرف اخطائي
ومع الايام صرت اشوف تعديل لي قديم واضحك واشوف تعديل حديث
يعني انت الحين تقول تبي تعديل معقول وواقعي
جنوط تظليل تنزيل الخ
وهذي المرحله انا مليت منها لين صرت اعدل زي كذا وانا مغمض
ومع الايام قلت ابي اطور نفسي
وصرت احط واركب واحوس بالصوره
وانا مسترك في منتدى مختص بهذا المجال ويعلموني وش اخطائي اللي بالتعديل
ومع الايام صرت اعرف اخطائي واحاول اصلحها
لين مليت
وقلت ابي اجيب افكار من عندي واصمم فتحات
واصمم الوجهيه والزوايد
وافخم الرفارف
ومع الايام ماني راضي عن مستواي
يعني ارجع واقول ابي اطور نفسي
لان هذي هوايتي
والشي اللي اسويه وقت فراغي هو التعديل
يعني لو انا بقيت على التعديل الخفيف والواقعي بعتبر نفسي ماسويت شي
لاني بالمنتديات المختصه بالتعديلات اشوف ناس في تقدم بالتعديل وتحس السياره مو نفس اللي عدل عليها
وانا اقول انا الحين مو راضي عن مستواي هذا
وابشرك بالمنتدى المختص بالتعديلات
كنت من المبتدئين 3 سنوات
والحين قبل اسبوع انتقلت الى الممارسن والتعديلات الشبه احترافيه
واطمح لاخر مرحله وهي مرحلة الاحتراف وعلى كذا اكون طورت نفسي
ووصلت الى المراحل الثلاث
وانا لو كنت معنا بالمنتدى وكنت معدل مثلي يمكن تعذرني
وتعلمني اخطائي اللي بالتعديل وتحاول تشجعني على اني اجيب افكار جديده بالتعديل واكثر من التفاصيل
والمبالغه على قولتكم
بس هذي مو مبالغه
ممكن هنا بالمنتدى نادي محبي هوندا تسمونها مبالغه
لكن بالمنتديات المختصه بهذا المجال تشجع على التطوير
واتمنى وصلت الفكره
لاني مقدر بعد 3 سنوات من الهوايه بالتعديل ارجع لسنتين ورى
واعدل تعديلات واقعيه
انشاء الله عذرتوني على المبالغه بالتعديل بالذات lambo
رد مع اقتباس
مواقع النشر (المفضلة)