و الله يا عزيزي لو انت شايف انه هي تهور و انها مرة غالية و ما تستاهل سعرها نصيحة لا تركب.لانه بتكون توقعاتك منها عالية و بتجي تندم كل يوم الصباح اول تشوف سيارتكالمشاركة الأصلية كتبت بواسطة م ج رد حلم
اايوة بالضبط هو الي اقصده
طيب حلو انت تقول عنده مشااكل في سيارته
طيب انا لو تهورت وركبت اقمشه سيراميكية
تضمنوا لي هي لكم؟؟!!!>>لو نحسبها على واحد رجله حاااره
لانه لو مشتني ل50 الف اعتبرها فاشله صرااحه وتكون حقت الوكالة افضل
لانه السيراميكية سعرها مررره غالي
داري اني غثيتك بس لازم اعرف كم شغله مو معقول اركب شي مااعرف عنه شي.بخبرة شخصية اي منتج او سلعة تشتريها و انت معتبرها تردد و تفكر فيها و تضع لها شروط عشان تنجح مثل ما انت تفكر حاليا،اكيد راح تفشل.
انا ودي اعطي لكل الاعضاء هنا ضمان لكن اي عاقل في الدنيا يقولك هذي مواد احتكاك و تعتمد على عوامل كثيرة و بالتالي مستحيل تحصل اي شخص صادق و مخلص في عمله انه يعطيك ضمان على هوبات او اقمشة.
الشي الثاني من ملاحطظاتنا للي جربوا،اول ما يركبوا السيراميك تكون سواقتهم عادية و لكن بعد فترة يعجبهم الاداء و قوة التوقف و يزيد ضغطهم على الفرامل،و مع ذلك يعيش معاهم السيراميك فترة اطول مع انها تتعرض لظروف شاقة جدا.صحيح الشي الطبيعي انك تقارن قماشات الوكالة باي قماشات اخرى لانك اكيد مجرب قماشات الوكالة و عارف عيوبها و مميزاتها،بس قماشات السيراميك تنظلم في الاستخدام غالبا و كمان السيراميك منتج مطور بتقنية رياضية،يعني غير مصمم لراحة السائق و نعومة التوقف و هدوء الاصوات.انت تقدر تقارن قماشات الوكالة بالسيراميكة في قوة التوقف مثلا،او كمية الغبار الصادر...اما اصوات التصفير و غيره فهذي لها اسباب و عوامل تختلف مع الزمن و بالتالي تظهر و تختفي.و عمر القماشات كمان فيه مجال للجدل لان اللي كان يمشي 100 مع السيراميك صار يمشي 140 و اللي كان يضرب فرامل قبل الاشارة ب20 متر صار مع السيراميك يضرب فرامل قبل الاشارة ب5 متر.
لكن كارقام في السوق،اقدر اقولك انه المنتج استمر مع الناس 5 اضعاف و في بعض الاحيان 10 اضعاف.هذا الكلام مثبت و مسجل مع الاخذ في عين الاعتبار اللي انا ذكرته فوق انه اللي ركبوا سيراميك لا شعوريا ضغطوا بشدة على الفرامل و عرضوها لظروف شاقة.
اذا حبيت تقارن الاستهلاط و غيره ممكن تشوف التجربة على الاوريون في منتدى تويوتا.الرجال كان مركب هوبات مخرمة و المعرفو انه الهوبات المخرمة تستهلك قماشات اكثر بسبب انه التخريم يعمل عمل مبشرة الجبنة او البصل و مع ذلك خدمته 10 اضعاف.و خلصها و رجع اشترى من كم يوم طقم جديد.
بالنسبة للصوت،المؤشرات تقول انه الشحنة الاخيرة المتوفرة حاليا و هي نسخة معدلة،مافيها تصفير او عشان نكون دقيقين التصفير في اقل مستوى ممكن.الصوت اللي الاغلب يتكلم عنه هو صوت مثل الخشونة عندما تكون القماشات حارة و يظهر فقط عند استخدام الفرامل.هذا الصوت هو من نفس القماشة و من المواد المصنوعة منها و لكن ليس له اي تاثير على الهوبات.و تقدر تتاكد من كل الاشخاص اللي جربوا،ما في اي احد لاحظ اضرار على الهوب او مشاكل في الهوب من رجة وخلافه حتى مع وجود صوت الخشونة هذا.
بالنسبة للمشاكل في بعض السيارات،انظمة الفرامل مثل يد الانسان،لما تشوفها و تمسكها توضح لك كيف كان السائق يستخدم السيارة.مثل لما تمسك يد شخص و تعرف من خشونتها او نعومتها طبيعة عمل و نسبة اعتنائه بنفسه.كمان تقدر تعرف من لونها اذا كان يعمل في الشمس او في مبنى مكيف.انظمة الفرامل من كليبرات و هوبات و قماشات تستجيب للضغط و التشغيل الشاق و الحرارة بطرق مختلفة،و فقط المتخصصين يقدروا يعرفوا اسباب و عوامل المشاكل و طرق حلها.لما اقولك انه في شخص معين عنده مشكلة،هو صعب اني اشرح لك هنا في كلمتين،لكن في سيارات تجي فيها مشاكل من التصنيع او النقل او التخزين،او انه هذي السيارات طريقة استخدامها و الحرارة اللي تمر فيها او الطرق و الجو اللي تتعرض له اصعب و اقسى من غيرها.
مثال بسيط،نفس قماشات المهندس عمر،من نفس الشحنة انباعت في الرياض لنفس السيارة بس شخص مختلف.الرجال مبسوط منها جدا و ما عنده اي مشاكل.ممكن يكون بيسمع اصوات من وقت لاخر لكن ما اعتبرها فشل مثل ما انت اعتبرتها او الشخص اللي علق على لسان المهندس عمر اعتبرها فشل.
في الاخير،المنتج منتج عادي جدا مثل اي سلعة في السوق،لو كانت توقعاتك منها كبيرة انها تطيرك و توصلك للقمر،اكيد راح تفشل حتى لو كانت ترقص و تغني...لانه ما اعطتك الشي اللي انت تبحث عنه او متوقعه منها.اقدر اقولك المنتج يخدم فترة اطول،يوقف احسن،يحافظ على الهوبات،نظيف على الجنوط و "قد يسبب بعض الاصوات اثناء عملية التوقف".حتقولي طيب فيه صوت ما ابغاها؟اقولك الله معاك،ما اتوقع تلاقي حاجتك فيها...اتوقع انك تبغى تغير فقط لمجرد التجربة و التغيير و اكيد بتجي و تقول المنتج فشل و بتتكلم عن عيوب و تذكر المزايا على استحياء.غالبا الشخص اللي ينجح معاه المنتج شخص عنده مشكلة حقيقية،شخص يقولك سيارتك ما توقف او قماشات ما تعيش.يقولك انا ما عندي مشكلة ادفع اكثر او ما عندي مشكلة يطلع صوت من وقت لاخر بس ما اخسر عمري و عيالي و سيارتي.لكن و مع احترامي للجميع،اول ما يجي شخص يفاصل في السعر و يشكك في المنتج و يتشرط كيلومترات معينة او يطلب ضمان،نعرف في داخلنا انها حتكون تجربة فاشلة.
الخلاصة،نصيحة لا تجرب المنتج.اكيد بيظهر شخص كان عنده مشكلة حقيقية مثل الاخر اللي كتب تجربته في القسم و بتسمع منه كل خير ان شاء الله.
رد مع اقتباس
مواقع النشر (المفضلة)